ວັນຈັນ, 21 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ໜ່ວຍພັກຄະນະ ຊາວໜຸ່ມ ປະຊາຊົນ ປະຕິວັດລາວ ແຂວງເຊກອງຮັບຮອງເປັນໜ່ວຍພັກເຂັ້ມແຂງຮູ້ນຳພາຮອບດ້ານ

    ໃນວັນທີ 16 ກຸ່ມພາ 2016 ນີ້, ທີ່ຫ້ອງປະຊຸມຊັ້ນ 3 ຂອງອົງການຈັດຕັ້ງມະຫາຊົນ ແຂວງເຊກອງ, ໄດ້ຈັດພິທີມອບໃບຍັ້ງຢືນ ແລະ ໃບຍ້ອງຍໍໃຫ້ໜ່ວຍພັກຄະນະ ຊາວໜຸ່ມ ປະຊາຊົນ ປະຕິວັດລາວ ແຂວງເຊກອງ ເປັນໜ່ວຍພັກເຂັ້ມແຂງຮູ້ນຳພາຮອບດ້ານ ຄັ້ງທີ 3 ປະຈຳປີ 2015 ໂດຍການເຂົ້າຮ່ວມ ຂອງທ່ານ ສາກົນ ພອນປະເສີດ ກຳມະການສູນກາງ ຊາວໜຸ່ມ ປະຊາຊົນ ປະຕິວັດລາວ, ເລຂາຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ແຂວງເຊກອງ, ມີຄະນະຈັດຕັ້ງແຂວງ, ຂະແໜງການກ່ຽວຂ້ອງເຂົ້າຮ່ວມ.
    ທ່ານ ນາງ ແຕັກດີ ສີບຸນຄ້ຳ ຄະນະບໍລິຫານງານ ຊາວໜຸ່ມ ປະຊາຊົນ ປະຕິວັດລາວ ແຂວງເຊກອງ ໄດ້ຕີລາຄາຄືນ ຜົນສຳເລັດໃນການກໍ່ສ້າງໜ່ວຍພັກຄະນະ ເປັນໜ່ວຍພັກເຂັ້ມແຂງຮູ້ນຳພາຮອບດ້ານວ່າ: ໃນໄລຍະຜ່ານມາ ຄະນະໜ່ວຍພັກ ຊປປລ ແຂວງເຊກອງ ໄດ້ເອົາໃຈໃສ່ ສຶກສາອົບຮົມການເມືອງແນວຄິດ ໃຫ້ແກ່ສະມາຊິກພັກ,ພະນັກງານພາຍໃນໜ່ວຍເຊື່ອມຊືມ ແລະ ຮຽນຮູ້ຕໍ່ແນວທາງນະໂຍບາຍຂອງພັກ ລະບຽບກົດໝາຍຂອງລັດ, ມະຕິຄຳສັ່ງ ແລະ ນິຕິກຳຕ່າງໆ, ເຮັດໃຫ້ສະມາຊິກພັກ ມີຄວາມເຊື່ອໝັ້ນ ຕໍ່ແນວທາງການປ່ຽນແປງໃໝ່ຂອງພັກ, ຍຶດໝັ້ນອຸດົມການຂອງພັກ ກ້າວສູ່ເສັ້ນທາງ ສັງຄົມນິຍົມ ແລະ ພ້ອມກັນຊີ້ນຳ-ນຳພາ ຈັດຕັ້ງປະຕິບັດ ໜ້າທີ່ວິຊາສະເພາະຂອງຕົນ ຕາມພາລະບົດບາດ ທີ່ໄດ້ກຳນົດໄວ້, ໂດຍມີແບບແຜນ ການນຳພາ ຕາມຫຼັກການລວມສູນປະຊາທິປະໄຕ ຢ່າງເຂັ້ມງວດ, ນອກນີ້ ໜ່ວຍພັກຍັງໄດ້ເອົາໃຈໃສ່ ນຳພາປັບປຸງ-ກໍ່ສ້າງພັກ ແລະ ກໍ່ສ້າງພະນັກງານຢ່າງຕັ້ງໜ້າ ເຊິ່ງສະມາຊິກພັກ ທຸກສະຫາຍ ໄດ້ມີສະຕິຕື່ນຕົວສູງ ໃນການເຂົ້າຮ່ວມຊີວິດພັກ, ເສຍເງິນສະຕິບຳລຸງພັກເປັນປົກກະຕິທຸກເດືອນ, ພ້ອມທັງ ຖືເອົາການຕຳນິຕິຊົມກັນ ເປັນກົນໄກການປັບປຸງກໍ່ສ້າງ ແລະ ການຂະຫຍາຍຕົວຂອງພັກ, ສາມາດຂະຫຍາຍມະຫາຊົນກ້າວໜ້າ, ຮຽນສະໜັບສະໜູນໄດ້ 1 ສະຫາຍ, ຍິງ 1 ສະ ຫາຍ,ກົດລະບຽບພັກ 2 ສະຫາຍ, ຍິງ 2 ສະຫາຍ, ຂະຫຍາຍເຂົ້າພັກສຳຮອງໄດ້ 2 ສະຫາຍ, ຍິງ 2 ສະຫາຍ, ມາຮອດປັດຈຸບັນໜ່ວຍພັກຄະນະ ຊປປລ ແຂວງ ມີສະມາຊິກພັກທັງໝົດ 16 ສະຫາຍ, ຍິງ 7 ສະຫາຍ, ຜ່ານການຕີລາຄາຜົນສຳເລັດດັ່ງກ່າວ ສາມາດຢັ້ງຢືນໄດ້ວ່າ ໜ່ວຍພັກຄະນະ ຊປປລ ແຂວງເຊກອງ ເປັນໜ່ວຍພັກທີ່ເຂັ້ມ ແຂງຮູ້ນຳພາຮອບດ້ານ ຄັ້ງທີ 3 ຕາມເນື້ອໃນ 4 ແຂງຮອບດ້ານ ແລະ 5 ຮູ້ນຳພາຂອງພັກ.
    ເປັນກຽດມອບໃບຢັ້ງຢືນ ແລະ ໃບຍ້ອງຍໍໃຫ້ໜ່ວຍພັກຄະນະ ຊປປລ ເປັນໜ່ວຍພັກເຂັ້ມແຂງຮູ້ນຳພາຮອບດ້ານໃນຄັ້ງນີ້ ແມ່ນ ທ່ານ ສາກົນ ພອນປະເສີດ ກຳມະການສູນກາງ ຊປປລ, ເລຂາຄະນະບໍລິຫານງານ ຊປປລ ແຂວງເຊກອງ ແລະ ກ່າວຮັບໂດຍແມ່ນ ທ່ານ ນາງ ແຕັກດີ ສີບຸນຄ້ຳ ຄະນະບໍລິຫານງານ ຊປປລ ແຂວງເຊກອງ,ແລະທ່ານ ໄຊຍະພອນ ວົງຫາຈັກ ຫົວໜ້າຫ້ອງການຫ້ອງການບໍລິຫານ ຊປປລ ແຂວງເຊກອງ, ພ້ອມນີ້ຍັງໄດ້ມອບໃບຍ້ອງຍໍຈາກສະພັນກຳມະບານແຂວງ ໃຫ້ສະມາຊິກຜູ້ທີ່ມີຜົນງານດີເດັ່ນ ຈຳນວນ 21 ສະຫາຍ, ໃບຊົມເຊີຍ 4 ສະຫາຍ, ໃບຍ້ອງຍໍຈາກສະພັນແມ່ນຍິງແຂວງມີ 12 ສະຫາຍ, ພ້ອມນີ້, ກອງປະຊຸມຍັງໄດ້ຮັບຮອງເອົາ ແຜນການກໍ່ສ້າງໜ່ວຍພັກເຂັ້ມແຂງ ຮູ້ນຳພາຮອບດ້ານປະຈຳປີ 2016 ຕື່ມອີກ.
ຂ່າວ: ທິດສາຄອນ ວົງມະນີ,ໂທ: 020 5550 3434.