ວັນພຸດ, 20 ມິຖຸນາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ສຳເລັດກອງປະຊຸມໃຫຍ່ຄັ້ງທີ V ຂອງຜູ້ແທນແມ່ຍິງ ແຂວງເຊກອງ

ກອງປະຊຸມໃຫຍ່ຜູ້ແທນແມ່ຍິງແຂວງເຊກອງຄັ້ງທີ V ໄດ້ສໍາເລັດລົງຢ່າງຈົບງາມ ໃນວັນທີ 9 ມັງກອນ 2015 ນີ້ ຊຶ່ງໄດ້ດໍາເນີນມາເປັນເວລາ 2 ວັນເຕັມ,ມີແຂກ ແລະຜູ້ແທນສົມບູນເຂົ້າຮ່ວມທັງໝົດ 179 ຄົນ,ຊາຍ 30 ຄົນ,ໃນນັ້ນຜູ້ແທນສົມບູນ 123 ສະຫາຍ ທີ່ເປັນຕົວແທນໃຫ້ແກ່ສະມາຊິກສະຫະພັນແມ່ຍິງຈໍານວນ 13.661 ສະຫາຍ ແລະ ແຂກຖືກເຊີນ 58 ສະຫາຍ.
ກອງປະຊຸມດັ່ງກ່າວໄດ້ເປັນເອກກະສັນກັນຮັບຮອງເອົາບົດລາຍງານການເມືອງທັງສງພາກຂອງຄະນະບໍລິຫານງານສະຫະພັນແມ່ຍິງແຂວງຊຸດທີ IV ,ໄດ້ຕີລາຄາ ຢ່າງພາວະວິໃສຕໍ່ຜົນສໍາເລັດໃນການຈັດຕັ້ງປະຕິບັດມະຕິກອງປະຊຸມໃຫຍ່ 5 ປີ ຜ່ານມາ ( 2009-2014) ແລະ ທິດທາງແຜນການເຄື່ອນໄຫວ 5 ປີຕໍ່ໜ້າ (2015-2020), ໃນນີ້ຜູ້ແທນທີ່ເຂົ້າຮ່ວມຍັງຜັດປ່ຽນກັນປະກອບຄຳຄິດຄຳເຫັນຢ່າງກົງໄປກົງມາ ທັງນີ້ເພື່ອເປັນການສົ່ງເສີມສິ່ງທີ່ດີ ແລະ ແກ້ໄຂຂໍ້ບົກຜ່ອງໃນໄລຍະຜ່ານມາໃຫ້ດີຂຶ້ນກວ່າເກົ່າ.
ນອກນີ້ຜູ້ແທນສົມບູນຍັງໄດ້ໃຊ້ສິດຂອງຕົນ ປ່ອນບັດເລືອກຕັ້ງເອົາຄະນະບໍລິຫານງານຊຸດທີ V ຊຶ່ງມີຜູ້ສະໝັກເຂົ້າໂຄງປະກອບທັງໝົດ 23 ສະຫາຍ,ເລືອກເອົາ 19 ສະຫາຍ,ໃນນີ້ກອງປະຊຸມຄັ້ງປະຖົມມະລຶກຂອງຄະນະບໍລິຫານງານສະຫະພັນແມ່ຍິງແຂວງໄດ້ເປັນເອກກະສັນຢ່າງສົມບູນເລືອກເອົາທ່ານ ນາງ ບຸນຮຽງ ບຸນຈິດ ເປັນປະທານ, ທ່ານ ນາງ ແກ້ວສົມຫວັງ ຈັນດາວົງ ເປັນຮອງປະທານ ແລະ ທ່ານ ນາງ ວິໄລວັນ ດາລາສິນ ເປັນຮອງປະທານ ທັງເປັນປະທານກວດກາຂອງ ສ ຍ ແຂວງ. ພ້ອມດຽວກັນນີ້ຍັງໄດ້ປ່ອນບັດເລືອກຕັ້ງເອົາຜູ້ແທນສົມບູນເຂົ້າຮ່ວມກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດຄັ້ງທີ່ VII ຈຳນວນ 8 ສະຫາຍ,ສຳຮອງ 3 ສະຫາຍ ເພື່ອເປັນຕົວແທນໃຫ້ສະມາຊິກ ສ ຍ ໃນທົ່ວແຂວງເຊກອງ.