ວັນອັງຄານ, 16 ຕຸລາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ແຫຼ່ງທ່ອງທ່ຽວ ທາງວັດທະນະທຳ

1. ແຫຼ່ງທ່ອງທ່ຽວທາງປະວັດທະນະທຳ
17.ບ້ານກັນດອນໃໝ ່ເປັນບ້ານໜຶ່ງທີ່ຂຶ້ນກັບ
        ເມືອງທ່າແຕງ ແລະ ໄດ້ຈັດໃຫ້ເປັນບ້ານ ທ່ອງທ່ຽວທາງດ້ານວັດທະນາທຳ,ຮີດຄອງປະເພນີ ແລະວິທີຊິວິດ ຂອງປະຊາຊົນເຜົ່າກະຕູ ຫ່າງຈາກເທດສະບານ ເມືອງທ່າແຕງ ໄປທາງທິດໃຕ້17km ແລະຈາກເທດສະບານແຂວງໄປທາງທິດເໜືອ 32 km ໃນທຸກໆປີຂອງວັນທີ 5ເດືອນ 3 ຊາວບ້ານດັ່ງກ່າວໄດ້ຈັດຕັ້ງງານບຸນ ປະເພນີຂອງເຜົ່າຂຶ້ນ, ເພື່ອສະເຫຼີມສະຫຼອງ ຜົນສຳເລັດ ຈາກການເກັບກ່ຽວ ຜົນລະປູກເຊິ່ງມີການ ຟ້ອນສິລະປະພື້ນເມືອງ ຂອງເຜົ່າ, ພ້ອມນັ້ນກໍ່ໄດ້ຂ້າຄວາຍ ເພື່ອຕ້ອນຮັບແຂກ ທີ່ມາຢ້ຽມຢາມ ໃນແຕ່ລະ
ປີຢ່າງນ້ອຍ 10 ໂຕ ທັງມີການສະແດງ ຜະລິດຕະພັນ ຂອງເຜົ່າ ແລະ ນຳພາແຂກ ໄປທ່ອງທ່ຽວ ຢູ່ສາລາກວ້ນບ້ານໂດຍແມ່ນ ໄກ໋ຂອງບ້ານ ເປັນຜູ້ອະທິບາຍ ປະຫວັດ ຄວາມເປັນມາ ຂອງຮູບສັດ ປະເພດຕ່າງໆ, ທີ່ພົວພັນກັບຊີວິດຂອງເຂົາເຈົ້າ , ທ່ຽວຊົມໂລງສົບ ອັນເກົ່າແກ່ດັ້ງເດີມ ຂອງເຜົ່າ.ແຕ່ກ່ອນບ້ານນີ້ແມ່ນ ຕັ້ງຢູ່ທາງທິດຕາເວັນອອກເຂດ 7 ເມືອງກະລືມເຊິ່ງ ໃກ້ກັບຊາຍແດນຫວຽດນາມ , ແຕ່ຍ້ອນຄວາມລຳບາກ, ທຸກຍາກໃນການທຳມາຫາກິນ ບໍ່ມີເສັ້ນທາງໄປມາຫາສູ່ກັນ ຫ່າງໄກຊອກຫຼີກ, ດັ່ງນັ້ນ ໃນວັນທີ 5/3/1996 ຈິ່ງໄດ້ພ້ອມກັນຕັດສິນໃຈຍົກຍ້າຍ ມາຕັ້ງຖິ່ນຖານຈົນເຖິງປະຈຸບັນ

 

 

18 ສວນຫຼັກເມືອງ:  ສ້າງຂຶ້ນໃນປີ 2010 ແລະສຳເລັດໃນປີ 2011 ເພື່ອຈາລຶກເຖິງ ດວງໃຈສາມັກຄີ  ປ່ວງຊົນເຜົ່າຕ່າງໆ  ຂອງຊາວແຂວງເຊກອງ.

