ວັນຈັນ, 25 ມິຖຸນາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ກະລຶມ ສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດສົກປີ 2015-2016

    ວັນທີ 21 ກຸມພາ 2017 ນີ້ ເມືອງກະລຶມ ແຂວງເຊກອງ ໄດ້ສະຫຼຸບຕີລາຄາ ການຈັດຕັ້ງປະຕິບັດ ແຜນງົບປະມານແຫ່ງລັດສົກປີ 2015-2016, ແລະ ຜ່ານແຜນການປີ 2017 , ກອງປະຊຸມໄດ້ຈັດຂື້ນ ຢູ່ທີ່ສະໂມສອນຂອງເມືອງ ໂດຍມີ ທ່ານ ບົວລາ ອ່ອນມະໄລວົງ ຮອງເລຂາພັກເມືອງ, ຮອງເຈົ້າເມືອງກະລຶມ ພ້ອມດ້ວຍຂະແໜງການທີ່ກ່ຽວຂ້ອງ ແລະ ພະນັກງານການເງິນບໍລິຫານ-ການເງິນແຕ່ລະຫ້ອງການພາຍໃນເມືອງ ເຂົ້າຮ່ວມ.

    ທ່ານ ສີບັງອອນ ດາລາວົງ ກຳມະການພັກເມືອງ, ຫົວໜ້າຫ້ອງການໆເງິນເມືອງ ໄດ້ລາຍງານໃຫ້ຮູ້ວ່າ: ການຈັດຕັ້ງປະຕິບັດ ແຜນງົບປະມານແຫ່ງລັດໄລຍະ 1 ປີ ສົກ (2015-2016) ໄດ້ຮັບຜົນສຳເລັດຫຼາຍດ້ານ ເປັນຕົ້ນ: ການເກັບລາຍຮັບເຂົ້າງົບປະມານ ບັນລຸໄດ້ 20 ຕື້ກວ່າກີບ, ໂດຍລາຍຮັບສ່ວນໃຫຍ່ ແມ່ນໄດ້ມາຈາກ ລາຍຮັບແຂວງດຸ່ນໃຫ້ເມືອງ 19 ຕື້ກວ່າກີບ, ລາຍຮັບຈາກອາກອນ ແລະ ຊັບສິນຂອງງັດ 1 ຕື້ກວ່າກີບ, ແລະ ຄ່າບໍລິການອື່ນໆເກືອບ 51 ລ້ານ ກີບ, ຄຽງຄູກັນນັ້ນ ກໍໄດ້ເອົາໃຈໃສ່ ປະຕິບັດການຄຸ້ມຄອງລາຍຈ່າຍ ຕາມຫຼັກການງົບປະມານ-ການເງິນ ຢ່າງເຂັ້ມງວດ, ພ້ອມນັ້ນ ກໍ່ໄດ້ຜ່ານທິດທາງແຜນການ ຈັດຕັ້ງປະຕິບັດວຽກງານ ການເກັບລາຍຮັບ, ການຄຸ້ມຄອງລາຍຈ່າຍ ງົບປະມານ ໃນປີ 2017, ໂດຍອີງໃສ່ເງື່ອນໄຂ ແລະ ທ່າແຮງບົ່ມຊ້ອນຂອງເມືອງ ເປັນຫຼັກ, ເຊິ່ງໄດ້ວາງຄາດໝາຍສູ້ຊົນ ເກັບລາຍຮັບເຂົ້າງົບປະມານໃຫ້ໄດ້ 25 ຕື້ກວ່າກີບ, ຄາດໝາຍໃຫ້ໄດ້ຮັບຈາກຂະແໜງອາກອນ ແລະ ຊັບສິນຂອງລັດ 2 ຕື້ກີບ, ຮັບຈາກແຂວງດຸ່ນດ່ຽງໃຫ້ເມືອງ ກວ່າ 23 ຕື້ກ່ວາກີບ, ຄ່າບໍລິການອື່ນໆ ໃຫ້ໄດ້ 400 ລ້ານກວ່າກີບ ແລະ ປະຕິບັດລາຍຈ່າຍໃຫ້ຢູ່ໃນລະດັບ 119%
                                                                    ຂ່າວ: ທ ອັດສະວິນ ແສງສີຈັນ ນັກຂ່າວ ເມືອງກະລຶມ ແຂວງເຊກອງ

