ວັນອັງຄານ, 22 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ຄະນະຜູ້ແທນຂັ້ນສູງ ແຂວງດັກລັກ ພົບປະຢ້ຽມຢາມ ແຂວງເຊກອງ

    ໃນຕອນເຊົ້າ ວັນທີ 9 ພະຈິກ 2016 ນີ້ ຄະນະຜູ້ແທນຂັ້ນສູງ ແຂວງດັກລັກ ສສ ຫວຽດນາມ ພ້ອມຄະນະ ພົບປະ ຢ້ຽມຢາມ ຄະນະຜູ້ແທນຂັ້ນສູງ ແຂວງເຊກອງ ເຊິ່ງນໍາໂດຍທ່ານ ເອບານ ອີຟູ ເລຂາພັກແຂວງ ດັກລັກ ສສ ຫວຽດນາມ ໂດຍການຕ້ອນຮັບ ຢ່າງອົບອຸ່ນ ຂອງທ່ານ ຄໍາເຜີຍ ບຸດດາວຽງ ກໍາມະການສູນກາງພັກ ເລຂາພັກແຂວງ ເຈົ້າແຂວງເຊກອງ ພ້ອມຄະນະ ທີ່ຫ້ອງປະຊຸມຊັ້ນ 3 ຫ້ອງວ່າການປົກຄອງແຂວງເຊກອງ.
   ໃນຂະນະ ທີ່ທ່ານ ເລຂາພັກແຂວງ ດັກລັກ ສສ ຫວຽດນາມ ພົບປະ ຢ້ຽມຢາມ ຄະນະນໍາ ແຂວງເຊກອງ ໃນຄັ້ງນີ້ ແມ່ນເປັນການຢ້ຽມຢາມ ຖາມຂ່າວ, ພົບປະ ແລກປ່ຽນບົດຮຽນ ຄະນະນໍາແຂວງ ເຊກອງ ທັງນີ້, ກໍ່ໄດ້ພ້ອມກັນ ຕີລາຄາສູງ ໃນການພົວພັນ ຮ່ວມມື ຮອບດ້ານລະຫວ່າງ ສອງແຂວງ ເຊກອງ-ດັກລັກ ໂດຍສະເພາະ ໃນຂົງເຂດ ວຽກງານກະສິກໍາ ເຊິ່ງແຂວງດັກລັກ ຈະພະຍາຍາມ ຍົກສູງ ແລະ ສົ່ງເສີມ ການປູກ-ການລ້ຽງ ຂອງປະຊາຊົນ ແຂວງເຊກອງ ແລະ ຈະໄດ້ສືບຕໍ່ ເສີມຂະຫຍາຍ ເພີ່ມພູນຄູນສ້າງ ສາຍພົວພັນ ຮ່ວມມືມິດຕະພາບ ກໍຄືການເສີມຂະຫຍາຍ ສືບຕໍ່ພົວພັນ ຮ່ວມມືຮອບດ້ານ ລະຫວ່າງ 2 ຊາດລາວ-ຫວຽດນາມ ກໍຄື 2 ແຂວງເຊກອງ-ດັກລັກ ໃຫ້ນັບມື້ ເພີ່ມພູນຄູນສ້າງ ຂຶ້ນກວ່າເກົ່າ.
    ໃນໂອກາດນີ້ທ່ານ ຄໍາເຜີຍ ບຸດດາວຽງ ເຈົ້າແຂວງເຊກອງ ໄດ້ກ່າວຕ້ອນຮັບ ແລະ ຕີລາຄາສູງ ຕໍ່ການມາຢ້ຽມຢາມ ແຂວງເຊກອງ ຄັ້ງນີ້ວ່າ: ໄລຍະຜ່ານມາ ສອງແຂວງ ເຊກອງ-ດັກລັກ ມີການພົວພັນກັນ ດ້ານປະຫວັດສາດ ເປັນຕົ້ນ ອວຍພອນວັນສໍາຄັນ ຕ່າງໆ ຂອງຊາດ ໂດຍພື້ນຖານ, ພົບປະແລກປ່ຽນ ບົດຮຽນຫຼາຍໆ ດ້ານ ແລະ ການຢ້ຽມຢາມຄັ້ງນີ້ ກໍ່ຈະເປັນການຍົກສູງ ການເປັນຢູ່ ຂອງປະຊາຊົນ ໃຫ້ສາມາດກຸ້ມ ຕົນເອງ, ສົ່ງອອກໃນພາກພື້ນ ແລະ ສາກົນ ແລະ ການຮ່ວມມື ໃນດ້ານຕ່າງໆ ໃຫ້ນັບມື້ ນັບສູງຂຶ້ນ ສະນັ້ນ, ການພົວພັນຮ່ວມມື ລະຫວ່າງເຊກອງ-ດັກລັກ ກໍ່ໄດ້ຮຽກຮ້ອງເຖິງ ການແລກປ່ຽນ ບົດຮຽນອັນໃໝ່ ເຊິ່ງກັນ ແລະ ກັນ ໃຫ້ດີຂຶ້ນກວ່າເກົ່າ ເປັນປົກກະຕິ ພ້ອມນີ້, ທ່ານຍັງໄດ້ຍ້ອງຍໍຊົມເຊີຍ ແລະ ຂອບໃຈ ມາຍັງຄະນະຜູ້ແທນຂັ້ນສູງ ແຂວງດັກລັກ ສສ ຫວຽດນາມ ທີ່ໄດ້ໃຫ້ຄວາມຮ່ວມມື ແລະ ຈະຊ່ວຍເຫຼືອແຂວງເຊກອງ ໂດຍສະເພາະ ຈະພະຍາຍາມຄົ້ນຄວ້າ ແລະ ສົ່ງເສີມ ການປູກກາເຟ ຂອງປະຊາຊົນ ແຂວງເຊກອງ ຢ່າງສຸດໃຈ. ໂອກາດດຽວກັນນີ້ ເພື່ອສະແດງເຖິງ ໄມຕີມິດຕະພາບ ອັນແໜ້ນແຟ້ນ ຄະນະນໍາແຂວງເຊກອງ ກໍ່ໄດ້ມອບຂອງຂັວນ ເພື່ອເປັນທີ່ລະນຶກ ໃຫ້ແກ່ຄະນະນໍາແຂວງດັກລັກ ຕື່ມອີກ.
                                                                                   ຂ່າວພາບ: ນາລີວັນ