ວັນອັງຄານ, 22 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ທ່ານ ເຫຼັກໄຫລ ສີວິໄລ ຄະນະປະຈຳພັກແຂວງ ຮອງເຈົ້າແຂວງ ແຂວງເຊກອງ ເຂົ້າຮ່ວມ ເປັນປະທານກອງປະຊຸມ ຜ່ານ ແລະ ປັບປຸງ ຮ່າງແຜນຄຸ້ມຄອງ ສິ່ງແວດລ້ອມ

ໃນວັນທີ 7 ສິງຫາ 2015 ນີ້ ເວລາ 08:00 ທີ່ ຫ້ອງ ປະຊຸມ ຊັ້ນ 03 ຫ້ອງ ວ່າການປົກຄອງ ແຂວງ, ທ່ານ ເຫຼັກໄຫລ ສີວິໄລ ຄະນະປະຈໍາພັກແຂວງ ຮອງເຈົ້າແຂວງ ແຂວງ ເຊກອງ ເຂົ້າຮ່ວມ ເປັນປະທານກອງປະຊຸມ ຜ່ານ ແລະ ປັບປຸງ ຮ່າງ ແຜນຄຸ້ມຄອງ ສິ່ງແວດລ້ອມ ຮອບດ້ານ ( ISP ) ທັງ ໄດ້ກ່າວເປີດ ກອງປະຊຸມ ຂື້ນຢ່າງເປັນທາງການ
ເຊິ່ງໃນນັ້ນ ມີຄະນະພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ຂະແໜງການຕ່າງໆທີ່ກ່ຽວຂ້ອງ ແລະ ອພບຕ ລວມທັງໝົດ 29 ທ່ານ  ທີ່ເຂົ້າຮ່ວມ.
ໃນນັ້ນ, ທ່ານ ເພັດດາວົງ ບຸນມີສະຫວັດ ຮອງຫົວໜ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງ ໄດ້ຜ່ານຮ່າງ ແຜນຄຸ້ມຄອງ ສິ່ງແວດລ້ອມ ຮອບດ້ານ ( ISP ), ຫຼັງຈາກນັ້ນ ບັນດາພະແນການ, ຂະແໜງການຕ່າງໆ ທີ່ກ່ຽວຂ້ອງ ແລະ ອພບຕ ກໍ່ໄດ້ ປະກອບຄຳຄິດ ຄຳເຫັນ ແລກປ່ຽນ ໃສ່ຮ່າງ ແຜນຄຸ້ມຄອງ ສິ່ງແວດລ້ອມ ຮອບດ້ານ ( ISP ) ຢ່າງກົງໄປກົງມາ ທົ່ວເຖິງ.    
ໃນຕອນທ້າຍ ທ່ານ ເຫຼັກໄຫລ ສີວິໄລ ຄະນະປະຈຳພັກແຂວງ ຮອງເຈົ້າແຂວງ ແຂວງ ເຊກອງ ກໍ່ໄດ້ປະກອບ ຄຳຄິດ ຄຳເຫັນ ຊີ້ນຳບາງດ້ານ ດັ່ງນີ້:
1.    ປັບປຸງຄືນ ຕາມຄຳຄິດ ຄຳເຫັນ ຂອງບັນດາພະແນກການ, ຂະແໜງການ ທີ່ກ່ຽວຂ້ອງ ແລະ ອພບຕ ເປັນຕົ້ນ ແມ່ນ ຫົວຂໍ້ ແລະ ເນື້ອໃນອື່ນໆ ໃຫ້ຄົບຖ້ວນ ແລະ ສົມບູນຕື່ມ.
2.    ທາງດ້ານ ວິຊາການ ຕ້ອງເລັ່ງໃສ່ ການພັດທະນາ ສິ່ງແວດລ້ອມ ຄຽງຄູ່ກັນກັບການພັດທະນາ ແລະ ປົກປັກຮັກສາ ສິ່ງແວດລ້ອມ.
3.    ບັນດາໂຄງການ ກ່ອນ ການລົງທຶນ ຕ້ອງ ໃຫ້ມີບົດປະເມີນ ຜົນກະທົບ ທາງດ້ານ ສິ່ງແວດລ້ອມ.
4.    ການຄຸ້ມຄອງ ຮັກສາ ແຫຼ່ງນໍ້າ ອ່າງໂຕ່ງ ຕ້ອງຕິດພັນ ກັບ ການຮັກສາ ປ່າໄມ້, ປູກໄມ້ ຕ້ອງ ມີການວາງແຜນ ບັນດາໂຄງການກໍ່ສ້າງເຂື່ອນອື່ນໆ ນັບແຕ່ປີ 2016 ຫາ 2020 ໃຫ້ ເປັນຮູບປະທຳ ເກີດຂື້ນໄດ້ ໂດຍນຳໃຊ້ ວິທະຍາສາດ ເຂົ້າຊ່ວຍ ຢ່າງແທ້ຈິງ.
5.    ການຄຸ້ມຄອງ ສິ່ງແວດລ້ອມ ໃນຕົວເມືອງ ເປັນເຈົ້າການ ໃນການຄຸ້ມຄອງ ບຳບັດ, ໃຈແຍກຂີ້ເຍື່ອ ສະໜາມ ຂີ້ເຫຍື່ອ ຕ້ອງໃຫ້ ຂະແໜງສິ່ງແວດລ້ອມ ເຂົ້າມາ ມີສ່ວນຮ່ວມ ນຳ ອພບຕ ລວມທັງ 4 ຕົວເມືອງ ຂອງ ແຂວງ ເຊກອງ
6.    ການຄຸ້ມຄອງ ສິ່ງແວດລ້ອມ ສະຖານທີ່, ອາຄານ, ຫ້ອງການ, ເຮືອນຊານ, ວິສາຫາກິດ ແລະ ເອກະຊົນ ຕ້ອງໃຫ້ສະອາດ ຢູ່ສະເໝີ.
7.    ບັນດາສິ່ງແວດລ້ອມ ໂຮງຮຽນ, ໂຮງໝໍ ແລະ ໂຮງງານຕ່າງໆ ໃຫ້ມີ ຄວາມຖືກຕ້ອງ ສອດຄ່ອງ ຕາມລະບຽບ ຫຼັກການ ຂອງ ສິ່ງແວດລ້ອມ
8.    ການຄຸ້ມຄອງແສິ່ງແວດລ້ອມ ໃນຕົວເມືອງ ຮ້ານອາຫານ, ໂຮງແຮມ, ແຫຼ່ງທ່ອງທ່ຽວ ແລະ ການບໍລິການ ຕ່າງໆ.
9.    ການຄຸ້ມຄອງ ສິ່ງແວດລ້ອມ ທາງດ້ານ ການກະສິກຳ ຕ່າງໆ
10.    ການຄຸ້ມຄອງ ສິ່ງແວດລ້ອມ ທາງດ້ານເສັ້ນທາງ ຄົມມະນາຄົມ ທາງນໍ້າ, ທາງບົກ, ທາງອາກາດ ເປັນຕົ້ນ.