ວັນຈັນ, 21 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ເຊກອງ ເລົ່າມູນເຊື້ອ ວັນສ້າງຕັ້ງ ແນວລາວ ສ້າງຊາດ ຄົບຮອບ 65 ປີ

 

 

ເຊກອງເລົ່າມູນເຊື້ອ ວັນສ້າງຕັ້ງ ແນວລາວ ສ້າງຊາດ ຄົບຮອບ 65 ປີ

ວັນທີ 3 ກັນຍາ 2015 ນີ້ ແຂວງ ເຊກອງ ໄດ້ຈັດຕັ້ງ ການເລົ່າມູນເຊື້ອ ວັນສ້າງຕັ້ງ ແນວລາວ ສ້າງຊາດ ຄົບ ຮອບ 65 ປີ (13 / 8 / 1950 – 13 / 8 / 2015 ) ໂດຍພິທິດັ່ງກ່າວ ໄດ້ຈັດຂຶ້ນ ຢູ່ທີ່ສະໂມສອນໃຫຍ່ ຂອງແຂວງ ພາຍໃຕ້ການເປັນ ປະທານ ຂອງທ່ານ ຄຳເຜີຍ ບຸດດາວຽງ ເລຂາ ພັກແຂວງ ເຈົ້າແຂວງ-ແຂວງ ເຊກອງ ເຊິ່ງຜູ້ເຂົ້າຮວ່ມ ຮັບຟັງ ໃນຄັ້ງນີ້ ມີພະເຖລະນຸ ເຖລະ, ຫົວໜ້າ - ຮອງຫົວໜ້າ ພະແນກການຕ່າງໆ ອ້ອມຂ້າງແຂວງ, ຄະນະພັກ, ຄະນະບັນຊາ ຈາກສອງກໍາລັງ ປະກອບອາວຸດ ພອ້ມດ້ວຍ ຄະນະ,ພະນັກງານວິຊາການ ພະແນກການ ອ້ອມຂ້າງແຂວງ ຕະຫຼອດຮອດ ນາຍບ້ານ, ແນວໂຮມ ບ້ານເຂົ້າຮ່ວມ ຫຼາຍກວ່າ 300 ຄົນ.

