ວັນສຸກ, 14 ທັນວາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ຫ້ອງການ ຖວທ ເມືອງລະມາມສະຫຼຸບຜົນງານການເຄື່ອນໄຫວປະຈຳປີ 2016

 

   ວັນທີ 19 ພຶດສະພາ 2017ຜ່ານມາ ຫ້ອງການ ຖະແຫຼງຂ່າວ, ວັດທະນາທຳ ແລະ ທ່ອງທ່ຽວເມືອງລະມາມ ໄດ້ຈັດກອງປະຊຸມສະຫຼຸບ ຜົນງານການເຄື່ອນໄຫວ ວຽກງານຖະແຫຼງຂ່າວ,ວັດທະນາທຳ ແລະ ທ່ອງທ່ຽວປະຈຳປີ 2016 ແລະ ວາງທິດທາງ ແຜນການປະຈຳປີ 2017, ກອງປະຊຸມດັ່ງກ່າວ ໃຫ້ກຽດເຂົ້າຮ່ວມ ເປັນປະທານ ຂອງທ່ານ ບູ່ໄຊ ໄຊຍະເສນ ກຳມະການພັກແຂວງ ຫົວໜ້າ ພະແນກ ຖະແຫຼງຂ່າວ, ວັດທະນາທຳ ແລະ ທ່ອງທ່ຽວ ແຂວງເຊກອງ, ມີບັນດາທ່ານກຳມະການພັກເມືອງ, ຫົວໜ້າຫ້ອງການ-ຮອງຫ້ອງການ ພະນັກງານ ວິຊາການ, ຜູ້ປະກອບການ ຫົວໜ່ວຍທຸລະກິດ ແລະ ອຳນາດການົກຄອງ ບ້ານເຂົ້າຮ່ວມ.
   ທ່ານ ສີສຸກ ສີສົມໝາຍ ຫົວໜ້າ ຫ້ອງການ ຖະແຫຼງຂ່າວ, ວັດທະນາທຳ ແລະ ທ່ອງທ່ຽວ ເມືອງລະມາມ ລາຍງານວ່າ: ໃນໄລຍະ 1 ປີຜ່ານມາ ຫ້ອງການ ຖະແຫຼງຂ່າວ, ວັດທະນາທຳ ແລະ ທ່ອງທ່ຽວເມືອງ ໄດ້ເອົາໃຈໃສ່ເຮັດໜ້າທີ່ ການເມືອງ ຂອງຕົນຢ່າງຕັ້ງໜ້າ, ຮັບປະກັນໄດ້ ທາງດ້ານສະຖຽນນະພາບ ດ້ານການເມືອງ-ແນວຄິດຂອງ ພະນັກງານລັດຖະກອນ, ໄດ້ຕັ້ງໜ້າຊີ້ນໍາ-ເຊີດຊູບົດບາດການນໍາ ພາອົງການ ຈັດຕັ້ງມະຫາຊົນ ຊາວໜຸ່ມ, ແມ່ຍິງ, ກໍາມະບານ ໃຫ້ມີການເຄື່ອນໄຫວ ຕາມພາລະບົດບາດຂອງຕົນ, ປະກອບສ່ວນສ້າງ ຂະບວນການຢ່າງຟົດຟື້ນ ໃນການປະຕິບັດ ໜ້າທີ່ວຽກງານ ໃນແຕ່ລະໄລຍະເຊິ່ງ ສາມາດຍາດໄດ້ຫຼາຍດ້ານ: ວຽກງານບໍລິຫານ-ຈັດຕັ້ງຫ້ອງການ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ ລະມາມ ປະກອບມີ 4 ໜ່ວຍງານ, ມີພະ ນັກງານທັງໝົດ 11 ຄົນ, ຍິງ 3 ຄົນ, ໄດ້ເອົາໃຈໃສ່ບໍາລຸງ ແລະ ກໍ່ສ້າງພະນັກງານ ດ້ານວິຊາສະເພາະໃຫ້ສູງຂຶ້ນ ເທື່ອລະກ້າວ; ວຽກງານ ຖະແຫຼງຂ່າວ-ສື່ມວນຊົນ: ໄດ້ເກັບກໍາຂໍ້ມູນ ແລະ ປຸງແຕ່ງຂ່າວ ທັງໝົດ 125 ຂ່າວໃນນີ້ສົ່ງ ໃຫ້ວິທະຍຸ-ໂທລະພາບ ແຂວງ 125 ຂ່າວ, ສົ່ງໃຫ້ວິທະຍຸ ແຫ່ງຊາດ 65 ຂ່າວ, ສົ່ງໃຫ້ໜັງສືພິມ 59 ຂ່າວ, ຄຸ້ມຄອງຮ້ານຈໍາໜ່າຍ, ຮ້ານສອມແປງ ເຄື່ອງສື່ມວນຊົນໄດ້ 12 ຮ້ານ, ຮ້ານຂາຍແຜ່ນຊີດີ 2 ຮ້ານ ແລະ ຮ້ານອັດສໍາເນົາ ເອກະສານ 3 ຮ້ານ, ໄດ້ເອົາໃຈໃສ່ ຄຸ້ມຄອງເປີດປິດ ໂທລະໂຄ່ງ 2.340 ຊົ່ວໂມງ ທົ່ວເມືອງລະມາມ ມີລະບົບໂທລະໂຄ່ງ ທັງໝົດ 15 ຊຸດ ມີ 62 ປາກເລີ; ວຽກງານວັດທະນະທໍາ ໄດ້ເກັບກໍາຂໍ້ມູນ ສ້າງຄອບຄົວວັດທະນະທໍາໃໝ່ ຈໍານວນ 4.896 ຄອບຄົວ ແລະ ຮັບຮອງປະກາດເປັນ ບ້ານວັດທະນະທໍາໃໝ່ ໄດ້ທັງໝົດ 37 ບ້ານ. ວຽກງານທ່ອງທ່ຽວ ສໍາເລັດການລົງເກັບກໍາ ສະຖິຕິໂຮງແຮມ, ເຮືອນພັກ ໃນທົ່ວເມືອງ ທັງໝົດ 25 ແຫ່ງ, ຫ້ອງແຖວ 6 ແຫ່ງ, ລົງເກັບກໍາສະຖິຕິແຫຼ່ງທ່ອງທ່ຽວ ທັງໝົດ 5 ແຫ່ງ, ເອົາໃຈໃສ່ສ້າງສູນຫັດຖະກໍາ ຜະລິດຕະພັນຈາກປ່າໃບລານ ກຸ່ມບ້ານປາກປູນໃນມູນຄ່າ 31 ລ້ານກວ່າກີບ. ສ່ວນທິດທາງແຜນການ ປະຈໍາປີ 2017 ກໍານົດ ອອກແບບໃນການສ້າງໃບຂ່າວ ທີ່ເປັນຂອງເມືອງລະມາມ ລາຍໄຕມາດ ເຊິ່ງຈະແບ່ງອອກເປັນ 2 ຄໍລໍາໃຫ້ໄດ້ 8–10 ໜ້າ ,ສ້າງແຜນສະເໜີ ຂໍທຶນການລົງທຶນຂອງລັດ ເພື່ອຂະຫຍາຍຕາຂ່າຍ ໂທລະໂຄ່ງໃຫ້ທົ່ວເຖິງ ເທດສະບານເມືອງ.ລົງເກັບກໍາຂໍ້ມູນ ສະຖິຕິໃນການປະເມີນ ສ້າງຄອບຄົວ - ບ້ານວັດທະນະທໍາໃໝ່ ທີ່ໄດ້ຕາມມາດຖານ, ເງື່ອນໄຂ ພ້ອມທັງແຕ່ງຕັ້ງ ຄະນະກໍາມະການ ສ້າງຄອບຄົວ ແລະບ້ານວັດທະນະທໍາໃໝ່ ເພື່ອສະເໜີທ່ານເຈົ້າເມືອງ ປະກາດໃຫ້ໄດ້ 4 ບ້ານຄື: ບ້ານກະໂດນ, ບ້ານໄກເງງ, ບ້ານຈະວີກ ແລະບ້ານຈະນໍາໃນປີ 2017. ສ້າງແຜນລົງສໍາຫຼວດ ແຫຼ່ງທ່ອງທ່ຽວ ທາງທໍາມະຊາດ ແລະ ປະຫວັດສາດຢູ່ກຸ່ມ ບ້ານປາກປູນ ແລະ ກຸ່ມບ້ານຕອກອົງແກ້ວ. ຈາກນັ້ນໃນ ກອງປະຊຸມກໍ່ໄດ້ຜ່ານຂໍ້ຕົກລົງ ມອບໃບຍ້ອງຍໍໃຫ້ແກ່ ພະນັກງານລັດຖະກອນ ແລະ ຜູ່ປະກອບການ ຫົວໜ່ວຍທຸລະກິດ ທີ່ມີຜົນງານຈຳນວນ 20 ທ່ານ, ໃບຊົມເຊີຍ 4 ທ່ານ ແລະຜ່ານຂໍ້ຕົກ ຂອງທ່ານເຈົ້າເມືອງວ່າດ້ວຍ ແຕ່ງຕັ້ງຮອງຫົວໜ້າຫ້ອງການ ຖວທ ເມືອງ ໂດຍແຕ່ງຕັ້ງ ທ່ານ ເພັດລໍາພັນ ຄໍາຜາສຸກ ເປັນຮອງ ຫົວໜ້າຫ້ອງການ.
    ໂອກາດດຽວກັນນີ້ ທ່ານ ບູ່ໄຊ ໄຊຍະເສນ ກຳມະການ ພັກແຂວງ ຫົວໜ້າ ພະແນກຖະແຫຼງຂ່າວ, ວັດທະນາທຳ ແລະ ທ່ອງທ່ຽວແຂວງເຊກອງ ໃຫ້ກຽດໂອ້ລົມຕໍ່ກອງປະຊຸມ ເຊິ່ງທ່ານໄດ້ເນັ້ນໃຫ້ ພະນັກງານລັດຖະກອນຈົ່ງພ້ອມກັນເອົາໃຈໃສ່ ເຊື່ອມຊຶມບັນດາແນວທາງນະໂຍບາຍ ຂອງພັກ-ລັດ, ດ້ານການ ເມືອງແນວຄິດ ແລະ ພ້ອມກັນເຄື່ອນໄຫວໜ້າທີ່ວຽກງານ ໂດຍປະຕິບັດຕາມລະບຽບລວມສູນ ປະຊາທິປະໄຕ ເປັນໝູ່ຄະນະ, ເພີ່ມທະວີປະສານສົມທົບ ກັບ ບັນດາຂະແໜງການທີ່ກ່ຽວຂ້ອງ ໃນການຕິດຕາມກວດກາບັນດາ ຜູ້ປະກອບການ ເຮືອນພັກ, ຮ້ານ.

 

 

 

 

                                                                                                                  ຂ່າວ: ໜູໄຊ ສັກພາສິດ

ຜູ້ເຂົ້າຊົມ ເວັບໄຊ

ມື້ນີ້ມື້ນີ້23
ວານນີ້ວານນີ້103
ທິດນີ້ທິດນີ້510
ເດືອນນີ້ເດືອນນີ້1074
ທັງໝົດທັງໝົດ84031