 

         ຫຼັກເມືອງແບ່ງເປັນ 3 ທ່ອນ: ໜາຍເຖິງຄວາມອຸດົມຮັ່ງມີ ດ້ວຍເງິນ, ຄຳ, ເພັດນິນຈິນດາຕ່າງໆ. ໜ່ວຍມົນຕັ້ງຢູ່ເທິງໜາຍເຖິ່ງ: ດວງງຕາເວັນ.
ຮູບຄົນຂີ່ມ້າຢູ່ເທິງແທ່ນໜາຍເຖິງ: ທ່ານອົງແກ້ວຜູ້ນຳພາ ປະຊາຊົນຕໍ່ຕ້ານຈັກກະພັດຝລັ່ງ. ເສົາຫຼັກເມືອງສູງ 990 cm.ພາບຄົນທີ່ເຈະກະພາ, ຖືພ້າໜາຍເຖິງວິຖີ ການດຳລົງຊິວິດ ຂອງເຜົ່າຕ່າງໆ ທີ່ຕັ້ງຖິ່ນຖານ ດັ້ງເດີມຢູ່ແຂວງ ເຊກອງ.

 

19. ບ້ານກົກພຸງໃຕ້: ບ້ານກົກພຸງ ໄຕ້ເປັນບ້ານທ່ອງທ່ຽວ ທາງດ້ານ ວັດທະນາທຳ ອີກບ້ານໜຶ່ງທີ່ຂຶ້ນກັບ ເມືອງທ່າແຕງ, ມີຮີດຄອງປະເພນີ, ວັດທະນະທຳທີ່ເປັນເອກະລັກຂອງ ເຜົ່າກະຕູ ແລະອາຣັກໃນແຕ່ລະປີ ເຂົາເຈົ້າໄດ້ຈັດຕົ້ງງານບຸນ ປະເພນີຂຶ້ນ ເພື່ອສະເຫຼີມສະຫຼອງ ຜົນສະເລັດ ໃນການເກັບກ່ຽວ ຜົນລະປູກເຊິ່ງ, ມີການສະແດງ ສິລະປະພື້ນເມືອງ,ວາງສະແດງ ຜະລິດຕະພັນຕ່ຳແຜ່ນ ແລະ ຈັກສານ ທີ່ເປັນເອກະລັກ ຂອງເຜົ່າທ່ຽວຊົມໂລງສົບ ອັນເກົ່າແກ່ແລະ ຂໍ້ມູນອື່ນໆກ່ຽວກັບເຜົ່າ, ເມືອກ່ອນບ້ານນີ້ ໄດ້ຕັ້ງຖິ່ນຖານຢູ່ ເຂດເມືອງກະລຶມ ທາງທິດຕາເວັນອອກ ຊາຍແດນຫວຽດນາມ ແຕ່ຍ້ອນຄວາມທຸກຍາກ ເຂົາເຈົ້າຈິ່ງໄດ້ ຍົກຍ້າຍມາຕັ້ງ ຖິ່ນຖານຢູ່ແຫ່ງນີ້ ໂດຍສະເພາະ ງານບຸນ ປະເພນີປະຈຳປີຂອງ ເຜົ່າທີ່ເປັນເອກະລັກ ສືບທອດກັນມາເຊັ່ນ: ການນຸ່ງຖື, ການສະແດງສິລະປະພື້ນເມືອງ, ສະແດງຜະລິດຕະພັນຕ່ຳແຜ່ນ ແລະ ຈັກສານ, ໂລງສົບຄົນບູຮານ ແລະ ອື່ນໆ. ເຊິ່ງທາງບ້ານ ໄດ້ມີໄກ໋ນຳພາແຂກທ່ອງທ່ຽວ ແລະ ອະທິບາຍ ໃຫ້ທ່ານ ຕາມທີ່ຕ້ອງການໄດ້ ໄລຍະຫ່າງ ຈາກເທດສະບານ ເມືອງທ່າແຕງ ໄປທາງທິດເໜືອ 16 ກິໂລແມັດ ແລະ ເປີດບໍລິການນຳໄຊ້ແລ້ວໃນ ປີ 2009.20.ເຮືອນຊົນເຜົ່າຕະລຽງ:
       ເຮືອນຊົນເຜົ່າຕະລຽງ, ບ້ານດາກມວນ, ເມືອງດາກຈຶງ ແມ່ນເຮືອນທີ່ເປັນເອກະລັກ ຂອງຊົນເຜົ່າຕະລຽງ ທີ່ເຮັດດ້ວຍວັດຖຸທຳມະຊາດ ຫ່າງຈາກເທດສະບານແຂວງ 108 ກິໂລແມັດ, ເຮືອນດັ່່ງກ່າວແມ່ນ ເປັນເອກະລັກມີມາແຕ່ດັ້ງເດີມຂອງເຜົ່າ, ເຊິ່ງນຳໃຊ້ວັດຖຸຈາກທຳມະຊາດລ້ວນໆ, ເຂົ້າໃນການປຸກສ້າງ ແລະ ຄວາມສາມັກຄີຂອງປະຊາຊົນ ທັງໝົດໃນບ້ານຊ່ວຍກັນສ້າງ ໃນແຕ່ລະຫຼັງຄາເຮືອນ. ໃນແຕ່ລະປີຊາວບ້ານ ໄດ້ຈັດຕັ້ງງານບຸນປະຈຳປີຂຶ້ນ ເພື່ອສະເຫຼີມສະຫຼອງຜົນສຳເລັດ ຈາກການເກັບກ່ຽວຜົນລະປູກ ໃນນັ້ນກໍມີການສະແດງ ສີລະປະພື້ນເມືອງ, ການນຸ່ງຖືທີ່ເປັນເອກະລັກຂອງເຜົ່າ, ການວາງສະແດງຜະລິດຕະພັນຕ່ຳແຜ່ນ ແລະ ຈັກສານພ້ອມນີ້ກໍມີການຂ້າຄວາຍ ຕ້ອນຮັບແຂກທີ່ມາຢ້ຽມຢາມ ໃນແຕ່ລະປີບໍ່ຕໍ່າກວ່າ 10 ໂຕ.

