ວັນພຸດ, 23 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ພະແນກພາຍໃນ ແຂວງເຊກອງ ປະກາດການຈັດຕັ້ງ

 

                                                                                                                                        

     ວັນທີ 20 ພະຈິກ 2015 ນີ້, ທີ່ ຫ້ອງປະຊຸມ ຊັ້ນ 3 ຫ້ອງວ່າການປົກຄອງແຂວງ ເຊກອງ ໄດ້ຈັດ ພິທີ ປະກາດ ການຈັດຕັ້ງ ຮອງຫົວໜ້າ ພະແນກພາຍໃນ ແຂວງເຊກອງ ຂື້ນ ຢ່າງເປັນທາງການ, ໂດຍ ການເຂົ້າຮ່ວມ ຂອງ ທ່ານ ນາງ ສີສະຫງ່າ ແກ້ວດວງດີ ກຳມະການພັກແຂວງ, ຫົວໜ້າ ພະແນກພາຍໃນ ແຂວງເຊກອງ, ມີຂະແໜງການ ກ່ຽວຂ້ອງ ພ້ອມດ້ວຍ ພະນັກງານ ພາຍໃນ ພະແນກ ເຂົ້າຮ່ວມ.

     ທ່ານ ແກ້ວມະນີ ແກ້ວບຸນຮັກ ຮອງຫົວໜ້າ ຄະນະຈັດຕັ້ງແຂວງ ເຊກອງ ໄດ້ຜ່ານ ຂໍ້ຕົກລົງ ຂອງ ທ່ານເຈົ້າແຂວງໆ ເຊກອງ ສະບັບເລກທີ 64/ຈຂ ລົງວັນທີ 13 ຕຸລາ 2015 ວ່າດ້ວຍ ແຕ່ງຕັ້ງ ຮອງຫົວໜ້າ ພະແນກພາຍໃນ ແຂວງເຊກອງໃນນັ້ນ ເຈົ້າແຂວງໆເຊກອງ ຕົກລົງ ແຕ່ງຕັ້ງ ທ່ານ ສາຍສະໝອນ ພິທັກສິນ ເປັນ ຮອງຫົວໜ້າ ພະແນກພາຍໃນ ແຂວງເຊກອງ, ເພື່ອສືບຕໍ່ ຊີ້ນຳ ນຳພາ ຈັດຕັ້ງ ວຽກງານ ພາຍໃນ ແຂວງ ໃຫ້ມີ ຜົນສຳເລັດ ດີຂື້ນ ກວ່າເກົ່າ, ຂະນະດຽວກັນນີ້ ທ່ານ ນາງ ສີສະຫງ່າ ແກ້ວດວງດີ ກຳມະການພັກແຂວງ ຫົວໜ້າ ພະແນກພາຍໃນ ແຂວງເຊກອງ ກ່າວວ່າ: ໃນໄລຍະ ຜ່ານມາ ການຈັດຕັ້ງ ປະຕິບັດ ວຽກງານ ຂອງ ພະແນກພາຍໃນ ແມ່ນ ມີຄວາມ ຫຍຸ້ງຍາກ ແລະ ບໍ່ທັນ ຄ່ອງຕົວ ເທົ່າທີ່ຄວນ, ສະນັ້ນ, ຈິ່ງ ມີຄວາມຈຳເປັນ ໃນການ ເພີ່ມ ບຸກຄະລາກອນ ເຂົ້າໃນ ໂຄງປະກອບ ຂອງ ພະແນກ ຕື່ມອີກ, ເພື່ອ ເຮັດໃຫ້ການຈັດຕັ້ງ ປະຕິບັດ ວຽກງານ ມີຄວາມສະດວກ ດີຂື້ນ ກວ່າເກົ່າ, ທັງ ເປັນການ ປັບປຸງ ກົງຈັກ ການຈັດຕັ້ງ ແລະ ແບ່ງຄວາມຮັບຜິດຊອບ ຢ່າງຈະແຈ້ງ, ພ້ອມທັງ ຮຽກຮ້ອງ ໃຫ້ພະນັກງານ ພາຍໃນ ພະແນກ ໝົດທຸກຄົນ ເອົາໃຈໃສ່ ເພີ່ມທະວີ ຄວາມສາມັກຄີ ຢ່າງ ໜັກແໜ້ນ, ສືບຕໍ່ ຊີ້ນຳ ນຳພາ ທາງດ້ານ ການເມືອງ ແນວຄິດ, ສ້າງ ໃຫ້ພະນັກງານ ມີຄວາມຮູ້ຄວາມສາມາດ, ຍົກສູງ ທາງດ້ານການເມືອງ, ຕ້ານ ສະກັດກັ້ນ ປະກົດການ ຫຍໍ້ທໍ້ ແລະ ເປັນເຈົ້າການ ໃນ ການຈັດຕັ້ງປະຕິບັດ ໜ້າທີ່ ວຽກງານ ໃຫ້ມີ ຜົນສຳເລັດ.

     ໂອກາດ ດັ່ງກ່າວ ທ່ານ ສາຍສະໝອນ ພິທັກສິນ ຮອງຫົວໜ້າ ພະແນກພາຍໃນ ແຂວງເຊກອງ ຜູ້ໃໝ່ ກໍ່ ໄດ້ກ່າວຢືນຢັນວ່າ: ຈະເອົາໃຈໃສ່ ໃນການ ຈັດຕັ້ງ ປະຕິບັດ ໜ້າທີ ວຽກງານ ທີ່ ພັກ-ລັດ ມອບໝາຍໃຫ້ ຢ່າງ ມີຜົນສຳເລັດ, ພ້ອມທັງ ສຸມ ທຸກສະຕິປັນຍາ ເຂົ້າໃນການ ຈັດຕັ້ງ ປະຕິບັດ ວຽກງານ ຢ່າງ ມີຄວາມ ຮັບຜິດຊອບ ສູງ, ເອົາໃຈໃສ່ປະຕິບັດ ມະຕິ ຄຳສັ່ງ ຂອງຂັ້ນເທິງ ວ່າງອອກ ໃນ ແຕ່ລະ ໄລຍະ ໃຫ້ໄດ້ຮັບຜົນດີຂື້ນ ກວ່າເກົ່າ.

ຂ່າວ: ທິດສາຄອນ ວົງມະນີ, ຂ່າວ TV-RO
ໂທ: 020 5550 3434.