ວັນອັງຄານ, 11 ທັນວາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ທ່າແຕງ ເປີດກອງປະຊຸມສະຫຼຸບວຽກງານປ້ອງກັນຄວາມສະຫງົບປະຈໍາປີ 2016

   ກອງປະຊຸມສະຫຼຸບວຽກງານ ກອງບັນຊາການປ້ອງກັນຄວາມສະຫງົບ ເມືອງທ່າແຕງ ໄຂຂື້ນ ແລະ ອັດລົງໃນວັນທີ 28 ມີນາຜ່ານມານີ້ ຢູ່ທີ່ສະໂມສອນເມືອງທ່າແຕງ ແຂວງເຊກອງ ໂດຍເປັນກຽດເຂົ້າຮ່ວມຂອງທ່ານ ຄໍຳສອນ ກອນເຍີ ກໍາມະການພັກແຂວງ ເລຂາພັກເມືອງ ເຈົ້າເມືອງ-ເມືອງ ທ່າແຕງ ປະທານຊີ້ນໍາ ສອງກໍາລັງປະກອບອາວຸດ, ມີຄະນະພັກ-ຄະນະບັນຊາກອງບັນຊາການ ຂັ້ນເມືອງ, ຂັ້ນແຂວງ, ຫົວໜ້າ-ຮອງຫ້ອງການ ປກສ , ນາຍ ແລະ ຜົນທະຫານ, ນາຍ ແລະ ຜົນຕໍາຫຼວດບໍລິການປະຊາຊົນ, ພ້ອມດ້ວຍແຂກຖືກເຊີນເຂົ້າຮ່ວມ ຢ່າງພ້ອມພຽງ.
  ທ່ານ ພັທ ຄໍາໄຫຼ ມິ່ງສະຫງ່າ ຮອງຫົວໜ້າກອງບັນຊາການ ປ້ອງກັນຄວາມສະຫງົບເມືອງ ທ່າແຕງກ່າວວ່າ: ໃນໄລຍະ 1 ປີຜ່ານມາ ຄະນະພັກ-ຄະນະກອງບັນຊາການ ປ້ອງກັນຄວາມສະຫງົບ ໄດ້ປະຕິບັດແນວທາງ ປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ, ປຸກລະດົມກໍາລັງແຮງຂອງປະຊາຊົນ ປະຕິບັດ 2 ໜ້າທີ່ຍຸດທະສາດ, ປົກປັກຮັກສາ ແລະ ພັດທະນາ, ເສດຖະກິດ-ສັງຄົມ ແລະ ການປະຕິບັດມະຕິ ກອງປະຊຸມໃຫຍ່ຄັ້ງທີ X ຂອງພັກ, ກອງປະຊຸມໃຫຍ່ຄັ້ງທີ V ຂອງອົງຄະນະພັກເມືອງ, ປະຕິບັດຕາມ 4 ເນື້ອໃນ 4 ແຜນງານ 33 ໂຄງການ ທີ່ກະຊວງປ້ອງກັນຄວາມສະຫງົບວາງອອກ ໂດຍຕິດພັນກັບ ວິຊາສະເພາະທີ່ມີ ເຊິ່ງສາມາດຍາດເອົາ ຜົນສໍາເລັດຫຼາຍດ້ານເຊັ່ນ: ການເຜີຍແຜ່ເອກະສານ ຜົນຮ້າຍຂອງຢາເສບຕິດ ຢູ່ ຮາກຖານບ້ານ, ໂຮງຮຽນມີ 4 ຄັ້ງ, ມີອຸປະຕິເຫດເກີດຂື້ນ 51 ເລື່ອງ, ແກ້ໄຂສໍາເລັດມີ 48 