ເມືອງກະລຶມ ໃຫ້ຄວາມສຳຄັນ ວຽກງານປ້ອງກັນຊາດ-ປ້ອງກັນຄວາມສະຫງົບ

 

    ວຽກງານ ປ້ອງກັນຊາດ - ປ້ອງກັນຄວາມສະຫງົບ ແມ່ນ ວຽກງານໜື່ງ ທີ່ສຳຄັນ ໃນການ ອຳນວຍ ຄວາມສະດວກ ໃຫ້ແກ່ ການພັດທະນາ ເສດຖະກິດ-ສັງຄົມ ໃຫ້ມີການ ຂະຫຍາຍຕົວ ດ້ວຍຈັ່ງຫວະ ທີ່ໄວ ແລະ ຕໍ່ເນື່ອງ, ສະນັ້ນ ໃນໄລຍະ ຜ່ານມາ ອຳນາດການປົກຄອງ ເມືອງກະລືມ ໄດ້ ເອົາໃຈໃສ່ ສຶກສາ ອົບຮົມ ການເມືອງ ແນວຄິດ ໃຫ້ແກ່ ພະນັກງານນັກຮົບ, ຮັບຮູ້ ເຊື່ອມຊືມ ຕໍ່ແນວທາງ ນະໂຍບາຍ ຂອງພັກ-ລະບຽບກົດໝາຍ ຂອງລັດ ແລະ ທາດແທ້ ມູນເຊື້ອ ຂອງ ກອງທັບ ເຮັດໜ້າທີ່ ປະຕິບັດ ປ້ອງກັນຊາດ - ປ້ອງກັນຄວາມສະຫງົບ ໃຫ້ມີຄວາມສະຫງົບ ປອດໄພ ໂດຍພື້ນຖານ.
    ທ່ານ ອໍບົວລາ ອ່ອນມະໄລວົງ ຮອງເລຂາພັກ ເມືອງກະລຶມ ກ່າວ ໃນກອງປະຊຸມ ຄົບຄະນະ ບໍລິຫານງານ ພັກເມືອງກະລຶມ ຄັ້ງທີ 3 ສະໄໝທີ 8 ທີ່ໄຂຂື້ນ ໃນລະຫວ່າງ ວັນທີ 24-25 ພະຈິກ 2015 ນີ້ວ່າ: ຜ່ານມາ ຄະນະພັກອຳນາດການປົກຄອງ ໃນແຕ່ລະຂັ້ນ ກໍ່ຄື ສອງກຳ ລັງປະກອບອາວຸດ ໄດ້ປະຕິບັດ ຕາມແນວທາງ ປ້ອງກັນຊາດ - ປ້ອງກັນຄວາມສະຫງົບ ໃນທົ່ວ ປວງຊົນ ຮອບດ້ານ, ຖືເອົາ ການສືກສາ ອົບຮົມ ການ ມືອງ ແນວຄິດ ໃຫ້ແກ່ ພະນັກງານ ສະມາຊິກພັກ ແລະ ປະຊາຊົນ ບັນດາເຜົ່າ ໃຫ້ເຂົ້າໃຈແຈ້ງ ຕໍ່ເລ້ຫຼ່ຽມ ກົນອຸບາຍ ຂອງສັດຕູ ທີ່ຫວັງ ມ້າງເພ ທຳລາຍ ຂອງອິດທິ ກຳລັງປໍ ລະປັກ, ເຊີດຊູນ້ຳໃຈຮັກຊາດ ຍົກສູງ ສະຕິ ລະວັງຕົວ ເປັນເຈົ້າການ ເຂົ້າຮ່ວມ ໃນວຽກງານ ປ້ອງກັນຊາດ - ປ້ອງກັນຄວາມສະຫງົບ ຢ່າງຕັ້ງໜ້າ, ຫັນເອົາ ແນວທາງ ນະໂຍບາຍ ຂອງພັກ ລະບຽບກົດໝາຍ ຂອງລັດລົງຜັນຂະຫຍາຍ ຢູ່ຂັ້ນຮາກຖານ ປະຊາຊົນ ໃຫ້ເປັນ ປົກກະຕິ, ພ້ອມທັງ ຈັດຕັ້ງ ປະຕິບັດ ລະບຽບວິໃນ, ໜ້າທີ່ ຄວາມຮັບຜິດຊອບ ຢ່າງເຂັ້ມງວດ, ປຸກລະດົມ ຊຸກຍູ້ ສົ່ງເສີມ ປະຊາຊົນ, ກຳລັງ ປະກອບອາວຸດ ໃນແຕ່ລະຂັ້ນ ໄດ້ຮັບການປັບປຸງ ແລະ ສ້າງຄວາມ ເຂັ້ມແຂງ ຕະຫຼອດ, ເວລາ, ນອກນັ້ນ, ໄດ້ສ້າງ ປ້ອມໝັ້ນ ສູ້ຮົບ ຕິດລຽນໄດ້ 2 ກຸ່ມບ້ານ, ປາກໄຊ ແລະ ປະນອນ, ສ້າງຈຸດສຸມ ຊາຍແດນ ໄດ້ 8 ບ້ານ, ພ້ອມດຽວ ກັນນັ້ນ ກໍ່ໄດ້ມີ ການປັບປຸງ ກອງຮ້ອຍ ຊາຍແດນ ປະຕິບັດ ການປັກ ຫຼັກໝາຍ ຊາຍແດນ ສຳເລັດ ຈຳນວນໜື່ງ, ພົ້ນເດັ່ນ ແມ່ນ ໄດ້ປຸກລະດົມ ກຳລັງຊາວໜຸ່ມ, ໄວໜຸ່ມ ສະໝັກ ເຂົ້າເປັນພັນທະ ປະກອບສ່ວນ ຊ່ວຍເຫຼືອ ປະຊາຊົນ, ຕ້ານ ສະກັດກັ້ນ ປະກົດການຫຍໍ້ທໍ້ ຕ່າງໆ ໃນຂອບເຂດ ຊາຍ ແດນ, ຈຸດຫຼໍ່ແຫຼມ ແລະ ປົກປັກຮັກສາ ຫຼັກໝາຍຊາຍແດນ ຢ່າງຕໍ່ເນື່ອງ.
    ເພື່ອຮັບປະກັນ ເຮັດໃຫ້ ທົ່ວເມືອງ ມີສະຖຽນລະພາບ ທາງດ້ານການເມືອງ ຢ່າງ ໜັກແໜ້ນ ແລະ ມີ ຄວາມສະຫງົບ ປອດໄພ ໂດຍພື້ນຖານ, ໃນຕໍ່ໜ້ານນີ້ ເມືອງກະລຶມ ຈະໄດ້ ເພີ່ມທະວີ ບົດບາດ ການນຳພາ ຮອບດ້ານ, ໂດຍກົງແລະ ເດັດຂາດ ຕໍ່ວຽກງານ ປ້ອງກັນຊາດ - ປ້ອງກັນຄວາມສະຫງົບ, ຕ້ານ ທຸກກົນອຸບາຍ ຂອງສັດຕູ ແລະ ກຸ່ມຄົນ ບໍ່ດີໃຫ້ທັນ ເຫດການ, ປັງປຸງ ສອງກຳລັງ ປະກອບອາວຸດ ໃຫ້ມີ ຄວາມເຂັ້ມແຂງ ທາງດ້ານ ການເມືອງ-ການຈັດຕັ້ງ ດ້ວຍການ ສືບຕໍ່ ຝຶກແອບ ສີລະປະຍຸດ-ຍຸດທະວິທີ ໃຫ້ມີ ຄວາມຊຳນານ, ກຽມພ້ອມ ສູ້ຮົບ ໄດ້ທຸກເວລາ, ສືບຕໍ່ ສ້າງປ້ອມໝັ້ນ-ກຸ່ມບ້ານ ສູ້ຮົບ ຕິດລຽນ ແລະ ປັບປຸງ ກຳລັງ ກອງຫຼອນ, ປກສ ບ້ານ ໃຫ້ມີ ຄວາມເຂັ້ມແຂງ ເພື່ອ ປົກປັກ ຮັກສາ ຄວາມສະຫງົບ ໃນຂອບເຂດ ຊາຍແດນ ແລະ ຂອບເຂດ ຮັບຜິດຊອບ ໃຫ້ມີສະຫງົບ, ເພື່ອ ຮັບປະກັນ ອຳນວຍ ຄວາມສະດວກໃຫ້ແກ່ ການພັດທະນາ ເສດຖະກິດ-ສັງຄົມ ໃຫ້ມີ ການເຕີບໃຫຍ່ ຂະຫຍາຍຕົວ ຂື້ນເລື້ອຍໆ.

ຂ່າວ: ທິດສາຄອນ ວົງມະນີ, ຂ່າວ TV-RO
ໂທ: 020 5550 3434.

ເມືອງກະລຶມ ໄຂກອງປະຊຸມຄົບຄະນະບໍລິຫານງານພັກເມືອງຄັ້ງທີ 3 ສະໄໝທີ 8

    ໃນໄລຍະ ຜ່ານມາ ສົກ 2014-2015 ນີ້ ຄະນະບໍລິຫານງານ ພັກເມືອງກະລືມ ໄດ້ເອົາໃຈໃສ່ ໃນການ ຊີ້ນຳນຳພາ ຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ ຢ່າງເປັນເຈົ້າການ, ດ້ວຍການ ຊຸກຍູ້ ສົ່ງເສີມ ປະຊາຊົນ ທຳການຜະລິດ ໃຫ້ຫຼາຍຂື້ນ ແລະ ຖືເອົາ ການພັດທະນາ ເສດຖະກິດ-ສັງຄົມ ເປັນໃຈກາງ ເພື່ອຍູ້ແຮງ ຂະແໜງການ ອື່ນໆ ໃຫ້ມີການຂະຫຍາຍຕົວ ໄປພ້ອມໆກັນ. 
    ທ່ານ ສາຍຄຳ ແກ້ວບຸນປານ ຄະນະປະຈຳພັກເມືອງ, ຮອງເຈົ້າເມືອງໆກະລຶມ, ຜູ້ຊີ້ນຳ ວຽກງານ ເສດຖະກິດ ໄດ້ຍົກ ໃຫ້ເຫັນ ຜົນສຳເລັດ ໃນການ ຈັດຕັ້ງ ປະຕິບັດ ແຜນພັດທະນາ ເສດຖະກິດ - ສັງຄົມ ຂອງ ເມືອງກະລຶມ ສົກ 2014-2015 ຜ່ານມາ ຕໍ່ກອງປະຊຸມ ຄົບຄະນະບໍລິຫານງານ ພັກເມືອງກະລຶມ ຄັ້ງທີ 3 ສະໄໝທີ 8 ທີ່ ໄຂຂື້ນ ໃນລະຫວ່າງ ວັນທີ 24-25 ພະຈິກ 2015 ນີ້ວ່າ: ໃນໄລຍະ 1 ປີ ຜ່ານມາ ຄະນະພັກ ອຳນາດການປົກຄອງ ເມືອງ ໄດ້ສຸມໃສ່ ໃນການ ຊີ້ນຳ ນຳພາ ການພັດທະນາ ເສດຖະກິດ - ສັງຄົມ ເຊິ່ງເຫັນວ່າ ເສດຖະກິດ ຂອງເມືອງ ມີການ ຂະຫຍາຍຕົວ ຢ່າງຕໍ່ເນື່ອງ, ເຮັດໃຫ້ ລວມຍອດ ຜະລິດຕະພັນ ພາຍໃນ ຫຼື GDP ບັນລຸໄດ້ 69 ຕື້ 687 ລ້ານກີບ, ທຽບໃສ່ ໄລຍະ ດຽວກັນ ໃນປີ ຜ່ານມາ ເພີ່ມຂື້ນ 