ວັນພຸດ, 23 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ເມືອງລະມາມ ສ້າງຂະບວນ ການອະນາໄມ ຕ້ອນຮັບ ວັນຊາດ

 

 

ເມືອງລະມາມ ສ້າງຂະບວນ ການອະນາໄມ ຕ້ອນຮັບ ວັນຊາດ
    (ເຊກອງ 25/11/2015)*ຕອນເຊົ້າ ວັນທີ 25 ພະຈິກ 2015 ນີ້ ເມືອງ ລະມາມ ແຂວງເຊກອງ ໄດ້ສ້າງຂະບວນການ ອະນາໄມລວມ ເພື່ອຂໍານັບຮັບຕ້ອນ ໃຫ້ແກ່ການຈັດຕັ້ງ ສະເຫຼີມສະຫຼອງ ໃຫຍ່ 2 ວັນປະຫວັດສາດ ຂອງຊາດ ຂອງພັກທີ່ຈະມາເຖິງ ໃນມໍ່ໆນີ້ ໂດຍມີ ຄະນະນໍາ ຂອງແຂວງ, ຄະນະນໍາ ເມືອງລະມາມ ພ້ອມດ້ວຍ ພະນັກງານ ລັດຖະກອນ ຈາກບັນດາ ພະແນກການ ຕ່າງໆ ອ້ອມຂ້າງແຂວງ; ບັນດາຫ້ອງ ອ້ອມຂ້າງ ເມືອງລະມາມ ແລະ ອໍານາດ ການປົກຄອງ-ປະຊາຊົນ ບ້ານອ້ອມຂ້າງ ເທດສະບານ ເຂົ້າຮ່ວມ ກ່ວາ 500 ຄົນ.
    ທ່ານ ບຸນເນຍ ທອງປັນຍາ ກໍາມະການ ປະຈໍາພັກເມືອງ ຮອງເລຂາ ຄະນະພັກເມືອງ ລະມາມ ກ່າວໃຫ້ຮູ້ຈຸດປະສົງ ໃນການສ້າງຂະບວນການ ອະນາໄມລວມຄັ້ງນີ້ວ່າ: ແມ່ນກິດຈະກໍາໜື່ງ ເພື່ອຂັບນັບ ຮັບຕ້ອນໃຫ້ແກ່ 2 ວັນປະຫວັດສາດ ຄື: ວັນສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ, ວັນສ້າງຕັ້ງ ພັກປະຊາຊົນ ປະຕິວັດລາວ ຄົບຮອບ 60 ປີ ແລະ ວັນສໍາຄັນອື່ນໆ ຂອງພັກ ຂອງຊາດ ໃຫ້ເປັນຂະບວນ ທີ່ຟົດຟື້ນ, ເຊີ່ງຂະບວນການ ດັ່ງກ່າວ ແມ່ນໄດ້ພ້ອມກັນ ຢ່າງເກັບເສດຂີ້ເຍື່ອ ຕາມສາຍທາງ ພາຍໃນເທດສະບານ ຂອງແຂວງ ໂດຍຈຸດເລີ່ມຕົ້ນ ຈາກໜ້າທະນາຄານ ທຊກ ສາຂາແຂວງ ເຊກອງ ໄປຕາມສາຍທາງ ໜ້າເຮືອນພັກ ສະຫາພັນແມ່ຍິງ ແຂວງ ອ້ອມໄປຕາມ ສາຍທາງສະໜາມຫຼວງ ເບື້ອງໜ້າໂຮງຮຽນ ອະນຸບານແຂວງ ອອກສູ່ ສາຍທາງເລກທີ 16 ຜ່ານໜ້າ ໂຮງຮຽນ ມສ ແຂວງ ກ້ຽວໄປຕາມສາຍທາງ 4 ແຍກ ໜ້າຕະຫຼາດສົດ ຂອງແຂວງ ແລ້ວໄປສີ້ນສຸດ ຢູ່ຈຸດເລີ່ມຕົ້ນ ມີໄລຍະທາງເກືອບ 2 ກິໂລແມັດ, ມາເຖີງປັກຈຸບັນ ເມືອງ ລະມາມ ແຂວງເຊກອງ ໄດ້ຈັດຕັ້ງປະຕິບັດບັນດາ ກິດຈະກໍາຕ່າງໆ ເພື່ອກະກຽມໃຫ້ແກ່ການຈັດຕັ້ງ ສະເຫຼີມສະຫຼອງ 2 ວັນປະຫວັດສາດດັ່ງກ່າວ ມີຜົນສໍາເລັດ ຫຼາຍດ້ານ ເປັນຕົ້ນ: ຂະບວນການ ອະນາໄມ ປະດັບປະດາຕາມ ສະຖານທີ່ສໍານັກງານ ຂອງລັດ ກໍ່ໄດ້ມີການ ປັກທຸງຊາດ-ທຸງທິວ-ປ້າຍຄໍາຂັວນ ຕ່າງໆ; ຕາມສະຖານ ທີ່ເຮືອນຊານບ້ານ ຊ່ອງຂອງປະຊາຊົນ ກໍ່ໄດ້ມີການອະນາໄມ ສະອາດງາມຕາ; ນອກນັ້ນຍັງມີ ຂະບວນການກິລາ-ສີລະປະ ແລະ ຂະບວນການອື່ນໆ ທີ່ກໍາລັງຈັດຕັ້ງປະຕິບັດຢ່າງ ເປັນຂະບວນຟົດຟື້ນ.
    ພິທີຈັດຕັ້ງ ສະເຫຼີມສະຫຼອງໃຫຍ່ ວັນຊາດທີ 2 ທັນວາ ຄົບຮອບ 40 ປີ ຢູ່ແຂວງເຊກອງ ແມ່ນໄດ້ກໍານົດເອົາ ວັນທີ 8 ທັນວາ 2015, ເປັນວັນຈັດຕັ້ງ ສະເຫຼີມສະຫຼອງໃຫຍ່ ໂດຍຈະເຕົ້າໂຮມເອົາກ້ອນ ກໍາລັງຈາກພາກສ່ວນຕ່າງໆເຂົ້າຮ່ວມ ໃຫ້ເປັນຂະບວນຟົດຟື້ນ ກ້ວາງຂວາງ, ປັດຈຸບັນການກຽມ ພ້ອມດ້ານຕ່າງໆ ສໍາເລັດແລ້ວ ເກືອບ 100%.
ຂ່າວ: ສົມບູນ