ວັນຈັນ, 24 ກັນຍາ 2018

ເຊກອງ: ສະຫຼຸບຄວາມຄືບໜ້າການຈັດຕັ້ງປະຕິບັດໂຄງການກໍ່ສ້າງສວນອະນຸສາວະລີອົງແກ້ວ

 

 

 

 

#ພາບ-ຂ່າວ: ພຸດທະສອນ
           ກອງປະຊຸມ ສະຫຼຸບ ລາຍງານ ການຈັດຕັ້ງ ປະຕິບັດ ຂອງໂຄງການ ກໍ່ສ້າງ ສວນອະນຸສາວະລີ ອົງແກ້ວ ແຂວງເຊກອງ ໄດ້ມີຂຶ້ນ ໃນວັນທີ 22 ມິຖຸນາ ນີ້ ທີ່ຫ້ອງ ປະຊຸມພະແນກ ຖວທ ແຂວງ ໂດຍການ ເປັນປະທານຂອງ ທ່ານ ຖາວອນ ພົມມະໄລລຸນ ຮອງເຈົ້າແຂວງ ເຊກອງ ຊີ້ນໍາ ຂົງເຂດ ວຽກງານ ວັດທະນະທຳ-ສັງຄົມ, ພ້ອມດ້ວຍຄະນະ ກໍາມະການ ຮັບຜິດຊອບ ໂຄງການ ກໍ່ສ້າງ ສວນອະນຸສາວະລີ ອົງແກ້ວ ເຂົ້າຮ່ວມ.

 


           ທ່ານ ບູ່ໄຊ ໄຊຍະເສນ ຫົວໜ້າ ພະແນກ ຖວທ ແຂວງເຊກອງ ໄດ້ລາຍງານ ຄວາມຄືບໜ້າ ການຈັດຕັ້ງ ປະຕິບັດ ຂອງໂຄງການກໍ່ສ້າງ ສວນ ອະນຸ ສາວະລີ ອົງແກ້ວ ເຊິ່ງ ທ່ານໃຫ້ຮູ້ວ່າ: ໂຄງການກໍ່ສ້າງ ດັ່ງກ່າວ ແມ່ນ ບໍລິສັດ ຈະເລີນ ເຊກອງ ກໍ່ສ້າງ ຄົບວົງຈອນ ເປັນຜູ້ຮັບເໝົາ ກໍ່ສ້າງ ເລີ່ມແຕ່ຕົ້ນປີ 2015 ແລະ ກໍານົດໃຫ້ສໍາເລັດ 100% ໃນຕົ້ນປີ 2018, ແຕ່ມາຮອດປະຈຸບັນນີ້ ຍັງບໍ່ທັນສໍາເລັດ, ແຕ່ເຖິງແນວໃດກໍ່ດີ ໃນໄລຍະ 6 ເດືອນ ຜ່ານມາ ເຫັນວ່າ ບັນດາກິດຈະກໍາ ໜ້າວຽກ ແຕ່ລະດ້ານ ໄດ້ມີການຈັດຕັ້ງ ປະຕິບັດ ຢ່າງຕໍ່ເນື່ອງ ໂດຍສະເພາະ ວຽກກໍ່ສ້າງອາຄານ ຫ້ອງການ, ຫ້ອງນໍ້າ ແລະ ຮ້ານອາຫານ, ຂັດຫີນອ່ອນ ຂອບລະບຽງ ອ້ອມໄຫໝໍ້ທອງ, ຄວັດແກະ ສະຫຼັກ ຖານຕັ້ງອົງແກ້ວ, ກໍ່ຂອບທາງຍ່າງ ສວນຫຍ້າ ຍ່ອມເດີ່ນອະເນກ ປະສົງ, ຕິດຕັ້ງ ເສົາໄຟຟ້າ ໃນສວນ ແລະ ໃນອາຄານ, ກໍ່ສ້າງທາງປູເບຕົງ ທາງຂຶ້ນສວນອະນຸສາວະລີ ອົງແກ້ວ, ປູໂຕນອນຂອບທາງຍ່າງ, ກັນເຈື່ອນ ແລະ ຂັ້ນໃດທາງຂຶ້ນ, ຕິດ ຕັ້ງ ນໍ້າພຸ, ປູກຫຍ້າ ແລະ ຕົ້ນໄມ້ໃນສວນຍ່ອຍ, ເຮັດປ້າຍຊີ້ບອກສວນອະນຸສາວະລີອົງ.
          ຕີລາຄາ ການຈັດຕັ້ງປະຕິບັດ ໜ້າວຽກຕ່າງໆ ຂອງໂຄງການຄື: ວຽກດິນຕັດ-ດິນຖົມ ແລະ ທາງປູຢາງຂຶ້ນໃສ່ສວນ ປະຕິບັດໄດ້ 100%, ວຽກ ສະ ຫຼົບ ກັນເຈື່ອນ ແລະ ຂັ້ນໃດທາງຂຶ້ນ ປະຕິບັດໄດ້ 77,16%, ຕົບແຕ່ງເດີ່ນອະເນກປະສົງ ແລະທາງຍ່າງ ປະຕິບັດໄດ້ 100%, ພາກສ່ວນປ້າຍຊີ້ບອກ ແລະ ອ່າງນໍ້າພຸ ປະຕິບັດໄດ້ 100%, ພາກສ່ວນອາຄານຫ້ອງການ, ຫ້ອງນໍ້າ ແລະ ຮ້ານອາຫານ ປະຕິບັດໄດ້ 95%, ຖານປະຕິກໍາຮູບປັ້ນ ອົງແກ້ວ ປະຕິບັດໄດ້ 75,29%, ຮູບປັ້ນຫຼໍ່ອົງແກ້ວ ປະຕິບັດໄດ້ 50%, ຕິດຕັ້ງໄຟຟ້າໃນອາຄານ ປະຕິບັດໄດ້ 100%, ຕິດຕັ້ງເສົາໄຟຟ້າໃນເດີ່ນ ປະຕິບັດໄດ້ 100%, ຕິດ ຕັ້ງ ໄຟຟ້າປະດັບໃນສວນ ປະຕິບັດໄດ້ 95%, ຕິດຕັ້ງໝໍ້ແປງ 3P.250 KVA ປະຕິບັດໄດ້ 100%, ກໍ່ສ້າງຕາຂ່າຍ 22 ກວ ປະຕິບັດໄດ້ 100%, ກໍ່ສ້າງຕາຂ່າຍ 22 ກວ ປະຕິບັດໄດ້ 100%, ສະເພາະວຽກດິນຕັດ-ດິນຖົມ ປະຕິບັດໄດ້ 77,19%, ວຽກອາຄານ, ໝໍ້ທອງ, ຕົບແຕ່ງເດີ່ນປູກຫຍ້າ, ກັນເຈື່ອນ, ເສັ້ນທາງ ແລະ ຕາຂ່າຍໄຟຟ້າໃນສວນ ປະຕິບັດໄດ້ 81, 64%.
       ຫົວໜ້າພະແນກ ຖວທ ໃຫ້ຮູ້ຕື່ມວ່າ: ໃນ ໄລຍະ 6 ເດືອນທ້າຍປີ 2018 ຈະໄດ້ສືບຕໍ່ກໍ່ສ້າງຖານປະຕິກໍາຮູບປັ້ນ ອົງແກ້ວ (ຖານຕັ້ງ), ສືບ ຕໍ່ກໍ່ສ້າງ ລະບົບ ຕ້ານເຈື່ອນ, ສືບຕໍ່ວຽກໄຟຟ້າດອກໄຟໂຊ ອ້ອມອ່າງນໍາພຸ, ປັ້ນຫຼໍ່ຮູບອົງແກ້ວ ໃຫ້ສໍາເລັດ 100% ໃນເດືອນ ກໍລະກົດ 2018 ນີ້.