ວັນຈັນ, 20 ສິງຫາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ກ່ຽວກັບ ເມືອງ ລະມາມ

  1. 1.ພາ​ລະ​ບົດ​ບາດ ຂອງ​ ອົງ​ການ​ປົກ​ຄອງ​ເມືອງ

ອົງ​ການ​ປົກ​ຄ​ອງ​ເມືອງ​ມີ​ພາ​ລະ​ບົດ​ບາດ​ຄຸ້ມ​ຄອງ​ບໍ​ລິ​ຫານ​ທາງ​ດ້ານ​ການ​ເມືອງ,ເສດ​ຖະ​ກິດ,ວັດ​ທະ​ນະ​ທຳ-ສັງ​ຄົມ,ການ​ກໍ່​ສ້າງແລະນຳ​ໃຊ້​ຊັບ​ພະ​ຍາ​ກອນ​ມະ​ນຸດ,ການ​ນຳ​ໃຊ້ແລະປົກ​ປັກ​ຮັກ​ສາ​ຊັບ​ພະ​ຍາ​ກອນ​ທຳ​ມະ​ຊາດ,ສີ່ງ​ແວ້ດ​ລ້ອມແລະຊັບ​ພະ​ຍາ​ກອນ​ອື່ນໆ,ການ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະ​ຫງົບ​ພາຍ​ໃນ​ ຂອບເຂດເມືອງ​ຂອງ​ຕົນແລະປະ​ຕິ​ບັດ​ວຽກ​ງານ​ຕ່າງ​ປະ​ເທດຕາມ​ການມອບ​ໜາຍ​ຂອງ​ແຂວງ.

  1. ຄຳຂັວນຂອງເມືອງ:

ຖໍ້າອົງແກ້ວ ລືນາມ ງາມເສົາຫຼັກເມືອງ ເຮືອງກ້າວ ຊາວລະມາມ ງາມນໍ້າໃຈ ຕົ້ມໄກ່ແຊບ ບ້ານປາກໂທນ ນໍ້າໂຕນຕາດແຝກວັງຂຽວ ທ່ຽວແດນ ຕາເວັນອອກ ວິລະຊົນ.

  1. 3.ປະຫວັດຄວາມາເປັນມາຂອງເມືອງ.

​​ເມືອງ ​ລະ​ມາ​ມ​ໄດ້​ຖືກສ້າງຕັ້ງຂືຶ້ນໃນວັນທີ 10/10/1960​, ມີສຳນັກງານຕັ້ງຢູ່ປາກຫ້ວຍເດື່ອ, ຫ້ວຍກຸ່ງເຂດບ້ານສະທື ເມືອງ ທ່າແຕງໃນປັດຈຸບັນ, ມາຮອດຕົ້ນປີ 1967 ເມືອງ ລະມາມໄດ້ແຍກອອກເປັນ 2 ເມືອງຄື: ເມືອງ ລະມາມ ແລະ ເມືອງ ເຊກອງ, ມາເຖິງທ້າຍປີ 1967 ເມືອງ ລະມາມໄດ້ປ່ຽນຊື່ມາເປັນເມືອງ ວຽງທອງ. ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນໃນປີ 1975 ເມືອງ ເຊກອງໃຕ້ໄດ້ມາເຕົ້າໂຮມເຂົ້າກັບເມືອງ ວຽງທອງແລ້ວສ້າງຕັ້ງເປັນເມືອງ ລະມາມ ຕາມຊື່ເດີມ; ມີສໍານັກງານຕັ້ງຢູ່ບ້ານໂພນ. ຮອດຕົ້ນປີ 1989 ໄດ້ຍ້າຍສໍານັກງານມາຕັ້ງຢູ່ເທດສະບານແຂວງ ແລະ ຄົງຕົວມາເຖິງປັດຈຸບັນນີ້.

  • 4. ສະພາບ​ເສດຖະກິດ​ຂອງ​ເມືອງ

ໃນ 5 ປີຜ່ານມາ​ເສດຖະກິດຂອງເມືອງ ລະມາມ ໄດ້ມີການຂະຫຍາຍຕົວຢ່າງ​ຕໍ່​ເນື່ອງ ລວມຍອດຜະລິດຕະພັນພາຍໃນ (GDP)ໄດ້ເພີ່ມຂື້ນຈາກ 15,6% ໃນປີ 2009 –  

2010 ມາເປັນ 17,1% ໃນປີ 2013 – 2014 ໂດຍສະເລ່ຍ 5 ປີ ເພີ່ມຂື້ນ 16,44%. ຊື່​ງສາມາດສ້າງມູນຄ່າໃນລາຄາປັດຈຸບັນໄດ້ 341,35 ຕື້ກີບ ສະເລ່ຍລາຍໄດ້ ຕໍ່​ຫົວ​

ຄົນ (GDP) ບັນລຸ​ໄດ້ 9,8 ລ້ານ​ກີບ ຫຼື ​ເທົ່າ​ກັບ 1.232 ​ໂດ​ລາ​ສະຫະລັດ/ຄົນ/ປີ; ໃນນັ້ນ:

+    ຂະແໜງກະສິກຳເພີ່ມຂື້ນໂດຍສະເລ່ຍ 11,5%; ກວມເອົາ 43,11 %;

+    ຂະແໜງອຸດສະຫະກຳ ເພີ່ມຂື້ນໂດຍສະເລ່ຍ 16,8%; ກວມເອົາ 14,28 %;

+     ຂະ​ແໜງການບໍລິການ ເພີ່ມຂື້ນໂດຍສະເລ່ຍ 21,02%; ກວມເອົາ 42,58 %;

                   ອັນທີ່ພົ້ນເດັ່ນ ສາມາດເຮັດໃຫ້ລາຍຮັບ GDP ຕໍ່ຫົວຄົນໄດ້ເພີ່ມຂື້ນ ຈາກ 2,3 ລ້ານກີບ ຫຼື 288 ໂດລາສະຫະລັດ/ຄົນ/ປີ ໃນປີ 2008 – 2009 ມາເປັນ 9,8 ລ້ານກີບ ຫຼື 1.232 ໂດລາສະຫະລັດ/ຄົນ/ປີ ໃນປີ 2013 – 2014 ( ທຽບໃສ່ແຜນ 5 ປີ, ຮອດປີ 2013 - 2014 ຄາດໝາຍແມ່ນ 4,24 ລ້ານກີບຫຼື 529,53 ໂດລາສະຫະລັດ/ຄົນ/ປີ ) ສາມາດປະຕິບັດໄດ້ລື່ນຄາດໝາຍ 132,66%

+        ການ​ເກັບລາຍຮັບປະຕິບັດໄດ້ 10,38 ຕື້ກີບ; ບັນລຸ​ໄດ້ລື່ນແຜນ 54,37 % ຂອງແຜນ 5 ປີ

+        ລາຍຈ່າຍປະຕິບັດໄດ້ 70,53 ຕື້ກີບ; ລື່ນແຜນ 58,51 ຕື້​ກີບ ຂອງແຜນ 5 ປີ

+        ຂາດດຸນ 60,15 ຕື້ກີບ; ເພີ່ມຂື້ນ 54,86 ຕື້​ກີບ ຂອງແຜນ 5 ປີ

+        ການສົ່ງອອກ ບັນລຸໄດ້      1.844 ລ້ານກີບ ຫຼືເທົ່າ 4 % ຂອງແຜນ 5 ປີ;

+        ການນໍາເຂົ້າ ບັນລຸໄດ້      5.223 ລ້ານກີບ ຫຼືເທົ່າ 82 % ຂອງແຜນ 5 ປີ;

+        ຂາດດຸ່ນ 3.379 ລ້ານກີບ ຫຼືເທົ່າ 8 % ຂອງແຜນ 5 ປີ.

  • ການ​ພັດທະນາ​ຊົນນະບົດ ແລະ ລຶບລ້າງຄວາມທຸກຍາກ

                ປັດຈຸບັນທົ່ວເມືອງປະກອບມີ43 ບ້ານ. ມີຄອບຄົວທັງໝົດ 6,567 ຄອບຄົວ, ຄອບຄົວພັດທະນາໄດ້ 4,459 ຄອບຄົວ ຫຼື 67,90% ຂອງຄອບຄົວທັງໝົດ, ມີຄອບຄົວທຸກຍາກທັງໝົດ 933 ຄອບຄົວ ເທົ່າ14,21%; ສ້າງບ້ານພັດທະນາໄດ້ 19 ບ້ານ ເທົ່າ 44,18%. ໄດ້ຈັດສັນມອບດິນ-ມອບປ່າ ໃຫ້ແກ່ຄອບຄົວໃນເຂດບ້ານ ຮືງ, ບ. ຕະນຶມ, ບ. ນາວາ ຕິດພັນກັບການແບ່ງເຂດ ແບ່ງຄວາມຮັບຜິດຊອບເຮັດໃຫ້​ເນື້ອທີ່​ຖາງ​ປ່າ​ປູກເຂົ້າ​ເຮັດ​ໄຮ່ແບບ​ໝູນວຽນ​ຍັງເຫລືອ​ 475​ ເຮັກຕາ ມີ 1.501 ຄົວເຮືອນ. ຈັດສັນພູມລໍາເນົາຄົງທີ່ໄດ້ 3 ຈຸດ, ເຕົ້າໂຮມບ້ານໄດ້ 13 ຄຸ້ມບ້ານ, ມີກອງທຶນສົ່ງເສີມເພື່ອຫຼຸດຜ່ອນຄວາມທຸກຍາກ 1 ກອງ​ທຶນ ຄື: ກອງ​ທຶນ ລ້ຽງງົວ ມູນຄ່າ 165 ລ້ານກີບ ​ແລະ ​ໂຄງການ ເພື່ອແກ້ໄຂຄວາມທຸກຍາກ 4 ​ໂຄງການຄື: ໂຄງການປູກເຂົ້າ ມູນຄ່າ 714 ລ້ານກີບ, ລ້ຽງໝູ ມູນຄ່າ 3.500 ລ້ານກີບ, ປູກສາລີ ມູນຄ່າ 482 ລ້ານກີບ, ພັດທະນາຫັດຖະກຳມູນຄ່າ 150 ລ້ານກີບ ແລະ ໂຄງການລ້ຽງງົວ ມູນຄ່າ 5.000 ລ້ານກີບ. ສ້າງ​ຄອບຄົວ​ຕົວ​ແບບໄດ້ທັງ​ໝົດ​ 176 ຄອບຄົວ ທຽບໃສ່ 2009 ເພີ່ມຂື້ນ 111 ຄອບຄົວ ຫຼື ເທົ່າ 170 %.

             ເນື້ອທີ່ປູກ​ເຂົ້າທັງໝົດ 3.822 ເຮັກຕາ, ສາມາດຜະລິດເຂົ້າໄດ້ທັງໝົດ 46.885 ໂຕນ, ສະມັດຕະພາບສະເລ່ຍ 3,4 ໂຕນ/ເຮັກຕາ, ປະຕິບັດໄດ້ 77,99% ຂ​ອງ​ແຜນ 5 ປີ ທຽບໃສ່ 2009 ເພີ່ມຂຶ້ນ 2 ເທົ່າຕົວ; ໃນນັ້ນ: ເນື້ອທີ່ນາແຊງ 469 ເຮັກຕາ, ຜະລິດເຂົ້າໄດ້ 5.535 ໂຕນ, ສະມັດຕະພາບສະເລ່ຍ 4,2 ໂຕນ/ເຮັກຕາ, ເນື້ອທີ່ນາປີ 2.878 ເຮັກຕາ, ຜະລິດເຂົ້າໄດ້ 37.191 ໂຕນ, ສະມັດຕະພາບສະເລ່ຍ 3,3 ໂຕນ/ເຮັກຕາ ແລະ ເນື້ອທີ່​ໄຮ່​ໜູນ​ວຽນ 475 ເຮັກຕາ, ຜະລິດເຂົ້າໄດ້ 4.159 ໂຕນ, ສະມັດຕະພາບສະເລ່ຍ 1,6 ໂຕນ/ເຮັກຕາ. ສົກປີ 2013-2014 ເນື້ອທີ່ທັງໝົດ 3.882 ເຮັກຕາ, ເກັບກ່ຽວຜົນຜະລິດເຂົ້າໄດ້ 12.991 ໂຕນ, ໂດຍສະເລ່ຍຜົນຜະລິດໃນແຕ່ລະປີເພີ່ມຂຶ້ນ 19,5%. ສະເລ່ຍເຂົ້າເປືອກຕໍ່ຫົວຄົນ 361 ກິໂລກຼາມ/ຄົນ/ປີ.

