ວັນອັງຄານ, 22 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ເຊກອງຮັບຟັງການເຜີຍແຜ່ກົດໝາຍວ່າດ້ວຍການກວດສອບແຫ່ງລັດ ສະບັບປັບປຸງ

 

 

 

 

 

 

        ໃນວັນທີ 2 ກໍລະກົດ ນີ້ ອົງການກອດສອບແຫ່ງລັດ ໄດ້ຈັດກອງປະຊຸມເຜີຍແຜ່ກົດໝາຍ ວ່າດ້ວຍການກວດສອບແຫ່ງລັດ ( ສະບັບປັບປຸງ ) ປີ 2016 ຂຶ້ນທີ່ຫ້ອງປະຊຸມຊັ້ນ3 ຫ້ອງວ່າການແຂວງເຊກອງ ໂດຍການເປັນ ປະທານຮ່ວມ ຂອງທ່ານ ເຄນ ລໍວັນໄຊ ຮອງປະທານອົງການກວດສອບແຫ່ງລັດ, ທ່ານ ເຫຼັກໄຫຼ ສີວິໄລ ຮອງເຈົ້າແຂວງ-ແຂວງເຊກອງ, ມີບັນດາກຳມະການພັກແຂວງ, ຫົວໜ້າພະແນກການ, ກົມກອງ, ອົງການທຽບເທົ່າ ພ້ອມ ດ້ວຍພາກສ່ວນທີ່ຫ່ຽວຂ້ອງເຂົ້າຮ່ວມຮັບຟັງ.

       ໃນພິທີ ທ່ານສັກດາ ໄພສາລີ ຮອງຫົວໜ້າກົມນິຕິກຳ ໄດ້ໃຫ່ກຽດເຜີຍແຜ່ ກົດໝາຍ ວ່າດ້ວຍການກວດສອບແຫ່ງລັດ ( ສະບັບປັບປຸງ ) ປີ2016 ຊຶ່ງມີທັງໝົດX ພາກ, ມີ75 ມາດຕາ, ໃນນີ້ປັບປຸງໃໝ່ມີ43 ມາດຕາ; ແລະຮັບຟັງການຜ່ານຂໍ້ຕົກລົງສະບັບເລກທີ931/ອກສລ, ລົງວັນທີ30 ກໍລະກົດ 2018 ວ່າດ້ວຍການຈັດຕັ້ງ ແລະການເຄື່ອນໄຫວຂອງກົມຮັບປະກັນຄຸນນະພາບຜົນການກວດສອບຊຶ່ງຂໍ້ຕົກລົງສະບັບນີ້ໄດ້ກຳນົດທີ່ຕັ້ງ, ພາລະ ບົດບາດ, ໜ້າທີ່, ຂອບເຂດສິດ, ໂຄງປະກອບການຈັດຕັ້ງ, ຫຼັກການເຄື່ອນໄຫວ, ແບບແຜນວິທີເຮັດວຽກ ເພື່ອໃຊ້ເປັນບ່ອນອີງ ໃຫ້ແກ່ການຈັດຕັ້ງ ແລະ ການເຄື່ອນໄຫວ ວຽກງານຂອງກົມຮັບປະກັນ ຄຸນນະພາບ ຜົນການກວດສອບ ໃຫ້ມີປະສິດທິພາບ, ປະສິດທິຜົນສູງ, ຖືກຕ້ອງຕາມກົດໝາຍແລະລະບຽບການ.

 

 

   ນອກນີ້ ຜູ້ເຂົ້າຮ່ວມຍັງໄດ້ຮັບຟັງການເຜີຍແຜ່ ມາດຕະຖານການກວດສອບແຫ່ງລັດ, ລະບຽບການຄຸ້ມຄອງພະນັກງານ-ລັດຖະກອນຂອງອົງການກວດສອບແຫ່ງລັດ ທັງນີ້ເພື່ອແນໃສ່ ນໍາໃຊ້ເຂົ້າໃນການຄຸ້ມຄອງ ພະນັກ ງານ-ລັດຖະກອນທີ່ສັງກັດ ຢູ່ອົງການກວດສອບແຫ່ງລັດ, ອົງການກວດສອບປະຈໍາພາກເພື່ອຄຸ້ມຄອງພະນັກງານ-ລັດຖະກອນໃຫ້ມີຄວາມສັດຊື່ບໍລິສຸດ, ມີລະບຽບວິໄນເຂັ້ມງວດ, ເຄົາລົບ ຕໍ່ການຈັດຕັ້ງ ແລະ ເຄື່ອນໄຫວ ຖືກຕ້ອງຕາມກົດໝາຍ ແລະ ລະບຽບການຕ່າງໆ.