31,19%, ທຽບໃສ່ ແຜນການ ເພີ່ມຂື້ນ 23,19%, ສະເລ່ຍ ໃສຫົວຄົນ ບັນລຸໄດ້ 4.162.500 ກີບ/ຄົນ/ປີ, ຫຼື ເທົ່າກັບ 555 ໂດລາ/ຄົນ/ປີ, ໃນນັ້ນ ຂະແໜງ ກະສິກຳ-ປ່າໄມ້ ປະຕິບັດ ໄດ້ 40 ຕື້ 347 ລ້ານກີບ, ທຽບໃສ່ ໄລຍະ ດຽວກັນ ປີຜ່ານມາ ເພີ່ມຂື້ນ 32,35%, ຂະແໜງ ອຸດສະຫະກຳ ປະຕິບັດໄດ້ 13 ຕື້ກວ່າກີບ, ທຽບໃສ່ ໄລຍະດຽວກັນ ປີຜ່ານມາ ເພີ່ມຂື້ນ 28,98%, ຂະແໜງ ບໍລິການ ປະຕິບັດໄດ້ 284 ລ້ານກວ່າກີບ, ທຽບໃສ່ ໄລຍະ ດຽວກັນ ປີຜ່ານມາ ເພີ່ມຂື້ນ 10,64%, ລາຍຮັບທ້ອງຖິ່ນ ປະຕິບັດໄດ້ 284 ລ້ານກວ່າກີບ,ທຽບໃສ່ ປີຜ່ານມາ ເພີ່ມຂື້ນ 14%.
    ທ່ານ ສາຍຄຳ ແກ້ວບຸນປານ ກ່າວຕື່ມວ່າ ສຳລັບຄາດໝາຍ ສູ້ຊົນ ໃນການ ຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ ສົກ 2015-2016 ນີ້, ເມືອງກະລຶມ ຈະສູ້ຊົນ ຈັດເກັບລາຍຮັບ ໃຫ້ເພີ່ມຂື້ນ 15,19 %, ເທົ່າກັບ 27 ຕື້ກວ່າກີບ, ໃນນັ້ນ ຂະແໜງ ກະສິກຳ ໃຫ້ເພີ່ມຂື້ນ 7,58%,ຂະແໜງ ອຸດສະຫະກຳ ໃຫ້ເພີ່ມຂື້ນ 4,29%, ຂະແໜງ ບໍລິການ ໃຫ້ເພີ່ມຂື້ນ 14,72%, ລາຍຮັບທ້ອງຖິ່ນ ໃຫ້ເພີ່ມຂື້ນ 29,5%, ລາຍໄດ້ ສະເລ່ຍ ໃສ່ຫົວຄົນ ໃຫ້ໄດ້ 650-700 ໂດລາ/ຄົນ/ປີ.


ຂ່າວ: ທິດສາຄອນ ວົງມະນີ, ຂ່າວ TV-RO
ໂທ: 020 5550 3434.

ຜູ້ເຂົ້າຊົມ ເວັບໄຊ

ມື້ນີ້ມື້ນີ້3
ວານນີ້ວານນີ້67
ທິດນີ້ທິດນີ້57
ເດືອນນີ້ເດືອນນີ້1309
ທັງໝົດທັງໝົດ71946