   ການປູກພືດເປັນສິນຄ້າໄດ້ເກີດມີໜໍ່ແໜງໃໝ່ ເຊັ່ນ: ການປູກສາລີແຂງໃນເນື້ອທີ່ ທັງໝົດ 365 ເຮັກຕາ ຜົນຜະລິດ 2.000 ໂຕນ ສະມັດຕະພາບ 5,47 ໂຕນ/ເຮັກຕາ, ປູກຢາງພາລາ 2.050 ເຮັກຕາ, ມັນຕົ້ນ 200 ເຮັກຕາ ຜົນຜະລິດ 1.500 ໂຕນ, ສະມັດຕະພາບ 7,5 ໂຕນ/ເຮັກຕາ, ​ເຜືອກ​ມັນ 24,54 ເຮັກຕາ, ເກັບກູ້ຜົນຜະລິດໄດ້ 196 ໂຕນ, ຖົ່ວດິນ 23,35 ເຮັກຕາ, ເກັບກູ້ຜົນຜະລິດໄດ້ 28 ໂຕນ, ກ້ວຍ 30,23 ເຮັກຕາ, ເກັບກູ້ຜົນຜະລິດໄດ້ 163 ໂຕນ, ​ມີເນື້ອ​ທີ່​ປູກ​ກາ​ເຟທັງ​ໜົດ 114 ເຮັກຕາ ທຽບ​ໃສ່​ 2009 ຫຼຸດ​ລົງ 7 ເຮັກຕາ, ​ເກັບ​ກູ້ຜົນ​ຜະລິດ​​ໄດ້ທັງ​ໜົດ 336 ​ໂຕນ. ​ພ້ອມ​ນີ້​ກໍ່​ສາມາດ​ຍາດ​ແຍ່ງ​​ທຶນ​ສຳລັບການ​ພັດທະນາຊົນນະບົດ ​ແລະ ຈັດສັນປ່າຜະລິດແບບຍືນຍົງ (Suford) ​ໃນ​ການ​ສະໜອງ​ທຶນ​ການ​ປູກ ​ແລະ ການ​ລ້ຽງ​​ທັງ​ໝົດໄດ້ 21 ບ້ານ 3.175 ຄອບຄົວ ມູນ​ຄ່າ​ 671,62 ລ້ານ​ກີບ ​ແລະ ທຶນ​ສົ່ງ​ເສີມ​ການ​ຜະລິດກະສິກຳ​ເປັນ​ສິນຄ້າ (ADB-IFAD) ​ໄດ້ 37 ບ້ານ 834 ຄອບຄົວ ມູນ​ຄ່າ​ 1.047,62 ລ້ານ​ກີບທົ່ວເມືອງມີ​ສັດລ້ຽງ​ຄື: ຄວາຍ 5.072 ໂຕ ເພີ່ມຂື້ນ 502 ໂຕ, ງົວ 4.284 ​ໂຕ ​ເພີ່ມຂື້ນ 1.551 ໂຕ, ​ແບ້ 4.806 ໂຕ ເພີ່ມຂື້ນ 2.936 ໂຕ, ໝູ 7.166​ ໂຕ ​ເພີ່ມຂື້ນ 2.645 ໂຕ, ສັດ​ປີກ (​ເປັດ-​ໄກ່) 198.343 ​ໂຕ ​ເພີ່ມຂື້ນ 101.857 ໂຕ. ມີໜອງປາ 431 ໜອງເພີ່ມ​ຂຶ້ນ 169 ໜອງ ແລະ ສາມາດປ່ອຍປາ 675.000 ໂຕ ​ເພີ່ມ​ຂຶ້ນ 312.858ໂຕ. ອັນພົ້ນ​ເດັ່ນ​ແມ່ນໄດ້​ເກີດມີ​ຂະ​ບວນການລ້ຽງສັດ​ເປັນ​ຟາມ​ ​​ເຊັ່ນ: ​ຟາ​ມລ້ຽງໝູພັນຊີ້ນ 5 ຟາມ, ສັດປີກ 1 ຟາມ ແລະ ລ້ຽງປາ 3 ຟາມ. ພ້ອມ​​ນີ້ ກໍ່ສາມ​າດສັກຢາປ້ອງກັນພະຍາດສັດໄດ້ທັງໝົດ 142.785 ໂຕ; ໃນນີ້: ຄວາຍ 3.297

ໂຕ, ງົວ 2.785 ໂຕ, ໝູ 4.658 ໂຕ, ແບ້ 3.124 ໂຕ, ສັດປີກ 128.923 ໂຕ. ມີຊົນລະປະທານທັງໝົດ 15 ແຫ່ງ,ຊົນລະປະທານຂະໜາດນ້ອຍ 12 ແຫ່ງ ຂະໜາດໜາດກາງ 2 ແຫ່ງ; ຂະໜາດໃຫຍ່ 1 ແຫ່ງ ທຽບໃສ່ 2009 ເພີ່ມຂື້ນ 3 ແຫ່ງ; ສາມາດ​ຫົດ​ເນື້ອທີ່​ໄດ້​ 2.304 ເຮັກຕາ​ ຫົດໃນລະດູ​ແລ້ງໄດ້ 720 ເຮັກຕາ ແລະ ລະດູຝົນ 1.584 ເຮັກຕາ.

                                               

               ທົ່ວເມືອງມີເນື້ອທີ່ປ່າປົກຫຸ້ມ 63,70% ຂອງເນື້ອທີ່ທັງໝົດ ແລະ ມີເນື້ອທີ່ປ່າຜະລິດ 64.240 ເຮັກຕາ ຫຼືເທົ່າ 51,28% ຂອງເນື້ອທີ່່ປ່າ​ໄມ້ທັງໝົດ ພ້ອມນີ້ກໍ່ສາມາດປູກໄມ້​ໄດ້ທັງ​ໝົດ 1.086ເຮັກຕາ.

               ມີໂຮງງານເຟີນິເຈີປຸງແຕ່ງໄມ້ 24 ແຫ່ງ​ເພີ່ມຂຶ້ນ 4 ​ແຫ່ງ, ໂຮງຊ່າງອຸດສະຫະກຳ-ຫັດຖະກຳແບບຄອບຄົວທັງໝົດ 110 ແຫ່ງ;ໂຮງສີເຂົ້າ 8 ແຫ່ງ, ເຕົາດິນຈີ່ ແລະ ດິນບ໋ອກ 9 ແຫ່ງ, ຮ້ານສ້ອມແປງ 18 ຮ້ານ ໂຮງງານນ້ຳດື່ມ 2 ແຫ່ງ, ໂຮງງານຜະລິດເຂົ້າຈີ່ 1 ຫົວໜ່ວຍ, ໂຮງປັ້ນຫຼໍ່ 1 ແຫ່ງ, ໂຮງງານຕົ້ມເຫຼ້າ 1 ແຫ່ງ, ຮ້ານຕັດຫຍິບ 4 ຫົວໜ່ວຍ, ຮ້ານຕັດແວ່ນ 4 ຫົວໜ່ວຍ, ຜະລິດເຂົ້າປຸ້ນ 3 ຫົວໜ່ວຍ, ໂຮງງານຜະລິດນໍ້າກ້ອນ 5 ແຫ່ງ; ມີຫົວໜ່ວຍຫັດຖະກໍາຈັກສານ 52 ຄອບຄົວ ແລະ ​ຈັດ​ຕັ້ງ​ເປັນ​ກຸ່ມ​ຫັດຖະກຳໄດ້​ 5 ກຸ່ມຄື: ກຸ່ມຫັດຖະກຳ​ປຸງ​ແຕ່ງໄມ້ ບ. ໂພນ, ກຸ່ມຫັດຖະກຳ​ຈັກສານ ບ. ກະສັງກາງ, ບ້ານປະອໍ; ກຸ່ມ​ຫັດຖະກຳ​​ແຜ່ນ​ແພ ​ບ. ​ໃໝ່​ຫົວ​ເມືອງ, ​ແລະ ​ບ.ວັດຫຼວງ. ຈາກນີ້ ຍັງມີຫົວໜ່ວຍຫັດຖະກໍາຈັກສານທີ່ເປັນເອກະລັກ, ເປັນມູນເຊື້ອຂອງປະຊາຊົນຈໍານວນ 3 ບ້ານຄື: ບ້ານລະວີນ້ອຍ, ກະໂດນໃໝ່ ແລະ ບ້ານຕິ້ວ.

  ບ້ານໄດ້​ໃຊ້​ໄຟຟ້າ​ແລ້ວ 37 ບ້ານ ​ເທົ່າ​ກັບ 86,04% ແລະ ມີ 4.600 ຄອບຄົວ ເທົ່າ​ກັບ 75,10% ຂອງຄອບຄົວ​ທັງ​ໝົດ, ທຽບໃສ່​ 2009 ​ເພີ່ມ​ຂື້ນ 1.788 ຄອບຄົວ, ທຽບໃສ່ແຜນ 5 ປີ ບັນລຸໄດ້ລື່ນແຜນ 64,10%. ​ຊົມໃຊ້ໄຟຟ້າ​ໃນ​ລະບົບ 34 ບ້ານ; ນອກ​ລະບົບ 3 ບ້ານ​. ໄດ້ສຳ​ເລັດ​ການ​ສຶກສາ​ຄວາມ​ເປັນ​ໄປ​ໄດ້​ກ່ອນ​ການ​ລົງມື​ກໍ່ສ້າງເຂື່ອນໄຟຟ້າ ຂະໜາດ 15 Mwລົງ​ມາ​ມີ 5 ໂຄງການ.​ ​ ຫົວໜ່ວຍ​ຜະລິດ​ດິນ​ຈີ່​ ມີ 8ຫົວໜ່ວຍ, ສາມາດ​ຜະລິດໄດ້ທັງໝົດ 4.700 ​ ແມັດ​ກ້ອນ ແລະ ຫົວໜ່ວຍຂຸດ​ຄົ້ນ​ຫີນແຮ່​ ( ຫິນ​ພູ ) ​ຮັບໃຊ້​ການກໍ່ສ້າງ 4 ຫົວໜ່ວຍ ​ເຊິ່ງມີ​ປະລິມານ​ການ​ຂຸດ​ຄົ້ນ​ທັງໝົດ 71.600 ​ແມັດ​ກ້ອນ.

       ທົ່ວເມືອງມີປໍ້ານໍ້າມັນເຊື້ອໄຟ 14 ປໍ້າ; ໃນນີ້: ປໍ້າອີ້ວ 6 ປໍ້າ 12 ຫົວຈ່າຍ, ປໍ້າໃຊ້ລະ ບົບໄຟຟ້າ 8 ປໍ້າ 38 ຫົວຈ່າຍ, ມີກົງເຕີໄຟຟ້າທັງໝົດ 4.392 ໜ່ວຍ; ໃນນີ້: ໄດ້ມາດຖານ 1.500 ໜ່ວຍ ແລະ ກົງເຕີນໍ້າປະປາທັງໝົດ2.661, ໄດ້ກວດກາມາດຕະຖານແລ້ວ 387 ໜ່ວຍ ໄດ້ມາດຖານ 370 ໜ່ວຍ, ບໍ່ໄດ້ມາດຖານ 17 ໜ່ວຍ. ສາມາດ

ກວດທຽບຊິງຊັ່ງໄດ້ 87 ໜ່ວຍ ( ບ້ານໂພນ 15 ໜ່ວຍ ) ໄດ້ຕິດຕັ້ງຊີງຊັ່ງ

ທີ່ໄດ້ມາດຕະຖານໃນຕະຫຼາດສົດເຊກອງ 1 ໜ່ວຍ.

     ສຳ​ເລັດ​ການ​ຈັດສັນທີ່ດິນມະຫາພາກແລ້ວ 43 ບ້ານ ແລະ ດິນຈຸນລະພາກໄດ້ 2 ບ້ານຄື: ບ.ໂພນ ແລະ ບ. ກະສັງກາງ. ອອກໃບແຈ້ງໃຫ້​​ໄດ້ 36ບ້ານ, ມີ 927 ຕອນ, ເທົ່າກັບ596,17ເຮັກຕາ; ​ມີ​ເນື້ອ​ທີ່​ດິນ​ປຸກ​ສ້າງ495,84ເຮັກຕາ, ​ເນື້ອ​ທີ່​ດິນ​ກະສິກຳ100,33ເຮັກຕາແລະ ອອກໃບຕາດິນຖາວອນຕາມຄຳຮ້ອງຂໍໄດ້ 269 ຕອນ ມີ 48,5 ເຮັກຕາ. ໄດ້ຄຸ້ມຄອງປົກປັກຮັກສາປ່າໄມ້ ໃນນັ້ນ : ປ່າປ້ອງກັນ 43.797 ເຮັກຕາ, ປ່າສະຫວງນ 15.240ເຮັກຕາ.

       ເສັ້ນທາງໄປຫາບ້ານສາມາດທຽວ​ໄດ້ 2 ລະດູ​ໃນຂັ້ນພື້ນຖານ43 ບ້ານ ເພີ່ມຂື້ນ 11 ບ້ານ ເທົ່າກັບ​ 100%ຂອງ​ບ້ານ​ທັ​ງໜົດ. ສຳເລັດການກໍ່ສ້າງທາງຫຼວງຂອງແຂວງ(ທາງດິນແດງ) ໄດ້ 2 ເສັ້ນ ຍາວ 87 ກລມ ຍົກລະດັບ​ເສັ້ນທາງເທດສະບານເມືອງ-ແຂວງ ໄດ້ 15 ເສັ້ນ ຍາວ 9,02 ກລມ ປູຢາງໄດ້ 18 ກລມ ແລະ ສ້ອມແປງເສັ້ນທາງຊົນນະບົດໄດ້ 105 ກລມ. ມີ​ສະມາຄົມ​ລົດ​ໂດຍສານ1 ສະມາຄົມ, ມີ​ລົດ​ໂດຍສານ​ທັງ​ໜົດ10 ຄັນ, ຂົນ​ສົ່ງ​ຜູ້​ໂດຍສານ​ໄດ້3.600 ​ເທື່ອ​ຄົນ/ປີ. ມີ​ສະມາຄົມ​ເຮືອ2 ສະມາຄົມ, ມີ​ເຮືອ​ໂດຍສານ​ 18 ລຳ, ຂົນ​ສົ່ງ​ຜູ້​ໂດຍສານ​ໄດ້5.400 ​ເທື່ອ​ຄົນ/ປີ ສຳເລັດການກໍ່ສ້າງຄິວລົດໃໝ່ 1 ແຫ່ງ.

     ຈາກ​ນີ້ ​ຍັງໄດ້ມີການຈັດສັນຜັງເມືອງ ເພື່ອກຳນົດເປັນເຂດຂະຫຍາຍຕົວເມືອງໃໝ່ ​ໂດຍມີການອອກແບບ

ເບື້ອງຕົ້ນ​ໃນເນື້ອທີ່ທັງໝົດ 624 ເຮັກຕາ, ຊື່​ງຕັ້ງຢູ່ຝັ່ງ​ຊ້າຍລຽບຕາມແຄມນ້ຳເຊກອງ. ໃນໄລຍະ 5 ປີ ຜ່ານມາມີການກໍ່ສ້າງເຄຫາສະຖານຕ່າງໆທັງໝົດ 19 ໂຄງການ ມູນຄ່າ 16 ຕື້ກີບ; ປະຕິບັດສໍາເລັດ ແລະ ນໍາໃຊ້ໄດ້ແລ້ວ 18 ໂຄງການ ກຳລັງດຳເນີນການກໍ່ສ້າງ 1 ໂຄງການ. ​ພ້ອມກັນ​ນັ້ນ ກໍໄດ້​ຈັດ​ຕັ້ງ​ປະຕິບັດ​ໂຄງການຕັດຕາຜ້າຜັງບ້ານໄດ້ 2 ບ້ານ.

     ຂະຫຍາຍລະບົບນໍ້າປະປາອອກສູ່ຊຸມຊົນຕາມເສັ້ນທາງເລກທີ 16 ໄດ້ 15 ບ້ານ ເທົ່າກັບ 3.311 ຄອບ ຄົວ. ປັດຈຸບັນທົ່ວເມືອງມີຜູ້ທີ່ໄດ້ຊົມໃຊ້ນ້ຳປະປາແລ້ວ 3.425 ຄອບຄົວກວມ 52,15%​ຂອງຈໍານວນຄອບຄົວທັງ​ໝົດ

     ປັດຈູບັນມີຜູ້ນຳໃຊ້ໂທລະສັບພາຍໃນເມືອງລວມທັງໝົດ 19.127 ​ເລກ​ໝາຍ​ໃນ​ນັ້ນ: ໂທລະສັບຕັ້ງໂຕະ 4.015 ​ເລກ​ໝາຍ ແລະ ມືຖື 14.597 ​ເລກ​ໝາຍ ໄດ້ລົງທະບຽນ​ແລ້ວ 13.388 ເລກ​ໝາຍ ເທົ່າກັບ 70%ຂອງ​ຈຳນວນ​ເບີ​ທັງ​ໝົດ, ມີ​ຫຼັກ​ສະຖານີ​ຮັບ-​ສົ່ງ​ສັນຍານ​ໂທລະສັບ ​39 ​​ສະຖາ​ນີ, ຜູ້ທີ່ນຳໃຊ້ນຳ​ໃຊ້​ອິນ​ເຕີ​ເນັດກະ​ແສ​ລາຍເດືອນ ADSL45 ລູກ​ຄ້າ,​ແບບ​ຕື່ມ​ເງິນ 150​ເລກ​ໝາຍ ແລະ ມີສັນຍານປົກຄຸ້ມກວມ 90 % ຂອງພື້ນທີ່ທົ່ວເມືອງ; ມີ​ຕາໜ່າງສາຍໄຍ​ແກ້ວ​ນຳ​​ແສງ ຍາວ 185 ກມ.

     ໄດ້​ຄຸ້ມ​ຄອງ​ການ​ເກັບ​ມ້ຽນ​ຂີ້​ເຫຍື່ອ​ໃນ​ເຂດ​ເທດສະບານ​ແຂວງຈຳນວນ​ 8 ບ້ານ ເທົ່າ​ກັບ 750 ຄອບຄົວ

ຊື່​ງມີ​ປະລິມານ​ຂີ້​ເຫຍື່ອ​ຫຼາຍ​ກ່ວາ 6.500 ​ໂຕນ, ອອກ​ໃບ​ອະນຸຍາດການ​ປຸກສ້າງ​ໄດ້ 10 ຫົວໜ່ວຍ ປູກຕົ້ນ​ໄມ້​ປະດັບ​ຕົວ​ເ​ມື​ອງ​ໄດ້ 1.500 ຕົ້ນ​, ໄດ້ຕິດຕັ້ງດອກໄຟຟ້າຕາມ​ແຄມສາຍ​ທາງ​ເລກທີ 16 ທັງໝົດ 132 ດອກ, ຕາມ​ສະຖານທີ່ສາທາລະນະ​ຕ່າງໆ 491 ດອກ. ພ້ອມ​ນີ້ ກໍ່​ສາມາດກໍ່ສ້າງ​ທາ​ງ​ໄດ້ 5 ​ເສັ້ນ ຍາວ 53,95 ກລມ ແລະ ກໍ່ສ້າງສະຖານທີ່ສາທາລະນະປະໂຫຍດ​ໄດ້ 9 ​ໂຄງການ.​​​ ຈາກນີ້ ຍັງ​ໄດ້​ເອົາ​ໃຈ​ໃສ່​ ຮັກສາຄວາມສວຍ​ງາມ ​ແລະ ​ຄວາມ​​ເປັນ​ລະບຽບ​ຮຽບຮ້ອຍ​ຂອງຕົວ​ເມືອງ​ໄດ້​ເປັນຢ່າງດີ.

54,34% ຂອງແຜນ 5 ປີ ທຽບໃສ່ 2009 ເພີ່ມຂື້ນ 9,37 ຕື້ກີບ; ໃນນັ້ນ: ຮັບຈາກສ່ວຍສາ​ອາກອນ​ 7,52 ຕື້​ກີບ ຊັບ​ສິນ 1,47 ຕື້​ກີບ​, ພາສີທີ່ດີນ 1,39 ຕື້​ກີບ. ພ້ອມ​ນີ້​ກໍ່ສາມາດ​ປະຕິບັດລາຍຈ່າຍ​ງົບປະມານ​ທັງໝົດ 70,53 ຕື້ກີບ ບັນລຸລື່ນແຜນ 5 ປີ ​4 ເທົ່າ​ໂຕ ທຽບໃສ່ 2009 ເພີ່ມຂື້ນ 68,48 ຕື້ກີບ; ໃນນັ້ນ: ລາຍຈ່າຍເງິນເດືອນ 52,73 ຕື້ກີບ ອຸດໜູນນະ​ໂຍບາຍ 4,33 ຕື້ກີບ, ບໍລິຫານ 5,19 ຕື້ກີບ, ເງິນດັດສົມ 2,64 ຕື້ກີບ, ເງິນແຮ 0,33 ຕື້ກີບ ແລະ ເງິນຈັດຊື້ໃໝ່ 0,38 ຕື້ກີບ ​ແລະ ຈ່າຍ​ເງິນ​ລົງທຶນ 4,93 ຕື້​ກີບ  ຂາດດຸນງົບປະມານ ເທົ່າກັບ 60,15 ຕື້ກີບ.

ຝາກເຂົ້າທະນາຄານໄດ້ 619,13 ຕື້ກີບ,ອັດຕາດອກເບ້ຍໂດຍສະເລ່ຍ 8,25% ສ້າງລາຍໄດ້ໃຫ້ປະຊາຊົນ 51,08 ຕື້ກີບ​ປ່ອຍສິນເຊື່ອໄດ້1.295,11 ຕື້ກີບ ອັດຕາ​ດອກ​​ເບັ້ຍ​ໂດຍ​ສະ​ເລ່ຍ 13,67 % ກໍາ​ໄລ​ສຸດທິ 177,04 ຕື້​ກີບ.

     ໄດ້ປະກາດ​ເປັນເມືອງຈົບປະຖົມບຳລຸງ ໃນປີ 2010, ມາຮອດປັດຈຸບັນ ພາຍໃນເມືອງມີໂຮງຮຽນ​ທັງ​ໝົດ 71 ແຫ່ງ ທຽບ​ໃສ່ 2009 ​ເພີ່ມ​ຂື້ນ 9 ​ແຫ່ງ; ຊື່ງມີໂຮງຮຽນລ້ຽງເດັກ-ອະນຸບານ 4 ​ແຫ່ງ ເພີ່ມຂຶ້ນ 1 ແຫ່ງ, ປະຖົມ 52 ​ແຫ່ງ (​ເອກະ​ຊົນ 1 ​ແຫ່ງ), ຫຼຸດ​ລົງ 1 ແຫ່ງ(ຍ້ອນການໂຮມບ້ານ), ມັດທະຍົມຕົ້ນ 9 ​ແຫ່ງ, ເພີ່ມຂຶ້ນ 7 ແຫ່ງ, ມັດທະຍົມສົມບູນ 6 ​ແຫ່​ງ, ເພີ່ມຂຶ້ນ 1 ແຫ່ງ. ມີຫ້ອງຮຽນທັງໝົດ 377 ຫ້ອງ ທຽບໃສ່ 2009 ເພີ່ມຂຶ້ນ 92 ຫ້ອງ ​ແລະ ມີຄູສອນ635 ຄົນ, ຍິງ 365 ຄົນ(ນັບທັງໂຮງຮຽນທີ່ຂື້ນກັບແຂວງ) ທຽບໃສ່ 2009 ເພີ່ມຂຶ້ນ 236 ຄົນຫຼືເທົ່າ 37,16% ແລະ ມີນັກຮຽນທັງໝົດ 10.615 ຄົນ, ຍິງ 5.063 ຄົນ.

-        ອັດຕາເຂົ້າຮຽນຂອງເດັກ 3-5 ປີ ບັນລຸໄດ້ 32,4%, ຍິງ 27,2% ທຽບໃສ່ 2009 ເພີ່ມຂຶ້ນ 10,98%;      

     (​ແຜນ 24,1%, ​ເປົ້າ​ໝາຍ​ MDGs39%).

-        ອັດຕາເຂົ້າຮຽນສຸດທິ 6-10 ປີ ປະຕິບັດໄດ້ 98,23%, ຍິງ98,65% ທຽບໃສ່ 2009 ເພີ່ມຂຶ້ນ 0,43%;

     (ແຜນ 98,47%, ​ເປົ້າ​ໝາຍ​ MDGs98%).

-        ອັດຕາຄ້າງຫ້ອງຊັ້ນປະຖົມປະຕິບັດໄດ້ 10,3%, ຍິງ9,3% ທຽບໃສ່ 2009 ຫຼຸດລົງ 8,1%

(ແຜນ 4,71%ເປົ້າ​ໝາຍ​ MDGs1%).

-        ອັດຕາ​ປະລະ​ການ​ຮຽນຊັ້ນ​ປະຖົມ ບັນລຸ​ໄດ້ 7,29%, ຍິງ 6,11% ທຽບ​ໃສ່​ປີ 2009 ຫຼຸດລົງ 2,61%

     (ແຜນ 4,21%, ເປົ້າ​ໝາຍ​ MDGs1%).

-        ຄວາມສະເໝີພາບການເຂົ້າຮຽນຊັ້ນປະຖົມລະຫວ່າງເດັກຍິງ ແລະ ເດັກຊາຍ ບັນລຸໄດ້ 1 ຕໍ່ 0,98ທຽບໃສ່ 2009 ເພີ່ມຂຶ້ນ 0,11%, (ແຜນ1 ຕໍ່ 1, ເປົ້າ​ໝາຍ​ MDGs1 ຕໍ່ 1).

-        ອັດຕາການເຂົ້າຮຽນລວມມັດທະຍົມຕົ້ນ ບັນລຸໄດ້ 100,76%, ຍິງບັນລຸໄດ້ 111,76% ທຽບໃສ່ 2009

     (83,09%)ເພີ່ມຂຶ້ນ 17,67%( ​ແຜນ 66,1%, ເປົ້າ​ໝາຍ​ MDGs75%).

-        ອັດຕາ​ການ​ຄ້າງ​ຫ້ອງ​ຊັ້ນ​ມັດທະຍົມຕົ້ນປະຕິບັດໄດ້ 1,36% (ແຜນ 3,3%, ​ເປົ້າ​ໝາຍ​ MDGs1%).

-        ອັດຕາ​ປະລະ​ການ​ຮຽນ​ຊັ້ນ​ມັດທະຍົມ​ຕົ້ນ ປະຕິບັດ​ໄດ້ 2,71% (ແຜນ 5,5%, ​ເປົ້າ​ໝາຍ​ MDGs1%).

-        ອັດຕາການເຂົ້າຮຽນລວມມັດທະຍົມປາຍ ປະຕິບັດໄດ້ 63,98%, ຍິງບັນລຸໄດ້ 69,54% ທຽບໃສ່ 2009

     ເພີ່ມຂຶ້ນ 9,96%(ແຜນ 66,1%, ເປົ້າ​ໝາຍ​ MDGs43%).

-        ອັດຕາ​ການ​ຄ້າງ​ຫ້ອງ​ຊັ້ນ​ມັດທະຍົມ​ປາຍ ບັນລຸ​ໄດ້ 1,45% (ແຜນ 0,2%, ​ເປົ້າ​ໝາຍ​ MDGs1%).

-        ອັດຕາ​ປະລະ​ການ​ຮຽນ​ຊັ້ນ​ມັດທະຍົມປາຍປະຕິບັດ​ໄດ້1,31% (ແຜນ 8,2%, ​ເປົ້າ​ໝາຍ​ MDGs1%).

-        ອັດຕາ​ການຮູ້​ໜັງສືຂອງ​ປະຊາກອນ 15-40 ປີ ​ບັນລຸໄດ້ 99,91% ທຽບໃສ່ 2009ເພີ່ມຂຶ້ນ 4,91 %.

     (​ແຜນ 99%, ເປົ້າ​ໝາຍ​ MDGs 95%). ນອກຈາກນີ້ ກໍໄດ້ສົ່ງນັກກິລາ ເຂົ້າຮ່ວມການແຂ່ງຂັນ ງານກິລານັກ

ຮຽນທົ່ວແຂວງເຊກອງໃນຄັ້ງທີ I, II, III. ໂດຍສະເພາະ ແມ່ນຄັ້ງທີ II ທີ່ເມືອງ ລະມາມ ໄດ້ຮັບກຽດເປັນເຈົ້າພາບ ຊື່ງມີ 5 ປະເພດກິລາ ແລະ ມີນັກກິລາເຂົ້າຮ່ວມທັງໝົດ 191 ຄົນ, ຍິງ 61 ຄົນ.

     ປັດຈຸບັນ ພາຍໃນເມືອງ ມີສຸກສາລາ 6 ແຫ່ງ, ມີ 18 ຕຽງ ທຽບໃສ່ 2009 ເພີ່ມຂື້ນ 2 ແຫ່ງ , ມີໂຮງໝໍ 2 ​ແຫ່ງ​ (​ໂຮງໝໍແຂວງ+ທະຫານແຂວງ)ມີ 75 ຕຽງ​. ມີຖົງຢາປະຈຳບ້ານ 15 ຖົງ, ອາສາສະໝັກ 86 ຄົນ ຫມໍຕຳແຍ 8 ຄົນ, ໜໍ​ຢາ​ພື້ນ​ເມືອງ 9 ຄົນ. ​ມີບ້ານ​ແບບຢ່າງ​ດ້ານ​ສາທາລະນະ​ສຸກ 19 ບ້ານ​ເທົ່າ​ກັບ 44,18% ຂອງ​ຈຳນວນ​ບ້ານ​ທັງ​ໝົດ ອັດຕາການຊົມໃຊ້ນ້ຳສະອາດກວມ 80% (ເປົ້າໝາຍ MDGs 90%) ທຽບໃສ່ 2009 ເພີ່ມຂື້ນ 20,58%, ອັດຕາການ​ຊົມ​ໃຊ້ວິດຖ່າຍຂອງ​ຄົວ​ເຮືອນບັນລຸໄດ້ 51%(ເປົ້າໝາຍ MDGs 44%) ທຽບໃສ່ 2009 ເພີ່ມຂື້ນ 2%​ແລະ ວິດຖ່າຍ​ຢູ່ໂຮງຮຽນ​ ບັນລຸໄດ້ 87%ທຽບໃສ່ 2009 ເພີ່ມຂື້ນ 18,04%   ອັດຕາການສັກຢາ ແລະ ຢອດຢາກັນພະຍາດ​ໃຫ້ແມ່ຍິງ ແລະ ເດັກນ້ອຍ ບັນລຸໄດ້ 88% ຂອງເປົ້າໝາຍ​ທຽບໃສ່ 2009 ຫຼຸດ​ລົງ 1%, ອັດຕາການຕາຍຂອງແມ່ ແລະ ເດັກ ປະຕິບັດໄດ້ 149/100.000(MDGs 310/100.000), ອັດຕາການຕາຍຂອງເດັກ 0-1 ປີ 51/1.000(MDGs 46/1.000), ອັດຕາການຕາຍຂອງເດັກ 1-5 ປີ 4/1.000(MDGs 53/1.000) ແລະ ການ​ນຳ​ໃຊ້ມຸ້ງຍ້ອມຢາ ສຳ​ເລັດ 100%.

-   ວຽກງານແຮງງານ: ​​ມີ​ແຮງ​ງານ​ຕ່າງ​ດ້າວ​ທັງໝົດ 350 ຄົນຍິງ 112 ຄົນ; ໃນນັ້ນ: ຈີນ 17 ຄົນ ຍິງ 9 ຄົນ, ໄທ 24 ຄົນ, ຫວຽດນາມ 309 ຄົນ, ຍິງ 103 ຄົນ; ອອກບັດຊົ່ວຄາວ​ໄດ້ 150 ຄົນ, ສ່ວນທີ່ເຫຼືອແມ່ນໄດ້ອອກບັດຢັ້ງຢືນມາແຕ່ຂັ້ນສູນກາງ. ສ້າງຕົວແບບດ້ານສີມືແຮງງານໄດ້ 21 ບ້ານ.

-   ສະຫວັດດີການສັງຄົມ:    ປະຕິບັດນະໂຍບາຍຕໍ່​ພະນັກງານ​ ຜູ້​ອະ​ວຸ​ໂສ​ ປະຕິ​ວັດ ​ແລະ ຜູ້​ດ້ອຍ​ໂອກາດ​ຕ່າງໆ​ ທັງ​ໝົດໄດ້ 443 ​ຄົນ, ມູນຄ່າ 6,2 ຕື້ກີບ ທຽບໃສ່ 2009 ເພີ່ມຂຶ້ນ 405 ຄົນ ​ໃນ​ນັ້ນ; ມີພະນັກງານບໍານານ 248 ທ່ານ, ພະນັກງານເສຍອົງຄະຮາກຖານ-ເສຍອົງຄະສັງກັດ 77 ທ່ານ, ອຸດໜູນເດັກກຳພ້າບຳນານ 45 ຄົນ, ອຸດໜູນກຳພ້າລັດຖະກອນ 73 ຄົນ ແລະ 5 ປີຜ່ານມາພວກເຮົາໄດ້ຮັບການຄົ້ນຄວ້ສະເໜີຂໍນະໂຍບາຍໃຫ້ແກ່ພະນັກງານທະຫານ,ຕຳຫລວດ ທີ່ເສຍຊິວິດຮັບໃຊ້ສົງຄາມ ແລະອຸດໜູນຜູ້ທີ່ຍັງມີຊິວິດທັງໝົດ 359 ສະຫາຍ ໃນນີ້ສະເໜີຂໍອຸດໜູນກີນທານໃຫ້ແກ່ຜູ້ທີ່ເສຍຊິວິດຮັບໃຊສົງຄາມ 214 ສະຫາຍ ແລະສະເໜີຂໍອຸດໜູນເທຶ່ອດຽວ ຜູ້ທີ່ຍັງມີຊິວິດ 145 ສະຫາຍ

-   ໄດ້ຮັບການຈັດຕັ້ງປະຕິບັດນະໂຍບາຍແລ້ວ 147 ສະຫາຍ ມີມູນຄ່າ 1,6 ຕື້ກີບ. ເທົ່າກັບ 40,95%; ໃນນັ້ນ ຜູ້ເສຍຊິວິດ 102 ສະຫາຍ ມູນຄ່າທັງໝົດ 1,1 ຕື້ກີບເທົ່າກັບ 47,66% ແລະຜູ້ທີ່ຍັງມີຊິວິດປະຕິ ບັດໄດ້ແລ້ວ 45 ສະຫາຍ ມູນຄ່າທັງໝົດ 500 ລ້ານກີບ ເທົ່າກັບ 30%, ປະຕິບັດທືນສອ້ມແປງເຮືອນໃຫ້ແກ່ພະນັກງານອາວຸໂສໄດ້ 5 ສະຫາຍ ມູນຄ່າທັງໝົດ 50 ລ້ານກີບ ແລະປະຕິບັດທືນປ່ຽນແທນໂກຕາລົດ 3 ສະຫາຍ ມູນຄ່າ 500 ລ້ານກີບ.

             -   ໄດ້ຮັບເງິນຊ່ວຍເຫຼຶອເພື່ອຟື້ນຟູໄພພິບັດ ຈາກພະຍຸເກດສະໜາ ຈຳນວນທັງໝົດ 4,20 ຕື້ກີບ ໃນນີ້: ຈ່າຍຊື້ວັດສະດຸ ແລະ ຄ່າແຮງງານກໍ່ສ້າງເຮືອນ ມູນຄ່າ 295 ລ້ານກີບ, ຍົກຍ້າຍບ້ານ 7 ບ້ານ ມູນຄ່າ 100 ລ້ານກີບ, ບຸກເບີກເນື້ອທີ່ຜັງບ້ານ 7 ບ້ານ ມູນຄ່າ 1,7 ຕື້ກີບ ແລະ ຈ່າຍບຸກເບີກເນື້ອທີ່ນາໄດ້ 257 ຮຕ ມູນຄ່າ 2,1 ຕື້ກີບ ຈາກນີ້ຍັງໄດ້ຊ່ວຍເຫຼືອເປັນວັດຖຸເຊັ່ນ: ສັງກະສີ 3.000 ແຜນ, ໄມ້ປຸກສ້າງ ຈຳນວນ 1.551,25 ແມັດກ້ອນ ແລະ ໄດ້ ປຸກສ້າງເຮືອນໃຫ້ປະຊາຊົນຊວ້ງຟື້ນຟູໄພພິບັດ ຈາກພະຍຸເກດສະໜາເປັນ ເຮືອນຊຸໄຫຼ 158 ຫຼັງ, ເຮືອນເພ 111 ຫຼັງ.

              ຜ່ານມາ ສາມາດຜະລິດ​ຂ່າວສານ​ ໄດ້ທັງໝົດ 244 ຂ່າວ ທຽບໃສ່ 2009 ເພີ່ມຂື້ນ 3 ເທົ່າຕົວ ຫຼື ເທົ່າກັບ 180 ຂ່າວ,ໃນນີ້: ສົ່ງ​ວິທະຍຸແຂວງ 244 ຂ່າວ, ໂທລະພາບ​ແຂວງໄດ້ 244ຂ່າວ, ວິທະຍຸແຫ່ງຊາດ 174 ຂ່າວ, ໜັງສືພິມ 102 ຂ່າວ. ສ້າງບ້ານວັດທະນະທໍາໄດ້ 28 ບ້ານ ເທົ່າກັບ 65,12% ຂອງຈໍານວນບ້ານທັງໝົດ; ສ້າງຄອບຄົວ​ວັດທະນະທຳ​ໄດ້ 4.450 ຄອບຄົວ ເທົ່າກັບ 67,76%. ໄດ້ສຳເລັດການກໍ່ສ້າງສວນເສົາຫຼັກເມືອງ ແລະ ຈັດຕັ້ງພິທີບວດສົມໂພດຢ່າງເປັນທາງການໃນທ້າຍປີ 2012 ເພື່ອເປັນສັນຍາລັກ ສູນລວມທາງດ້ານຈິດໃຈຂອງປະຊາຊົນບັນດາເຜົ່າຊາວແຂວງເຊກອງເວົ້າລວມ ເວົ້າສະເພາະແມ່ນຊາວເມືອງ ລະມາມ ມູນຄ່າ 13 ຕື້ກີບ. ພາຍ​ໃນເມືອງມີໂຮງແຮມ 5 ແຫ່ງ 128 ຫ້ອງນອນ, ເພີ່ມຂຶ້ນ 3 ແຫ່ງ ແລະ 86 ຫ້ອງນອນ, ເຮືອນພັກ 17 ແຫ່ງ 204 ຫ້ອງນອນ, ເພີ່ມຂຶ້້ນ 6 ແຫ່ງ ແລະ 94 ຫ້ອງນອນ, ຮ້ານອາຫານ 46 ຮ້ານ, ເພີ່ມຂຶຶ້ນ 27 ຮ້ານ, ຮ້ານບັນເທີງ-ກິນດື່ມ 9 ຮ້ານ. ນອກຈາກນີ້ ຍັງມີແຫຼ່ງທ່ອງທ່ຽວທີ່ສຳຄັນ 9 ແຫ່ງ, ທຽບໃສ່ 2009 ເພີ່ມຂຶ້ນ 1 ແຫ່ງ ຄື: ແຫຼ່ງທ່ອງທ່ຽວທາງວັດທະນະທຳ 2 ແຫ່ງ ເພີ່ມຂຶ້ນ 1 ແຫ່ງ, ທຳມະຊາດ 5 ແຫ່ງ, ປະຫວັດສາດ 2 ແຫ່ງ ແລະ ສຳ​ເລັດ​ການ​ປັກ​ຫຼັກໝາຍ​ເຂດ​ແຫຼ່ງທ່ອງ​ທຽວ 2 ແຫ່ງ (ຕາດ​ແຝກ, ຕາດ​ຫົວ​ຄົນ) ໃນນີ້: ຕາດແຝກແມ່ນໄດ້ຮັບການພັດທະນາແລ້ວ ໂດຍມອບໃຫ້ ເອກະຊົນພາຍໃນແຂວງ ເປັນຜູ້ສຳປະທານ. ໂດຍສະເລ່ຍ ໃນ ​5 ປີ ຜ່ານມາ​ໄດ້ມີນັກ​ທ່ອງ​ທ່ຽວທີ່​ເຂົ້າ​ມາ​ທ່ຽວ​ຢູ່​ພາຍ​ໃນເມືອງ ຈຳນວນ 19.710 ຄົນ.

   ​ມີຄະດີ​ເກີດ​ຂຶ້ນ​ທັງ​ໝົດ 5 ເລື່ອງ, ສຳເລັດ 2 ເລື່ອງ, ຍັງຄ້າງ 2 ເລື່ອງ, ສົ່ງພາກສ່ວນອື່ນປະຕິບັດຊ່ວຍ 1 ເລື່ອງ; ມີຂໍ້ຂັດແຍ່ງທີ່ເກີດຂື້ນຢູ່ໃນຂັ້ນບ້ານທັງໝົດ 52 ເລື່ອງ. ສາມາດແກ້ໄຂ 40 ເລື່ອງ ຍັງຄ້າງ 5 ເລື່ອງ, ສົ່ງພາກສ່ວນອື່ນປະຕິບັດຊ່ວຍ 7 ເລື່ອງ. ສ້າງຕັ້ງ ​ ແລະ ປັບປຸງໜ່ວຍ​ໄກ່ເກ່ຍ​ໄດ້ 43 ໜ່ວຍ ທຽບໃສ່ 2009 ເພີ່ມຂື້ນ 1 ໜ່ວຍ, ມອບ​ໃບຢັ້ງຢືນຄອບຄົວ​ປອດ​ຄະດີ​ໄດ້ 1.557 ​ໃບ, ​ສ້າງບ້ານ​ປອດ​ຄະດີໄດ້ 27 ບ້ານ ທຽບໃສ່ 2009 ເພີ່ມຂື້ນ 21 ບ້ານ, ໂຄສະນາເຜີຍແຜ່ກົດໝາຍຢູ່ຂັ້ນຮາກຖານໄດ້ 43 ບ້ານ ເທົ່າກັບ 87 ຄັ້ງ, ມີຜູ້ເຂົ້າຮ່ວມ 1.584 ຄົນ, ຍິງ 664 ຄົນ ແລະ ສ້າງ​ວິຊາການກົດໝາຍ​ຊັ້ນຕົ້ນຂັ້ນບ້ານ​​ໄດ້ 5 ຊຸດ ມີຜູ້ເຂົ້າຮຽນທັງໝົດ 253 ຄົນ, ຍິງ 61 ຄົນ. ສົ່ງພະນັກງານ​ຫຼັກ​ແຫຼ່ງ ເຂົ້າຝຶກອົບຮົມ​ກົດໝາຍ​ໄລຍະ 45 ວັນ ​ໄດ້ທັງ​ໝົດ 12 ຄົນ.

ເມືອງ​ ລະ​ມາ​ມ​ ​ເປັນເມືອງສະບານຂອງແຂວງ. ​ເປັນ​ເມືອງ​ສູນ​ກາງ​ທາງ​ດ້ານ​ການ​ເມືອງ, ເສດຖະກິດ ວັດທະ ນະ​ທຳ-ສັງຄົມ ແລະ ປ້ອງກັນຊາດ-ປ້ອງກັນຄວາມສະຫງົບ. ​ທິດ​ເໜືອ​ຕິດ​ກັບ ​ເມືອງ​ກະລຶມ ​ແລະ ​​ແຂວງ​ ສາລະ​ວັນ ທິດຕາ​ເວັນ​ອອກ ຕິດ​ກັບ ​ເມືອງ​ ດາກ​ຈຶງ, ທິດ​ໃຕ້ ຕິດ​ກັບ ​ເມືອງ ​ສາມັກຄີ​ໄຊ ​ແຂວງ​ ອັດ​ຕະປື ແລະ ທິດຕາ​ເວັນ​ຕົກ ຕິດ​ກັບ ​ເມືອງ​ ທ່າ​ແຕງ ແລະ ເມືອງປາກຊ່ອງ ແຂວງຈໍາປາສັກ. ມີເນື້ອທີ່ທັງໝົດ 193.500 ​ເຮັກຕາ, ແບ່ງ​ອອກ​ເປັນ 3​ ເຂດ​ແຕກ​ຕ່າງ​ກັນຄື: ເຂດທົ່ງພຽງກວມ10%, ພູພຽງ 30% ແລະ ເຂດພູດອຍ 60% ຂອງເນື້ອທີ່ທັງໝົດ. ມີລະ ດັບຄວາມສູງຈາກໜ້ານ້ຳທະເລປະມານ 143 - 800 ແມັດ, ນອນຢູ່ໃນເສັ້ນແວງທີ 15 Ö36'40" Œ 15 Ö23'20" ແລະເສັນຂະໜານທີ 106.50'00" – 106.40'00"ພູມອາກາດຮ້ອນປານກາງ ອຸ​ນຫະພູມ​​ຕໍ່າ​ສຸດສະ​ເລ່ຍ200 – 290 ​ອົງສາ​ເຊ ແລະ​ ສູງ​ສຸດ​ສະເລ່ຍ 350 – 390 ອົງສາ​ເຊ, ປະລິມານ​ນ້ຳ​ຝົນ​ສະເລ່ຍ 1.393 ມິລິແມັດ/ປີ.

ປັດຈຸບັນ ທົ່ວເມືອງ ປະກອບມີ 43 ບ້ານ, 5.334 ຄົວເຮືອນ, 6.567 ຄອບຄົວ, ມີພົນລະ​ເມືອງທັງໝົດ 33.964 ຄົນ, ຍິງ 16.820 ຄົນ, ອັດຕາເພີ່ມຂື້ນຂອງປະຊາກອນສະເລ່ຍ 2,83%/ປີ (ຂໍ້​ມູນ 2013)ຄວາມໜາແໜ້ນຂອງພົນລະເມືອງ ສະເລ່ຍ 17 ຄົນ/10 ຮຕ; ປະກອບມີ 10 ຊົນເຜົ່າຄື : ເຜົ່າຮາຣັກ,ເຜົ່າລາວ, ຕະຣຽງ,ກະຕູ, ລະວີກຣຽງ, ແຢະ,ຕະໂອຍ,ຊ່ວຍ ແລະ ລະເວນ.

  • ແຜນ​ພັດທະນາ​ເສດຖະກິດ-ສັງຄົມ
  • ທ່າ​ແຮງ ​ແລະ ຈຸດ​ພິ​ເສດ​ຂອງ​ເມືອງ

-           ດິນມີຄວາມອຸດົມສົມບູນເໝາະສົມສຳລັບການປູກເຂົ້າ, ສາລີ, ຢາງບົງ, ພືດຜັກ, ປູກພືດອຸດສາຫະກຳ ແລະ ໄມ້ກິນໜາກ. ມີແມ່ນ້ຳທີ່ສຳຄັນຫຼາຍສາຍຄື: ແມ່ນ້ຳເຊກອງ, ເຊນ້ຳນ້ອຍ, ຫ້ວຍວີ, ຫ້ວຍໂທນ, ຫ້ວຍລໍາພັນ ແລະ ສາຍຫ້ວຍອື່ນໆ ​ເຊິ່ງ ​ເໝາະ​ສົມ ໃນການສ້າງຊົນລະປະທານ ຮັບໃຊ້ໃຫ້ແກ່ການຜະລິດກະສິກຳ. ນອກນີ້, ຍັງມີບໍ່ທອງແດງ, ບໍ່ຖ່ານຫີນແຮ່ຄຳຕົກຂ້ອນ. ມີແຫຼ່ງພະລັງງານໄຟຟ້ານ້ຳຕົກ 3 ແຫ່ງທີ່ກຳລັງສຶກສາຄວາມເປັນໄປໄດ້ ແລະ ເກັບກຳຂໍ້ມູນເບື້ອງຕົ້ນຄືເຂື່ອນໄຟຟ້າຫ້ວຍອີເມີນ: 115 MW, ເຊກອງ 3: 150 MW ເຊກອງ 4:600 MW. ນອກຈາກ​ນີ້ຍັງມີແຫຼ່ງທ່ອງທ່ຽວທຳມະຊາດແລະປະຫັວດສາດເປັນຕົ້ນແມ່ນຕາດແຝກ, ຕາດຫົວຄົນ, ຕາດເຮ້ຍ, ຖໍ້າອົງແກ້ວ ແລະ ແຫຼ່ງທ່ອງທ່ຽວອື່ນໆ.

-             ມີເສັ້ນທາງເລກທີ 16 ຜ່ານ ເມືອງລະມາມ ແລະ ເຊື່ອມຕໍ່ໄປຫາແຂວງ ອັດຕະປື, ເສັ້ນທາງເລກທີ 16 B ເຊື່ອມຕໍ່ໄປຫາຊາຍແດນ ສສ ຫວຽດນາມໂດຍ ຜ່ານເມືອງ ດາກຈຶງ ແລະ ເສັ້ນທາງເລກທີ 7501 (ທາງຫຼວງຂອງແຂວງ) ເຊື່ອມຕໍ່ຊາຍແດນ ສສ ຫວຽດນາມ ໂດຍຜ່ານເມືອງ ກະລືມ.ນອກຈາກນັ້ນຍັງມີເສັ້ນທາງຊອຍດິນແດງເຂົ້າສູ່ບັນດາບ້ານຕ່າງໆ ໃນທົ່ວເມືອງ ເຊິ່ງສາມາດໄປມາໄດ້ທັງສອງລະດູ, ອຳນວຍຄວາມສະດວກ ໃນການຂົນສົ່ງສິນຄ້າ ແລະ ສັນຈອນໄປມາ. ການບໍລິການດ້ານການສຶກສາ, ສາທາລະນະສຸກໄດ້ເອື້ອອຳນວຍຄວາມສະດວກໃຫ້ປະຊາຊົນບັນດາເຜົ່າ ໃນແຕ່ລະເຂດໃຫ້ສາມາດເຂົ້າເຖິງໄດ້ໂດຍພື້ນຖານ.

  • ແຜນ​ພັດທະນາ​ເສດຖະກິດ​-ສັງຄົມ 5 ປີ​ຂອງ​ເມືອງ 2015-019
  • ທິດທາງລວມ ຂອງການພັດທະນາ ຮອດປີ 2019:

-  ການພັດທະນາເສດຖະກິດ​ສັງຄົມ ດຳເນີນໄປຢ່າງຕໍ່ເນື່ອງ ມີປະສິດທິຜົນ ແລະໝັ້ນທ່ຽງ ໃຫ້ມີການສົມສ່ວນໃນການພັດທະນາເສດຖະກິດ-ສັງຄົມ ແລະ ສິ່ງແວດລ້ອມ ຕາມທິດພັດທະນາຂອງ​ເມືອງ, ​ແຂວງ, ສູນ​ກາງ.

-  ການພັດທະນາສົມຄູ່ກັບບັນດາຂະແໜງການ, ພັດທະນາພູດອຍ ແລະທົ່ງພຽງ ບໍ່ໃຫ້ຫຼຸດໂຕນກັນຫລາຍ.

-  ການພັດທະນາເສດຖະກິດ​-ສັງຄົມ ຄຽງຄູ່ກັບການປັບປຸງ ກໍ່ສ້າງລະບົບການເມືອງ, ການປົກຄອງໃຫ້ໜັກ   ແໜ້ນເຂັ້ມແຂງ ເພີ້ມທະວີຄວາມສາມັກຄີ, ເສີມຂະຫຍາຍສິດປະຊາທິປະໄຕ.

-  ການພັດທະນາ ຈະໄດ້ນຳໃຊ້ທ່າແຮງ ແລະ ຈຸດແຂງ ຂອງເມືອງ.

-  ການພັດທະນາຈະຕ້ອງຕິດພັນກັບ ວຽກງານປ້ອງກັນຊາດ ປ້ອງກັນຄວາມສະຫງົບ.

  • ດ້ານເສດຖະກິດມະຫາພາກ

ສູ້ຊົນເຮັດໃຫ້ລວມຍອດຜົນຜະລິດພາຍໃນ GDP ເພີ່ມຂື້ນຢູ່​ໃນ​ລະດັບ16% ຕໍ່ປີຂື້ນໄປ. ຮອດປີ 2019 ສູ້ຊົນເຮັດໃຫ້ລາຍຮັບຕໍ່ຫົວຄົນ ບັນລຸໄດ້ 19,86       ລ້ານກີບ ຫຼື ເທົ່າ 2.483 ໂດລາສະຫະລັດຕໍ່ຄົນຕໍ່ປີ; ຄາດຄະເນພົນລະເມືອງ ໃນສົກປີ 2018 – 2019 ປະມານ 37.719 ຄົນ ໃນອັດຕາເພີ່ມຂື້ນ 2%ຕໍ່ປີ; ໃນນັ້ນ:

+    ຂະແໜງກະສິກຳ​ໃຫ້ເພີ່ມຂຶ້ນ​ໂດຍ​ສ​ະເລ່ຍ 11,15%; ກວມ 32,40%;

+    ຂະແໜງອຸດສະຫະກຳໃຫ້ເພີ່ມຂຶ້ນ​ໂດຍ​ສ​ະເລ່ຍ16,05%; ກວມ 14,57 %;

+    ຂະແໜງການບໍລິການ ໃຫ້ເພີ່ມຂຶ້ນ​ໂດຍ​ສ​ະເລ່ຍ 21,10 %; ກວມ 53,03 %; ຂອງ GDP,

  • ການຫຼຸດຜ່ອນຄວາມທຸກຍາກ:

-        ສູ້​ຊົນ​ຫລຸດຜ່ອນຈຳນວນ​ຄົນ​ທຸກ​ຍາກ​ໃຫ້ຍັງເຫຼືອ 612 ຄົນ, ຍິງ 295 ຄົນຫຼື ເທົ່າກັບ 1 – 2%

     ຂອງພົນລະເມືອງທັງໝົດ.

-        ລຶບລ້າງ​ຄອບຄົວ​​ທຸກ​ຍາກ​ ໃຫ້ຍັງເຫຼືອ 102 ຄອບຄົວຫຼືເທົ່າກັບ 1 – 1,5% ຂອງຄອບຄົວທົ່ວເມືອງ

  • ການລົງທຶນລວມ

ເພື່ອເຮັດໃຫ້ລວມຍອດຜະລິດຕະພັນພາຍໃນ GDP ເພີ່ມຂຶ້ນ 16% ຂື້ນໄປ ມີຄວາມຕ້ອງການທຶນທັງໝົດ 2.270 ຕື້ກີບ; ໃນນັ້ນ:

-         ການລົງທຶນຂອງລັດ (ທຶນຊ່ວຍເຫຼືອລ້າ ແລະ ກູ້ຢືມ) ກວມເອົາ 10%

-         ການລົງທຶນ ເອກະຊົນພາຍໃນ ແລະ ຕ່າງປະເທດ ກວມເອົາ 60%

-         ການປ່ອນສິຍເຊື່ອຂອງທະນາຄານ ກວມເອົາ 30% ຂອງການລົງທຶນທັງໝົດ.

  • ການພັດທະນາຊົນນະບົດ ແລະ ລຶບລ້າງຄວາມທຸກຍາກ:

-        ສ້າງ​ ແລະ ປັບປຸງກອງທຶນພັດທະນາບ້ານ​; ໃນ​ນັ້ນ: ເລັ່ງໃສ່ສ້າງ​ໃໝ່ໃຫ້ໄດ້ 18 ບ້ານ; ປັບປຸງ 25 ບ້ານ

-        ສູ້​ຊົນ​ຫລຸດຜ່ອນຈຳນວນ​ຄົນ​ທຸກ​ຍາກ​ໃຫ້ຍັງເຫຼືອ 612 ຄົນ, ຍິງ 295 ຄົນຫຼືເທົ່າກັບ 1 – 2%.

-        ເຕົ້າ​ໂຮມ​ຄຸ້ມບ້ານ​ນ້ອຍກະແຈກກະຈາຍ ເຂົ້າເປັນຄຸ້ມບ້ານ​ໃຫຍ່ ໃຫ້ສໍາເລັດ 100%.

-        ລຶບລ້າງ​ຄອບຄົວ​​ທຸກ​ຍາກ​ ໃຫ້ຍັງເຫຼືອ 102 ຄອບຄົວ ຫຼື ເທົ່າກັບ 1 – 1,5% ຂອງຄອບຄົວທົ່ວເມືອງ.

-        ສ້າງ​ບ້ານ​ພັດທະນາ​ໃຫ້​ໄດ້ 20 ບ້ານ(ລວມເປັນ 39 ບ້ານ)​ແລະ ລຶບລ້າງບ້ານທຸກຍາກໃຫ້​ໄດ້​ຢ່າງ​ຊີ້​ນ​ເຊີງ

-        ສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍຢູ່ຊົນນະບົດໃຫ້ໄດ້ 5 ຈຸດ.

-        ສ້າງຄອບ​ຄົວ​ພັດທະນາ​ໃຫ້​ໄດ້ 5.790 ຄອບຄົວ​ ຫຼື ເທົ່າກັບ 93,65% ຂອງຄອບຄົວທັງໝົດ.

-        ສ້າງແຜນຫຼຸດຜ່ອນຄວາມທຸກຍາກແບບມີສ່ວນຮ່ວມຂັ້ນບ້ານ​ໃຫ້​ໄດ້ 43 ບ້ານ ມູນຄ່າ 66,32 ຕື້ກີບ.

  • ວຽກງານກະສິກຳ-ປ່າໄມ້

+       ວຽກ​ງານ​ປູກຝັງ: ສູ້ຊົນຜະລິດ​ເຂົ້າ​​ໃນ​ເນື້ອ​ທີ່ 4.978 ເຮັກຕາ ໃຫ້​ໄດ້​ 23.011 ​ໂຕນ, ​ໃນ​ນັ້ນ:

ນາປີ 3.428 ເຮັກຕາ ຜົນ​ຜະລິດ​​ໄດ້ 15,426 ໂຕນ ແລະ ​ເນື້ອ​ທີ່ນາ​ແຊງ​ 1.500 ​ເຮັກຕາ ຜົນ​ຜະລິດ​​ໄດ້ 7.500 ໂຕນ​ເນື້ອ​ທີ່ໄຮ່​ 50 ​ເຮັກຕາ, ຜົນ​ຜະລິດ​ 85 ໂຕນ ຂະຫຍາຍ​ເນື້ອທີ່ປູກພືດເປັນສິນຄ້າ ​ແລະ ພືດ​ສະບຽງ​ອາຫານໃຫ້​ໄດ້ 1.728 ​ເຮັກຕາ, ຜົນ​ຜະລິດ​​ໃຫ້​ໄດ້ 10.366 ​ໂຕນ. ຈັດ​ສັນ​​ເຂດ​ທີ່ດິນກະສິກຳ​ເພື່ອ​ທຳ​ການ​ຜະລິດ​ໃຫ້​ສຳ​ເລັດ​ໃນ 43 ບ້ານ.

+       ວຽກງານລ້ຽງສັດ ​ແລະ ສັດຕະວະແພດ: ຊຸກຍູ້​ສົ່ງ​ເສີມ​ການ​ລ້ງສັດ​ໃຫ້​ໄດ້ຄວາຍ 5.700 ໂຕ

ງົວ 4.895 ໂຕ, ໝູ 14.989 ໂຕ, ແບ້ 8.182 ໂຕ, ສັດປີກ 498.672 ໂຕ. ຊຸກຍູ້ສົ່ງເສີມປະຊາຊົນລ້ຽງສັດ​ໃຫ້​ເປັນ​ສິນຄ້າ​ ແນໃສ່​ສ້າງ​ໃຫ້ມີການ​ລ້ຽງສັດ​ແບບ​ເປັນ​ຟາ​ມ​ໃຫ້​ໄດ້ 26 ຟາ​ມ; ​ໃນ​ນັ້ນ : ຟາ​ມລ້ຽງ​ໜູ 10 ຟາ​ມ ສັດ​ປີກ 8 ຟາ​ມ, ລ້ຽງ​ປາ 8 ຟາ​ມ ​ແລະ ສືບຕໍ່ສູ້​ຊົນ​ສັກ​ຢາ​ປ້ອງ​ກັນ​ພະຍາດ​ສັດລ້ຽງ​ ຄວາຍ​ໃຫ້​ໄດ້ 5.130 ​ໂຕ, ງົວ 4.406 ​ໂຕ, ໝູ 13.490 ​ໂຕແບ້ 7.363 ​ໂຕ ​ແລະ ສັດປີກໃຫ້​ໄດ້ 448.805 ໂຕ.

 

                           +       ວຽກງານຊົນລະປະທານ: ກໍ່ສ້າງ ​​ຝາຍນໍ້າລົ້ນ, ຊົນລະປະທານ ໃຫ້ໄດ້ 4 ແຫ່ງ.ສືບຕໍ່ສຳ​ຫຼວດ ແລະ ເກັບກຳຂໍ້ມູນ ຈຸດ​ທີ່​ມີ​ການ​ເປ້​ເພ    

ພ້ອມທັງສ້ອມແປງຄອງເຫມືອງໃຫ້ໄດ້ 10 ຈຸດ ​ແລະ ​ເອົາ​ໃຈ​ໃສ່​ຄຸ້ມ​ຄອງ​ນຳ​ໃຊ້​ນ້ຳຊົນລະປະທານ​ໃຫ້​ສາມາດ​ຕອບ​ສະໜອງນ້ຳ​ໄດ້​ຢ່າງ​ພຽງພໍ.

+       ວຽກງານປ່າໄມ້: ເອົາ​ໃຈ​ໃສ່​ປົກ​ປັກ​ຮັກສາປ່າ​ໄມ້​ເຮັດ​ໃຫ້​ມີປ່າ​ໄມ້​ປົກ​ຫຸ້ມ70%ຂຶ້ນ​ໄປ. ປູກປ່າໃຫ້

ໄດ້ 4.500 ເຮັກຕາ. ​ຄຸ້ມ​ຄອງ​ການ​ຕັດ​ໄມ້​ຕາມ​ໂກ​ຕາ​ລັດຖະບານ ​ພ້ອມ​ທັງ​ມີ​ການ​ປູກ​ໄມ້​ທົດ​ແທນ ​ໂດຍ​ການ​ປູກ​ເສີມ​ກອງ​ປ່າ ຕາມ​ຂອບ​ເຂດ ​ປ່າ​ຜະລິດໃຫ້​ໄດ້ 13.000 ​ເຮັກຕາ. ສູ້​ຊົນ​ເຮັດ​ໃຫ້​ເນື້ອ​ທີ່​ໄຮ່​ໜູນ​ວຽນຍັງ​ເຫຼືອ​ພຽງ​ແຕ່ 50 ​ເຮັກຕາ.

   ເອົາໃຈໃສ່ຊຸກຍູ້ສົ່ງເສີມ ໃຫ້ປະຊາຊົນຈັດຕັ້ງກຸ່ມຫັດຖະກຳ ເປັນຕົ້ນ: ກຸ່ມຕ່ຳແຜ່ນ, ຈັກສານ, ​ແກະສະ

ຫຼັກ ຫັນ​ໄປສູ່​ການ​ຜະລິດ​ທີ່​ມີ​ລັກສະນະ​ເອກະລັກຂອງ​ຊົນ​ເຜົ່າ ເພື່ອ​ກຳ​ນົດ​ໃຫ້​ໄດ້​ສິນຄ້າ​ໜຶ່ງ​ເມືອງ, ໜຶ່ງ​ຜະລິດ​ຕະພັນ​ (ODOP) ສ້າງອາຊີບຄົງທີ່ໃຫ້ປະຊາຊົນ​ໃຫ້ໄດ້ 4 ບ້ານ,ຊອກ​ຫາ​ຕະຫຼາດ​ເພື່ອ​ຈຳໜ່າຍ​ສິນ​ຄ້າ​ ຫຼື ຜະລິດ​ຕະພັນ​ຫັດຖະກຳ​ ທີ່ມີຄວາມຍືນຍົງ ແລະສ້າງລາຍຮັບທີ່ແນ່ນອນໃຫ້ປະຊາຊົນ ເພື່ອຫຼຸດພົ້ນອອກຈາກຄວາມທຸກຍາກເທື່ອລະກ້າວ.

ສືບຕໍ່ຂະຫຍາຍຕາ​ຂ່າຍໄຟຟ້າ 22 ກວ ​ແລະ 0,4 ກວ ​ໃຫ້​ໄດ້ 100%. ​ເຮັດ​ໃຫ້​ປະຊາຊົນ​ໄດ້​ນຳ​ໃຊ້​ໄຟຟ້າ​ໃນ​ລະບົບ​ໄດ້​ຢ່າງ​ທົ່ວ​ເຖິງ ​ແລະ​​ ເພື່ອ​ຮັບ​ໃຊ້​ໃຫ້​ແກ່​ການ​ຜະລິດ. ​ສູ້​ຊົນຊຸກຍູ້ ຕິດຕາມ ​ແລະ ​ກວດກາ​ການຈັດ​ຕັ້ງ​ປະຕິ​ບັດ​ໂຄງການ​ກໍ່ສ້າງ​ເຂື່ອນ​ໄຟຟ້າ​ນ້ຳຕົກ ຂະໜາດ 15 Mw​ລົງ​ມາ ຈຳນວນ 3 ໂຄງການ ທີ່​ສຳ​ເລັດ​ການ​ສຶກສາ​ຄວາມ​ເປັນ​ໄປ​ໄດ້​ແລ້ວ ​ໃຫ້​ໄດ້​ຮັບ​ການຈັດ​ຕັ້ງ​ປະຕິບັດ. ​ສືບ​ຕໍ່ຄຸ້ມ​ຄອງ, ຕິດຕາມ ​ແລະ​ ກວດກາ ​ການ​ຂຸດ​ຄົ້ນ​ດິນ​ໜຽວ ແລະ ຫີນພູ( ເພື່ອກໍ່ສ້າງ ) ​ໃນນີ້: ຜະລິດ​ດິນ​ຈີ່​ ບໍ່​ໃຫ້​ຫຼຸດ 33.000 ​ແມັດ​ກ້ອນ ຫຼື 6.500 ແມັດ​ກ້ອນ/ປີ.

ສືບຕໍ່ກວດທຽບຊິງຊັ່ງ ແລະ ດຳເນີນການໃສ່ລະບຽບໃຫ້ແກ່ບຸກຄົນ ນິຕິບຸກຄົນທີ່ມີການດັດ ແປງຊິງຊັ່ງນໍ້າໜັກຢູ່ຕາມຕະຫຼາດ, ຫົວໜ່ວຍທຸລະກິດຕ່າງໆ ຢ່າງເຂັ້ມງວດ ກວດກາ ກວດທຽບ, ໜີບກົ່ວ ຕິດສະຕິກເກີ້ຊິງຢູ່ຕະຫຼາດເຊກອງ, ບ້ານ ໂພນ ແລະ ເທດສະບານແຂວງ ໃຫ້ໄດ້ 100 %.

-        ສູ້ຊົນຈັດສັນທີ່ດິນຈຸລະພາກ​ໃຫ້ໄດ້ 41 ບ້ານ; ອອກໃບແຈ້ງທີ່ດິນໃຫ້ໄດ້ 43 ບ້ານ, ຈຳນວນ 1.974 ຕອນ.

-        ສູ້ຊົນອອກໃບຕາດິນຖາວອນຕາມຄຳຮ້ອງຂໍໃຫ້ໄດ້ 15 ບ້ານ, ຈຳນວນ 725 ຕອນ.

-        ສູ້ຊົນອອກໃບຕາດິນຖາວອນເປັນລະບົບໃຫ້ໄດ້ 15 ບ້ານ, ຈໍານວນ 10.240 ຕອນ.

-        ສືບຕໍ່ລົງກວດກາບັນດາເອກະສານໃບແຈ້ງທີ່ດິນ ແລະ ໃບຕາດິນໃຫ້ໄດ້ 7 ບ້ານ.

-        ສືບຕໍ່ກວດກາການລັກລອບຕັດໄມ້ທຳລາຍປ່າໃຫ້ໄດ້ 26 ບ້ານ, ສະກັດກັ້ນໄຟໄໝ້ລາມປ່າໃຫ້ໄດ້ 15 ບ້ານ.

-        ສ້າງສະຖານີຈຸດກວດກາ ແລະ ຕິດຕາມຄຸນນະພາບຂອງນ້ຳ ໃຫ້ໄດ້ 6 ຈຸດ.

-        ກະກຽມລົງສຳຫຼວດກວດກາ ແລະ ເກັບກຳຂໍ້ມູນແຮ່ທາດຕ່າງໆໃນ 15 ບ້ານເປົ້າໝາຍ.

-        ສືບຕໍ່ອອກໃບຢັ້ງຢືນດ້ານສິ່ງແວດລ້ອມໃຫ້ໄດ້ 52 ຫົວໜ່ວຍ.

 

  • ວຽກງານໂຍທາທິການ ແລະ ຂົນສົ່ງ (ຍທຂ)

ສຸມ​ໃສ່​ແກ້​ໄຂ​ບັນ​ຫາ​ເສັ້ນທາງ​ເຊື່ອມ​ຕໍ່​ລະຫວ່າງ​ຕົວ​ເມືອງ ​ແລະຊົນນະບົດ. ​ສູ້ຊົນສ້ອມແປງເສັ້ນທາງ

ຫຼວງແຫ່ງຊາດ, ທາງເທດສະບານແຂວງ - ເມືອງ ໃຫ້ໄດ້ 25 ເສັ້ນ. ຍົກລະດັບທາງດິນແດງ (ແຮດິນດີ) ໃຫ້ໄດ້ 7 ເສັ້ນ ແລະ ປູຢາງ ໃຫ້ໄດ້ 4 ເສັ້ນ. ສູ້ຊົນຈັດວາງຜັງບ້ານໃຫ້ໄດ້ 8 ບ້ານ ກໍ່ສ້າງເຄຫະສະຖານໃຫ້ໄດ້ 15 ໂຄງການ ​ແລະ ຂະຫຍາຍລະບົບນ້ຳປະປາໄປສູ່ຊຸມຊົນໃຫ້ໄດ້ 2 ບ້ານ

  • ໄປສະນີ, ໂທລະຄົມມະນາຄົມ ແລະ ການສື່ສານ.

                  ປະສານສົມທົບກັບພາກສ່ວນທີ່ກ່ຽວຂ້ອງຕ່າງໆ ເພື່ອຄຸ້ມຄອງ ແລະ ຂະຫຍາຍຕາໜ່າງ​ໄປສະນີ ​ໂທລະ​ຄົມມະນາຄົມ ​ແລະ ການສື່ສານ​ໃຫ້ກ້ວາງຂວາງ ເພື່ອບໍລິການໃຫ້ແກ່ສັງຄົມໄດ້ຢ່າງທົ່ວເຖິງ ສູ້ຊົນຂະຫຍາຍສະຖານີໃໝ່ໃຫ້ໄດ້ 1 ສະຖານີຕໍ່ປີ, ອັດຕາຄອບຄຸ້ມສັນຍານໂທສະສັບໃຫ້ໄດ້ 100 % ຂອງພື້ນທີ່ທົ່ວເມືອງ ແລະ ຂະຫຍາຍເລກໝາຍໂທ ລະສັບໃໝ່ໃຫ້ໄດ້ 23.3000 ເລກໝາຍ.

  • ວຽກງານອົງການ​ພັດທະນາ ​ແລະ ບໍລິຫານຕົວເມືອງ
  • ວຽກງານການຄ້າ

ສືບ​ຕໍ່​​ສ້າງ​ຕົວ​ເມືອງ​ເປັນ​ຕົວ​ເມືອງ​ສີຂຽວ ​​ໂດຍ​ປະ​ຕິ​ບັດ​ຕາມແຂ່ງຂັນ​ຂັນ 3 ຄ, ​4 ສ. ​ ສູ້​ຊົນ​ຈັດ​ເກັບ​ຂີ້​ເຫື່ອ​ຍ​ໃຫ້​ໄດ້ 1.500-2.000 ​ໂຕນ/ປີ ກວມ 80% ຂອງ​ເທດສະບານ​ແຂວງ. ສ້າງ​ເຂດ​ໃຈກາງ​ເມືອງ​​ໃຫ້ເປັນ​ສູນ​ກາງ​ທາງ​ດ້ານ​ການ​ບໍລິການ, ຄ້າຂາຍ ​ແລະ ການທ່ອງທ່ຽວ.​​ ສຸມ​ໃສ່ ສ້າງ​ສວນ​ສາທາລະນະ ຢູ່​ຫຼັງ​ພູ​ກະທໍ. ກໍ່ສ້າງ​ທາງ​ປູຢາງ​ແຕ່​ບ້ານ ​ແກ້ງ​ຫຼວງ​ລຽບ​ຕາມ​ລຳ​ນ້ຳ​ເຊ​ກອງ ​ເຊື່ອມ​​ຕໍ່​ໃສ່​ບ້ານ ນາວາ​ ​ໃຫ້​ເປັນ​ຮູບ​ວົງ​ແຫວນ, ສູ້​ຊົນຕັດ​ຕາ​ຜ້າຜັງເມືອງ​ໃໝ່ (ຟາກນ້ຳເຊກອງ) ​ໃຫ້​ໄດ້​ຮັບ​ການຈັດ​ຕັ້ງ​ປະຕິບັດໃນ​ເນື້ອ​ທີ່ 624 ເຮັກຕາ. ສືບ​ຕໍ່​ຂະຫຍາຍບ້ານ​​ໃຫ້​ເປັນ​ບ້ານໃນຕົວ​​ເມືອງ​ໃຫ້​ໄດ້ 12 ບ້ານ ເພີ່ມ​ຂື້ນ 6 ບ້ານ.

-        ການສົ່ງອອກໃຫ້ເພີ່ມຂື້ນ   10 %/ປີ ແລະໃຫ້ບັນລຸໄດ້ 11,02 ຕື້ກີບ/ປີ.

-        ການນໍາເຂົ້າ ໃຫ້ຢູ່ໃນລະດັບ 18 %/ປີ ແລະໃຫ້ບັນລຸໄດ້ 3,09 ຕື້ກີບ/ປີ.

-        ຂາດດຸ່ນ ໃຫ້ຢູ່ໃນລະດັບ 8 %/ປີ.

  • ວຽກງານການເງິນ-ທະນາຄານ

+       ດ້ານການເງິນ: ສູ້​ຊົນ​​ເກັບລາຍ​ຮັບເຂົ້າງົບປະມານໃຫ້ເພີ່ມຂື້ນ 18 – 19%ຕໍ່ປີ; ຮອດປີ 2019​ ​ໃຫ້

ໄດ້ 23,20ຕື້​ກີບ; ໃນ​ນັ້ນ: ຮັບ​ຈາກ​ສ່ວຍ​ສາ​ອາກອນ​ 14,82 ຕື້​ກີບ, ​ຊັບ​ສິນ 5,35 ຕື້​ກີບ, ຮັບຈາກທີ່​ດິນ 3,03 ຕື້​ກີບແລະ ​ເອົາ​ໃຈ​ໃສ່ຄຸ້ມຄອງການ​ປະຕິບັດ​ລາຍຈ່າຍຢ່າງເຂັ້ມງວດ​ ຄາດຄະເນລາຍຈ່າຍໃນ 5 ປີຕໍ່ໜ້າ​ໃຫ້ຢູ່ໃນລະດັບ 15 – 16%ຕໍ່ປີ ແລະ ຮອດປີ 2019 ​​ໃຫ້​ໄດ້ 341,97 ຕື້​ກີບ; ​ໃນ​ນັ້ນ: ຈ່າຍ​ເງິນ​ເດືອນ 279,46 ຕື້ກີບຈ່າຍ​ອຸດ​ໜູນ​ນະ​ໂຍບາຍ 13,83 ຕື້​ກີບ, ລາຍ​ຈ່າຍ​ບໍລິຫານ 13,43 ຕື້​ກີບ, ຈ່າຍ​ດັດສົມ 6,72 ຕື້​ກີບ, ຈ່າຍ​ເງິນ​ແຮ 1,95 ຕື້​ກີບ, ຈ່າຍ​ຊື້​ໃໝ່ 1,58 ຕື້​ກີບ ​ແລະ​ ຈ່າຍ​ສຳລັບ​ການ​ລົງທຶນ​ຂອງ​ລັດ 25 ຕື້​ກີບ ​​ແລະ ຂາດດູນ​ງົບປະມານ​ໂດຍ​ສະ​ເລ່ຍຕໍ່​ປີ​ປະມານ 63,75 ຕື້​ກີບ.

+       ດ້ານທະນາຄານ : ເປົ້າໝາຍການ​ປ່ອຍສິນຂອງເຊື່ອທະນາຄານ ແມ່ນ​ສຸມ​ໃສ່​ການ​ຜະລິດ ​ເປັນ​ສິນ

ຄ້າ ​ໂດຍ​ສະ​ເພາະ​ ສິນຄ້າ​ປະ​ເພດ​ກະສິກຳ​ຍັງ​ຈະ​ຕ້ອງ​ໄດ້​ສືບ​ຕໍ່​ເອົາ​ໃຈ​ໃສ່​ຢ່າງ​ແຂງ​ແຮງ ​ເພື່ອ​ຍູ້​ໜູນ​ໃຫ້​ແກ່​ການ​ສ້າງ​ຖານ​ລາຍ​ຮັບ ​ແລະ​ອາຊີບ​ທີ່​ໜັ້ນຄົງ​ໃຫ້​ແກ່​ປະຊາຊົນ​

  • ວຽກງານສຶກສາ ແລະ ກິລາ:

     ສູ້ຊົນໃຫ້ໄດ້ປະກາດເປັນເມືອງຈົບມັດທະຍົມຕົ້ນບຳລຸງໃນປີ 2016. ສືບ​​ຂະຫຍາຍໂຮງຮຽນລ້ຽງເດັກ-ອະນຸບານ ໃຫ້ໄດ້ 5 ແຫ່ງ, ສ້າງໂຮງຮຽນຕົວແບບໃຫ້ໄດ້ 15 ແຫ່ງ ແລະ ໂຮງຮຽນຄຸນນະພາບໃຫ້ໄດ້ 5 ແຫ່ງ. ເພື່ອຮັບປະກັນ​ໃຫ້​​ບັນລຸ MDGດ້ານການ​ພັດທະນາ ການສຶກສາຕ້ອງ​ເອົາ​ໃຈ​ໃສ່ດັ່ງ​ນີ້:

-        ​ອັດຕາເຂົ້າຮຽນຂອງເດັກ 3-5 ປີ ໃຫ້ບັນລຸໄດ້ 45%.

-        ອັດຕາເຂົ້າຮຽນສຸດທິອາຍຸ 6-10 ປີ ໃຫ້ບັນລຸໄດ້ 99%.

-        ອັດຕາ​ການ​ເຂົ້າ​ຮຽນ​ໃໝ່​ສຸດທິ​ (ປໍ 1) ໃຫ້ບັນລຸ​ໄດ້ 99%.

-        ອັດຕາຄ້າງຫ້ອງຊັ້ນປະຖົມ ໃຫ້ຍັງເຫຼືອ 1% ແລະ ອັດຕາລອດເຫຼືອຮອດປໍ 5 ໃຫ້ບັນລຸໄດ້ 95%.

-        ອັດຕາ​ປະລະ​ການ​ຮຽນຊັ້ນ​ປະຖົມ ໃຫ້ຍັງເຫຼືອ 1%.

-        ຄວາມສະເໝີພາບການເຂົ້າຮຽນຊັ້ນປະຖົມລະຫວ່າງເດັກຍິງ ແລະເດັກຊາຍ ໃຫ້ບັນລຸໄດ້ 1-1.

-        ອັດຕາການເຂົ້າຮຽນລວມມັດທະຍົມຕົ້ນ ໃຫ້ບັນລຸໄດ້ 100%.

-        ອັດຕາ​ການ​ຄ້າງ​ຫ້ອງ​ຊັ້ນ​ມັດທະຍົມຕົ້ນໃຫ້ຍັງເຫຼືອ 1%.

-        ອັດຕາ​ການ​ປະລະ​ການ​ຮຽນ​ຊັ້ນ​ມັດທະຍົມ​ຕົ້ນ ໃຫ້ຍັງເຫຼືອ 1%.

-        ອັດຕາການເຂົ້າຮຽນລວມມັດທະຍົມປາຍ ໃຫ້ບັນລຸໄດ້ 75%.

-        ອັດຕາ​ການ​ຄ້າງ​ຫ້ອງ​ຊັ້ນ​ມັດທະຍົມ​ປາຍ ໃຫ້ຍັງເຫຼືອ 1%.

