ວັນອັງຄານ, 16 ຕຸລາ 2018

1 ປີກັບການພັດທະນາວຽກງານ ຖວທ ເຊກອງມີທ່າອ່ຽງດີຂຶ້ນ

 

          

             ໃນໄລຍະຜ່ານມາ ອຳນາດການປົກຄອງທຸກຂັ້ນ ກໍຄືຄະນະພັກ, ຄະນະພະແນກ ໄດ້ເອົາໃຈໃສ່ຊີ້ນຳ-ນຳພາ ຢ່າງໄກ້ຊິດຕິດແທດ,ໄດ້ສຸມທຸກສະຕິປັນຍາ ແລະ ທຶນຮອນເຂົ້າໃນການພັດທະນາ ວຽກງານ ຖວທ ຢ່າງຕໍ່ເນື່ອງ ໂດຍສະເພາະ ໄດ້ປັບປຸງວັດຖຸເຕັກນິກ ຮັບໃຊ້ຈໍານວນໜຶ່ງ ໃຫ້ມີຄວາມທັນສະໄໝ ປະກອບສ່ວນເຂົ້າໃນ ການເປັນກະບອກສຽງ ອັນແຫຼມຄົມໃນການໂຄສະນາ ເຜີຍແຜ່ຂໍ້ມູນຂ່າວສານ ໃຫ້ວ່ອງໄວ ທັນເຫດການ , ເຮັດໃຫ້ປະຊາຊົນມີຄວາມຮັບຮູ້ ແລະ ເຂົ້າໃຈເຊື່ອມຊືມ ຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ທັງເປັນການເຜີຍແຜ່ ຮັກສາມູນເຊື່ອວັດທະນະທຳ ອຫນດີງາມຂອງຊາດ ຂອງເຜົ່າ, ເອົາໃຈໃສ່ພັດທະນາ ພື້ນຖານໂຄງລ່າງ ດ້ານການທ່ອງທ່ຽວຈຳນວນໜຶ່ງ ເພື່ອເປັນການດຶງດູດນັກທ່ອງທ່ຽວ ໃຫ້ເຂົ້າມາທ່ຽວແຂວງເຊກອງຫຼາຍຂຶ້ນ ທັງເປັນການສ້າງລາຍຮັບ ໃຫ້ແກ່ປະຊາຊົນ ເຮັດໃຫ້ຊີວິດການເປັນຢູ່ ຂອງເຂົາເຈົ້າ ໄດ້ຮັບການພັດທະນາດີຂຶ້ນເປັນກ້າວໆ, ທັງໝົດນີ້ໄດ້ສ້າງເງື່ອນໄຂໃຫ້ວຽກງານ ຖວທ ຂະຫຍາຍຕົວດີຂຶ້ນເລື້ອຍໆ. ທ່ານ ຈັນໄທ ຄຳມະນີວົງ ຮອງຫົວໜ້າພະແນກ ຖວທ ໄດ້ລາຍງານຕໍ່ກອງປະຊຸມວຽກງານ ຖວທ ປະຈຳປີ 2017 ໃຫ້ຮູ່ວ່າ: ໃນໄລຍະ 1 ປີຜ່ານມາ ຄະນະພັກ-ຄະນະພະແນກໄດ້ເອົາໃຈໃສ່ ໃນການສຶກສາອົບຮົມການເມືອງ ແນວຄິດ ໃຫ້ແກ່ຖັນແຖວ ສະມະຊິກພັກ-ພະນັກງານລັດຖະກອນ ຢ່າງເປັນຜົກກະຕິຕໍ່ເນື່ອງ, ເປີດກວ້າງການພົວພັນ ຮ່ວມມືກັບຕ່າງປະເທດ ເປັນຕົ້ນໄດ້ພົບປະແລກປ່ຽນ ບົດຮຽນດ້ານຖະແຫຼງຂ່າວ-ສື່ມວນຊົນ ແລ ຫໍພິພິທະພັນແຂວງບິ້ງດິ້ງ ແລະ ແຂວງກວາງນາມ ສສ ຫວຽດນາມ ຊຶ່ງໄດ້ເຊັນບົດບັນທຶກ ຊ່ວຍຈຳເພີ່ມທະວີການພົງພັນຮ່ວມມືກັນໃນຂົງເຂດວຽກງານດດັ່ງກ່າວໃຫ້ຫຼາຍຂຶ້ນ, ໄດ້ສົ່ງພະນັກງານໄປຍົກລະດັບວິຊາສະເພາະໄລຍະສັ້ນ-ຍາວ ຢູ່ພາຍໃນ ແລະຕ່າງປະເທດ ຈຳນວນ 2ຄົນ,ໄດ້ປະເມີນຜົນພະນັກງານ-ລັດຖະກອນປະຈໍາປີ 2017 ຊຶ່ງມີຜູ້ທີ່ມີຜົນງານດີເດັ່ນຈົນສາມາດໄດ້ຮັບໃບຍ້ອງຍໍເຈົ້າແຂວງ 47 ຄົນ, ຍິງ 22 ຄົນ, ໃບຊົມເຊີຍ 10 ຄົນ, ຍິງ 7 ຄົນ, ໄດ້ຈັດຕັ້ງຜັນຂະຫຍາຍຄໍາສັ່ງຂອງເຈົ້າແຂວງສະບັບເລກທີ 13/ຈຂ, ຊກ ປະຕິບັດຕາມການແບ່ງຂັ້ນຄຸ້ມຄອງລະຫວ່າງພະແນກ ແລະຫ້ອງການ ຖວທ ບັນດາເມືອງ ໂດຍສະເພາະຂັ້ນຄຸ້ມຄອງ, ອອກອະນຸຍາດ,ການເກັບລາຍຮັບວິຊາການ, ໄດ້ສຳເລັດການຕິດຕັ່ງໂທລະໂຄ່ງໃຫ້ ບ້ານ 3 ສ້າງໃໝ່ຈໍານວນໜຶ່ງ, ມອບເຄື່ອງດົນຕີພື້ນເມືອງໃຫ້ 4 ບ້ານ ທັງນີ້ເພື່ອເປັນການອະນຸລັກ ແລະສົ່ງເສີມວັດທະນະທຳຮິດຄອງປະເພນີອັນດີງາມທີ່ເປັນເອກະລັກຂອງເຜົ່າໃຫ້ຍືນຍົງຕໍ່ໄປ. ດ້ານວຽກງານວິຊາສະເພາະໄດ້ສຸມໃສ່ເຮັດໜ້າທີ່ເປັນກະບອກສຽງໂຄສະນາເຜີຍແຜ່ແນວທາງນະໂຍບາຍຂອງພັກ ແລະລະບຽບກົດໝາຍຂອງລັດ ແລະແຜນພັດທະນາຮອບດ້ານໃນທຸກຂົງເຂດວຽກງານຂອງລັດລົງສູ່ປະຊາຊົນ ໃນນີ້, ວຽກງານຖະແຫຼງຂ່າວ-ສື່ມວນຊົນສາມາດເກັບກໍາ ແລະຜະລິດຂ່າວໄດ້ທັງໝົດ 2.077 ຂ່າວ ໃນນີ້, ສື່ສິ່ງພິມຜະລິດໄດ້ 530 ຂ່າວ ເທົ່າກັບ 132.5%, ຜະລິດບົດໄດ້ 43 ບົດ ເທົ່າກັບ 44.79%; ວິທະຍຸຜະລິດໄດ້ 1.547 ຂ່າວ ເທົ່າກັບ 128.91%, ຜະລິດບົດໄດ້ 200 ບົດ ເທົ່າກັບ 238.09% ແລະຜະລິດຂ່າວທາງໂທລະພາບໄດ້ຈໍານວນໜຶ່ງ; ໃນນີ້ໄດ້ໂຄສະນາເຜີຍແຜ່ການອະນຸລັກຮັກສາວັດທະນະທຳອັນດີງາມຂອງຊາດຊອງເຜົ່າ,ຊຸກຍູ້ສົ່ງເສີມບຸນປະເພນີ, ສີລະປະການສະແດງຢ່າງເປັນຂະບວນກວ້າງຂວາງໃນທົ່ວແຂວງ, ອັນພົ້ນເດັ່ນໄດ້ແລກປ່ຽນສີລະປະວັດທະນະທຳກັບ ສສ ຫວຽດນາມໃນການສະເຫຼີມສະຫຼອງສອງວັນປະຫວັດສາດ, ຈັດງານປະກວດນາງສາວເຊກອງ,ຂະບວນແຮ່ນາງສັງຂານ, ຊູກຍູ້ວຽກງານການສ້າງຄອບຄົວວັດທະນະທຳໄດ້ທັງໝົດ 2.134 ຄອບຄົວ, ບ້ານວັດທະນະທຳໄດ້ 8 ບ້ານ ທຽບໃສ່ແຜນປະຕິບັດໄດ້ 100%, ທົ່ວແຂວງມີບ້ານວັດທະນະທຳທັງໝົດ 133 ບ້ານ ກວມ 66,5% ແລະຄອບຄົວວັດທະນະທຳທັງໝົດ 14.801 ຄອບຄົວ ກວມເອົາ 75% ຂອງຄອບຄົວທົ່ວແຂວງເອົາໃຈໃສ່ໃນການຄຸ້ມຄອງມໍລະດົກດ້ວຍກົດໝາຍ, ແຕ່ງຕັ້ງຄະນະກໍາມະການຮັບຜິດຊອບແລະຂຶ້ນທະບຽນມໍລະດົກຂັ້ນແຂວງ ເພື່ອກະກຽມຂຶ້ນທະບຽນມໍລະດົກທ້ອງຖິ່ນທາງດ້ານວັດທະນະທຳ, ທຳມະຊາດ ແລະປະຫວັດສາດ. ນອກນີ້ໄດ້ຄົ້ນຄວ້າແຜນພັດທະນາການທ່ອງທ່ຽວ ແລະສ້າງສິ່ງເອື້ອອຳນວຍຄວາມສະດວກ ເຊິ່ງທົ່ວແຂວງ ມີແຫຼ່ງທ່ອງທ່ຽວທັງໝົດ 37 ແຫ່ງຄື:ແຫຼ່ງທ່ອງທ່ຽວທຳມະຊາດ 19 ແຫ່ງ, ວັດທະນະທຳ 6 ແຫ່ງ, ແຫຼ່ງທ່ອງທ່ຽວປະຫວັດສາດ 9 ແຫ່ງ ແລະແຫຼ່ງທ່ອງທ່ຽວກະສິກຳ 3 ແຫ່ງ,ໃນນີ້ມີແຫຼ່ງທ່ອງທ່ຽວທີ່ໄດ້ຮັບການພັດທະນາ ແລະບໍລິການແລ້ວຈຳນວນ 4 ແຫ່ງ, ແຫຼ່ງທ່ອງທ່ຽວແບບປະຊາຊົນມີສ່ວນຮ່ວມ 1 ແຫ່ງ, ຊຸກຍູ້ໃຫ້ເອກະຊົນເຂົ້າມາພັດທະນາແຫຼ່ງທ່ອງທ່ຽວຕາດຫົວຄົນ,ຕາດແຝກ ແລະຕາດໄມ້ເຮ້ຍ ແລະກໍ່ສ້າງເສັ້ນທາງເຂົ້າແຫຼ່ງທ່ອງທ່ຽວ, ຂຽນແຜນພັດທະນາການທ່ອງທ່ຽວລະດັບພາກໂດຍສຸມໃສ່ບັນດາຈຸດເຊື່ອມຕໍ່ຕາມເສັ້ນທາງຍຸດທະສາດ ແລວເສດຖະກິດເໜືອ-ໃຕ້ແລວເສດຖະກິດຕາເວັນອອກ-ຕາເວັນຕົກຕາມຄຳຂັວນ ເສັ້ນທາງສະຫວັນທຳມະຊາດພາກໃຕ້; ໄດ້ເຂົ້າຮ່ວມການສຳຫຼວດເກັບກຳຂໍ້ມູນພັດທະນາວຽກງານ ຖວທ ເຂດພູພຽງບໍລະເວນຕາມແຜນພັດທະນາຂອງລັດຖະບານ, ຈັດຊຸດອົບຮົມໃຫ້ຫົວໜ່ວຍທຸລະກິດໂຮງແຮມ,ເຮືອນພັກ, ຜູ້ປະກອບການດ້ານທ່ອງທ່ຽວ ແລະປະຊາຊົນບ້ານທີ່ມີແຫຼ່ງທ່ອງທ່ຽວ 6 ບ້ານເປົ້າໝາຍໃຫ້ກ້າວໄປສູ່ມາດຕະຖານ, ເຊິ່ງທົ່ວແຂວງມີໂຮງແຮມ 10 ແຫ່ງ, ເຮືອນພັກ 33 ແຫ່ງ, ຣີສອດ 3 ແຫ່ງ, ມີຫ້ອງນອນທັງໝົດ 571 ຫ້ອງ,ສາມາດຮອງຮັບແຂກມາພັກແຮມໄດ້ 650 ຄົນຕໍ່ຄືນ, ມີຮ້ານອາຫານ 16 ແຫ່ງ, ຮ້ານບັນເທີງ 7 ແຫ່ງ, ຄາຣາໂອເກະ 22 ແຫ່ງ, ແລະຮ້ານກິນດື່ມ 29 ແຫ່ງ ສິ່ງຮອງຮັບທັງໝົດນີ້ແມ່ນສາມາດສ້າງເງື່ອນໄຂທີ່ສາມາດດຶງດູດນັກທ່ອງທ່ຽວເຂົ້າມາທ່ອງທ່ຽວແຂວງເຊກອງຈຳນວນບໍ່ໜອ້ຍເຊີ່ງໃນປີ 2017ມີນັກທ່ອງທ່ຽວເຂົ້າມາທ່ອງທ່ຽວທັງໝົດ 38.429 ຄົນ, ເພີ່ມຂຶ້ນຈາກປີກາຍ 4.407 ຄົນ ສາມາດສ້າງລາຍຮັບໄດ້ 7,6 ໂດລາສະຫະລັດ,ໃນນີ້ໄດ້ສ້າງຕັ້ງເວັບໄຊ໋ເພື່ອໂຄສະນາຂໍ້ມູນຂ່າວສານດ້ານຕ່າງໆໃຫ້ພໍ່ແມ່ປະຊາຊົນຮັບຮູ້ຂໍ້ມູນຂ່າວສານທີ່ເປັນປະໂຫຍດ, ພິມປຶ້ມປະຫວັດສາດແຫ່ງທ່ອງທ່ຽວຈຳນວນໜຶ່ງ, ຕິດຕັ້ງປ້າຍໂຄສະນາແຫ່ງທ່ອງທ່ຽວຕາມສະຖານທີ່ສຳຄັນຫຼາຍແຫ່ງ. ທລຍ ເມືອງກະລຶມ ສະຫຼຸບການຈັດຕັ້ງປະຕິບັດກິດຈະກຳຮອບວຽນທີ 14 ແລະ 15 #ຂ່າວ: ທ ອັດສະວິນ ແສງສີຈັນ pc. 7567. 7585 (ເມືອງກະລຶມ) ພີທີສະຫຼຸບການຈັດຕັ້ງປະຕິບັດກິດຈະກຳຮອບວຽນທີ 14 ປີ 2017 ແລະ ຮອບວຽນທີ 15 ປີ 2018 ຂອງ ກອງທຶນຫຼຸດຜ່ອນຄວາມທຸກຍາກ ເມືອງກະລຶມ ຫຼື ທລຍ ໄດ້ມີຂຶ້ນໃນວັນທີ 19 ມີນາ 2018 ນີ້ ຢູ່ທີສະໂມສອນຂອງເມືອງ ໂດຍພາຍໃຕ້ການເປັນປະທານຂອງ ທ່ານ ອໍບົວລາ ອ່ອນມະໄລວົງ ຮອງເລຂາພັກເມືອງ ຮອງເຈົ້າເມືອງກະລຶມ,ມີ ທ່ານ ວິແຊມ ໄຊສຶກສາ ຮອງຫົວໜ້າພະແນກກະສິກຳ ແລະ ປ່າໄມ້ ແຂວງເຊກອງ ພ້ອມດ້ວຍແຂກຖືກເຊີນຈາກຂະແໜງການທີ່ກ່ຽວຂ້ອງ ແລະ ບັນດາເລຂາຄະນະພັກຮາກຖານກຸ່ມບ້ານ, ນາຍບ້ານເຂົ້າຮ່ວມ. ທ່ານ ສູນທອນ ສີຫາລາດ ຫົວໜ້າທິມງານ ທລຍ ເມືອງກະລຶມ ລາຍງານໃຫ້ຮູ້ວ່າ: ຜ່ານການຈັດຕັ້ງປະຕິບັດໂຄງການດັງກ່າວໃນໄລຍະຜ່ານມາເຫັນວ່າໄດ້ຮັບຜົນສຳເລັດຢ່າງຢືນຢົງ ຈາກຜົນສຳເລັດເລົ່ານີ້ ກໍຍ້ອນພໍ່ແມ່ປະຊາຊົນໃຫຄວາມຮ່ວມມືເປັນຢ່າງດີ ແລະ ດ້ວຍຄວາມເປັນເຈົ້າການເອົາໃຈໃສ່ຈັດຕັ້ງປະຕິບັດໜ້າທີ່ວຽກງານຢ່າງຕັ້ງໜ້າຂອງພະນັກງານ ທ ລ ຍ ໂດຍການປະສານສົມທົບກັບພາກສ່ວນທີ່ກ່ຽວຂ້ອງ ພ້ອມທັງໄດ້ຮັບການຊີ້ນຳໆພາຈາກອຳນາດການປົກຄອງເມືອງ ເຊິ່ງການຈັດຕັ້ງປະຕິບັດກິດຈະກຳຮອບວຽນທີ 14 ປີ 2017 ແມ່ນປະກອບມີ 8 ໂຄງການຄື ໂຄງການກໍ່ສ້າງຫໍພັກຄົນເຈັບ ບ້ານສອງຄອນ 1 ໂຄງການ,ກໍ່ສ້າງນ້ຳລິນ 6 ໂຄງການ ແລະ ໂຄງການສອ້ມແປງນ້ຳລິນ ບ້ານຕີນຕືມ 1 ໂຄງການ ລວມມູນຄ່າທັງໝົດ 1.804.967.961 ກີບ ແລະ ຮອບວຽນທີ 15 ປີ 2018 ມີ 9 ໂຄງການ ໃນນັ້ນໂຄງການກໍ່ສ້າງໂຮງຮຽນມີ 3 ໂຄງການ,ກໍ່ສ້າງນ້ຳລິນ 3 ໂຄງການ,ກໍ່ສ້າງຜາຍນ້ຳລົ້ນ 2 ໂຄງການ ແລະ ໂຄງການກໍ່ສ້າງ ຫ້ອງນ້ຳຫໍພັກຄົນເຈັບ 1 ໂຄງການ ລວມມູນຄ່າ 2 ຕື້ກວ່າກີບ ແລະ ພ້ອມກັນນັ້ນ ກອງທຶນຫຼຸດຜ່ອນຄວາມທຸກຍາກ ຫຼື ທລຍ ຍັງໄດ້ສືບຕໍ່ຈັດຕັ້ງປະຕິບັດກິດຈະກຳຮອບວຽນທີ 16 2018 ທີ່ຖືກຮັບຮອງແລ້ວ ມີທັງໝົດ 14 ໂຄງການ ຄື ໂຄງການກໍ່ສ້າງໂຮງຮຽນ 1 ໂຄງການ,ສ້ອມແປງນ້ຳລິນ 5 ໂຄງການ,ສ້ອມແປງຜາຍນ້ຳລົ້ນ 2 ໂຄງການ,ຈັດຊື້ອຸປະກອນເຟີນິເຈີໂຮງຮຽນ 2 ໂຄງການ,ກໍ່ສ້າງນ້ຳລິນ 2 ໂຄງການ, ໂຄງການຈັດຊື້ອຸປະກອນກິລາໃຫ້ໂຮງຮຽນ 1 ໂຄງການ ແລະ ໂຄງການສ້ອມແປງເສັ້ນທາງເຂົ້າບ້ານ 1 ໂຄງການ ລວມມູນຄ່າທັງໝົດເກືອບ 2 ຕື້ກີບ ທັງນີ້ກໍເພື່ອເຮັດໃຫ້ພໍ່ແມ່ປະຊາຊົນບັນດາເຜົ່າໄດ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ.