ວັນສຸກ, 14 ທັນວາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ສະເຫຼີມສະຫຼອງ ວັນກາແດງໂລກ ຄົບຮອບ 151 ປີ (08/05/1863-08/05/2014)

ໃນ​ວັນ​ທີ 8 ພຶດສະພາ 2014 ຢູ່​ທີ່​ໂຮງຮຽນ​ມັດທະຍົມ​ວຽງ​ຈັນ-ໂຮ່​ຈິ​ມິນ, ໄດ້​ຈັດ​ກິດຈະກຳເພື່ອ​ສະເຫຼີມສະຫຼອງ​ວັນ​ກາແດງ​ສາກົນ ຄົບຮອບ 151 ປີ ພາຍ​ໃຕ້​ການ​ເປັນ​ປະທານ​ ຂອງ​ທ່ານ ເລົາລີ ​ໄຟ​ເພັງ​ຢົວ, ປະທານ​ອົງການ​ກາ​ແດງ​ລາວ ​ໂດຍ​ເປັນ​ກຽດ​ເຂົ້າ​ຮ່ວມພິທີ​ ຂອງ​ທ່ານ ອິນ​ປອນ ສຸລິຍະ​ມິດ, ຫົວໜ້າ ​ກົມສັງ​ລວມ​ວັດທະນະທຳ-ສັງຄົມ ຫ້ອງ​ວ່າການ​ລັດຖະບານ ພ້ອມ​ດ້ວຍ​ພາກສ່ວນ​ທີ່​ກ່ຽວຂ້ອງຈາກ​ຂະ​ແໜງ​ຕ່າງໆ ​ຕະຫຼອ​ດຮອດ ນັກຮຽນ​ນັກ​ສຶກສາ ເຂົ້າ​ຮ່ວມຢ່າງ​ພ້ອມພຽງ.

ພາຍ​ໃນ​ງານ ມີ​ກິດຈະກຳ​ ຮັບ​ບໍລິຈາກ​ເລືອດ ແບບ​ສະໝັກ​ໃຈ ໂດຍ​ບໍ່​ຫວັງ​ສິ່ງ​ຕອບ​ແທນ, ການ​ກ່າວ​ຄວາມ​ຮູ້ສຶກ​ຂອງ​ຜູ້​ປະສົບ​ອຸບັດ​ຕິ​ເຫດ​ ຕາມ​ທ້ອງຖະໜົນ (ຜູ້​ໄດ້​ຮັບ​ເລືອດ​) ແລະ ຄວາມ​ຮູ້ສຶກ​ຂອງ​ອາສາ​ສະໝັກ (ຜູ້​ບໍລິຈາກ​ເລືອດ), ສາທິດ​ວິທີ​ການ​ຊ່ວຍ​ຊີວິດ​ຂັ້ນ​ພື້ນຖານ, ການວາງສະແດງ​ຜົນງານ, ຮູບ​ພາບ​ການເຄື່ອນໄຫວ ຂອງ​ອົງການກາແດງລາວ, ກິດຈະກຳ​ຖາມ-ຕອບ ຄວາມ​ຮູ້​ຮອບ​ຕົ​ວ ແລະ ການສະແດງ ​ສິລະ​ປະ-ວັນນະຄະດີ ຈາກ​ບັນດາ​ສະມາຊິກຊາວໜຸ່ມ​ອາສາ​ສະໝັກບໍລິຈາກ​ເລືອດ.


ແຫລ່ງ: ຫ້ອງວ່າການລັດຖະບານ