ວັນຈັນ, 21 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ສຳເລັດບັ້ນດຳເນີນຊີວິດການເມືອງ ທ້າຍສະໄໝທີ VIII ຂອງອົງຄະນະພັກແຂວງເຊກອງ

ສຳເລັດ ບັ້ນດຳເນີນ ຊີວິດ ການເມືອງ ທ້າຍສະໄໝທີ VIII ຂອງ ອົງຄະນະ ພັກແຂວງເຊກອງ

ສຳເລັດ ບັ້ນ ດຳເນີນ ຊີວິດ ການເມືອງ ທ້າຍ ສະໄໝທີ VIII ຂອງ ອົງຄະນະ ພັກ ແຂວງເຊກອງ

      ບັ້ນດຳເນີນ ຊີວິດ ການເມືອງ ທ້າຍສະໄໝທີ VIII ຂອງ ອົງຄະນະ ພັກແຂວງ ພາຍຫຼັງ ໄດ້ດຳເນີນ ມາ ແຕ່ວັນທີ 20 ເມສາ ແລະ ໄດ້ ສຳເລັດ ລົງ ໃນວັນທີ 22 ເມສາ 2015 ທີ່ ສະໂມສອນ ສະພາ ເຂດເລືອກຕັ້ງ ທີ 16 ແຂວງ ເຊກອງ ໂດຍການ ເປັນປະທານ ຂອງ ທ່ານ ຄຳເຜີຍ ບຸດດາວຽງ ກຳມະການ ສູນກາງພັກ, ເລຂາ ພັກແຂວງ, ເຈົ້າແຂວງ - ແຂວງເຊກອງ, ມີບັນດາ ຄະນະປະຈຳພັກ, ກຳມະການ ພັກແຂວງ ເຂົ້າຮ່ວມ.
         ຕະຫຼອດ ການດຳເນີນ ບັ້ນຊີວິດ ການເມືອງ ໃນໄລຍະ 3 ວັນ ໂດຍ ໄດ້ມີການ ຍົກໃຫ້ເຫັນ ຜົນງານການຊີ້ນຳ - ນຳພາ ຂອງ ຄະນະ ບໍລິຫານພັກແຂວງ ຊຶ່ງທ່ານ ສີດາ ສຸວັນນະສາຍ ຮອງ ເລຂາ ພັກແຂວງ ໄດ້ກ່າວ ຜ່ານຮ່າງ ບົດສຳຫຼວດ ການນຳພາລວມ ຂອງ ຄະນະບໍລິຫານ ພັກແຂວງ ສະໄໝທີ VIII ໃນ 5 ປີຜ່ານມາ ( 2010-2015 ) ທີ່ໄດ້ປະຕິບັດ ຕາມພາລະບົດບາດ, ໜ້າທີ່ ແລະ ສິດ ຂອງຄະນະ ບໍລິຫານງານ ພັກແຂວງ ຊຶ່ງໄດ້ ຕັ້ງໜ້າ ຊີ້ນຳ - ນຳພາຄະນະພັກ, ພະນັກງານ, ສະມາຊິກພັກ ແລະ ປະຊາຊົນອ ບັນດາ ພາຍໃນແຂວງ ປະຕິບັດ ມະຕິກອງປະຊຸມ ໃຫຍ່ຄັ້ງທີ VIII ຂອງ ຄະນະພັກຂັ້ນຕົນ ໂດຍຕິດພັນ ກັບ ການຈັດຕັ້ງ ຜັນຂະຫຍາຍ ມະຕິ ກອງປະຊຸມ ໃຫຍ່ຄັ້ງທີ IX ຂອງພັກ, ເປັນຕົ້ນ: ການຜັນຂະຫຍາຍ ແນວທາງ ນະໂຍບາຍ ຂອງພັກ; ການຊີ້ນຳ - ນຳພາ ດ້ານການເມືອງ-ແນວຄິດ; ວຽກງານປ້ອງກັນຊາດ -ປ້ອງກັນ ຄວາມສະຫງົບ; ວຽກງານດ້ານເສດຖະກິດ, ວັດທະນະທຳ - ສັງຄົມ, ການພົວພັນຕ່າງປະເທດ ຊຶ່ງ ເຮັດໃຫ້ໃຫ້ເສດຖະກິດ ມີການຂະຫຍາຍຕົວ ຢ່າງຕໍ່ເນື່ອງ ໃນແຕ່ລະປີ ສະເລ່ຍ 14%, ລວມຍອດ ຜະລິດຕະພັນ ພາຍໃນປີ 2015 ບັນລຸ 1.197 ຕື້ກີບ, ທຽບໃສ່ 2010 ເພີ່ມ 3 ເທົ່າຕົວ, ລາຍຮັບ ສະເລ່ຍ ຕໍ່ຄົນຕໍ່ປີ 1.333 ໂດລາ ສະຫະລັດ, ສົ່ງຜົນ ໃຫ້ຄອບຄົວ ທີ່ຍັງທຸກຍາກ ຢູ່ ແຂວງ ເຊກອງ ມາຮອດ 2015 ຍັງເຫຼືອ 11,9%.
        ຈາກນັ້ນ, ບັນດາ ຜູ້ເຂົ້າຮ່ວມ ບັ້ນດຳເນີນ ຊີວິດ ການເມືອງ ທ້າຍສະໄໝ ທີ VIII ກໍໄດ້ ມີການປະກອບ ຄຳຄິດ ຄຳເຫັນ ໃສ່ຮ່າງ ບົດສຳຫຼວດ ການນຳພາລວມ ຂອງ ຄະນະ ບໍລິຫານ ພັກແຂວງ ສະໄໝທີ VIII ໃນ 5 ປີຜ່ານມາ ( 2010-2015 ) ເພື່ອໃຫ້ ເປັນເອກະພາບ ກັນ ດ້ານເນື້ອໃນ ກຽມຜ່ານ ໃນກອງປະຊຸມ ໃຫຍ່ຄັ້ງທີ IX ຂອງ ອົງຄະນະພັກ ແຂວງ; ພ້ອມນີ້ ກໍໄດ້ ມີການ ຜ່ານລາຍຊື່; ແບ່ງໜ່ວຍ ດຳເນີນ ຊີວິດການເມືອງ ປົວແປງ ພາຍໃນ ພັກ, ຜ່ານບົດສຳຫຼວດ ພາຍໃນ ໜ່ວຍ ແລະ ມີການ ທາບທາມ ບຸກຄະລາກອນ ເຂົ້າໂຄງປະກອບ ກອງປະຊຸມໃຫຍ່ ຄັ້ງທີ IX ຂອງ ອົງຄະນະພັກ ແຂວງເຊກອງ ເຊີ່ງ ເປັນຮອບສຸດທ້າຍ ດ້ວຍຜົນສຳເລັດ ອັນຈົບງາມ.


ຂ່າວ: ແພງຕາ
ຮູບ: 02042015; 03042015