ວັນຈັນ, 21 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ເຊກອງ ຄາດຈະຂະຫຍາຍລະບົບຕາຂ່າຍໄຟຟ້າໄປສູ່ຊົນນະບົດ ແຕ່ນີ້ຮອດ 2016 ໃຫ້ໄດ້ 10 ບ້ານ

 

                                             ເຊກອງ ຄາດຈະ ຂະຫຍາຍ ລະບົບ ຕາຂ່າຍ ໄຟຟ້າ ໄປສູ່ຊົນນະບົດ ແຕ່ນີ້ຮອດ 2016 ໃຫ້ໄດ້ 10 ບ້ານ.

     ຈາກການ ສຳພາດ ທ່ານ ອ່ອນໄຫວ ສະແຫວງຖາມ ຫົວໜ້າ ພະແນກ ພະລັງງານ ແລະ ບໍ່ແຮ່ ແຂວງ ເຊກອງ ໃຫ້ຮູ້ວ່າ: ແຂວງ ເຊກອງ ໄດ້ນຳໃຊ້ ແຫຼ່ງພະລັງງານ ໄຟຟ້າ ເຊເສັດ -ເຂື່ອນ ໄຟຟ້າ ເຊຂະໝານ 3 ແລະ ຈຳນວນໜຶ່ງ ນຳໃຊ້ ຈາກຫວຽດນາມ ໂດຍສະເພາະ ແມ່ນ ເມືອງດາກຈຶງ ແລະ ເຂດຊາຍແດນ ເມືອງ ກະລຶມ ( ເຂດ ບ້ານໂກຼ - ຄ້າຍທະຫານ ທີ່ຕິດຈອດ ກັບ ເມືອງ ອາເລື້ອຍ ) ນອກນີ້, ຄາດວ່າ 2016 ຕາມແຜນຂະຫຍາຍລະບົບຕາຂ່າຍໄຟຟ້າໄປສູ່ເຂດຊົນນະບົດ ຈະໃຫ້ໄດ້ 10 ບ້ານ.
      ຂະນະທີ່ ບ້ານ ທີ່ໄດ້ຊົມໃຊ້ ໄຟຟ້າ ແລ້ວ 109 ບ້ານ, ເທົ່າກັບ 54,21% ຂອງ ຈຳນວນ ບ້ານ ທັງໝົດ 200 ບ້ານ ທົ່ວແຂວງ, ມີ 12.281 ຄອບຄົວ, ບ້ານ ທີ່ໄດ້ໃຊ້ ໄຟຟ້າ ແສງຕາເວັນ 9 ບ້ານ, ມີ 174 ຄອບຄົວ ໂດຍ ໃນແຜນການ ຂະຫຍາຍ ລະບົບ ຕາຂ່າຍ ໄປສູ່ ເຂດຊົນນະບົດ ຂອງ 3 ເມືອງ ຄື: ລະມາມ 5 ບ້ານ, ກະລຶມ 7 ບ້ານ ແລະ ດາກຈຶງ 17 ບ້ານ ຊຶ່ງ ໂຄງການ ດັ່ງກ່າວ ໄດ້ຈັດຕັ້ງ ປະຕິບັດ ມາແຕ່ ຕົ້ນປີ 2014 ຄາດ ແຕ່ນີ້ຮອດ 2016 ຈະໃຫ້ ສຳເລັດ 10 ບ້ານ ໃນ ຈຳນວນ 91 ບ້ານ ທີ່ຍັງບໍ່ທັນໄດ້ ຊົມໃຊ້ ໄຟຟ້າ, ມີ 7.944 ຄອບຄົວ ໂດຍ ໃນຈຳນວນ ບ້ານດັ່ງກ່າວ ແມ່ນມີ ສິ່ງທ້າທາຍ ຫຼາຍຢ່າງ ຕໍ່ກັບ ການຂະຫຍາຍ ລະບົບຕາຂ່າຍ ໄຟຟ້າ ຍ້ອນຢູ່ໃນ ເຂດຫ່າງໄກ ສອກຫຼີກ, ຢູ່ກະແຈກກະຈາຍ, ການເຕົ້າໂຮມ ບ້ານນ້ອຍ ເຂົ້າເປັນບ້ານໃຫຍ່ ຍັງບໍ່ທັນ ເຮັດໄດ້ຫຼາຍ ພ້ອມນີ້, ບັນຫາດ້ານທຶນ ຮອນ ກໍຍັງມີ ໜ້ອຍ ແລະ ຕອບສະໜອງ ບໍ່ທັນ ກັບຄວາມ ຮຽກຮ້ອງ ຕ້ອງການ ຂອງ ໜ້າວຽກ ຕົວຈິງ.
    ພ້ອມດຽວກັນ, ອັດຕາ ການຊົມໃຊ້ ໄຟຟ້າ ຂອງ ປະຊາຊົນ ທົ່ວ ແຂວງ ເຊກອງ ໃນປັດຈຸບັນ ມີ 6,69 MW, ລວມມີ ຕາຂ່າຍ 115 KV, ມີຄວາມຍາວ 130 Km, ຕາຂ່າຍ 22 KV, ຍາວ 436,638 Km, ຕາ ຂ່າຍ 0,4 KV,  ຍາວ 314,653 Km,  ຕາຂ່າຍ 12,7 KV, ຍາວ 26,746 Km ແລະ ຕາຂ່າຍ 0,23 KV, ຍາວ 5,895 Km.


ຂ່າວ: ແພງຕາ
ຮູບ: 20032015; 21032015