ວັນພຸດ, 23 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ເມືອງທ່າແຕງ ເປີດຂະບວນການແຂ່ງຂັນກິລາ ຊິງຂັນ ທ່ານ ເຈົ້າເມືອງ.

    ພິທີເປີດ ຂະບວນການ ແຂ່ງຂັນກິລາ ຊິງຂັນ ທ່ານ ເຈົ້າເມືອງໆ ທ່າແຕງ, ໃນບັ້ນປະກາດເມືອງ ທ່າແຕງ ເປັນເມືອງ ສາທາລະນະສຸກແບບຢ່າງ (ບສບ) ແລະ ເມືອງ ຊຸມຊົນເປັນເຈົ້າການ ໃນວຽກງານສຸຂະອະນາໄມ, ໃນວັນທີ 16 ພະຈິກ 2016 ນີ້ ຢູ່ເດີ່ນ ກິລາ ເມືອງ ທ່າແຕງ ແຂວງ ເຊກອງ. ໂດຍການ ເຂົ້າຮວ່ມຂອງທ່ານ ຄຳສອນ ກອນເຍີ ກຳມະການພັກແຂວງ ເຈົ້າເມືອງໆ ທ່າແຕງ, ມີຄະນະປະຈຳພັກເມືອງ - ກໍາມະການພັກເມືອງ, ຫົວໜ້າ-ຮອງຫອ້ງການອ້ອມຂ້າງເມືອງ ພ້ອມດ້ວຍພະນັກງານ-ຄູອາຈານ ແລະ ນັກກິລາແຕ່ລະປະເພດເຂົ້າຮວ່ມ ຢ່າງເປັນຂະບວນຟົດຟື້ນ.
    ທ່ານ ຄອນສະຫວັນ ພັນໂຊດ ກຳມະການພັກເມືອງ ຫົວໜ້າຫອ້ງການອຸດສະຫະກຳ ແລະ ການຄ້າເມືອງ ທັງເປັນຫົວໜ້າ ອະນຸຂະບວນການ ໃນວຽກງານ ( ບສບ) ແລະ( ຊຈສ) ໄດ້ລາຍງານການເຄື່ອນໄຫວ ວຽກງານ ກິລາ ເຊິ່ງມາຮອດປັດຈຸບັນ ມີນັກກິລາເຂົ້າຮວ່ມການແຂ່ງຂັນ ທີ່ມາຈາກແຂວງ ສາລະວັນ, ນອກນັ້ນ ຍັງມີນັກກິລາມາຈາກ ພະແນກການຕ່າງໆ ຂອງແຂວງ - ເມືອງ ແລະ ນັກຮຽນຮູ້ປັນຍາຊົນ ເຂົ້າຮວ່ມ 3 ປະເພດຄື : ປະເພດ ບານເຕະ ( ຟຸດຊໍ ) ມີ 24 ທີມ, ທີມຍິງ 4 ທີມ, ທີມຊາຍ ອາວຸໂສ 6 ທີມ, ປະເພດ ເປຕັງ 20 ທີມ, ທີມຍິງ 7 ທີມ ແລະ ປະເພດ ບານສົ່ງຍິງ 6 ທີມ. ສວ່ນລາງວັນຊະນະເລີດ ປະເພດບານເຕະ (ຟຸດຊໍ), ບານສົ່ງຍິງ ຈະໄດ້ຮັບເງິນສົດ 5 ແສນກີບ ພອ້ມຂັນ 1 ໜວ່ຍ, ຮອງຊະນະເລີດອັນດັບ 1 ຈະໄດ້ຮັບເງິນສົດ 3 ແສນກີບ ແລະຮອງຊະນະເລີດອັນດັບ 2 ຈະໄດ້ຮັບເງິນສົດ 2 ແສນກີບ ແລະ ປະເພດ ເປຕັງ ລາງວັນຊະນະເລີດ ຈະໄດ້ຮັບເງິນສົດ 3 ແສນກີບ ພອ້ມຂັນ 1 ໜວ່ຍ, ຮອງຊະນະເລີດ ອັນດັບ 1 ຈະໄດ້ຮັບເງິນສົດ 2 ແສນກີບ ແລະ ຮອງຊະນະເລີດອັນດັບ 2 ຈະໄດ້ຮັບເງິນສົດ 1ແສນ ກີບ.
    ໂອກາດດຽວກັນນັ້ນ, ທ່ານ ຄຳສອນ ກອນເຍີ ກຳມະການພັກແຂວງ ເຈົ້າເມືອງໆ ທ່າແຕງ ກໍໄດ້ໂອລົມ ຕໍ່ພິທີເປີດຂະບວນການ ແຂ່ງຂັນກິລາຊິງຂັນ ທ່ານ ເຈົ້າເມືອງ ເຊິ່ງທ່ານໄດ້ກ່າວວ່າ: ຈຸດປະສົງ ໃນການຈັດການແຂ່ງຂັນກິລາ ຄັ້ງນີ້, ເພື່ອສ້າງຂະບວນການຂໍ່ານັບຮັບຕ້ອນ ວັນຊາດ ທີ 2 ທັນວາ ຄົບຮອບ 41 ປີ, ວັນຄ້າຍວັນເກີດ ຂອງປະທານ ໄກສອນພົມວິຫານຄົບຮອບ 96 ປີ ທີ່ຈະມາເຖິງນີ້ ແລະ ເພື່ອກະກຽມ ປະກາດເມືອງ ທ່າແຕງ ເປັນເມືອງ ສາທາລະນະສຸກແບບຢ່າງ (ບສບ) ແລະ ເມືອງ ຊຸມຊົນ ເປັນເຈົ້າການໃນວຽກງານສຸຂະອະນາໄມ (ຊຈສ ) ທັງນີ້ ກໍ່ເພື່ອ ສົ່ງເສີມ ວຽກງານກິລາ ໃຫ້ມີການພັດທະນາ ແລະ ສ້າງຄວາມສາມຄີ ແລກປ່ຽນ ຖອດຖອນບົດຮຽນ ຮວ່ມກັນ ເພື່ອໃຫ້ວຽກງານກິລາ ພາຍໃນ ເມືອງທ່າແຕງ ຂອງພວກເຮົາ ມີຄວາມກ້າວໜ້າ ເຂັ້ມແຂງຂື້ນ ເທື່ອລະກ້າວ.

                                                                                                      ຂ່າວ-ພາບ : ພອນເພັດ ຄຳວິທອນ.TEL: 030 9390 400.