ວັນຈັນ, 21 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ເຊກອງ ເປີດຂະບວນການ ສັກຢາກັນພະຍາດ ໄຂ້ສະໝອງອັກເສບຍີ່ປຸ່ນ

ເຊກອງ ເປີດ ຂະບວນ ການສັກຢາ ກັນ ພະຍາດ ໄຂ້ ສະໝອງ ອັກເສບ ຍີ່ປຸ່ນ

          ວັນທີ 24 ເມສາ 2015 ພະແນກ ສາທາ ລະນະສຸກ ແຂວງ ເຊກອງ ໄດ້ເປີດ ຂະບວນ ການ ສັກຢາ ກັນພະຍາດ ໄຂ້ ສະໝອງ ອັກເສບ ຍີ່ປຸ່ນ ໂດຍ ການ ເຂົ້າຮ່ວມ ຂອງ ຮສ ດຣ ບຸນກອງ ສີຫາວົງ ລັດຖະມົນຕີ ຊ່ວຍ ກະຊວງ ສາທາລະນະສຸກ, ມີທ່ານ ເຫຼັກໄຫຼ ສີວິໄລ ເຈົ້າເມືອງ - ເມືອງລະມາມ ພ້ອມດ້ວຍຜູ້ປົກຄອງ ແລະ ນ້ອງໆ ນັກຮຽນ ເຂົ້າຮ່ວມ.
          ດຣ ຄຳໄຫຼ ສັນຕິພູມ ຮອງ ຫົວໜ້າ ພະແນກ ສາທາລະນະສຸກ ແຂວງ ໄດ້ກ່າວວ່າ: ມີຄວາມຈຳເປັນ ເຊີ່ງຈະຕ້ອງ ສັກຢາ ກັນພະຍາດ ໄຂ້ສະໝອງ ອັກເສບຍີ່ປຸ່ນ ( JE ) ເພາະ ພະຍາດນີ້ ເປັນພະຍາດ ທີ່ຮ້າຍແຮງ ມັກເກີດ ໃນກຸ່ມສ່ຽງ ແຕ່ອາຍຸ 15 ປີລົງມາ, ມັກພົບເຫັນ ຫຼາຍຢູ່ ໃນຂົງເຂດ ອາຊີຕາເວັນອອກ ສ່ຽງໃຕ້ ແລະ ໜຶ່ງ ໃນນັ້ນ ກໍລວມມີປະເທດ ລາວ ທີ່ມີ ການລະບາດ ໃນຫຼາຍແຂວງ ຈາກຕົວເລກ ຊີ້ໃຫ້ເຫັນ ວ່າ: ໃນ 3 ປີ ຜ່ານມາ ນີ້ ມີ 94 ກໍລະນີ ຈາກ 10 ແຂວງ ໂດຍ ເຊື້ອໄວຣັດ JE ຈະ ອາໃສ ຢູ່ໃນສັດ ເປັນຕົ້ນ: ໝູ ແລະ ນົກຍາງ ຊຶ່ງ ມີຍູງ ເປັນພາຫະນະ ນຳເຊື້ອ; ສະນັ້ນ ການສັກວັກຊີນ ກັນໄຂ້ ສະໝອງອັກເສບ ຍີ່ປຸ່ນ ແມ່ນ ມາດຕະການ ດຽວທີ່ສຳຄັນ ໃນການ ຄວບຄຸມ ພະຍາດ ດັ່ງກ່າວ ໄດ້; ທາງນີ້ ແຂວງ ເຊກອງ ມີເປົ້າໝາຍ ສັກວັກຊີນ ກັນພະຍາດ ໃນ 4 ເມືອງ ລວມມີ 290 ບ້ານ, 33 ເຂດບໍລິການ, 426 ຈຸດສັກຢາ, 41 ທິມສັກຢາ ມີ ແພດປະຈຳ ສະໜາມ 82 ຄົນ ແລະ ມີກຸ່ມ ເປົ້າໝາຍ ສັກແຕ່ອາຍຸ 1-<15 ປີ ຈຳນວນ 36.305 ຄົນ ພ້ອມດຽວກັນ, ເປົ້າໝາຍ ໃນກຸ່ມ ອາຍຸ 1-5 ປີມີ 14.660 ຄົນ ກໍຍັງ ຈະໄດ້ຮັບ ການຢອດຢາ ໂປລິໂອ ເພີ່ມອີກ.
            ຮອງ ຫົວໜ້າ ພະແນກ ສາທາລະນະສຸກ ແຂວງ ສະເໜີ ອີກວ່າ: ພະແນກ ສາທາລະນະສຸກ ຈະໄດ້ ເອົາໃຈໃສ່ ເປັນພິເສດ ແລະ ເປັນຫຼັກ ໃນການ ການຄວບຄຸມ, ການປ້ອງກັນ ພະຍາດ ຕ່າງໆ ໂດຍ ວາງແຜນ ການຄວບຄຸມ ໄລຍະຍາວ ໄວ້ຄື: ຈະນຳສະເໜີ ວັກຊີນ JE ເຂົ້າໃນ ຕາຕະລາງ ສັກຢາ ກັນພະຍາດ ແຫ່ງຊາດ, ສັກວັກຊີນ ຂະບວນການ ວສຊ ໃຫ້ກຸ່ມເປົ້າໝາຍ ອາຍຸ 1-<15 ປີ, ສະກັດກັ້ນ ແລະ ຕອບໂຕ້ ການແຜ່ລະບາດ ຂອງ ພະຍາດ, ຍົກລະດັບ ອັດຕາ ການສັກຢາ ກັນພະຍາດ ປົກກະຕິ ໃນເດັກອາຍຸ ລຸ່ມ 1 ປີ ແລະ ຫຼຸດຜ່ອນ ອັດຕາ ການເຈັບເປັນ, ການເສຍຊີວິດ ຈາກພະຍາດ ໄຂ້ສະໝອງ ອັກເສບ ຍີ່ປຸ່ນ ໃຫ້ໄດ້ ໂດຍພື້ນຖານ.


ຂ່າວ: ແພງຕາ
ຮູບ: 04042015