ເລື່ອງ, ມີຄົນບາດເຈັບ 99 ຄົນ, ເສຍຊີວິດມີ 2 ຄົນ, ພາຫະນະເປ້ເພ 91 ຄັນ, ລວມມູນຄ່າເສຍຫາຍ 2 ຮ້ອຍ 60 ລ້ານກວ່າກີບ, ຄະດີອຸປະຕິເຫດສົ່ງໃຫ້ແຂວງມີ 1 ເລື່ອງ, ຍັງຄ້າງ 2 ເລື່ອງພວມດໍາເນີນ, ມີອັກຄີໄພເກີດຂື້ນ 2 ຄັ້ງ,ມີ 2 ບ້ານ,ມີ 3 ຫຼັງຄາເຮືອນ, ລວມມູນຄ່າເສຍຫາຍ 68 ລ້ານກວ່າກີບ, ທຽບໃສ່ປີ 2015 ເພີ່ມຂື້ນ 17 ເລື່ອງ, ເທົ່າກັບ 50%, ມີຄະດີເກີດຂື້ນທັງໝົດ 56 ເລື່ອງ, ລວມມູນຄ່າເສຍຫາຍ 3 ຮ້ອຍ 50 ກວ່າລ້ານກີບ, ກັກຕົວຜູ້ຕ້ອງຫາໄດ້ 79 ຄົນ,ຍິງ 3 ຄົນ, ໃນນີ້ ຄະດີລັກຊັບພົນລະເມືອງມີ 23 ເລື່ອງ, ມີຜູ້ຕ້ອງຫາ 37 ຄົນ,ສໍ້ໂກງຊັບມີ 2 ເລື່ອງ, ມີຜູ້ຕ້ອງຫາ 1 ຄົນ,ທໍາຮ້າຍຮ່າງກາຍມີ 2 ເລື່ອງ,ຕ້ອງຫາ 2 ຄົນ, ທໍາມິດສາຈານມີ 4 ເລື່ອງ, ຕ້ອງຫາມີ 6 ຄົນ,ຍິງ 2 ຄົນ, ນັກເລງອັນຕະພານມີ 10 ເລື່ອງ, ຕ້ອງຫາ 12 ຄົນ, ຊີງຊັບພົນລະເມືອງມີ 1 ເລື່ອງ, ຕ້ອງຫາມີ 1 ຄົນ, ມົ້ວສຸມເສບຢາເສບຕິດມີ 5 ເລື່ອງ,ຕ້ອງຫາ 9 ຄົນ, ມີອາວຸດປືນສັ້ນໄວ້ຄອບຄອງ 1 ເລື່ອງ,ຕ້ອງຫາ 1 ຄົນ,ຄ້າຂາຍຢາເສບຕິດ 5 ເລື່ອງ, ຕ້ອງຫາ 7 ຄົນ,ຍິງ 1 ຄົນ, ຍຶດຂອງກາງປະເພດຢາບ້າໄດ້ 462 ເມັດ, ພະຍາຍາມຄາດຕະກໍາ 1 ເລື່ອງ, ຕ້ອງຫາ 1 ຄົນ, ຮັບຊື້ຊັບທີ່ຜິດກົດໝາຍ 2 ເລື່ອງ, ຕ້ອງຫາ 2 ຄົນ,ແກ້ໄຂສໍາເລັດມີ 36 ເລື່ອງ, ຕ້ອງຫາມີ 54 ຄົນ,ຍິງ 2 ຄົນ,ໃນນີ້ ເກັບກູ້ສົ່ງເຈົ້າຂອງຊັບເດີມເປັນເງິນ 2 ຮ້ອຍ 90 ກວ່າລ້ານກີບ,ມີພາຫະນະລົດຈັກ 17 ຄັນ,ຄະດີສົ່ງໃຫ້ແຂວງດໍາເນີນຕໍ່ມີ 15 ເລື່ອງ, ຕ້ອງຫາ 20 ຄົນ,ຍິງ 1 ຄົນ, ມີຄະດີຄ້າຂາຍຢາເສບຕິດ 4 ເລື່ອງ, ຕ້ອງຫາ 6 ຄົນ,ຍິງ 1 ຄົນ,ຂອງກາງຢາບ້າມີ 418 ເມັດ, ຄະດີສົ່ງໃຫ້ ປກສ ເມືອງ ປາກຊ່ອງ ແຂວງ ຈໍາປາສັກດໍາເນີນມີ 1 ເລື່ອງ,ຕ້ອງຫາ 1 ຄົນ,ຄະດີຍັງຄົງຄ້າງຊັດມ້ຽນມີ 4 ເລື່ອງຄື: ຄະດີຄ້າຂາຍຢາເສບຕິດ 1 ເລື່ອງ,ຕ້ອງຫາ 1 ຄົນ,ຂອງກາງຢາບ້າມີ 44 ເມັດ,ສໍ້ໂກງຊັບ 1 ເລື່ອງ,ເຄື່ອງຂອງກາງລົດໄຖແທັກເຕີຄູ່ບູຕາ 1 ຄັນ,ທໍາຮ້າຍຮ່າງກາຍ 1 ເລື່ອງ,ຕ້ອງຫາ 1 ຄົນ,ມົ້ວສຸມຢາເສບຕິດມີ 1 ເລື່ອງ, ຕ້ອງຫາ 2 ຄົນ ກໍາລັງສືບສວນສອບສວນ, ຖ້າທຽບໃສ່ປີ 2015 ເພີ່ມຂື້ນ 4 ເລື່ອງ, ເທົ່າກັບ 7,69%, ອັນພົ້ນເດັ່ນ ໃນຕົ້ນເດືອນ ມັງກອນ ຫາ ເດືອນ ມີນາ 2017 ນີ້ ມີຄະດີເກີດຂື້ນໃໝ່ຄື: ຄະດີຄ້າຂາຍຢາເສບຕິດມີ 3 ເລື່ອງ, ຕ້ອງຫາ 8 ຄົນ, ເຄື່ອງຂອງກາງຢາບ້າມີ 1.963 ເມັດ,ເປັນເງິນສົດ 3 ລ້ານກວ່າກີບ, ໂທລະສັບ 7 ໜ່ວຍ, ມົ້ວສຸມຢາເສບຕິດ 3 ເລື່ອງ,ຕ້ອງຫາ 7 ຄົນ,ຂອງກາງຢາບ້າມີ 9 ເມັດ, ຄະດີຮັບຊື້ຊັບຜິດກົດໝາຍມີ 1 ເລື່ອງ,ຕ້ອງຫາ 1 ຄົນເປັນຍິງ,ລັກຊັບພົນລະເມືອງ 2 ເລື່ອງ,ຕ້ອງຫາ 3 ຄົນ,ຄະດີມີປືນແກັບໄວ້ຄອບຄອງ 1 ເລື່ອງ,ຕ້ອງຫາ 1 ຄົນ,ສົ່ງໃຫ້ແຂວງດໍາເນີນມີ 2 ເລື່ອງ,ຍັງຄ້າງ 1 ເລື່ອງ ພວມດໍາເນີນຄະດີ. ຈາກຜົນງານດັ່ງກ່າວ ຈິ່ງເຮັດໃຫ້ພະນັກງານ-ນັກຮົບໃນກົມກອງ ສາມາດຍາດໄດ້ຜົນງານດີເດັ່ນ ຈົນສາມດເລື່ອນຊັ້ນ ພັຕ ຂື້ນ ພັທ ມີ 1 ສະຫາຍ, ເລື່ອນຊັ້ນ ຮອ ຂື້ນ ພັຕ ມີ 1 ສະຫາຍ, ເລື່ອນຊັ້ນ ຮທ ຂື້ນ ຮອ ມີ 9 ສະຫາຍ,ຍິງ 1 ສະຫາຍ,ເລື່ອນຊັ້ນ ວທ ຂື້ນ ຮຕ ມີ 17 ສະຫາຍ,ຍິງ 1 ສະຫາຍ, ເລື່ອນຊັ້ນ ສອ ຂື້ນ ວທ ມີ 10 ສະຫາຍ, ຍິງ 1 ສະຫາຍ,ເລື່ອນຊັ້ນ ສທ ຂື້ນ ສອ ມີ 17 ສະຫາຍ,ຍິງ 1 ສະຫາຍ,ເລື່ອນຊັ້ນ ສຕ ຂື້ນ ສທ ມີ 2 ສະຫາຍ,ເລື່ອນຊັ້ນ I ຂື້ນ ສຕ ມີ 7 ສະຫາຍ,ຍິງ 1 ສະຫາຍ.
   ໂອກາດນີ້ ທ່ານ ຄໍຳສອນ ກອນເຍີ ກໍາມະການພັກແຂວງ ເລຂາພັກເມືອງ ເຈົ້າເມືອງ-ເມືອງ ທ່າແຕງ ປະທານຊີ້ນໍາ ສອງກໍາລັງປະກອບອາວຸດ ໄດ້ໃຫ້ກຽດໂອ້ລົມ ກ່ອນອື່ນ ທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ບັນດາຜົນງານ ແລະ ໄຊຊະນະທີ່ຄະນະພັກ-ຄະນະກອງບັນຊາການ ຕະຫຼອດຮອດ ພະນັກງານນັກຮົບໃນກົມກອງ ຍາດມາໄດ້ ໃນໄລຍະຜ່ານມາ ແລະ ເພື່ອເປັນເຂັມຊີ້ທິດເຍືອງທາງ ສືບຕໍ່ຈັດຕັ້ງປະຕິບັດວຽກງານ ວິຊາສະເພາະຕໍ່ໜ້າ ໃຫ້ມັນໃຫຍ່ຫຼວງ ກວ່າເກົ່ານັ້ນ ຕ້ອງໄດ້ເອົາໃຈໃສ່ ປັບປຸງແກ້ໄຂຄື: ບັນຫາຢາເສບຕິດ, ຂີ້ລັກງັດແງະ, ອຸປະຕິເຫດ, ສາດສະໜາ, ການຄຸ້ມຄອງຄົນເຂົ້າ-ອອກ, ຍົກສູງຄຸນນະພາບ ການປະຕິບັດໜ້າທີ່ ຂອດການປະສານງານ ເພີ່ມທະວີການຊີ້ນໍາໆພາ ປະຕິບັດ 13 ໜ້າທີ່ຍຸດທະສາດ 4 ແຜນງານ 33 ໂຄງການ ຂອງກະຊວງປ້ອງກັນຄວາມສະຫງົບ ວາງອອກ ຢ່າງຕັ້ງໜ້າ. ທັງນີ້ ເພື່ອເປັນການຮັບປະກັນ ໃຫ້ງານສະເຫຼີມສະຫຼອງ ເມືອງທ່າແຕງ ຄົບຮອບ 25 ປີໃນປີ 2018 ໃຫ້ໄດ້ ໂດຍພື້ນຖານ.

                                                ຂ່າວພາບ: ພອນ ບຸນອຸທິດ ນັກຂ່າວ ເມືອງ ທ່າແຕງ ແຂວງ ເຊກອງ.

ທ່າແຕງ ສະຫຼຸບຕີລາຄາ ແລະ ຜັນຂະຫຍາຍວຽກງານ 3 ສ້າງເຂົ້າສູ່ລວງເລິກ

    ໃນຕອນບ່າຍຂອງວັນທີ 23 ກຸມພາ 2017 ນີ້,ຢູ່ທີ່ ສະໂມສອນໃຫ່ຍ ເມືອງ ທ່າແຕງ ແຂວງ ເຊກອງ ໄດ້ຈັດກອງປະຊຸມ ສະຫຼຸບຕີລາຄາ ວຽກງານກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານ ກໍ່ຄືການສ້າງບ້ານພັດທະນາ ຕາມ 4 ເນື້ອໃນ 4 ຄາດໝາຍ ຕິດພັນກັບການຂະຫຍາຍ ວຽກງານ 3 ສ້າງເຂົ້າສູ່ລວງເລິກ ໃຫ້ເປັນຂະບວນແຂງແຮງ ກວ່າເກົ່າ, ບັນລຸຕາມຄາດໝາຍທີ່ວາງໄວ້ ແລະ ແລະ ຍອ້ງຍໍຂະບວນການແຂ່ງຂັນຮັກຊາດ ພັດທະນາ ໂດຍພາຍໃຕ້ການເປັນປະທານ ຂອງທ່ານ ຄຳສອນ ກອນເຍີ ກຳມະການພັກແຂວງ ເລຂາພັກເມືອງ ເຈົ້າເມືອງ ໆ ທ່າແຕງ, ໂດຍການໃຫ້ກຽດເຂົ້າຮວ່ມຂອງທ່ານ ຖາວອນ ພົມມະໄລລຸນ ຄະນະປະຈຳພັກແຂວງ ຮອງເຈົ້າແຂວງ ເຊກອງ ຜູ້ຊີ້ນຳ 3 ສ້າງເມືອງທ່າແຕງ, ມີທ່ານ ແກດ ດາລາແພງ ຄະນະກຳມະທິການເສດຖະກິດ ສະພາປະຊາຊົນແຂວງ ເຊກອງ, ມີຄະນະປະຈຳພັກ - ກໍາມະການພັກ, ຫົວໜ້າຫອ້ງການ, ເຂດຈຸດສຸມພັດທະນາ, ນາຍບ້ານ 47 ບ້ານ ແລະ ຜູ້ປະກອບການດີເດັ່ນເຂົ້າຮວ່ມ.
    ທ່ານ ສົມເພັດ ເອີດລັດດາ ຮອງເຈົ້າເມືອງໆ ທ່າແຕງ ກ່າວວ່າ : ເມືອງ ທ່າແຕງເປັນເມືອງທົດລອງ ສາມສ້າງ 2 ບ້ານ ຄື: ບ້ານ ຈຸນລາ ແລະ ບ້ານ ກະປື, ເລີ່ມແຕ່ປີ 2012 ມາຮອດປັດຈຸບັນ ໄດ້ຮັບຜົນ ສຳເລັດຫລາຍດ້ານ ໂດຍສະເພາະ ການເຜີຍແຜ່ ເຊື່ອມຊຶມ ມະຕິ 03 ຂອງສູນກາງພັກ, ຄຳສັ່ງແນະນຳເລກທີ 08/ນຍ ຂອງນາຍົກລັດຖະມົນຕີວ່າດວ້ຍ ລະບົບກົງຈັກການປົກຄອງ, ການປັບປຸງກົງຈັກການຈັດຕັ້ງ ຂັ້ນນບ້ານ, ການກໍ່ສ້າງພື້ນຖານໂຄງລ່າງ ແລະ ການຍົກລະດັບ ຊີວິດການເປັນຢູ່ຂອງປະຊາຊົນ ດ້ວຍການປູກ-ການລ້ຽງ ແບບເປັນກຸ່ມ. ອັນທີ່ສຳຄັນໃນການທົດລອງ 3 ສ້າງ ຢູ່ 2 ບ້ານດັ່ງກ່າວ ແມ່ນໄດ້ມອບສິດໃຫ້ບ້ານຂາດຕົວ ໃນການເກັບລາຍຮັບ ແລະ ການໃຫ້ບຳເນັດບ້ານ, ໃນນັ້ນ ໃຫ້ບ້ານ 40 ສວນຮ້ອຍ,ສວນ 60 ສວນຮ້ອຍ ມອບເຂົ້າງົບປະມານຂອງລັດ, ນອກຈາກ 2 ບ້ານນີ້ແລ້ວ ເມືອງທ່າແຕງຂອງພວກເຮົາ ຍັງມີບ້ານດອນຊາ, ກັນດອນໃໝ່ ແລະ ບ້ານ ຫວ້ຍຊາຍ ກໍ່ປະກົດມີໃບໜ້າໃໝ່ ໃນການພັດທະນາ ເປັນຕົວເມຶອງນອ້ຍ ໃນຊົນນະບົດໃຫ້ໄດ້ໃນປີ 2020, ພາຍຫຼັງທີ່ໄດ້ຮັບຟັງການລາຍງານ ໂດຍຫໍ້ຍກ່ຽວກັບ ຜົນງານ ແລະ ຜົນສຳເລັດ ຂອງການຈັດຕັ້ງປະຕິບັດວຽກງານ 3 ສ້າງຈາກຄະນະຊີ້ນຳ 3 ສ້າງ ຂັ້ນເມືອງແລ້ວ, ທ່ານ ຖາວອນ ພົມມະໄລລຸນ ຄະນະປະຈຳພັກແຂວງ ຮອງເຈົ້າແຂວງ ຜູ້ຊີ້ນຳເມືອງ ທ່າແຕງ ໄດ້ເນັ້ນໃຫ້ພະນັກງານ 3 ສ້າງຂອງເມືອງ ຕ້ອງໄດ້ເອົາໃຈໃສ່ ບາງບັນຫາໂດຍສະເພາະ ວຽກງານການເມືອງແນວຄິດ ,ການກຳນົດໂຄງການພັດທະນາບ້ານໃຫ້ລະອຽດ ຈະແຈ້ງ, ໂດຍອີງໃສ່ທ່າແຮງບົ່ມຊ້ອນທີ່ມີຢູ່ ທອ້ງຖິ່ນຂອງຕົນ, ເພື່ອຊຸກຍູ້ວຽກງານ ກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານ ກໍ່ຄືການສ້າງບ້ານພັດທະນາ ຕາມ 4 ເນື້ອໃນ 4 ຄາດໝາຍ ຕິດພັນກັບການຂະຫຍາຍວຽກງານ 3 ສ້າງເຂົ້າສູ່ລວງເລິກ ໃຫ້ເປັນຂະບວນແຂງແຮງ ກວ່າເກົ່າ ແລະ ບັນລຸຕາມລະດັບຄາດໝາຍ ທີ່ວາງໄວ້ ຄືຄາດໝາຍ ສູ້ຊົນແກ້ໄຂຄວາມທຸກຍາກ ຂອງປະຊາຊົນບັນດາເຜົ່າ ແລະ ບັນດາເປົ້າໝາຍສະຫັດສະວັດ ໃນປີ 2020 ໃຫ້ປະກົດຜົນເປັນຈິງ. ຄະນະດຽວກັນຍັງໄດ້ມອບ ຫຼຽນໄຊແຮງງານ ຊັ້ນ 2, ຫຼຽນກາແຮງງານ ແລະ ໃບຍອ້ງຍໍ ປະເພດຕ່າງໆ ໃຫ້ບຸກຄົນ ນິຕິບຸກຄົນ ແລະ ຜູ້ປະກອບການດີເດັ່ນ, ໃຫ້ກຽດມອບແມ່ນ ທ່ານ ຄຳສອນ ກອນເຍີ ກຳມະການພັກແຂວງ ເລຂາພັກເມືອງ ເຈົ້າເມືອງໆ ທ່າແຕງ.
                                                     ຂ່າວ : ພອນເພັດ ຄໍາວິທອນ

ທ່າແຕງ ເນັ້ນ 5 ບັນຫາ ສົ່ງເສີມປະຊາຊົນຜະລິດເປັນສິນຄ້າ

ທ່າ​ແຕງ ​ເນັ້ນ​ 5 ບັນຫາ ສົ່ງ​ເສີມ​ປະຊາຊົນ​ຜະລິດ​​ເປັນສິນຄ້າ

ເນື່ອງ​ຈາກທ່າ​ແຕງ  ​ເປັນ​ເມືອງ​ທີ່​ມີ​ທ່າ​ແຮງຫຼາຍດ້ານ​ ເປັນ​ຕົ້ນ​ແມ່ນການ​ຜະລິດ​ກະສິກຳ ສະ​ນັ້ນ ​ເພື່ອ​ເຮັດ​ໃຫ້ການ​ຜະລິດ​ກາຍ​ເປັນ​ສິນຄ້າ ​ແລະ ມີ​ຈຸດ​ສຸມ​ຕອບ​ສະໜອງ​ຕາມ​ຄວາມ​ຕ້ອງການ​ຂອງ​ຕະຫຼາດ, ການ​ນຳ​ຂອງເມືອງ​ລະບຸຕ້ອງ​​ເອົາ​ໃຈໃສ່ 5 ບັນຫາ​ສຳຄັນ ​ເພື່ອ​ສົ່ງ​ເສີມ​ປະຊາຊົນ​ຜະລິດ​ເປັນ​ສິນຄ້າ​ໃຫ້ຫຼາຍຂຶ້ນ.

          ທ່ານ ຄຳ​ສອນ ກອນ​ເຍີ ​ເຈົ້າ​ເມືອງໆ​ທ່າ​ແຕງ​ໃຫ້​ຮູ້​ວ່າ: ທ່າ​ແຕງ​ແມ່ນ ​1 ​ໃນ 4 ​ເມືອງ​ຂອງ​ແຂວງ​ເຊ​ກອງ, ມີ​ທີ່​ຕັ້ງ​ຢູ່​ເຂດ​ພູ​ພຽງ​ບໍລິ​ເວນ​ ປະ​ກອບ​ມີ 47 ບ້ານ 7.844 ຄອບຄົວ ​ແລະ ມີພົນລະ​ເມືອງ 37 ພັນ​ກວ່າ​ຄົນ, ປະຊາກອນ​ພາຍ​ໃນ​ເມືອງກວ່າ 80% ມີ​ອາຊີບ​ປູກຝັງ-ລ້ຽງສັດ​ເປັນ​ສິນຄ້າ. ທັງ​ນີ້ ກໍ​ເນື່ອງ​ຈາກ​​ເປັນ​ເມືອງ​​ອຸດົມສົມບູນດິນ​ດຳ​ນ້ຳ​ຊຸມ      ເໝາະ​ສົມ​ໃຫ້​ແກ່​ການ​ຜະລິດ​ ​ໂດຍໃນ​ປີ 2014 ທົ່ວ​ເມືອງມີ​ບ້ານ​ທຸກ​ຍາກ 3 ບ້ານກັບ 444 ຄອບຄົວ ​ແລະ ປັດຈຸບັນ​ສາມາດ​ລົບ​ລ້າງ​ບ້ານ​ທຸກ​ຍາກ​ໄດ້ 100%.

          ​ແນວ​ໃດ​ກໍ​ດີ ​ເພື່ອ​ໃຫ້​ປະຊາຊົນ​ພາຍ​ໃນ​ເມື​ອງມີ​ລາຍ​ຮັບ​ເພີ່ມ​ຂື້ນ​ເລື້ອຍໆ, ມີ​ຊີວິດ​ທີ່​ດີ​ຂຶ້ນກວ່າ​ເກົ່າ ​ແລະ ​ເຮັດ​ໃຫ້ການ​ຜະລິດຂອງ​ປະຊາຊົນ ​ມີ​ຂະ​ບວນການ​ຟົດ​ຟື້ນ​ກວ່າ​ເກົ່າ ​ໂດຍ​ໃນ​ປີ 2017 ​ທາງເມືອງ​ຈະ​​ເນັ້ນ 5 ບັນຫາ​ໃຫຍ່​ຕົ້ນຕໍ​ທີ່​ເປັນ​ບູລິ​ມະ​ສິດ ຕໍ່​ກັບ​ການ​ຜະລິດ​ເປັນ​ສິນຄ້າ​ຄື: ອັນ​ທຳ​ອິດ​ແມ່ນ​ ສືບ​ຕໍ່ຊຸກຍູ້-​ສົ່ງ​ເສີມ​ປະຊາຊົນ​ຜະລິດ​ເປັນ​ສິນຄ້າ, ສົ່ງ​ເສີມ​ການ​ປູກ​ພືດ ​ທີ່​ມີ​ຕະຫຼາດຮອງ​ຮັບ ​ເພື່ອ​ເຮັດ​ໃຫ້​ຄອບຄົວ​ມີ​ລາຍ​ຮັບ ​ກາຍ​ເປັນ​ຄອບຄົວ​ກຸ້ມ​ກິນ ​ແລະ ຮັ່ງມີ​ຂຶ້ນ, ສອງ: ​ແມ່ນຊ່ວຍ​​ເຫຼືອປະຊາຊົນ​ ຜູ້​ທີ່​ບໍ່​ມີ​ໂອກາດ​ໃຫ້​ເຂົາ​ເຈົ້າ​ເຂົ້າ​ເຖິງ​ແຫຼ່ງທຶນ, ການ​ກູ້​ຢືມ​ເງິນ​ຈາກທະນາຄານ ​ນຳ​ໃຊ້​ເຂົ້າ​ໃນ​ການ​ຜະລິດ ​ຄື​ກັບ​ຄອບຄົວ​ອື່ນ ​ທີ່​ພໍ​ຢູ່​ພໍ​ກິນ ​ແລະ ຮັ່ງມີ​ແລ້ວ. ພ້ອມ​ນັ້ນ ​ແມ່ນ​ຈະ​ໄດ້​ຊ່ວຍ​​ແນະ​ນໍາ​ ການ​ນຳ​ໃຊ້​ເຕັກນິກ​ວິຊາ​ການ ​ເຂົ້າ​ຊ່ວຍ​ໃນ​ການ​ຜະລິດ, ​ເນື່ອງ​ຈາກ​ວ່າປະຊາຊົນ​ຜະລິດ ​ໄປ​ຕາມ​ຄວາມ​ຊີ້ນ​ເຄີຍ ​ໂດຍ​ບໍ່​ມີ​ເຕັກນິກ​ວິຊາ​ການ​ເຂົ້າ​ຊ່ວຍ​ ຜົນ​ໄດ້​ຮັບ​ ບໍ່​ໄດ້​ດີ​ຕາມ​ຄວາມ​ຕ້ອງການ​ຂອງ​ຕະຫຼາດ.

