ວັນອັງຄານ, 22 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ປຶກສາຫາລືເພື່ອຮອງຮັບສາລະຄະດີຍົກຍ້າຍຈັດສັນເມືອງກະລຶມໃໝ່

    ກອງປະຊຸມ ປຶກສາຫາລື ເພື່ອຮອງຮັບເອົາ ສາລະຄະດີ ການຍົກຍ້າຍ ຈັດສັນ ເມືອງກະລຶມໃໝ່, ໄດ້ໄຂຂື້ນ ໃນວັນທີ 16 ທັນວາ 2015 ນີ້ ທີ່ຫ້ອງປະຊຸມ ຫ້ອງການ ຖວທ ເມືອງກະລຶມ, ໂດຍການ ເຂົ້າຮ່ວມ ຂອງທ່ານ ອໍບົວລາອ່ອນມະໄລວົງ ຮອງເລຂາພັກເມືອງ, ຮອງເຈົ້າເມືອງກະລຶມ, ທ່ານ ບຸນທົງ ຖິ່ນດອນໂຂງ ຮອງຫົວໜ້າ ພະແນກຖວທແຂວງເຊກອງ, ມີຄະນະກຳມະການ ຜະລິດ ສາລະຄະດີ ຂັ້ນແຂວງ, ເມືອງ, ຂະແໜງການ ກ່ຽວຂ້ອງ ເຂົ້າຮ່ວມ.
    ພາຍຫຼັງ ທີ່ໄດ້ຮັບທຶນ ອານຸມັດ ໃນການຜະລິດ ສາລະຄະດີ ຍົກຍ້າຍ ຈັດສັນ ເມືອງກະລຶມ ຈາກ ຄະນະປະຈຳພັກເມືອງກະລຶມ ໃນວັນທີ 19 ທັນວາ 2014 ຄະນະທິມງານ ຜະລິດ ສາລະຄະດີ ກໍ່ໄດ້ລົງມື ເຄື່ອນໃຫວ ຖ່າຍທຳ ພາບປະກອບສາລະຄະດີ, ຂຽນບົດ ບັນຍາຍ, ແລະ ເກັບກຳ ຂໍ້ມູນຕ່າງໆ ເພື່ອນຳມາ ຜະລິດ, ມາຮອດປະຈຸບັນ, ສາລະຄະດີ ຍົກຍ້າຍ ຈັດສັນ ເມືອງກະລຶມໃໝ່ ແມ່ນໄດ້ຮັບ ການຜະລິດ ສຳເລັດໂດຍພື້ນຖານ ກອງປະຊຸມ ຄັ້ງນີ້ ແມ່ນ ເປັນການປຶກສາຫາລືຄັ້ງທີ 3 ເຊິ່ງ ບັນດາ ຄະນະກຳມະການ ທີ່ເຂົ້າຮ່ວມ ໄດ້ຮັບຊົມ ສາລະຄະດີ ການຍົກຍ້າຍ ຈັດສັນ ເມືອງກະລຶມ, ທີ່ໄດ້ຮັບການຜະລິດ ຈາກພະແນກ ຖວທ ແຂວງເຊກອງ, ພາຍຫຼັງ ທີ່ຄະນະກຳມະການ ໄດ້ຮັບຊົມແລ້ວ, ກໍ່ໄດ້ ປະກອບຄຳຄິດ ຄຳເຫັນ ປັບປຸງ ໃສ່ເນື້ອໃນບົດບັນຍາຍ ສາລະຄະດີ, ເຊັນວ່າ: ພູມສັນຖານ, ເນື້ືອທີ່, ເສັ້ນທາງເ ຊື່ອມຕໍ່ ເພື່ອເປັນການ ແກ້ໄຂ ປັບປຸງ ເຮັດໃຫ້ ສາລະຄະດີ ຍົກຍ້າຍ ຈັດສັນ ເມືອງກະລຶມ ທັງເນື້ອໃນ ຖຶກຕ້ອງ ຕາມຂໍ້ມູນຕົວຈິງ, ສ່ວນພາບປະກອບ ແມ່ນໃຫ້ມີພາບການນຳ ໂອ້ລົມພະນັກງານ ອາວຸໂສປະຕິວັດ, ຄະນະກຳມະການ ສຳຫຼວດ ອອກແບບ ເບື້ອງຕົ້ນ, ແລະ ພາບທີ່ຊ້ອນໆ ກັນຫຼາຍເທື່ອ, ທັງນີ້ ກໍ່ເພື່ອເຮັດໃຫ້ ການບັນລະຍາຍ ເນື້ອໃນ ບົດສາລະຄະດີ ໃຫ້ກົມກືນ ກັບພາບ ທີ່ປະກອບ ເພື່ອເຮັດໃຫ້ ຜູ້ຊົມ ມີຄວາມຈັບໃຈຂື້ນຕື່ມ.
    ຈາກນັ້ນ ໃນກອງປະຊຸມ ທ່ານ ອໍບົວລາ ອ່ອນມະໄລວົງ ຮອງເລຂາພັກເມືອງ, ຮອງເຈົ້າເມືອງໆກະລຶມ ກໍ່ໄດ້ກ່າວວ່າ: ທັງໝົດເລົ່ານັ້ນ ແມ່ນມອບໃຫ້ ຄະນະຮັບຜິດຊອບ ຂັ້ນແຂວງ ນຳໄປແກ້ໄຂ ປັບປຸງ ເຮັດໃຫ້ ສາລະຄະດີ ການຍົກຍ້າຍ ຈັດສັນ ເມືອງກະລຶມ ມີຄວາມ ອຸດົມສົມບູນດີຂື້ນ.

ຂ່າວ:ທິດສາຄອນວົງມະນີໂທ: 020 5550 3434.