ວັນຈັນ, 21 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ແຂວງເຊກອງ ຍັງມີບ້ານທຸກຍາກ ກວມ 33%

 

                                                     ແຂວງເຊກອງ ຍັງມີບ້ານທຸກຍາກ ກວມ 33%
              ກອງປະຊຸມ ສະຫຼຸບ ຜົນການກວດກາ, ປະເມີນ ຄວາມ ທຸກຍາກ ແລະ ການພັດທະນາ ແຂວງ ເຊກອງ ໂດຍ ການເປັນ ປະທານ ຂອງ ທ່ານ ສີດາ ສຸວັນນະສາຍ ຮອງ ເລຂາພັກ, ຫົວໜ້າ ຄະນະ ຈັດຕັ້ງ ແຂວງ, ຜູ້ຊີ້ນຳ ວຽກງານ ພັດທະນາ ຊົນນະບົດ ແລະ ລຶບລ້າງ ຄວາມ ທຸກຍາກ ຂັ້ນແຂວງ, ມີ ທ່ານ ທອງວັນ ວິໄລເຮືອງ ຄະນະ ພັດທະນາ ຊົນນະບົດ ສູງກາງ, ມີບັນດາ ຜູ້ຊີ້ນຳ ວຽກງານ ພັດທະນາ ຊົນນະບົດ 4 ເມືອງ ແລະ ບັນດາ ພະແນກການ ອ້ອມຂ້າງ ແຂວງ ເຂົ້າຮ່ວມ ໃນວັນທີ 13 ມີນາ 2015 ທີ່ສະໂມສອນແຂວງເຊກອງ.
              ທ່ານ ວິແຊມ ໄຊສຶກສາ ຫົວໜ້າ ຫ້ອງການ ພັດທະນາ ຊົນນະບົດ ແລະ ລຶບລ້າງ ຄວາມທຸກຍາກ ລາຍງານ ວ່າ: ຮອດ 2015 ແຂວງ ເຊກອງ ຍັງມີ ບ້ານທຸກຍາກ ກວມ 33%, ມີ 66 ບ້ານ ຂອງຈຳນວນ 200 ບ້ານ ທັງໝົດ ທົ່ວແຂວງ ຖ້າສົມ ທຽບກັບປີ 2011 ທີ່ຍັງມີ ບ້ານ ທຸກຍາກ ກວມເຖິງ 65,94% ຂອງ ຈຳນວນ ບ້ານ 229 ບ້ານ ແມ່ນ ເຫັນໄດ້ ວ່າ ອັດຕາ ຄວາມທຸກຍາກ ຫຼຸດລົງ ແລະ ຈາກການ ປະເມີນ ດ້ານຄວາມທຸກຍາກ ຕາມ 5 ມາດຖານ ຂອງ ບ້ານທຸກຍາກ ຊຶ່ງ ສ່ວນຫຼາຍ ແມ່ນຍັງນອນ ຢູ່ໃນ 2 ເມືອງ ພູດອຍ ( ກະລຶມ 30 ບ້ານ,ດາກຈຶງ 29 ບ້ານ,ລະມາມ 7 ບ້ານ ) ; ນອກຈາກ ບ້ານ ທຸກຍາກແລ້ວ ແຂວງ ເຊກອງ ກໍຍັງມີ ຄອບຄົວ ທຸກຍາກ ກວມ 12,33% ຂອງຈຳນວນ ຄອບຄົວ ທັງໝົດ 20.123 ຄອບຄົວ, ທຽບໃສ່ປີ 2011 ຫຼຸດລົງ 3.143 ຄອບຄົວ ເທົ່າກັບ 22%, ຄຽງຄູ່ ກັບ ດ້ານລົບແລ້ວ ກໍຍັງມີ ດ້ານບວກ ທີ່ດີ ຄືດ້ານ ການພັດທະນາ ຂອງແຂວງ ເປັນຕົ້ນ: ທົ່ວ ແຂວງ ເຊກອງ ມີບ້ານພັດທະນາ ແລ້ວ 58 ບ້ານ ກວມ 29%, ຄອບຄົວ ພັດທະນາ 14.816 ຄອບຄົວ ກວມ 73,63%; ນອກນີ້ ທາງ ແຂວງ ກໍຍັງມີຄວາມພະຍາຍາມ ທີ່ຈະສ້າງ ແລະ ພັດທະນາ ບ້ານໃຫຍ່ ໃຫ້ກາຍ ເປັນຕົວເມືອງນ້ອຍ ໃນຊົນນະບົດ ໃຫ້ໄດ້ 1 ບ້ານໃນປີ 2016 ແລະ ຮອດປີ 2020 ໃຫ້ໄດ້ 5 ບ້ານ ຊຶ່ງ ການປະເມີນ ຕາມ 12 ມາດຖານ ເຫັນວ່າ: 8 ມາດຖານ ມີຄວາມຄືບໜ້າ ເປັນແຕ່ລະໄລຍະ ແລະ ອີກພຽງ 4 ມາດຖານ ແມ່ນຍັງ ບໍ່ທັນສາມາດ ຈັດຕັ້ງປະຕິບັດໄດ້.
           ໃນໂອກາດ ທີ່ໄດ້ ເຂົ້າຮ່ວມ, ທ່ານ ທອງວັນ ວິໄລເຮືອງ ຄະນະ ພັດທະນາ ຊົນນະບົດ ສູນກາງ ກໍໄດ້ ມີຄຳເຫັນ ເປັນເອກະພາບ ຕໍ່ຮ່າງບົດສະຫຼຸບ ແລະ ຄາດໝາຍ ສູ້ຊົນ ໃນຕໍ່ໜ້າ ແຕ່ໃນຂະນະດຽວກັນ ທ່ານ ກໍໄດ້ຊີ້ແນະວ່າ:ບັນດາຄຳຄິດຄຳເຫັນຕ່າງໆຂໍໃຫ້ປະກອບໃສ່ທາງດ້ານຂໍ້ມູນຕົວເລກ ທີ່ກ່ຽວພັນກັບບັນດາພະແນກການ,ຂະແໜງການຂອງແຂວງ,ເມືອງ ໃຫ້ຊັດເຈນ; ຕີລາຄາ ຜົນໄດ້ຮັບ ບັນດາໜ້າວຽກ ໃຫ້ລະອຽດ ວ່າແຕ່ລະພາກສ່ວນ ໄດ້ມີສ່ວນຮ່ວມ ໃນການພັດທະນາ ແລະ ລຶບລ້າງ ຄວາມທຸກຍາກ ຄືແນວໃດ ແລະ ຈາກນັ້ນ ກໍແມ່ນ ຄວາມຮັບຜິດຊອບ ຂອງແຕ່ລະ ຂະແໜງການ ທີ່ຈະມີສ່ວນຮ່ວມ ໃນການສ້າງ ບ້ານໃຫຍ່ ໃຫ້ກາຍເປັນ ຕົວເມືອງນ້ອຍ ໃນຊົນນະບົດ ແຕ່ນີ້ຮອດປີ 2020 ວ່າຈະບັນລຸ ແຜນຫຼືບໍ່.

              ຂ່າວ: ແພງຕາ
              ຮູບ: 13032015; 14032015; 15032015