ວັນຈັນ, 19 ພະຈິກ 2018

ເມືອງລະມາມ ເຜີຍແຜ່ກົດໝາຍກ່ຽວກັບວຽກງານ ຍທຂ • ຂ່າວ : ໜູໄຊ

ເມືອງລະມາມ ເຜີຍແຜ່ກົດໝາຍກ່ຽວກັບວຽກງານ ຍທຂ
•    ຂ່າວ : ໜູໄຊ
(ເຊກອງ,ວັນທີ 12/10/2018) * ກອງປະຊຸມເຜີຍແຜ່ກົດໝາຍກ່ຽວກັບວຽກງານໂຍທາທິການ ແລະຂົນສົ່ງ (ຍທຂ) ໄດ້ຈັດຂຶ້ນຢ່າງເປັນທາງການໃນຕອນເຊົ້າຂອງວັນທີ 11 ຕຸລາ 2018 ທີ່ສະໂມສອນ ຫ້ອງ ວ່າການເມືອງລະມາມ, ຊຶ່ງເປັນກຽດເຂົ້າຮ່ວມມີທ່ານ ນາງ ຄຳເສັງ ທຸມມະວົງສາ ຮອງເຈົ້າເມືອງໆລະມາມ, ທ່ານ ຕຸລາວັນ ວົງໄຊ ຮອງຫົວໜ້າພະແນກໂຍທາທິການ ແລະຂົນສົ່ງແຂວງ, ບັນດາທ່ານຄະນະປະ ຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫ້ອງການ, ອົງການທຽບເທົ່າ, ພະນັກງານວິຊາການ ແລະຂະແໜງການທີ່ກ່ຽວຂ້ອງເຂົ້າຮ່ວມ. ກອງປະຊຸມໃນຄັ້ງນີ້ຜູ້ເຂົ້າຮ່ວມ ໄດ້ຮັບຟັງການເຜີຍ ແຜ່ກົດ ໝາຍ ແລະນິຕິກຳຕ່າງໆທີ່ສຳຄັນກ່ຽວກັບວຽກງານ ໂຍທາທິການ ແລະຂົນສົ່ງເປັນຕົ້ນແມ່ນກົດໝາຍວ່າດ້ວຍຜັງເມືອງ, ລະບຽບການວາງຜັງເມືອງ; ກົດໝາຍວ່າດ້ວຍການກໍ່ສ້າງ, ລະບຽບຄຸ້ມຄອງການ ປຸກ ສ້າງ ແລະ ເອກະສານຕົວຢ່າງການອອກແບບລະອຽດຂອງເສັ້ນທາງໃນເທສະບານເມືອງລະມາມ, ກົດໝາຍວ່າດ້ວຍທາງຫຼວງ, ລະບຽບການຄຸ້ມຄອງທາງຫຼວງ. ໂດຍຈຸດປະສົງຂອງ ການເຜີຍແຜ່ກົດໝາຍ ດັ່ງ ກ່າວແມ່ນເພື່ອເປັນບ່ອນອີງໃນການພັດທະນາແລະການຄຸ້ມຄອງຕົວເມືອງ, ທັງເປັນການກຳນົດຫຼັກການ, ລະບຽບການແລະມາດຕາການໃນການຕິດຕາມກວດກາຜັງເມືອງ ໃຫ້ຖືກຕ້ອງ-ສອດຄ່ອງ, ເປັນລະ ບົບ ແລະ ມີປະສິດທິຜົນສູງ ແນໃສ່ຮັບປະກັນການວາງແຜນ ແລະການພັດທະນາຕົວເມືອງ ໃຫ້ມີຄວາມສົມດຸນ, ຄວາມສະດວກ, ຄວາມສະຫງົບ, ຄວາມປອດໄພໃນດ້ານຕ່າງໆ, ຄວາມເປັນລະບຽບຮຽບຮ້ອຍ, ຄວາມສວຍງາມ, ຖືກຫຼັກສຸຂະອະນາໄມ, ຮັກສາສະພາບແວດລ້ອມຢ່າງໝັ້ນຄົງ ແລະຍາວນານ. ນອກນີ້ຍັງເປັນການປັກປັກຮັກສາສະຖາປັດຕະຍະກຳບູຮານນະສະຖານ ມໍລະດົກທາງວັດທະນາທຳ,ປະຫວັດສາດ ແລະ ທຳມະຊາດ ເຊື່ອມໂຍງກັນຢ່າງເປັນລະບົບຄົບຊຸດ ສາມາດຕອບສະໜອງຄວາມຮຽກຮ້ອງຕ້ອງການ ໃນການພັດທະນາຕົວເມືອງ ແລະ ຊົນນະບົດຕິດພັນ ກັບການ ຍົກລະດັບຄຸນນະພາບຊີວິດ ແລະ ການເຄື່ອນໄຫວຂອງສັງຄົມປະກອບສ່ວນເຂົ້າໃນການພັດທະນາເສດຖະກິດ-ສັງຕົມແຫ້ງຊາດໃຫ້ມີຄວາມສີວິໄລເປັນກ້າວໆ. ຈາກນັ້ນ ກອງປະຊຸມກໍ່ໄດ້ພ້ອມກັນປະກອບຄຳຄິດເຫັນ ຖາມ-ຕອບ ຂໍ້ຂ້ອງໃຈ ຢ່າງ ກົງໄປກົງມາ. ທັງນີ້ກໍ່ເພື່ອໃຫ້ບັນດາພາກສ່ວນທີ່ກ່ຽວຂ້ອງເຂົ້າໃຈເລິກເຊິ່ງກ່ຽວກັບລະບຽບການຕ່າງໆໃນການພັດທະນາປະເທດຊາດ ບ້ານເມືອງ ໃຫ້ຖືກຕ້ອງ ແລະ ສອດຄ່ອງ ຕາມກົດໝາຍກຳນົດໄວ້ຢ່າງ ເຂັ້ມງວດ.ໂອກາດດັ່ງກ່າວທ່ານ ນາງ ຄຳເສັງ ທຸມມະວົງສາ ຮອງເຈົ້າເມືອງໆລະມາມ ກໍໄດ້ເນັ້ນໃຫ້ຄະນະພັກ-ການຈັດຕັ້ງແຕ່ລະຂັ້ນຈົ່ງພ້ອມກັນກຳເອົາ ນື້ອໃນຈິດໃຈຂອງກົດໝາຍ ດັ່ງກ່າວໄປເຜີຍແຜ່ລົງໃຫ້ ປະຊາຊົນບັນດາເຜົ່າໄດ້ຮັບຮູ້ເຂົ້າໃຈ ແລະພ້ອມກັນຈັດຕັ້ງປະຕິບັດໄດ້, ທັງນີກໍ່ເພື່ອເຮັດໃຫ້ບ້ານເມືອງມີຄວາມເປັນລະບຽບຮຽບຮ້ອຍ, ມີຄວາມສວຍສົດງົດງາມ ແລະເປັນ ການຈັດສັນພູມລຳເນົາໃຫ້ມີຄວາມ ຍືນຍົງໝັ້ນຄົງ ແລະນຳໃຊ້ໄດ້ຍາວນານ. ຖ້າຍົກລະດັບ ດ່ານດາກຕະອອກ ຂຶ້ນເປັນດ່ານສາກົນຈະເປັນອີກເງື່ອນໄຂໜຶ່ງໃນການພັດທະນາແຂວງເຊກອງຂະຫຍາຍຕົວໄວຂຶ້ນ.
•    ໂດຍ: ພ.ສີຫາວົງ
    ປະຈຸບັນນີ້ ສະພາບການຜະລິດກະສິກໍາ ( ການປູກ-ການລ້ຽງ ) ເປັນສິນຄ້າຂອງປະຊາຊົນ ຢູ່ພາຍໃນແຂວງເຊກອງ ກໍຄືຢູ່ຕາມແລວທາງ 16B  ມີລັກສະນະຂະຫຍາຍຕົວຢ່າງກວ້າງຂວາງ ແລະເພີ່ມຂຶ້ນ ເປັນ ຕົ້ນແມ່ນຂະບວນການລ້ຽງສັດ, ປູກກາເຟ, ພືດຜັກ, ມັນຕົ້ນ ແລະປູກສາລີ, ພ້ອມນີ້ແຂວງເຊກອງ ຍັງມີຄວາມອຸດົມສົມບູນທາງດ້ານຊັບພະຍາກອນທໍາມະຊາດ ທີ່ເປັນທ່າແຮງຂອງແຂວງ ໂດຍສະເພາະ ແມ່ນດ້ານພະລັງງານ ແລະແຮ່ທາດ ແລະການບໍລິການການທ່ອງທ່ຽວ ແລະອື່ນໆ ຈຶ່ງມີຄວາມຈໍາເປັນໃນການຂະຫຍາຍຕະຫຼາດພາຍໃນອອກສູ່ຕ່າງປະເທດ ແຕ່ການແລກປ່ຽນຊື້-ຂາຍ, ການຈໍລະຈອນ ຂົນສົ່ງ ສິນຄ້າເຂົ້າ-ອອກ ຂອງປະຊາຊົນບັນດາເຜົ່າ, ນັກທ່ອງທ່ຽວ ກໍຄືນັກທຸລະກິດຜູ້ປະກອບການພາຍໃນ ແລະຕ່າງປະເທດ ຍັງພົບຄວາມຫຍຸ້ງຍາກຫຼາຍດ້ານ ໂດຍສະເພາະການ ອໍານວຍຄວາມ ສະດວກ, ຂອດການ ບໍລິຫານດ້ານຕ່າງໆຂອງດ່ານ ຍັງຢູ່ໃນຂອບເຂດຈໍາກັດຢູ່ ບໍ່ທັນເປີດກວ້າງເທົ່າທີ່ຄວນ ( ບໍ່ທັນເປັນດ່ານສາກົນ ); ສະນັ້ນ ຖ້າຍົກລະດັບດ່ານດາກຕະອອກເປັນດ່ານສາກົນ ຈະເປັນເງື່ອນໄຂ ເອື້ອອໍານວຍຄວາມ ສະດວກໃຫ້ແກ່ການພັດທະນາເສດຖະກິດ-ສັງຄົມຂອງແຂວງເຊກອງຂະຫຍາຍຕົວຢ່າງຕໍ່ເນື່ອງ.
      ທ່ານ ຄຳເຜີຍ ບຸດດາວຽງ ເຈົ້າແຂວງເຊກອງໃຫ້ຮູ້ວ່າ: ຖ້າຫາກດ່ານແຫ່ງຊາດແຫ່ງນີ້ ໄດ້ຍົກລະດັບຂຶ້ນເປັນດ່ານສາກົນ ກໍຈະເຮັດໃຫ້ການພັດທະນາເສດຖະກິດຂອງແຂວງມີຈັງຫວະຂະຫຍາຍຕົວໄວຂຶ້ນ ໄປຄຽງຄູ່ກັບການພັດທະນາຂົງເຂດສັງຄົມ-ວັດທະນະທໍາທີ່ໝັ້ນຄົງເຂັ້ມແຂງ ຕິພັນກັບການສົ່ງເສີມການທ່ອງທ່ຽວດ້ານຕ່າງໆທີ່ຫຼາກຫຼາຍ, ທັງນີ້ກໍເນື່ອງຈາກດ່ານດັ່ງກ່າວມີເສັ້ນທາງຫຼວງແຫ່ງຊາດ 16B ເປັນ ເສັ້ນທາງທີ່ຜ່ານແຂວງເຊກອງ ອອກໄປສູ່ເມືອງດາກຈຶງ ແລະ ເຊື່ອມຕໍ່ຊາຍແດນຫວຽດນາມ ຊຶ່ງມີຄວາມຍາວທັງໝົດ 121,23 