ວັນອັງຄານ, 22 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ບ້ານກັນດອນໃໝ່.

ເປັນບ້ານໜຶ່ງ​ ທີ່ຍົກຍ້າຍມາແຕ່ເມືອງກະລຶມມາຕັ້ງຖິ່ນຖານ​ ຢູ່ເມືອງທ່າແຕງ ແລະ ໄດ້ຈັດໃຫ້ເປັນ ບ້ານທ່ອງທ່ຽວທາງ​ ດ້ານວັດທະນາທຳ, ຮີດຄອງປະເພນີແລະ ວິທີຊິວິດຂອງ​ ປະຊາຊົນເຜົ່າກະຕູ; ຫ່າງຈາກເທດສະບານ ເມືອງທ່າແຕງ​ ໄປທາງທິດໃຕ້ 17 ກິໂລແມັດແລະ ຈາກເທດສະບາແຂວງ ໄປທາງທິດເໜືອ 32 ກິໂລແມັດ, ໃນທຸກໆ ປີຂອງວັນທີ 5 ເດືອນ 3. ຊາວບ້ານດັ່ງກ່າວ ໄດ້ຈັດຕັ້ງງານບຸນ ປະເພນີຂອງເຜົ່າຂຶ້ນ, ເພື່ອສະເຫຼີມສະຫຼອງ ຜົນສຳເລັດຈາກການເກັບກ່ຽວຜົນລະປູກ, ໃນງານບຸນໄດ້ມີ ການສະແດງສິລະປະພື້ນ ເມືອງຂອງເຜົ່າ, ທ່ຽວຊົມ ຫັດຖະກຳຕຳແຜ່ນ, ຈັກສານ, ທັງມີການສະແດງ ຜະລິດຕະພັນຂອງເຜົ່າ ແລະ ນຳພາແຂກໄປທ່ອງທ່ຽວ ຢູ່ສາລາກ່ວນບ້ານ ໂດຍແມ່ນ ຜູ້​ນຳ​ທ່ຽວຂອງບ້ານ ເປັນຜູ້ອະທິບາຍ ປະຫວັດຄວາມເປັນມາ ຂອງຮູບສັດປະເພດຕ່າງໆ ທີ່ພົວພັນ ກັບ ຊີວິດຂອງເຂົາເຈົ້າ, ທ່ຽວຊົມໂລງສົບອັນເກົ່າແກ່, ດັ້ງເດີມຂອງເຜົ່າ.​ໃນ​ງານ​ຍັງ​ມີ​ພິທີ​ຂ້າ​ຄວາຍ​ແປງ​ຮີດ ​ທັງ​ເປັນ​ອາຫານ​ ໃນ​ການ​ຕ້ອນຮັບ​ແຂກ ທີ່​ເຂົ້າ​ມາ​ທ່ຽວ​ໃນ​ງານ.
ແຫລ່ງ: ອົງການພັດທະນາການທ່ອງທ່ຽວ

ຜູ້ເຂົ້າຊົມ ເວັບໄຊ

ມື້ນີ້ມື້ນີ້1
ວານນີ້ວານນີ້62
ທິດນີ້ທິດນີ້117
ເດືອນນີ້ເດືອນນີ້1490
ທັງໝົດທັງໝົດ94555