ວັນອັງຄານ, 22 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ຫ້ອງການແຮງງານ ສະຫັວດດີການ-ສັງຄົມສະຫຼຸບວຽກງານສົກປີ 2015-2016

     ກອງປະຊຸມ ສະຫຼຸບວຽກງານປະຈຳປີ 2015-2016 ຂອງຫ້ອງການແຮງງານ ແລະ ສະຫັວດດີການ-ສັງຄົມ ເມືອງທ່າແຕງ ແຂວງເຊກອງ ໄດ້ຈັດຂຶ້ນ ໃນວັນທີ 20 ຕຸລາ 2016ນີ້, ພາຍໄຕ້ ການເປັນປະທານ ທ່ານ ຄຳໄພ ສິມມາວັດ ຮອງເລຂາພັກເມືອງ ຮອງເຈົ້າເມືອງທ່າແຕງ ຜູ້ຊີ້ນຳ ຂົງເຂດວັດທະນະທຳ-ສັງຄົມຂັ້ນເມືອງ, ມີບັນດາທ່ານ ກຳມະການພັກເມືອງ, ຫົວໜ້າ ແລະ ຮອງຫ້ອງການອ້ອມຂ້າງເມືອງເຂົ້າຮ່ວມ.
     ທ່ານ ຈັນຖະໜອມ ເວີວົງໂອບ ກຳມະການພັກເມືອງ ຫົວໜ້າຫ້ອງການ ແຮງງານແລະ ສະຫວັດດີການ-ສັງຄົມ ເມືອງທ່າແຕງ ກ່າວລາຍງານວ່າ: ວຽກງານແຮງງານ ແລະ ສະຫວັດດີການ-ສັງຄົມຢູ່ເມືອງທ່າແຕງ ໄດ້ຮັບການຈັດຕັ້ງ ປະຕິບັດ ດ້ວຍບາດກ້າວ ທີ່ໜັກແໜ້ນສົມຄວນ ສີມືແຮງງານ ໄດ້ຮັບການພັດທະນາດີຂື້ນ, ວຽກງານປະກັນສັງຄົມ ໄດ້ປະຕິບັດ ຢ່າງມີປະສິດທິຜົນ, ໄດ້ຕິດຕາມ ກວດສະຖານທີ່ເຮັດວຽກ ເພື່ອຄວາມປອດໄພ ດ້ານສຸຂະພາບ ແລະ ສະພາບແວດລ້ອມ, ໂດຍສະເພາະ ລົງກວດກາ, ຕິດຕາມ ຫົວໜ່ວຍແຮງງານໄດ້ 8 ຫົວໜ່ວຍ, ມີແຮງງານທັງໜົດ ທົ່ວເມືອງມີ 1 ພັນ 6 ຮ້ອຍ ກ່ວາຄົນ, ຍິງ 603 ຄົນ ໃນນີ້ ແຮງງານລາວມີ 1 ພັນ 3 ຮ້ອຍ ກ່ວາຄົນ, ຍິງ 543 ຄົນ, ໄດ້ສຶກສາອົບຮົມ ຫົວໜ່ວຍແຮງງານ 5 ຫົວໜ່ວຍ, ລົງເຜີຍແຜ່ກົດໝາຍແຮງງານ ໃຫ້ຫົວໜ່ວຍແຮງງານ ໄດ້ທັງໝົດ 4 ຫົວໜ່ວຍ, ມີຜູ້ຮັບຟັງ 426 ຄົນ, ອອກບັດ ໃຫ້ພະນັກງານບຳນານ ແລະ ພະນັກງານທົ່ວໄປ 53 ຄົນ, ຍິງ 20 ຄົນ, ມີຜູ້ນຳໃຊ້ບັດ ອປລ ທັງໝົດ 1 ພັນ 9 ຮ້ອຍກ່ວາຄົນ, ພ້ອມດຽວກັນນັ້ນ ກໍ່ໄດ້ກໍານົດ ທິດທາງແຜນການ ຕໍ່ໜ້າຄາດໝາຍສູ້ຊົນ ໃນສົກປີຕໍ່ໜ້າ ເພື່ອເປັນບ່ອນອີງໃຫ້ແກ່ ການຈັດຕັ້ງຕັ້ງປະຕິບັດ ໜ້າທີ່ວຽກງານຢ່າງມີຈຸດສຸມ.
     ໂອກາດດັ່ງກ່າວ ທ່ານຄຳໄພ ສີມມາວັດ ຮອງເລຂາພັກເມືອງ ຮອງເຈົ້າເມືອງທ່າແຕງ ໄດ້ຍ້ອງຍໍຊົມເຊີຍ ຜົນງານການເຄື່ອນໄຫວ ໃນໄລຍະຜ່ານມາ ພ້ອມນັ້ນ ກໍ່ໄດ້ເນັ້ນໃຫ້ສືບຕໍ່ ຈັດຕັ້ງປະຕິບັດ ທິດທາງແຜນການ ໃນສົກປີ 2016-2017 ນີ້ໃຫ້ມີຜົນສໍາເລັດ ແລະ ມີບາດກ້າວທີ່ໜັກແໜ້ນ.

ຂ່າວ. ນິດດາ ພົງສະຫວັດ ນັກຂ່າວ ເມືອງ ທ່າແຕງ ແຂວງເຊກອງ .TeL 030 4998660