ວັນພຸດ, 23 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ລະມາມ ຈັດພິທີມອບ-ໂອນພະນັກງານ-ລັດຖະກອນ


   ຕອນເຊົ້າຂອງວັນທີ 21 ກຸມພາ 2017 ນີ້; ຢູ່ທີ່ຫ້ອງປະຊຸມຂອງຫ້ອງການຍຸຕິທຳ ເມືອງລະມາມ ໄດ້ຈັດພິທີ ມອບໂອນພະນັກງານ-ລັດຖະກອນ ຂອງບາງຂະແໜງການຂັ້ນເມືອງ ທີ່ມີການປັບປຸງລະບົບການຈັດຕັ້ງໃໝ່, ໂດຍມີທ່ານ ໄຊຍະຫວັດ ກ້ອນຄຳໝັ້ນ ຄະນະປະຈຳພັກເມືອງ ຮອງເລຂາພັກເມືອງ ຜູຊີ້ນຳວຽກງານພັກ-ພະນັກງານ, ທ່ານ ສຸພາບ ຜີວຄຳພາ ກຳມະການພັກເມືອງ ຫົວໜ້າຫ້ອງການ ພາຍໃນເມືອງລະມາມ, ມີບັນດາທ່ານ ຫົວໜ້າຫ້ອງການ-ຮອງຫ້ອງການ ອ້ອມຂ້າງເມືອງ, ພະນັກງານວິຊາການ ແລະ ເລຂາຄະນະພັກຮາກຖານກຸ່ມບ້ານ ເຂົ້າຮ່ວມ.

   ທ່ານ ສຸພາບ ຜິວຄໍາພາ ກໍຳມະການພັກເມືອງ ຫົວໜ້າຫ້ອງການພາຍໃນ ເມືອງລະມາມ ໄດ້ຜ່ານຂໍ້ຕົກລົງຂອງເຈົ້າເມືອງ ວ່າດ້ວຍ ມອບ-ໂອນ ບາງວຽກງານ ແລະ ສັບຊ້ອນ ພະນັກງານ-ລັດຖະກອນ ໄປສັງກັດຢູ່ບັນດາຫ້ອງການອ້ອມຂ້າງເມືອງ ຕາມພາລະບົດບາດ ຄວາມຮັບຜິດຊອບຂອງວຽກງານ ໂດຍໄດ້ມອບ-ໂອນ ພະນັກງານ-ລັດຖະກອນ ຈາກກອງເລຂາຄະນະກຳມະທິການ ເພື່ອຄວາມກ້າວໜ້າແມ່ຍິງ; ວຽກແມ່ ແລະ ເດັກ ໄປຂຶ້ນກັບຫ້ອງການສະຫະພັນແມ່ຍິງເມືອງ ຈຳນວນ 7 ທ່ານ; ຍິງ 4 ທ່ານ: ມີພະນັກງານ-ລັດຖະກອນສົມບູນ 5 ທ່ານ; ພະນັກງານອາສາສະໝັກ 2 ທ່ານ, ມອບ-ໂອນ ພະນັກງານ-ລັດຖະກອນຈາກໜ່ວຍງານກາແດງຂອງຫ້ອງວ່າການປົກຄອງເມືອງ ໄປຂຶ້ນກັບ ຫ້ອງການແຮງງານ ແລະ ສະຫວັດດີການສັງຄົມເມືອງ ຈຳນວນ 4 ທ່ານ; ຍິງ 3 ທ່ານ: ມີພະນັກງານ-ລັດຖະກອນສົມບູນ 4 ທ່ານ; ພະນັກງານອາສາສະໝັກ 1 ທ່ານ.
   ໂອກາດດຽວກັນນີ້ ທ່ານ ໄຊຍະຫວັດ ກ້ອນຄຳໝັ້ນ ຄະນະປະຈໍາພັກເມືອງ ຜູຊີ້ນຳວຽກພັກ-ພະນັກງານ ກໍ່ໄດ້ໃຫ້ກຽດໂອ້ລົມ ເຊິ່ງໄດ້ຮຽກຮ້ອງໃຫ້ບັນດາພະນັກງານ-ລັດຖະກອນທີ່ຖືກຍົກຍ້າຍຊັບຊ້ອນ ໃຫ້ເອົາໃຈໃສ່ເພີ່ມທະວີຄວາມສະໝັກຄີຢ່າງໜັກແໜ້ນ ແລະ ສືບຕໍ່ຈັດຕັ້ງປະຕິບັດໜ້າທີ່ວຽກງານ ຂອງຕົນຮັບຜິດຊອບໃຫ້ມີຜົນສຳເລັດ.

                                                                    ໜູໄຊ ສັກພາສິດ ຈາກ: ເມືອງລະມາມ