ທ່ານ ຄຳໄມ ດວງກັນຍາ ກຳມະການ ພັກແຂວງ, ປະທານ ແນວລາວ ສ້າງຊາດ ແຂວງ ເຊກອງ ທັງແມ່ນ ກຳມະການ ສູນກາງ ແນວລາວ ສ້າງຊາດ ໄດ້ເລົ່າຄືນ ປະຫັວດ ແລະ ມູນເຊື້ອ ຂອງອົງການ ແນວລາວ ສ້າງຊາດ ເຊິ່ງທ່ານ ໄດ້ຍົກ ໃຫ້ເຫັນ ດ້ານຜົນງານ ແລະ ຜົນສໍາເລັດ ໃນການຈັດຕັ້ງ ປະຕິບັດ ໜ້າທີ່ ການເມືອງ ຂອງ ຕົນ ອັນໄດ້ ປະກອບ ສ່ວນ ທີ່ສໍາຄັນ ເຂົ້າໃນພາລະກິດ ຕໍ່ສູ້ ປົດປ່ອຍຊາດ ກໍ່ຄື ພາລະກິດ ປົກປັກ ຮັກສາ ແລະ ສ້າງສາ ພັດທະນາ ປະເທດຊາດ, ພ້ອມກັນ ນັ້ນ ຍັງໄດ້ ຍົກໃຫ້ເຫັນ ປະຫັວດ-ມູນເຊື້ອ ແລະ ການເຄື່ອນໄຫວ ຂອງ ອົງການ ແນວລາວ ສ້າງຊາດ ແຂວງເຊກອງ ເຊິ່ງມີປະຫວັດ ການສ້າງຕັ້ງ ແລະ ຂະຫຍາຍຕົວ ເປັນເວລາ 57 ປີ ຄື: ໃນເດືອນ 3 ປີ 1958 ສູນກາງພັກ ໄດ້ປະກາດ ແຕ່ງຕັ້ງ ຄະນະ ສະຫະເມືອງ 5 ເມືອງຂຶ້ນ, ເຊິ່ງມີສໍານັກງານ ຕັ້ງຢູ່ ບ້ານ ປະນອນ ເມືອງກະລຶມ ຫຼັງຈາກໄດ້ຮັບ ການສ້າງຕັ້ງຂຶ້ນ ກໍ່ໄດ້ເຮັດໜ້າທີ່ ປຸກລະດົມ ຂົນຂວາຍ ສ້າງຂະບວນການ ຂະຫຍາຍ ພະນັກງານ ແກ່ນສານ ແລະ ປະຊາຊົນ ບັນດາ ເຜົ່າຕາມ ຮາກຖານ ຕ່າງໆ ໄດ້ເຮັດໃຫ້ ປະຊາຊົນ ບັນດາເຜົ່າ ເຊື່ອມຊຶມ ແລະ ເຂົ້າຮ່ວມ ຢ່າງຫຼວງຫຼາຍ ເຊິ່ງເຮັດໃຫ້ ມີແກ່ນສານ ຂອງ ແນວລາວ ຂັ້ນຮາກຖານ ເຖິງ 600 ກວ່າ ຄົນ ແລະ ມີຜູ້ເຮັດວຽກ ແນວລາວ ຮັກຊາດ 100 ຄົນ, ຈາກນັ້ນ ກໍ່ໄດ້ສືບຕໍ່ ຈັດຕັ້ງປະຕິບັດ ພາລະບົດບາດ ຂອງຕົນ ແລະ ມີການຂະຫຍາຍຕົວ ເປັນກ້າວໆມາ, ຂະນະ ທີ່ຜົນສໍາເລັດ 1 ປີ ຂອງອົງການ ແນວລາວສ້າງຊາດ ແຂວງ ເຊກອງ ກໍ່ມີອັນພົ້ນເດັ່ນ ຫຼາຍດ້ານເປັນຕົ້ນ ການປະກອບ ສ່ວນ ປຸກລະດົມ ຊຸກຍູ້ ທຸກຊັ້ນຄົນ, ສາສະໜາ, ເພດ-ໄວ ທີ່ປະກອບສ່ວນ ເຂົ້າໃນ ການພັດທະນາ ແຂວງ ເຊກອງ ເພື່ອໃຫ້ປະຊາຊົນ ບັນດາເຜົ່າ ຫຼຸດພົ້ນ ອອກຈາກ ຄວາມດ້ອຍ ພັດທະນາ, ສ້າງບ້ານ ພັດທະນາ ໄດ້ 22 ບ້ານ, ບ້ານປອດຄະດີໄດ້ 56 ບ້ານ, ບ້ານແບບຢ່າງ ທາງດ້ານ ສາທາລະນະສຸກ 7 ບ້ານ, ບ້ານ ວັດທະນະທຳ 37 ບ້ານ, ບ້ານ ແມ່່ຍິງ ສາມດີ 5 ບ້ານ.

ໃນໂອກາດ ລະນຶກ ວັນສ້າງຕັ້ງ ແນວລາວ ສ້າງຊາດ ຄົບຮອບ 65 ປີ ປີນີ້, ກ່ອນນີ້ 2 ວັນ ຄື ຕອນເຊົ້າຂອງ ວັນທີ 1/9/2015 ເວລາ 6 ໂມງ 00 ນາທີ ຄະນະ ນໍາພັກ - ລັດ ຂອງ ແຂວງ ເຊກອງ ນຳໂດຍ ທ່ານ ສີດາ ສຸວັນນະສາຍ ຮອງ ເລຂາ ພັກແຂວງ ພ້ອມດ້ວຍ ຄະນະ ປະຈຳພັກ ແຂວງ, ຄະນະ ກຳມະການ ພັກແຂວງ ຄະນະ ພະແນກ, ຄະນະ ນຳແນວ ໂຮມແຂວງ, ເຈົ້າເມືອງ ລະມາມ ໄດ້ເຂົ້າ ວາງພວງ ມາລາ ທີ່ອະນຸສອນ ສະຖານ ປະທານ ໄກສອນ ພົມວິຫານ ເພື່ອເປັນການ ໄຫວ້ອາໄລ ແລະ ລະນຶກ ເຖີງບຸນຄຸນ ຄຸນງາມ ຄວາມດີ ຂອງເພີ່ນ ແລະ ຖືເພີ່ນ ເປັນແບບຢ່າງ ເປັນແວ່ນແຍງ ທາງດ້ານ ຄຸນສົມບັດ ສິນທຳ ປະຕິວັດ.

ຂ່າວ: ສຸວັນຄຳ (ລະຫັດຮູບ 0617,0612)