ວັນຈັນ, 19 ພະຈິກ 2018

ຍົກລະດັບການປະຕິບັດກົດໝາຍການຕ້ານສະກັດກັ້ນການຟອກເງິນ ແລະການສະໜອງທຶນໃຫ້ແກ່ການກໍ່ການຮ້າຍ

 

•    ໂດຍ : ນາລີວັນ ພາບ: 9924
         ສໍານັກງານ ຂໍ້ມູນຕ້ານ ການຟອກເງິນ ເຊິ່ງເປັນກອງເລຂາ ໃຫ້ແກ່ຄະນະກໍາມະການແຫ່ງຊາດ ເພື່ອຕ້ານ ການຟອກເງິນ ແລະ ສະໜອງທຶນ ໃຫ້ແກ່ການກໍ່ການຮ້າຍ ຮ່ວມກັບອົງການ ຕຸລາການ, ອົງການ ສືບສວນ-ສອບສວນ ( ກະຊວງປ້ອງກັນຄວາມສະຫງົບ, ກະຊວງປ້ອງກັນປະເທດ ), ກະຊວງການເງິນ, ກະຊວງກະສິກໍາ ແລະ ປ່າໄມ້, ອົງການກວດກາ ລັດຖະບານ, ອົງການໄອຍະການ ປະຊາຊົນສູງສຸດ, ສານປະຊາຊົນສູງສຸດ ແລະ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ໄດ້ຈັດຝຶກອົບຮົມ ການຈັດຕັ້ງປະຕິບັດ ກົດ ໝາຍວ່າດ້ວຍ ການຕ້ານສະກັດກັ້ນການຟອກເງິນ ແລະ ການສະໜອງທຶນ ໃຫ້ແກ່ ການຮ້າຍ (AML/CFT) ເຂົ້າໃນຂະບວນການ ສືບສວນ-ສອບສວນ ຄະດີການກະທໍາຜິດ ຕົ້ນ ທີ່ຕິດພັນ ກັບສະຖານ ການຟອກເງິນ ແລ ະສະໜອງທຶນ ໃຫ້ແກ່ການກໍ່ການຮ້າຍ ໃຫ້ເຈົ້າໜ້າທີ່ ສືບສວນ-ສອບສວນ ແຂວງເຊກອງ.
        ຊຸດອົບຮົມ ໄດ້ຈັດຂຶ້ນ ໃນຕອນເຊົ້າ ວັນທີ 17 ຕຸລາ 2018 ທີ່ສະໂມສອນ ຫ້ອງວ່າການ ຄອງແຂວງເຊກອງ ໂດຍມີຜູ້ເຂົ້າຮ່ວມ ທີ່ມາຈາກອົງການ ຕຸລາການ ແລະ ອົງການ ສືບສວນ-ສອບສວນ ແຂວງເຊກອງ 50 ກວ່າທ່ານ ຊຸດຝຶກອົບຮົມ ຈະດໍາເນີນໄປເປັນເວລາ 1 ວັນເຕັມ ໂດຍຈະໄດ້ເນັ້ນໃສ່ການຈັດຕັ້ງປະຕິບັດກົດໝາຍວ່າດ້ວຍການຕ້ານສະກັດກັ້ນການຟອກເງິນ ແລະ ການສະໜອງ ທຶນໃຫ້ແກ່ ການຮ້າຍ (AML/CFT) ເຂົ້າໃນ ຂະບວຮການ ສືບສວນ-ສອບສວນ ຄະດີການກະທໍາຜິດຕົ້ນ ທີ່ຕິດພັນ ກັບສະຖານ ການຟອກເງິນ ແລະ ສະໜອງທຶນ ໃຫ້ແກ່ການກໍ່ການຮ້າຍ ໃຫ້ເຈົ້າໜ້າທີ່ ສືບ ສວນ-ສອບ ສວນ ແຂວງເຊກອງ.
         ທັງນີ້, ກໍເພື່ອເປັນການຈັດຕັ້ງປະຕິບັດ ໜ້າທີ່ວຽກງານ ການຕ້ານການຟອກເງິນ ແລະ ສະໜອງທຶນ ໃຫ້ແກ່ການກໍ່ການຮ້າຍ ເຊິ່ງ ເປັນວຽກໃໝ່ ແລະ ທ້າທາຍ ສໍາລັບ ສປປ ລາວ, ເພື່ອຈັດຕັ້ງປະຕິບັດ ມາດຖານ ສາກົນໃນການສະກັດກັ້ນ ແລະ ຕ້ານການຟອກເງິນ ແລະ ສະ ໜອງທຶນ ໃຫ່ແກ່ການ ກໍ່ການຮ້າຍ ທີ່ ສປປ ລາວ ກໍຄືຜູ້ຈັດຕັ້ງປະຕິບັດ ວຽກງານຕົວຈິງ ໂດຍສະເພາະ ອົງການ ສືບສວນ-ສອບສວນ ແຂວງ ເຊກອງ ມີຄວາມເຂົ້າໃຈ ຢ່າງເລິກເຊິ່ງ ເພື່ອນໍາໄປ ຜັນຂະຫຍາຍ ແລະ ໝູນໃຊ້ ໃນການປະຕິບັດ ວຽກງານຕົວຈິງ ໃຫ້ມີປະສິດທິຜົນ ສູງຂຶ້ນ ກວ່າເກົ່າ.