ວັນຈັນ, 21 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ຊາວໜຸ່ມແຂວງ ເຊກອງ ເປີດການແຂ່ງຂັນກີລາບານເຕະ ສະຫຼອງວັນຊາດຄົບຮອບ 41 ປີ

    ຊາວໜຸ່ມແຂວງເຊກອງ ໄດ້ເປີດການແຂ່ງຂັນ ກິບານເຕະຟຸດຊໍ ຊີງຂັນເລຂາຄະນະບໍລິຫານງານຊາວໝຸ່ມແຂວງ ປະຈຳປີ 2016 ເພື່ອເປັນການ ສະເຫຼີມສະຫຼອງ ວັນຊາດທີ 2 ທັນວາ ຄົບຮອບ 41 ປີ (2 ທັນວາ 1975-2 ທັນວາ 2016); ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 96 ປີ (13 ທັນວາ 1920-13 ທັນວາ 2016) ແລະ ວັນບຸນຊ່ວງເຮືອ ປະເພນີປະຈຳປີ 2016 ຂອງແຂວງເຊກອງ.
    ພິທີເປີດການແຂ່ງຂັນ ຢ່າງເປັນທາງການ ໄດ້ມີຂຶ້ນໃນວັນທີ 24 ພະຈິກ 2016 ນີ້ ທີ່ເດີ່ນກີລາ ຂອງແຂວງເຊກອງ ໃຫ້ກຽດເຂົ້າຮ່ວມໂດຍ ທ່ານ ຄຳເຜີຍ ບຸດດາວຽງ ເຈົ້າແຂວງໆເຊກອງ, ທ່ານ ສາກົນ ພອນປະເສີດ ເລຂາຄະນະບໍລິຫານງານ ຊາວໝຸ່ມແຂວງ, ມີອໍານາດການປົກຄອງແຂວງ-ເມືອງ, ບັນດານັກທຸລະກິດ, ຄູຝຶກ-ນັກກີລາ ແລະ ມວນຊົນຊາວແຂວງເຊກອງເຂົ້າຮ່ວມຢ່າງຫຼວງຫຼາຍ.
    ທ່ານ ສາກົນ ພອນປະເສີດ ກ່າວວ່າ: ການແຂ່ງຂັນຄັ້ງນີ້ ມີຕົວແທນນັກກີລາ ທີ່ມາຈາກ ບັນດາພະແນກການ, ຫ້ອງການ, ອົງການທຽບເທົ່າ, ຫ້າງຮ້ານ ແລະ ບໍລິສັດ ລັດວິສາຫະກິດ ອ້ອມຂ້າງແຂວງ ເຂົ້າຮ່ວມທັງໝົດ 41 ທິມ, ໃນນີ້ທິມຊາຍ 35 ທິມ ແລະ ຍິງ 6 ທິມ ໂດຍການແຂ່ງຂັນ ໄດ້ແບ່ງອອກເປັນສາຍ ເພື່ອຄັດເອົາທີ 1 ແລະ ທີ 2 ຂອງແຕ່ລະສາຍ ແຂ່ງຂັນໃນຮອບຕໍ່ໄປ ຈົນເຫຼືອ 2 ທິມສຸດທ້າຍ ເພື່ອໄປຊິງຊະນະເລີດ ໃນວັນທີ 23 ທັນວາ 2016.
    ໂດຍຈຸດປະສົງ ກໍເພື່ອເປັນການ ສ້າງຜົນງານ ແລະ ສ້າງຂະບວນການ ຂໍ່ານັບຮັບຕ້ອນ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 41 ປີຄື: (2 ທັນວາ 1975-2 ທັນວາ 2016); ວັນຄ້າຍວັນເກີດ ຂອງປະທານ ໄກສອນ ພົມວິຫານ ຄົບຮອບ 96 ປີຄື: (13 ທັນວາ 1920-13 ທັນວາ 2016); ວັນບຸນຊ່ວງເຮືອ ປະເພນີປະຈຳປີ 2016 ຂອງແຂວງເຊກອງ ແລະ ເພື່ອເປັນການຊຸກຍູ້ ສົ່ງເສີມ ຂະບວນການຫຼິ້ນກີລາ ຢູ່ພາຍໃນແຂວງ ໃຫ້ມີການເຄື່ອນໄຫວ ເປັນຂະບວນການ ອັນຟົດຟື້ນ, ພົ້ນເດັ່ນ, ທັງເປັນການ ເປີດໂອກາດໃ ຫ້ຄະນະນໍາ, ຄູຝຶກ ແລະ ນັກກີລາ ໄດ້ພົບປະແລກປ່ຽນບົດຮຽນ ເຊິ່ງກັນ ແລະ ກັນ, ພ້ອມນັ້ນ ກໍເພື່ອເປັນການຄັດເລືອກເອົາ ນັກກີລາຜູ້ດີເດັ່ນ ເປັນຕົວແທນ ໃຫ້ແກ່ທີມກີລາຂອງແຂວງ ເຂົ້າຮ່ວມແຂ່ງຂັນລະດັບຊາດ ໃນອະນາຄົດ.

                                                                               ( ຂ່າວ, ພາບໂດຍ : ປີຊາ ສິງສັກສິດ )