ອັນຕໍ່​ມາ​ແມ່ນ​ ຈະ​ໄດ້​ປັບປຸງ ​ແລະ ຈັດ​ສັນ​​ເຂດ​ການ​ຜະລິດ​ ໃຫ້​ເໝາະ​ສົມ​ກັບ​ທ່າ​ແຮງ ​ແລະ ​ເງື່ອນ​ໄຂ​ຕົວ​ຈິງ​ຂອງ​ແຕ່​ລະ​ບ້ານ, ​ແຕ່​ລະ​ຄອບຄົວ ​ເປັນ​ຕົ້ນ​ແມ່ນ​ ການ​ກຳນົດ​ເນື້ອ​ທີ່ ທີ່​ຄວນ​ປູກ​ພືດ​ໃນ​ແຕ່​ລະ​ຕະກຸນ ບ່ອນ​ໃດ​ເໝາະ​ສົມປູກກາ​ເຟ, ໝາກ​ແໜ່​ງ, ສາລີ, ​ເຜືອກ​ມັນ ​ແລະ ພືດອື່ນໆ​ ໃຫ້​ເໝາະ​ສົມ ໂດຍ​ບໍ່​ສັບສົນ​ຄື​ໃນ​ເມື່ອ​ກ່ອນ, ສີ່: ​ແມ່ນ​ຈັດ​ຫາ​ວຽກ​ເຮັດ​ງານ​ທຳ​ໃຫ້​ປະຊາຊົນ, ຄອບຄົວ​ທີ່​ບໍ່​ມີ​ເນື້ອ​ທີ່ ທຳ​ການ​ຜະລິດ ຊຶ່ງ​ຈະ​ໄດ້​ໃຫ້​ເຂົາ​ເຈົ້າ​​ເຂົ້າ​ເຮັດ​ວຽກ​ນຳ​ບັນດາ​ໂຄງການ​ຕ່າງໆ.

ບັນຫາ​ສຸດ​ທ້າຍ​, ທ່ານ​ເຈົ້າ​ເມືອງ​ທ່າ​ແຕງ ກ່າວ​ວ່າ: ​ພະຍາຍາມ​ດຶງ​ດູດ​ເອົາ​ການ​ລົງທຶນ​ຈາກ​ພາກສ່ວນ​ຕ່າງໆ​ ທົ່ວ​ສັງຄົມ ໃຫ້​ເຂົ້າ​ມາ​ລົງທຶນ​ພາຍ​ໃນ​ເມືອງ​ທ່າ​ແຕງ​ໃຫ້ຫຼາຍຂຶ້ນ​ ເປັນ​ຕົ້ນ​ ແມ່ນ​​ໂຄງການ​ຂະໜາດ​ໃຫຍ່, ຂະໜາດ​ກາງທີ່​ບໍ່​ແມ່ນ​ໂຄງການ​ທີ່​ຕິດ​ພັນ​ກັບ​ທີ່​ດິນ ​ໂດຍ​ຈະ​ເປັນ​ໂຄງການ​ທີ່​ພົວພັນ​ກັບ​ທ່າ​ແຮງ​ຂອງ​ເມືອງ​ຄື: ​ໂຮງງານ​ປຸງ​ແຕ່ ​ແລະ ໂຄງການ​ແປ​ຮູບ​ເຫຼົ່ານີ້​ເປັນ​ຕົ້ນ.

( ຂ່າວ : ສັນຍາ ​ແກ້ວ​ໄຊ​ຍະ​ວົງ )

ຜູ້ເຂົ້າຊົມ ເວັບໄຊ

ມື້ນີ້ມື້ນີ້82
ວານນີ້ວານນີ້85
ທິດນີ້ທິດນີ້160
ເດືອນນີ້ເດືອນນີ້724
ທັງໝົດທັງໝົດ83681