ວັນຈັນ, 21 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ທ່ານ ຮອງເລຂາພັກແຂວງ ຮອງເຈົ້າແຂວງກອນຕູມ ອວຍພອນການນໍາແຂວງເຊກອງ

   ຕອນບ່າຍວັນທີ 3 ເມສາ 2017 ນີ້ ທ່ານ ນາງ ຫມຸ໋ຍ ຮອງເລຂາພັກແຂວງ ຮອງເຈົ້າແຂວງກອນຕູມ ສສ ຫວຽດນາມ ພ້ອມຄະນະໄດ້ເດີນທາງຢ້ຽມຢາມ ແລະ ອວຍພອນ ທ່ານ ຄໍາເຜີຍ ບຸດດາວຽງ ກໍາມະການສູນກາງພັກ ເລຂາພັກແຂວງ ເຈົ້າແຂວງເຊກອງ ສປປ ລາວ ພ້ອມຄະນະ ເນື່ອງໃນໂອກາດສົ່ງທ້າຍປີເກົ່າ ພສ 2559 ແລະຕ້ອນຮັບປີໃຫມ່ລາວ ພສ 2560 ທີ່ຫ້ອງປະຊຸມຫ້ອງວ່າການປົກຄອງແຂວງເຊກອງ ໂດຍການຕ້ອນຮັບຢ່າງອົບອຸ່ນດ້ວຍໄມຕີຈິດມິດຕະພາບແຫ່ງຄວາມສາມັກຄີແບບພິເສດ ຈາກຄະນະນໍາຂອງແຂວງເຊກອງ.
   ໂອກາດດັ່ງກ່າວນີ້, ທ່ານ ນາງ ຫມຸ໋ຍ ຮອງເລຂາພັກແຂວງ ຮອງເຈົ້າແຂວງກອນຕູມ ສສ ຫວຽດນາມ ໄດ້ຂຶ້ນກ່າວມອບຄໍາອວຍພອນໄຊອັນປະເສີດ ມາຍັງການນໍາແຂວງເຊກອງ, ນັກຮົບປະຕິວັດ, ພະນັກງານ-ລັດຖະກອນ, 2 ກໍາລັງປະກອບອາວຸດ ຕະຫລອດຮອດປະຊາຊົນບັນດາເຜົ່າຊາວແຂວງເຊກອງ ຈົ່ງມີຄວາມຜາສຸກ, ສຸຂະພາບແຂງແຮງ ແລະ ພອ້ມກັນເສີມຂະຫຍາຍສາຍພົວພັນ, ຜູກແຫນ້ນຄວາມສາມັກຄີແບບພິເສດ ໃຫ້ນັບມື້ນັບເພີ່ມຂຶ້ນ ພ້ອມທັງມອບກະຕ່າຂອງຂວັນໃຫ້ແກ່ການນໍາແຂວງເຊກອງ, ຈາກນັ້ນທ່ານ ຄໍາເຜີຍ ບຸດດາວຽງ ກໍໄດ້ກ່າວຕ້ອນຮັບ ແລະ ຂອບອົກຂອບໃຈມາຍັງສະຫາຍ ຮອງເລຂາພັກແຂວງກອນຕູມ ພ້ອມດ້ວຍຄະນະທີ່ມີນໍ້າໃຈ, ເຫັນໄດ້ຄວາມຫມາຍຄວາມສໍາຄັນ ຂອງປະເພນີລາວ ກໍ່ຄືບຸນປີໃຫ່ມລາວ ເຊິ່ງເປັນຮີດຄອງປະເພນີ ຂອງຄົນລາວບັນດາເຜົ່າ ທີ່ໄດ້ນຳພາຄະນະມາອວຍພອນການນໍາ ກໍຄືປະຊາຊົນບັນດາເຜົ່າຊາວແຂວງເຊກອງໃນຄັ້ງນີ້.
   ໃນໂອກາດດຽວກັນກໍໄດ້ມີພິທີບາສີສູ່ຂັວນ ແລະ ຫົດສົງນ້ຳຫອມ ເພື່ອເປັນສີລິມຸງຄຸນໃຫ້ແກ່ຄະນະນໍາທັງສອງຝ່າຍ.

                                                                                ຂ່າວ-ພາບ: ນາລີວັນ