ວັນພຸດ, 23 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ປະຊາຊົນບ້ານດາກເຕຣິບ ເມືອງດາກຈຶງ ມີນໍ້າສະອາດໃຊ້ແລ້ວ

     ພາຍຫຼັງທີ່ ໂຄງການຄຸ້ມຄອງພື້ນຖານໂຄງລ່າງ ຊົນນະບົດຂະໜາດນ້ອຍ ຢ່າງມີປະສິດທີຜົນ ແລະ ກຽມພ້ອມປ້ອງກັນໄພພິບັດ ຈາການປ່ຽນແປງດິນຟ້າອາກາດ ຫຼື ( GIDCC/LDCF-2 ) ໄດ້ໃຫ້ທຶນສົມທົບກໍ່ສ້າງນໍ້າລິນໃຫ້ແກ່ບ້ານ ດາກເຕຣິບ ເມືອງກາກຈຶງ ແຂວງເຊກອງ ທີ່ໄດ້ດໍາເນີນການກໍ່ສ້າງມາແຕ່ ກາງປີນີ້ ເຊິ່ງໄດ້ສໍາເລັດ ແລະ ໄດ້ມີການມອບ-ຮັບໃນວັນທີ 21 ຕຸລາ ນີ້.

     ໂຄງການ ( GIDCC/LDCF-2 ) ໄດ້ຮັບການສະໜັບສະໜູນທຶນ ແລະ ວິຊາການ ຈາກກອງທຶນການປ່ຽນແປງດິນຟ້າອາກາດ ສຳລັບປະເທດດ້ອຍພັດທະນາ, ເຊິ່ງໂຄງການກໍ່ສ້າງນ້ຳລິນຢູ່ບ້ານ ດາກເຕຣິບ ເມືອງດາກຈຶງ ແຂວງເຊກອງ ກໍແມ່ນໂຄງການໜຶ່ງ ທີ່ໄດ້ຮັບທຶນສະໜັບສະໜູນຈາກໂຄງການດັ່ງກ່າວ ໄດ້ເລີ່ມແຕ່ຕົ້ນເດືອນມີຖຸນາ 2016 ເຊິ່ງມີມູນຄ່າກວ່າ 560 ລ້ານກີບ, ໃນນີ້ຊາວບ້ານປະກອບສ່ວນດ້ານແຮງງານ ແລະ ວັດຖຸທ້ອງຖິ່ນ ທີ່ຫາໄດ້ມູນຄ່າຈໍານວນ 50,9 ລ້ານກີບ ພາຍຫຼັງການກໍ່ສ້າງສໍາເລັດ ຈຶ່ງໄດ້ມອບ-ຮັບ ໃຫ້ຊາວບ້ານປົກປັກຮັກສາ ແລະ ຄຸ້ມຄອງນຳໃຊ້ໃນວັນທີ 21 ຕຸລາ 2016 ນີ້ ໂດຍ ການເປັນກຽດເຂົ້າຮ່ວມ ຂອງທ່ານ ວິໄລສັກ ບຸດດາກກັງ ຄະນະປະຈຳພັກ ຮອງເຈົ້າເມືອງໆດາກຈຶງ, ພ້ອມດ້ວຍພະນັກງານຫ້ອງການກ່ຽວຂ້ອງ ຂັ້ນແຂວງ ແລະ ເມືອງ, ໂດຍນໍ້າລິນ ນີ້ມີຄອບຄົວທີ່ໄດ້ຮັບປະໂຫຍດ ຈໍານວນ 136 ຄອບຄົວ, ພົນລະເມືອງ 697 ຄົນ, ຜົນສຳເລັດ ຂອງໂຄງການດັ່ງກ່າວ ແມ່ນເນື່ອງຈາກຄວາມເອົາໃຈໃສ່ຂອງພາກສ່ວນທີ່ກ່ຽວຂ້ອງ ມີຄວາມເປັນເຈົ້າການຕິດຕາມ ກວດກາການຈັດຕັ້ງປະຕິບັດ ລວມທັງຄວາມຮັບຜິດຊອບຂອງບໍລິສັດຜູ້ຮັບເໝົາກໍ່ສ້າງປະຕິບັດຕາມສັນຍາທີ່ໄດ້ເຊັນໄວ້ ຕາມເງື່ອນໄຂຂອງການຈັດຊື້ຈັດຈ້າງ ລະຫວ່າງ ບໍລິສັດ ແລະ ການຮ່ວມມືທີ່ດີຂອງຊາວບ້ານ.
    ທ່ານ ນາຍບ້ານໆ ດາກເຕຣິບ ໃຫ້ສຳພາດວ່າ: ປະຊາຊົນບ້ານຕົນດີໃຈຫລາຍ ທີ່ໄດ້ຮັບການຊ່ວຍເຫລືອ ຈາກໂຄງການຄຸ້ມຄອງພື້ນການໂຄງລ່າງ ຊົນນະບົດຂະໜາດນ້ອຍ ຢ່າງມີປະສິດທີຜົນ ແລະ ກຽມພ້ອມປ້ອງກັນໄພພິບັດ ຈາການປ່ຽນແປງດິນຟ້າອາກາດ ຫຼື ( GIDCC/LDCF-2 ) ໂດຍສະເພາະ ການກໍ່ສ້າງນໍ້າລິນ ເຊິ່ງປະຊາຊົນບ້ານພວກເຮົາ ຈະໄດ້ມີນໍ້າດື່ມ-ນໍ້າໃຊ້ທີ່ສະອາດ ຈະຊ່ວຍຫລຸດຜ່ອນ ການເກີດຜະຍາດຕິດແປດຕ່າງໆ ກໍ່ຊ່ວຍຫຼຸດຜ່ອນຄວາມທຸກຍາກ ຂອງປະຊາຊົນ ແລະ ຕໍ່ໄປນີ້ ນໍ້າລິນດັ່ງກ່າວນີ້ຈະບໍ່ໄດ້ເອີ້ນວ່ານໍ້າລິນໂຄງການ, ແຕ່ແມ່ນນໍ້າລິນຂອງຊາວບ້ານ ດາກເຕຣິບ ເຮົາເອງ ເຊິ່ງພວກເຮົາ ຈະປົກປັກຮັກສາ ເພື່ອນຳໃຊ້ໃຫ້ຍາວນານ.

 

ຂ່າວ: ອິນແປງ ພົມມະນິດ