ວັນພຸດ, 23 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ເປີດນຳໃຊ້ໂຄງການກໍ່ສ້າງຍົກຍ້າຍ ແລະ ຈັດສັນເມືອງກະລຶມໃໝ່

ເປີດນຳໃຊ້ ໂຄງການ ກໍ່ສ້າງ ຍົກຍ້າຍ ແລະ ຈັດສັນ ເມືອງ ກະລຶມໃໝ່

            ຫຼັງການ ຈັດຕັ້ງ ປະຕິບັດ ໂຄງການ ກໍ່ສ້າງ ຍົກຍ້າຍ ແລະ ຈັດສັນ ເມືອງ ກະລຶມໃໝ່ ແຂວງ ເຊກອງ ຄົບຕາມ ອາຍຸ ສັນຍາ ເຊີ່ງ ບັນດາ ໜ້າວຽກ ຕ່າງໆ ກໍ່ມີຜົນ ສຳເລັດ 100%, ມາຮອດ ວັນທີ 25 ເມສາ 2015 ນີ້ ກໍ່ໄດ້ ມີການເປີດ ການນໍາໃຊ້ ໂຄງການ ດັ່ງກ່າວ ຂື້ນ ຢ່າງເປັນ ທາງການ ໂດຍເປັນ ກຽດ ເຂົ້າຮ່ວມ ຂອງ ພະນະ ທ່ານ ຈູມມະລີ ໄຊຍະສອນ ປະທານ ປະເທດ ແຫ່ງ ສ ປ ປ ລາວ ພ້ອມດ້ວຍ ພັນລະຍາ, ທ່ານ ດຣ ບຸນປອນ ບຸດຕະນະວົງ ຮອງ ນາຍຍົກ ລັດຖະມົນຕີ, ພ້ອມດ້ວຍ ບັນດາ ທ່ານ ຫົວໜ້າ ຫ້ອງວ່າການ ສູນກາງພັກ; ຫົວໜ້າ ຫ້ອງວ່າການລັດຖະບານ; ຫົວໜ້າ ກະຊວງ - ກົມທີ່ກ່ຽວຂ້ອງ, ເຈົ້າແຂວງ - ຮອງເຈົ້າແຂວງ ຈາກສາມ ແຂວງ ໃກ້ຄຽງ, ຄະນະນຳ ຂັ້ນ ແຂວງ - ຂັ້ນເມືອງ; ຫົວໜ້າ ພະແນກ ການ ຕ່າງໆ ອ້ອມຂ້າງ ແຂວງ ພ້ອມດ້ວຍ ພະນັກງານ ລັດຖະກອນ ແລະ ປະຊາຊົນ ຊາວ ເມືອງ ກະລຶມ ເຂົ້າຮ່ວມ.