ກິໂລແມັດ, ທັງເປັນເສັ້ນທາງອອກສູ່ທະເລນໍ້າເລິກ ນະຄອນດາໜັງ ສສ ຫວຽດນາມ ມີໄລຍະທາງພຽງແຕ່ 250 ກິໂລແມັດ ແລະເປັນເສັ້ນທາງເຊື່ອມຕໍ່ແລວເສດຖະກິດຕາເວັນອອກ ກັບຕາເວັນຕົກ (ອອກຈາກ ສສ ຫວຽດນາມ ຜ່ານລາວໄປສູ່ປະເທດໄທ ) ຊຶ່ງເປັນ ທາງຜ່ານ ທີ່ມີ ໄລຍະສັ້ນທີ່ສຸດ ທັງເປັນການປະຢັດເວລາໃຫ້ສັ້ນລົງ ແລະປະຢັດການໃຊ້ຈ່າຍງົບປະມານໃນການຂົນສົ່ງສິນຄ້າອີກດ້ວຍ,ສະນັ້ນຈຶ່ງເປັນການສ້າງເງື່ອນໄຂອັນຈໍາເປັນໃຫ້ແກ່ການພັດທະນາ ຂອງແຂວງ ໂດຍສະ ເພາະແມ່ນສ້າງເງື່ອນໄຂອໍານວຍຄວາມສະດວກໃຫ້ແກ່ການເຫັບຮັກສາສິນຄ້າ, ການຂົນສົ່ງເຄື່ອນຍ້າຍສິນຄ້າ ແລະສົ່ງອອກ-ນໍາເຂົ້າສິນຄ້າ, ພ້ອມນີ້ຍັງອໍານວຍຄວາມສະດວກດ້ານຕ່າງໆ, ສ້າງສິ່ງຈູງໃຈ ແລະ ການບໍລິການທີ່ດີ ເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດທີ່ນັບມື້ຈະເພີ່ມຂຶ້ນເລື້ອຍໆ,ທັງເປັນການສ້າງເງື່ອນໄຂອໍານວຍຄວາມສະດວກໃນການບໍລິການດ້ານຕ່າງໆໃຫ້ແກ່ພົນລະເມືອງ ທັງພາຍ ໃນ ແລະ ຕ່າງປະເທດ ໄປ-ມາສະດວກວ່ອງໄວ ແລະປອດໄພ ທັງສາມາດດຶງດູດນັກທຸລະກິດຜູ້ປະກອບການຈາກຕ່າງປະເທດ ເຂົ້າມາລົງທຶນເພີ່ມຂຶ້ນຢູາໃນແລວທາງ 16Bຊຶ່ງເປັນການ ສ້າງອາ ຊີບວຽກ ເຮັດງານທໍາທີ່ຢັ້ງຢືນ,ສາມາດສ້າງລາຍຮັບເພີ່ມຂຶ້ນເຮັດໃຫ້ຊີວິການເປັນຢູ່ຂອງປະຊາຊົນນັບມື້ດີຂຶ້ນເພື່ອແກ້ໄຂຄວາມທຸກຍາກຂອງປະຊາຊົນບັນດາເຜົ່າເທື່ອລະກ້າວ.ທັງນີ້ເພື່ອເປັນການຕອບສະໜອງຄວາມຮຽກຮ້ອງຕ້ອງການໃນການທໍາມາຄ້າຂາຍຂອງປະຊາຊົນ, ການຄົມມະນາຄົມຂົນສົ່ງສິນຄ້າພາຍໃນ ແລະຕ່າງປະເທດຕາມແລວທາງເສດຖະກິດຕາເວັນອອກ-ຕາເວັນຕົກ ໃຫ້ສະດວກວ່ອງໄວຂືຶ້ນ ຕິດພັນກັບການສົ່ງເສີມການບໍລິການ-ການທ່ອງທ່ຽວດ້ານຕ່າງໆ; ດ້ວຍ ເຫດນີ້ຈຶ່ງເໝາະສົມທີ່ສຸດໃນການຍົກລະດັບ ດ່ານດາກຕະອອກ ເມືອງດາກຈຶງ ຂຶ້ນເປັນດ່ານສາກົນ.