-        ອັດຕາ​ການຮູ້​ໜັງສືຂອງ​ປະຊາກອນ 15-40 ປີ ​ໃຫ້ບັນລຸໄດ້ 100%.

ສືບຕໍ່ຂະຫຍາຍຕາໜ່າງສາທາະນະສຸກ ​ໃຫ້​ໄດ້​ຢ່າງ​ທົ່ວ​ເຖິງ, ສູ້ຊົນຝຶກອົບຮົມ ແລະ ຍົກລະດັບຄວາມຮູ້ຄວາມສາມາດໃຫ້ພະນັກງານແພດຫມໍ​ໃນການ​ຄຸ້ມ​ຄອງ​ບໍລິຫານ​ສຸກສາລາ​ໄລຍະ​ສັ້ນ, ຍົກ​ລະດັບວິຊາ​ການ-ການ​ແພດ​ໃຫ້​ໄດ້ 2 ຄັ້ງ/ປີ,ເຮັດໃຫ້​ອັດຕາ​ການ​ພົບເຊື້ອໄຂ້ຍຸງ​ຫຼຸດ​ລົງເຫຼືອ 10/1.000 ແລະ ອັດຕາການຕາຍຍ້ອນພະຍາດໄຂ້ຍຸງໃຫ້ຕໍ່າກວ່າ 1/100.000, ການຊົມໃຊ້ນ້ຳສະອາດກວມ 90%, ອັດຕາການ​ຊົມ​ໃຊ້ວິດຖ່າຍຂອງ​ຄົວ​ເຮືອນໃຫ້ບັນລຸ 65%​ແລະ ວິດຖ່າຍ​ຢູ່ໂຮງຮຽນ​ ໃຫ້ບັນລຸ 90%.ອັດຕາການສັກຢາ ແລະ ຢອດຢາກັນພະຍາດ​ໃຫ້ແມ່ຍິງ ແລະ ເດັກ ນ້ອຍ ໃຫ້ບັນລຸ 95%, ອັດຕາການຕາຍຂອງແມ່ ແລະ ເດັກໃຫ້ຢູ່ໃນລະດັບ 139/100.000 ອັດຕາການຕາຍຂອງເດັກ 0-1 ປີ ໃຫ້

ເທົ່າກັບ 40/1.000 (MDGs 46/1.000), ອັດຕາການຕາຍຂອງເດັກ 1-5 ປີ 65/1.000 (MDGs 53/1.000) ແລະການ​ນຳ​ໃຊ້ມຸ້ງຍ້ອມຢາສຳ​ເລັດ 100%.

     ສູ້​ຊົນຝຶກອົບຮົມ ແລະ ສ້າງສີມືແຮງງານຂອງ​ເມືອງດ້ານ​ການ​ກີດ​ຢາງ, ຕັດຫຍິບ, ສ້ອມ​ແປງ​ກົນ​ຈັກ ​ເສີມ​ສວຍ, ປຸງ​ແຕ່ງອາຫານ ​ແລະ​ອື່ນໆ ໃຫ້ໄດ້ 112 ຄົນ, ນອກ​ນັ້ນ; ຈະ​ຕ້ອງ​ໄດ້​ເກັບ​ກຳ​ຂໍ້​ມູນ​ຂອງແຮງ​ງານ​ພາຍ​ໃນ ​ທີ່​ຈະ​ໄປ​ເຄື່ອນ​ໄຫວ​ຢູ່​ຕ່າງ​ແຂວງ ຫຼື ຕ່າງປະ​ເທດ​ໃຫ້​ລະອຽດຄົບ​ຖ້ວນ ​ແລະ ປັບປຸງ​ກົດ​ລະບຽບ​ໃນ​ການ​ຄຸ້ມ​ຄອງ​ແຮງ​ງານ​ຕ່າງ​ດ້າວ​ທີ່​ເຂົ້າ​ມາ​ເຄື່ອນ​ໄຫວ​ຢູ່​ພາຍ​ໃນ​​ເມື​ອງ ​​

ສືບ​ຕໍ່ປະຕິບັດນະໂຍບາຍຕໍ່ພະນັກງານບຳນານ, ເດັກກຳພ້າ, ເດັກຊົນເຜົ່າ ​ແລະ​ ຜູ້​ດ້ອຍ​ໂອກາດອື່ນໆ ​ໃຫ້​

ເຂົາ​ເຈົ້າ​ມີ​ສິດທິ​ສະ​ເໝີ​ພາບ, ​ຊ່ວຍ​​ເຫຼືອ​ປັດ​ໄຈ​ອື່ນໆ​ຕາມ​ຄວາມ​ເໝາະ​ສົມ ​ແລະ​ຈັດ​ສົ່ງ​ເດັກ​ເຂົ້າ​ໂຮງຮຽນ​ຢູ່​ສູນ​ເດັກ​ກຳພ້າ​ໃຫ້​ໄດ້​ປີລະ 5 ຄົນ. ສູ້​ຊົນ​ເກັບ​ກຳ​ຂໍ້​ມູນ​ພະນັກງານ, ທະຫານ, ຕຳຫຼວດທີ່ ​​ເສ​ຍຊີວິດ​ໃນ​ປາງ​ສົງ​ຄາມ ​ແລະ​ຜູ້​ທີ່​ຍັງ​ມີ​ຊີວິດ​ໃຫ້​ສຳ​ເລັດ​ໃນ​ແຕ່​ລະ​ບ້ານ ​ແລະ​ສືບ​ຕໍ່ສະ​ເໜີທຶນ​ອຸດ​ໜູນ​ກິນ​ທານ​ຕໍ່​ຜູ້​ທີ່​ເສຍ​ຊີວິດ​ປາງ​ສົງຄາມ​ໃຫ້​ໄດ້​ປີລະ 50 ຄົນ ​ແລະ​ອຸດ​ໜູນ​ເທື່ອ​ດຽວ​ຜູ້​ທີ່​ຍັງ​ມີ​ຊີວິດ​ໃຫ້​ໄດ້ 50 ຄົນ​​ປີ.

ສືບຕໍ່ຂະຫຍາຍ​ການ​ກະຈາຍສຽງ​ຂອງ​ສະຖາ​ນີວິທະຍຸ​ໃຫ້​ກວມ​ 80% ຂອງ​ພື້ນທີ່ເທດສະບານ​ເມືອງ

ສືບຕໍ່ສ້າງບ້ານວັດທະນະທຳໃຫ້ໄດ້ 15ບ້ານ ​ເທົ່າ​ກັບ 2.117ຄອບຄົວ. ປັບປຸງ​ໂຮງ​ແຮມ, ເຮືອນ​ພັກ, ຮ້ານ​ອາຫານ-ກິນ​ດື່ມ, ​ແຫຼ່ງທ່ອງ​ທ່ຽວ​ທາງ​ທຳ​ມະ​ຊາດ​ ໃຫ້​ມີ​ຄຸນ​ນະພາ​ບຜະລິດ​ຂອງ​ທີ່​ລະ​ນຶກ​ຕ່າງໆ​ເພື່ອ​ຮັບຮອງ​ນັກ​ທ່ອງ​ທ່ຽວ​ພາຍ​ໃນ ​ແລະຕ່າງປະ​ເທດທີ່​ເຂົ້າ​ມາ​ທ່ອງ​ທ່ຽວ​ພາຍໃນເມືອງ​. ສ້າງ​ລະບົບ​ທ່ອງ​ທ່ຽວ​ໃຫ້​ສາມາດ​ເຊື່ອມ​ໂຍງ​ກັບ​ບັນດາ​ແຫຼ່ງທ່ອງ​ທ່ຽວ​ພາຍ​ໃນ​​ແລະຕ່າງ​​ແຂວງ. ໂຄສະນາການທ່ອງທ່ຽວດ້ວຍຫຼາຍຮູບ​ແບບ, ຈັດ​ສັນ ​ແລະ​ ກຳນົດ​ເຂດ​ແຫຼ່ງ​ທ່ອງ​ທ່ຽວ​ຢູ່​ບັນດາ​ບ້ານ, ບ້ານ​ທົດ​ລອງ 3 ສ້າງ ​ແລະ ກຸ່ມຈຸດ​ສຸມ​ຂອງ​ແຂວງ. ​ ​ພັດທະນາ​ລະບົບ​ການທ່ອງທ່ຽວ ຕາດ​ແຝດຕາດ​ເຮັ້ຍ, ຕາດ​ຫົວ​ຄົນ, ​ແກ້ງ​ຫຼວງ, ຖ້ຳ​ອົງ​ແກ້ວ,ແນໃສ່​ເພື່ອ​ສ້າງ​ເປັນ​ວົງ​ຈອນ​ທ່ອງ​ທ່ຽວທີ່ສາມາດດຶງດູດນັກທ່ອງທ່ຽວ.

-        ສູ້ຊົນເພີ່ມຈຳນວນແມ່ຍິງເຂົ້າໃນຄະນະນຳຂັ້ນບ້ານ ແລະ ເມືອງ ໃຫ້ຫຼາຍກ່ວາ 15 % ຂື້ນໄປ.

-        ສູ້ຊົນໃຫ້ພະນັກງານເພດຍິງ​ໃນ​ຂັ້ນ​ບ້ານ ​ແລະ ​ເມືອງ ໄດ້ເຂົ້າຮຽນການເມືອງ-ການປົກຄອງ, ການ

ບໍລິຫານ - ຄຸ້ມຄອງຂັ້ນຕ່າງໆ ໃຫ້ໄດ້ 25 % ຂື້ນໄປ.

-        ເພີ່ມຈຳນວນແມ່ຍິງໃຫ້ໄດ້ຮັບການຝຶກອົບຮົມດ້ານວິຊາຊີບ, ວິຊາການ ໃນແຕ່ລະຂະແໜງການ

ໃຫ້ໄດ້ 35 % ຂື້ນໄປ.

  • ວຽກງານພົວພັນ​ຮ່ວມ​ມື​ກັບການຕ່າງປະເທດ :

   ສຸມໃສ່​ກໍ່ສ້າງ-ບຳລຸງ​ນັກ​ກົດໝາຍ ​ແລະ ພະນັກງານ​ຍຸຕິ​ທຳ ​ໃຫ້​ໄດ້​ທັງ​ປະລິມານ ​ແລະ ຄຸນ​ນະພາ​ບ ​ເພື່ອ​ໃຫ້​ສົມ​ຄູ່ກັບໜ້າ​ທີ່ການ​ເມືອງ​ໃນ​ໄລຍະ​ໃໝ່.​ເພີ່ມ​ທະວີ​ການ​ໂຄສະນາ, ສຶກສາ​ອົມ​ຮົມ​ກົດໝາຍ, ສ້າ​ງສະຕິ​ເຄົາລົບ ​ແລະ ປະຕິ​ບັດ​ກົດໝາຍ​ຢ່າງ​ກ້ວາງ​ຂວາງ. ​ເຜີຍ​ແຜ່​ກົດໝາຍ​ຢູ່ຮາກຖານບ້ານໃຫ້​ໄດ້​ປະມານ 43ບ້ານ ເທົ່າກັບ 115 ຄັ້ງ ຊື່ງມີຜູ້ເຂົ້າຮ່ວມ 5.820 ຄົນ, ຍິງ 3.035 ຄົນ; ສູ້​ຊົນ​ສ້າງບ້ານ​ປອດ​ຄະດີ​ໃຫ້​ໄດ້ 16 ບ້ານ ​ແລະ ຄອບຄົວປອດ​ຄະດີ​ໃຫ້​ໄດ້ 2.593 ຄອບຄົວ ຂຶ້ນ​ໄປ; ບຳລຸງ​ກ່ຽວ​ກັບສິດ, ໜ້າ​ທີ່ ​ແລະ ວິທີ​ແກ້​ໄຂ​ຂໍ້​ຂັດ​ແຍ່ງ​ ​ຂັ້ນບ້ານໃຫ້​ໄດ້​ 25 ໜ່ວຍຜູ້ເຂົ້າຮ່ວມ 483 ຄົນ, ຍິງ 230 ຄົນ, ສ້າງ​ວິຊາການ​ກົດໝາຍ​ຊັ້ນ​ຕົ້ນຂອງ​ບ້ານ​ໃຫ້​ໄດ້ 50 ຄົນ, ຍິງ 20 ຄົນ.

  • ວຽກງານຍຸຕິທຳ:

ສືບຕໍ່ຈັດຕັ້ງປະຕິບັດໂຄງການ-ການຮ່ວມມື, ທີ່ໄດ້ຕົກລົງຮ່ວມກັນ ລະຫວ່າງ ເມືອງ ລະມາມ ແລະ ນະຄອນຕາມກີ ສສ ຫວຽດນາມ ສຸມໃສ່ຈັດຕັ້ງປະຕິບັດ ບັນດາໂຄງການຮ່ວມມື​ ໃນການພັດທະນາ ດ້ານຊັບພະຍາກອນມະນຸູດ, ພັດທະນາຕົວເມືອງ ແລະ ການພັດທະນາດ້ານກະສິກຳ ເປັນຕົ້ນແມ່ນການປູກຝັງ-ລ້ຽງສັດ.

ຜູ້ເຂົ້າຊົມ ເວັບໄຊ

ມື້ນີ້ມື້ນີ້54
ວານນີ້ວານນີ້70
ທິດນີ້ທິດນີ້36
ເດືອນນີ້ເດືອນນີ້1346
ທັງໝົດທັງໝົດ75414