ວັນຈັນ, 21 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ເມືອງກະລຶມ ໄຂກອງປະຊຸມຄົບຄະນະບໍລິຫານງານພັກເມືອງຄັ້ງທີ 3 ສະໄໝທີ 8

    ກອງປະຊຸມ ຄົບຄະນະ ບໍລິຫານງານ ພັກເມືອງ ກະລຶມ ຄັ້ງທີ 3 ສະໄໝທີ 8 ໄດ້ ໄຂຂື້ນ ໃນວັນທີ 24 ພະຈິກ 2015 ນີ້, ທີ່ ສະໂມສອນ ເມືອງ, ໂດຍ ການເຂົ້າຮ່ວມ ຂອງ ທ່ານ ສີດາ ສຸວັນນະສາຍ ຮອງເລຂາພັກ ແຂວງ, ຮອງເຈົ້າແຂວງໆ ເຊກອງ, ທ່ານ ບຸນໄຫຼ ບຸດຕະວົງ ກຳມະການພັກແຂວງ, ເລຂາພັກເມືອງ, ເຈົ້າເມືອງໆ ກະລຶມ,ມີຄະນະປະຈຳ ພັກແຂວງ, ກຳມະການ ພັກແຂວງ, ຄະນະປະຈຳພັກເມືອງ, ກຳມະການ ພັກເມືອງ, ບັນດາ ຫ້ອງການ ອ້ອມຂ້າງເມືອງ ເຂົ້າຮ່ວມ.
    ທ່ານ ອໍບົວລາ ອ່ອນມະໄລວົງ ຮອງເລຂາ ພັກເມືອງ ກະລຶມ ໄດ້ ຕີລາຄາຄືນ ການຈັດຕັ້ງ ປະຕິບັດ ວຽກງານ ໃນໄລຍະ 1 ປີຜ່ານມາ ສົກ 2014-2015 ວ່າ: ໃນຕະຫຼອດ ໄລຍະ ແຫ່ງການ ຈັດຕັ້ງ ປະຕິບັດ ມະຕິ ກອງປະຊຸມ ໃຫຍ່ ຄັ້ງທີ 9 ຂອງ ສູນກາງພັກ, ມະຕິ ກອງປະຊຸມ ໃຫຍ່ ຄັ້ງທີ 9 ຂອງ ອົງຄະນະພັກແຂວງ ເຊກອງ ແລະມະຕິ ກອງປະຊຸມໃຫຍ່ ຄັ້ງທີ 8 ຂອງ ອົງຄະນະພັກເມືອງ ກະລຶມ, ຄະນະພັກ ອຳນາດການປົກຄອງເມືອງ ໃນ ແຕ່ລະຂັ້ນ ໄດ້ ຫັນເອົາ ມະຕິ ຄຳສັ່ງ ຕ່າງໆ ຫັນເປັນ ວຽກງານ ອັນລະອຽດ ລົງເລິກ ໃນແຕ່ລະ ຂະແໜງການ ເຮັດໃຫ້ມີ ຜົນສຳເລັດ ຫຼາຍດ້ານ, ອັນພົ້ນເດັ່ນ ໄດ້ ເຮັດໃຫ້ ເມືອງກະລຶມ ມີ ສະຖຽນ ລະພາບ ທາງດ້ານການເມືອງ ຢ່າງ ໜັກແໜ້ນ, ເປັນ ເຈົ້າການ ໃນການ ປັບປຸງ ກໍ່ສ້າງພັກ ແລະ ຂະຫຍາຍພັກ ໃຫ້ມີ ຄວາມເຂັ້ມແຂງ ທາງດ້ານການເມືອງ ແນວຄິດ, ການຈັດຕັ້ງ, ທົ່ວເມືອງ ມີ ໜ່ວຍພັກ ທັງໝົດ 69 ໜ່ວຍພັກ, ມີ 7 ຄະນະພັກ ຮາກຖານ ໃນນັ້ນ ສ້າງໜ່ວຍພັກ ເຂັ້ມແຂງ-ຮູ້ນຳພາ ຮອບດ້ານ ໄດ້ 26 ໜ່ວຍພັກ, ເອົາໃຈໃສ່ ສຶກສາ ອົບຮົມ ການເມືອງ ແນວຄິດ ໃຫ້ ສອງກຳລັງ ປະກອບອາວຸດ ໃຫ້ ຮັບຮູ້ ເຊື່ອມຊືມ ຕໍ່ ແນວທາງ ນະໂຍບາຍ ຂອງພັກ, ລະບຽບ ກົດໝາຍ ຂອງລັດ ເຮັດໃຫ້ ສັງຄົມ ມີຄວາມ ສະຫງົບ ປອດໄພ ໂດຍ ພື້ນຖານ, ເສດຖະກິດ ຂອງເມືອງ ມີການ ຂະຫຍາຍຕົວ ຢ່າງ ຕໍ່ເນື່ອງ ລວມ ຍອດ ຜະລິດຕະພັນ ພາຍໃນ ຫຼື GDP ບັນລຸໄດ້ 69 ຕື້ 687 ລ້ານ ກີບ, ສະເລ່ຍ ຫົວຄົນ ບັນລຸໄດ້ 4.162.500 ກີບ/ຄົນ/ປີ, ນອກນີ້ ພື້ນຖານ ໂຄງຮ່າງ ໄດ້ຮັບ ການ ພັດທະນາ ດີຂື້ນ, ໄດ້ທະລຸ ເສັ້ນທາງ ແຕ່ ເມືອງ ຫາ ບ້ານ ແລະ, ບ້ານຕໍ່ບ້ານ ມີ ເສັ້ນທາງ ເຂົ້າເຖິງ ບ້ານ 42 ບ້ານ ກວມ 80% ຂອງບ້ານ ທັງໝົດ ອັນໄດ້ ເຮັດໃຫ້ ຊີວິດ ການເປັນຢູ່ ຂອງ ປະຊາຊົນ ໄດ້ຮັບ ການປັບປຸງ ດີຂື້ນ ກວ່າເກົ່າ, ອັດຕາ ຄວາມທຸກ ຍາກ ຂອງ ປະຊາຊົນ ຫຼຸດລົງ ເປັນກ້າວ.
    ທ່ານ ອໍບົວລາ ອ່ອນມະໄລວົງ ກ່າວ ຕື່ມວ່າ: ເພື່ອ ຮັບປະກັນ ເຮັດໃຫ້ ເມືອງກະລຶມ ມີ ສະຖຽນ ລະພາບ ທາງດ້ານ ການເມືອງ ຢ່າງໜັກແໜ້ນ, ສືບຕໍ່ ກໍ່ສ້າງ ຮາກຖານ ການເມືອງ ປັບປຸງພັກ ໃຫ້ ເຂັ້ມແຂງ ໝັກແໜ້ນ ຍົກສູງ ຄວາມສາມາດ ການນຳພາ ຂອງພັກ, ສ້າງ ເສດຖະກິດ ມີການ ຂະຫຍາຍຕົວ ຢ່າງ ໝັ້ນທ່ຽງ, ສູ້ຊົນ ເຮັດໃຫ້ ເສດຖະກິດ ຂະຫຍາຍຕົວ ໃນລະດັບ 4% ການ ຂະຫຍາຍຕົວ ທາງດ້ານ ເສດຖະກິດ ຫັນເປັນ ໄປຕາມທິດ ອຸດສະຫະກຳ ແລະ ທັນສະໄໝ, ເພື່ອ ຮັບປະກັນ ເຮັດໃຫ້ ສັງຄົມ ມີຄວາມສະຫງົບ ປອດໄພ ໂດຍ ພື້ນຖານ, ເຮັດໃຫ້ ປະຊາຊົນ ບັນດາເຜົ່າ ມີຊີວິດ ທີ່ດີຂື້ນ ເປັນກ້າວໆ.

ຂ່າວ: ທິດສາຄອນ ວົງມະນີ, ຂ່າວ TV-RO
ໂທ: 020 5550 3434.