ວັນຈັນ, 15 ຕຸລາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ລະມາມ:ປະກາດແຕ່ງຕັ້ງຫົວໜ້າຫ້ອງການແຜນການ ແລະ ການລົງທຶນ

ລະມາມ:ປະກາດແຕ່ງຕັ້ງຫົວໜ້າຫ້ອງການແຜນການ ແລະ ການລົງທຶນ

 

ລະມາມ:ປະກາດແຕ່ງຕັ້ງຫົວໜ້າຫ້ອງການແຜນການ ແລະ ການລົງທຶນ
       ໃນວັນທີ 6 ກຸມພາ 2015 ຜ່ານມານີ້ ຢູ່ທີ່ ຫ້ອງວ່າການປົກຄອງ ເມືອງລະມາມ ໄດ້ຈັດພິທີ ປະກາດ ແຕ່ງຕັ້ງ ຫົວໜ້າຫ້ອງການ ແຜນການ ແລະ ການລົງທຶນ ໂດຍໃຫ້ກຽດ ເຂົ້າຮ່ວມ ຂອງ ທ່ານ ເຫຼັກໄຫຼ ສີວິໄລ ເລຂາພັກ ເມືອງ,ເຈົ້າເມືອງລະມາມ,ທ່ານ ຄໍາປະກອນ ອຸເທນທະປັນຍາ ຮອງຫົວໜ້າພະແນກແຜນການ ແລະ ການລົງທຶນແຂວງເຊກອງ,ມີບັນດາພະແນກການຂັ້ນແຂວງ,ຂັ້ນເມືອງ  ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.
   ທ່ານ ໄຂຄໍາ ດອຍສີທົນ ຮອງຄະນະຈັດຕັ້ງ ເມືອງລະມາມ ໄດ້ຜ່ານຂໍ້ຕົກລົງ ຂອງເຈົ້າເມືອງ,ສະບັບເລກທີ 054/ຈມ,ລົງວັນທີ 29 ມັງກອນ 2015 ວ່າດ້ວຍ ແຕ່ງຕັ້ງ ທ່ານ ບຸນນອງ ຄໍາພູມີ ເປັນຫົວໜ້າ ຫ້ອງການແຜນການ ແລະ ການລົງທຶນ ເມືອງລະມາມ.
   ທ່ານ ເຫຼັກໄຫຼ ສີວິໄລ ເລຂາພັກເມືອງ,ເຈົ້າເມືອງລະມາມ ໄດ້ໂອ້ລົມ ໃນພິທີມອບ-ຮັບຄັ້ງນີ້ ໂດຍໄດ້ເນັ້ນ ໃຫ້ຜູ້ທີ່ຖືກແຕ່ງຕັ້ງ ຄົນໃໝ່ເອົາໃຈໃສ່ ປະຕິບັດ ໜ້າທີ່ວຽກງານ ຕາມພາລະບົດຍາດຂອງຕົນ ກ່ອນອື່ນໝົດແມ່ນຕ້ອງເອົາໃຈ
ໃສ່ສຶກສາອົບຮົມ ການເມືອງ-ແນວຄິດ ໃຫ້ພະນັກງານ ລັດຖະກອນ ພາຍໃນຫ້ອງການ ຂອງຕົນ ໃຫ້ມີຄວາມສາມັກຄີ ຢ່າງໜັກແໜ້ນ,ເຂົ້າໃຈ ແຜນຍຸດທະສາດ - ແຜນນະໂຍບາຍຕ່າງໆ ພ້ອມກັນນັ້ນ ກໍ່ຕ້ອງເປັນເຈົ້າການ ໃນການ ຄຸ້ມຄອງໂຄງການ ລົງທຶນຂອງລັດ, ການຈັດສັນ ງົບປະມານ ຢູ່ຂັ້ນເມືອງ, ເກັບກໍາຂໍ້ມູນ ບັນດາຫ້ອງການຂັ້ນເມືອງ ແລະ ສະເໜີຂັ້ນເທິງ ເປັນຕົ້ນ ແມ່ນບັນດາໂຄງການທີ່ເປັນບູລິມະສິດ ເພື່ອຮັບປະກັນໃນດ້ານການຈັດຕັ້ງປະຕິບັດບັນດາ
ໂຄງການ ການລົງທຶນຕ່າງໆຂອງລັດ ໃຫ້ມີປະສິດທິຜົນ ແລະ ບັນດາໂຄງການເລົ່ານັ້ນກໍ່ຕ້ອງຕິດພັນກັບຍຸດທະສາດ
ການພັດທະນາ ເສດຖະກິດ-ສັງຄົມ ຂອງເມືອງ ໃນແຕ່ລະໄລຍະ ຢ່າງເໝາະສົມ.
ຂ່າວ:ອິນປອນ
020 963387180