ວັນພຸດ, 23 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ເຈົ້າແຂວງແຂວງເຊກອງຕ້ອນຮັບ ທ່ານທູດສິງກະໂປ

   ຕອນເຊົ້າວັນທີ 23 ມີຖຸນາ 2017 ນີ້ ທ່ານ ຄໍາເຜີຍ ບຸດດາວຽງ ກໍາມະການສູນກາງພັກ ເລຂາພັກແຂວງ ເຈົ້າແຂວງແຂວງເຊກອງ ພ້ອມຄະນະໄດ້ໃຫ້ກຽດຕ້ອນຮັບ ການເຂົ້າຢ້ຽມ ຄຳນັບຂອງ ທ່ານ ດໍເມີນິກໂກ (Dominic Goh) ເອກອັກ ຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສາທາລະນະລັດ ສິງກະໂປ ປະຈຳລາວ ໃນໂອກາດທີ່ທ່ານໄດ້ເດີນທາງເຄື່ອນໄຫວ ຢ້ຽມຢາມ ແລະ ເຮັດວຽກຢູ່ແຂວງເຊກອງ.
   ໂອກາດດັ່ງກ່າວນີ້, ທ່ານເຈົ້າແຂວງແຂວງເຊກອງ ກໍໄດ້ສະແດງຄວາມຕ້ອນຮັບ ຕີລາຄາສູງຕໍ່ ທ່ານ ດໍເມີນິກໂກ (Dominic Goh) ເອກອັກຄະລັດຖະທູດວິສາມັນ ຜູ້ມີອໍານາດເຕັມ ແຫ່ງ ສາທາລະນະລັດ ສິງກະໂປ ປະຈໍາ ສປປ ລາວ ພ້ອມດ້ວຍຄະນະ ທີ່ເດີນທາງມາຢ້ຽມຢາມ ແລະເຮັດວຽກ ຢູ່ ແຂວງເຊກອງໃນຄັ້ງນີ້ ເຊິ່ງເປັນການ ປະກອບສ່ວນ ສຳຄັນ ເຂົ້າໃນການເພີ່ມທະວີ ສາຍພົວພັນ ມິດຕະພາບ ແລະການຮ່ວມມື ລະຫວ່າງ ປະເທດ ກໍຄືແຂວງໃຫ້ມີຄວາມ ໜັກແໜ້ນ ເຂັ້ມແຂງ ແລະມີບາດກ້າວ ຂະຫຍາຍຕົວຍິ່ງຂຶ້ນ ພ້ອມທັງລາຍງານກ່ຽວກັບທີ່ຕັ້ງ, ຈຸດພິເສດ ແລະ ສະພາບການພັດທະນາເສດຖະກິດ-ສັງຄົມອັນທີ່ພົ້ນເດັ່ນຂອງແຂວງ ໃຫ້ທ່ານຊາບ.

    ຈາກນັ້ນ, ທ່ານ ເອກອັກຄະລັດຖະທູດວິສາມັນ ຜູ້ມີອໍານາດເຕັມແຫ່ງ ສາທລະນະລັດ ສິງກະໂປ ປະຈໍາ ສປປ ລາວ ກໍໄດ້ສະແດງຄວາມຂອບໃຈຕໍ່ທ່ານເຈົ້າແຂວງ ພ້ອມຄະນະ ທີ່ໃຫ້ການຕ້ອນຮັບຢ່າງອົບອຸ່ນ ພ້ອມນີ້ກໍໄດ້ແຈ້ງກ່ຽວກັບຈຸດປະສົງທີ່ມາເຄື່ອນໄຫວຢ້ຽມຢາມ ແລະເຮັດວຽກຢູ່ແຂວງເຊກອງ ໂດຍຢືນຢັນວ່າ ຈະສຸມທຸກຄວາມພະຍາຍາມໃນການເຄື່ອນໄຫວ ປະກອບສ່ວນ ເຂົ້າໃນການ ເສີມຂະຫຍາຍ ສາຍພົວພັນ ຮ່ວມມື ລະຫວ່າງ ປະເທດຂອງຕົນ ກັບ ສປປ ລາວ ກໍຄືແຂວງເຊກອງ ໃຫ້ແໜ້ນແຟ້ນ ແລະການຮ່ວມມືຮອບດ້ານໃນຕໍ່ໜ້າໃຫ້ມີປະສິດທິຜົນສູງຂຶ້ນ.
                                                                                    ຂ່າວ-ພາບ: ນາລີວັນ