            ທ່ານ ລ້ຽງ ຄຳພູນ ຮອງເຈົ້າແຂວງ ແຂວງ ເຊກອງ ປະທານ ຄະນະຊີ້ນຳ ໂຄງການ ຂັ້ນແຂວງ ໄດ້ລາຍງານ ຜົນການ ຈັດຕັ້ງປະຕິບັດ ໂຄງການ ໂດຍໄດ້ ກ່າວວ່າ: ໂຄງການ ກໍ່ສ້າງ ຍົກຍ້າຍ ແລະ ຈັດສັນ ເມືອງ ກະລຶມໃໝ່ ແມ່ນ ໂຄງການ ລະດັບຊາດ ໂດຍ ແມ່ນ ບໍລິສັດພອນສັກ ກຣຸບ ເປັນຜູ້ ຮັບເໝົາ ກໍ່ສ້າງ ດ້ວຍ ມູນຄ່າການກໍ່ສ້າງ ທັງໝົດ 930 ຕື້ ກັບ 549 ລ້ານ ກວ່າກກີບ, ກຳນົດ ການສຳລະ ສະສາງ 5 ປີ ນັບແຕ່ ປີ 2016 ເປັນຕົ້ນໄປ ເຊີ່ງແມ່ນ ເອົາລາຍຮັບ ຈາກພັນທະ ໄມ້ທີ່ຂຸດຄົ້ນ ອອກຈາກເຂດຂຸດຄົ້ນ ຖ່ານຫີນ ແລະ ເຂດອ່າງ ນໍ້າຖ້ວມ ຂອງເຄື່ອນ ໄຟຟ້າ ເຊກອງ 4 ແລະ ພັນທະ ຈາກການຂຸດຄົ້ນຖ່ານຫີນ ໃນເຂດ ສຳປະທານ ບໍ່ຖ່ານຫີນ ເປັນທຶນສຳລະ, ໂຄງການ ດັ່ງກ່າວ ໄດ້ເລີ່ມ ລົງມື ຈັດຕັ້ງ ປະຕິບັດ ແຕ່ 1. 2. 2012 ມາຮອດ ປະຈຸບັນ ແມ່ນໄດ້ ສຳເລັດ ບັນດາ ໜ້າວຽກ ຂອງ ໂຄງການ ສະເລ່ຍ 100% ເປັນຕົ້ນ: ວຽກສ້ອມແປງ ທາງ ເມືອງ ກະລຶມເກົ່າ ຫາ ເມືອງ ກະລຶມ ໃໝ່ 32 ກມ ແລະ ສ້າງຂວາເຫຼັກ 2 ແຫ່ງ, ວຽກ ກໍ່ສ້າງ ທີ່ ຢູ່ອາໃສ ຂອງ ປະຊາຊົນ ຈຳນວນ 439 ຫຼັງ, ກໍ່ສ້າງ ສຳນັກງານ ຂອງລັດ 41 ຫຼັງ ປະກອບ ເຄື່ອງ ສຳນັກງານ ຫ້ອງການ, ວຽກ ກໍ່ສ້າງ ລະບົບ ຕາຂ່າຍ ໄຟຟ້າ ແຮງກາງ 7,16 ກມ; ແຮງຕ່ໍາ 10 ກມ; ໝໍ້ແປງໄຟ 7 ໜ່ວຍ; ໄຟ ເຍືອງທາງ ຍາວ 11,9 ກມ, ກໍ່ສ້າງ ໂຮງງານ ນໍ້າປະປາ ຂະໜາດ ຜະລິດນໍ້າໄດ້ 400 ແມັດກ້ອນ ຕໍ່ເຂົ້າ ສຳນັກງານ ຂອງລັດ ແລະ ເຮືອນ ປະຊາຊົນ ທຸກຫຼັງ, ວຽກກໍ່ສ້າງ ເສັ້ນທາງ ປູຢາງ ສອງຊັ້ນ ໃນເທດສະບານ ເມືອງ ກະລຶມໃໝ່ ຍາວ 14,4 ກມ, ວຽກຈັດສັນ ອາຊີບ ແລະ ບ່ອນ ທຳມາ ຫາກິນ ໄດ້ ສຳເລັດ ການກຳນົດ ອາຊີບ; ຈັດຫາ ພື້ນທີ່ ການຜະລິດ ແລະ ມອບດິນສວນ ໃຫ້ປະຊາຊົນ ຈຳນວນ 215 ຮຕ; ຈັດພື້ນທີ່ ເຮັດນາ; ປູກຫຍ້າ; ລ້ຽງສັດ ແລະ ອາຊີບ ຄ້າຂາຍອື່ນໆ; ສະໜອງ ແນວພັນພຶດ - ແນວພັນສັດ ແລະ ເຂົ້າກິນ ໃນກຳນົດ 3 ປີທຳອິດ ແລະ ວຽກອື່ນໆ ໂດຍລວມ ແມ່ນ ສຳເລັດ ຂັ້ນພື້ນຖານ ປະຊາຊົນ ໄດ້ຍົກຍ້າຍ ເຂົ້າມາຢູ່ ແລະ ກຳລັງ ປັບປຸງ ສະພາບ ການດຳລົງຊີວິດ ການເປັນຢູ່ ໃຫ້ ເຂົ້າສູ່ປົກກະຕິ, ສຳນັກງານ ຫ້ອງການ ຂອງລັດ, ໂຮງຮຽນ, ໂຮງໝໍ ຕະຫຼາດ ແລະ ການບໍລິການ ສັງຄົມ ອື່ນໆ ໄດ້ ເຄື່ອນໄຫວ ແລະ ຄ່ອຍໆ ດີຂື້ນ ເທື່ອລະກ້າວ.

ຈາກນັ້ນ ກໍ່ໄດ້ ມີພິທີ ເປີດການ ນຳໃຊ້ໂຄງການ ກໍ່ສ້າງ ຍົກຍ້າຍ ແລະ ຈັດສັນ ເມືອງ ກະລຶມໃໝ່ ຢ່າງເປັນ ທາງການ ໂດຍ ແມ່ນ ທ່ານ ພອນສັກ ປະທານ ກຸມ ບໍລິສັດ ພອນສັກ ກຣຸບ ໃນນາມ ບໍລິສັດ ຮັບເໝົາກໍ່ສ້າງ ເປັນຜູ້ກ່າວ ມອບ, ກ່າວ ຮັບ ແມ່ນ ທ່ານ ຄຳເຜີຍ ບຸດດາວຽງ ກຳມະການ ສູນກາງພັກ ເລຂາ ພັກ ແຂວງ ເຈົ້າແຂວງ ແຂວງ ເຊກອງ ຕາງໜ້າ ໃຫ້ຄະນະພັກ ອຳນາດການ ປົກຄອງແຂວງ ເປັນຜູ້ ກາວຮັບ ແລະ ມອບ ຕໍ່ໃຫ້ ຄະນະພັກ ອຳນາດການປົກຄອງ ແລະ ປະຊາຊົນ ຊາວ ເມືອງກະລຶມ ເປັນ ຜູ້ ຄຸ້ມຄອງ ນຳໃຊ້ ຕາມຈຸດປະສົງ ເປົ້າໝາຍ ຂອງ ໂຄງການ ກໍ່ຄື ຕາມແຜນ ນະໂຍບາຍ ຂອງ ພັກ - ລັດ, ໃນພິທີ ໄດ້ ມີການຕັດ ແຖບຜ້າ ແລະ ລັ່ນຄ້ອງ 9 ບາດ ເພື່ອເປັນ ສີລິມຸງຄຸນ ໃຫ້ແກ່ ການເປີດ ນຳໃຊ້ ໂຄງການ ທັງເປັນການ ຢັ້ງຢືນ ຕໍ່ຜົນ ສຳເລັດ ໃນການ ຈັດຕັ້ງ ປະຕິບັດ ໂຄງການ ດັ່ງກ່າວ  ໂດຍ ໃຫ້ກຽດ ຕັດແຖບຜ້າ ແລະ ລັ່ນຄ້ອງ ແມ່ນ ພະນະ ທ່ານ ຈູມມະລີ ໄຊຍະສອນ ປະທານ ປະເທດ ແຫ່ງ ສປປລາວ.

ຂ່າວ: ສົມບູນ

ຮູບ: 04042015