ວັນພຸດ, 23 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ຄະນະຜູ້ແທນຂັ້ນສູງສອງແຂວງ ເຊກອງ-ເທື່ອທຽນເຫວ້ແລກປ່ຽນບົດຮຽນ

   ກອງປະຊຸມ ພົບປະແລກປ່ຽນບົດຮຽນ ລະຫວ່າງ ຄະນະຜູ້ແທນຂັ້ນສູງ ສອງ ແຂວງເຊກອງ ສປປ ລາວ ແລະ ແຂວງ ເທື່ອທຽນເຫວ້ ສສ ຫວຽດນາມ ໄດ້ມີຂຶ້ນ ໃນຕອນເຊົ້າ ຂອງວັນທີ 3 ພະຈິກ 2016 ນີ້ ທີ່ຫ້ອງປະຊຸມຊັ້ນ 3 ຫ້ອງວ່າການປົກຄອງ ແຂວງເຊກອງ ພາຍໃຕ້ການເປັນປະທານຮ່ວມ ຂອງທ່ານ ຄໍາເຜີຍ ບຸດດາວຽງ ເຈົ້າແຂວງເຊກອງ ແລະ ທ່ານ ເລ ເຈືອງ ລືວ ກໍາມະການສູນກາງພັກ ກອມມຸຍນິດຫວຽດນາມ, ເລຂາພັກ, ປະທານສະພາປະຊາຊົນແຂວງ ເທື່ອທຽນເຫວ້, ໂດຍມີຄະນະນໍາທັງສອງແຂວງເຂົ້າຮ່ວມ.

  ໃນກອງປະຊຸມ ຄະນະຜູ້ແທນຂັ້ນສູງ ທັງສອງຝ່າຍກໍໄດ້ ຜັດປ່ຽນກັນລາຍງານ ສະພາບການກ່ຽວກັບ ການຈັດຕັ້ງປະຕິບັດ ວຽກງານການຮ່ວມມືກັນ ລະຫວ່າງ ສອງຝ່າຍໃນໄລຍະຜ່ານມາ ແລະ ທິດທາງແຜນການ ຮ່ວມມືໃນຕໍ່ໜ້າ, ທັງສອງຝ່າຍ ກໍໄດ້ຜັດປ່ຽນກັນ ປະກອບຄໍາຄິດຄໍາເຫັນ ຕີລາຄາຄືນ ຜົນການຮ່ວມມື ພ້ອມທັງປຶກສາຫາລື ເຂົ້າໃສ່ທິດທາງແຜນການ ໃນວຽກງານການພົວພັນ ຮ່ວມມື ທີ່ໄດ້ເຊັນບົດບັນທຶກຊ່ວຍຈໍານໍາກັນ ໃນປີ 2015 ຜ່ານມາ ເປັນຕົ້ນ ການສ້າງຊັບພະຍາກອນມະນຸດ, ວຽກງານຄົມມະນາຄົມ ( ການກໍ່ສ້າງເສັ້ນທາງ ບັນດາບ້ານລຽບຕາມ ເຂດຊາຍແດນ), ການຄ້າ-ການລົງທຶນ, ການທ່ອງທ່ຽວ ແລະ ດ້ານສາທາລະນະສຸກ ໃນໄລຍະຜ່ານມາ ລະຫວ່າງ ແຂວງເຊກອງ-ເທື່ອທຽນເຫວ້ ແລະ ການຮ່ວມມືຮອບດ້ານ ໃນຕໍ່ໜ້າ.
   ກອງປະຊຸມ ຍັງໄດ້ຕົກລົງເຫັນດີ ເປັນເອກະພາບ ທີ່ຈະໄດ້ສືບຕໍ່ເສີມຂະຫຍາຍ ສາຍພົວພັນ ມິດຕະພາບ, ຄວາມສາມັກຄີ ແບບພິເສດ ແລະ ການຮ່ວມມືຮອບດ້ານ ທີ່ເປັນມູນເຊື້ອ ຂອງສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້້າລວມ, ລະຫວ່າງສອງແຂວງເຊກອງ-ເທື່ອທຽນເຫວ້ ເວົ້າສະເພາະ ໃຫ້ເຂົ້າສູ່ລວງເລິກ ແລະ ບາດກ້າວໃໝ່ ໃຫ້ນັບມື໊ເພີ່ມພູນຄູນສ້າງ ຂຶ້ນເລື້້ອຍໆ.
    ເພື່ອເປັນການຮັດແໜ້ນ ຄວາມສາມັກຄີ ມິດຕະພາບ ແລະ ຄວາມສາມັກຄີ ພິເສດ ການຮ່ວມມືຮອບດ້ານ ຂອງທັງສອງແຂວງ ທີ່ນັບມື້ເພີ່ມພູນຄູນສ້າງ ຂຶ້ນເລື້ອຍໆ ໃນຕອນທ້າຍຂອງກອງປະຊຸມ ທັງສອງຝ່າຍ ກໍໄດ້ມີການມອບຂອງຂັວນ ແລະ ຖ່າຍຮູບຮ່ວມກັນ ເປັນທີ່ລະລຶກ.
                                                                                                        ຂ່າວ: ນາລີວັນ