 

 

21. ປະຫັວດເຮືອນຊົນເຜົ່າຮາຣັກ:
          ເຮືອນເອກະລັກເຜົ່າອາລັກ, ບ້ານກະສັງກາງ, ເມືອງລະມາມ, ແຂວງເຊກອງຫ່າງຈາກເທດສະບານເມືອງ ແລະ ແຂວງປະມານ 24 ກິໂລແມັດ, ເປັນບ້ານຈຸດສຸ່ມພັດທະນາທີສີ່ຂອງເມືອງລະມາມ. ຕາມເສັ້ນທາງເລກທີ 16 ອອກສູ່ຊາຍແດນຫວຽດນາມ, ເຮືອນຊົນເຜົ່າຮາຣັກ ບ້ານກະສັງກາງ ແມ່ນເຮືອນທີ່ເຮັດດ້ວຍໄມ້ເນື້ອແຂງ ທາງໜ້າຂອງເຮືອນແມ່ນ ເເກະສະຫຼັກເປັນຮູບຕ່າງໆ ທີ່ມີສີສັນເປັນເອກະລັກຂອງເຜົ່າ. ມຸງດ້ວຍໄມ້ເນື້ອແຂງ, ມີວິຖີຊີວິດ, ວັດທະນະທຳ, ຮີດຄອງປະເພນີ ຄ້າຍກັບເຜົ່າອື່ນໆເຊັ່ນ: ການຈັດງານບຸນປະເພນີປະຈຳປີ, ການສະແດງສີລະປະພື້ນເມືອງ, ການວາງສະແດງຜະລິດຕະພັນຕ່ຳແຜ່ນ ແລະ ຈັກສານ ການຂ້າຄວາຍ ຕ້ອນຮັບແຂກຄົນຜູ້ທີ່ມາຢຽມຢາມ.