ວັນຈັນ, 21 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ປະທານບໍລິສັດສອນກໍ່ສ້າງຕິດຕາມຄວາມຄືບໜ້າການກໍ່ສ້າງເສັ້ນທາງຢູ່ເມືອງກະລຶມ

     ວັນທີ 30 ມັງກອນ 2016 ນີ້, ບໍລິສັດສອນກໍ່ສ້າງ-ຂົວທາງ ພ້ອມດ້ວຍ ຄະນະຮັບຜິດຊອບ ໄດ້ເຄື່ອນໄຫວ ຕິດຕາມ ຄວາມຄືບໜ້າ ການກໍ່ສ້າງທາງ ຢູ່ເມືອງກະລຶມ ໂດຍມີວິຊາການ ແລະ ພາກສ່ວນກ່ຽວ ຂ້ອງຂອງບໍລິສັດ ເຂົ້າຮ່ວມ.
    ທ່ານ ຄຳໄລ່ ປັນຍາຄູນ ປະທານບໍລິສັດ ສອນກໍ່ສ້າງ-ຂົວທາງ ກ່າວວ່າ: ໂຄງການກໍ່ສ້າງ ເສັ້ນທາງແຕ່ 3 ແຍກ ບ້ານໂລຍ ຫາ ບ້ານຫານອງ ເມືອງກະລືມ, ແມ່ນໂຄງການໜື່ງ ທີ່ນອນໃນໂຄງການລົງທຶນຂອງລັດ,ໂດຍແມ່ນ ບໍລິສັດສອນກໍ່ສ້າງ ເປັນຜູ້ຮັບເໝົາ ແລະ ລົງທຶນກ່ອນ 100%, ຊຶ່ງແມ່ນພະແນກ ໂທທາທິການ ແລະ ຂົນສົ່ງແຂວງ ເປັນຈົ້າຂອງໂຄງການ ໃນມູນຄ່າ ທັງໝົດ 56 ຕື້ກວ່າກີບ ແລະ ໄດ້ເລີ່ມຈັດຕັ້ງປະຕິບັດ ມາແຕ່ຕົ້ນເດືອນ ທັນວາ ປີ 2015 ຜ່ານມາ ເປັນເສັ້ນທາງປູດິນແດງອັດແໜ້ນ, ມີຄວາມຍາວ ທັງໝົດ 14 ກິໂລແມັດ, ປະກອບມີ 3 ໜ້າວຽກຈັດຕັ້ງ ປະຕິບັດ ຄື: ວຽກງານທະລຸ, ວຽກງານ ດິນຕັດ-ດິນຖົມ ແລະ ວຽກງານ ວາງທໍ່ລະບາຍນ້ຳ, ມາຮອດປະຈຸບັນໂຄງການດັ່ງກ່າວ ກໍ່ສ້າງ ສຳເລັດແລ້ວ 60% ແລະ ຄາດຈະໃຫ້ສຳເລັດ 100% ໃນທ້າຍປີ 2016 ນີ້.
   ປະທານ ບໍລິສັດສອນກໍ່ສ້າງ-ຂົວທາງ ກ່າວຕື່ມວ່າ: ພາຍຫຼັງທີ່ເສັ້ນທາງນີ້ ກໍ່ສ້າງສຳເລັດ ມັນຈະ ອຳນວຍຄວາມສະດວກ ໃຫ້ແກ່ປະຊາຊົນ ບັນດາເຜົ່າ ໃນການສັນຈອນໄປມາ ໃຫ້ມີຄວາມສະດວກ ດີຂື້ນ ແລະ ພ້ອມທັງສ້າງເງື່ອນໄຂ ໃຫ້ອໍານາດການປົກຄອງເມືອງ ນຳໃຊ້ ໃນການເຄື່ອນໄຫວຮາກຖານໃຫ້ທົ່ວເຖິງ, ນອກນີ້, ເສັ້ນທາງດັ່ງກ່າວ ຍັງເປັນເສັ້ນທາງທະລຸເຂົ້າເຖິງ ແຫຼ່ງທ່ອງທ່ຽວທາງທຳທະຊາດທີ່ຈະໄດ້ຮັບ ການພັດທະນາ ໃນຕໍ່ໜ້າ.

ຂ່າວ: ທິດສາຄອນ ວົງມະນີ,ໂທ: 020 5550 3434.