ວັນອັງຄານ, 11 ທັນວາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ໜ່ວຍພັກ ຖວທ ຮັບໃບຢັ້ງຢືນໜ່ວຍພັກແຂງ-ຮູ້ນຳພາຮອບດ້ານສະໄໝທີ IV

 

    ໜ່ວຍພັກຮາກຖານ ພະແນກ ຖວທ ແຂວງເຊກອງ ແມ່ນຮາກຖານພັກໜື່ງ ທີ່ມີຄວາມເຂັ້ມແຂງ ເຊິ່ງປະຈຸບັນ ໄດ້ແບ່ງອອກເປັນ 3 ໜ່ວຍພັກທີ່ຂຶ້ນກັບຄື: ໜ່ວຍພັກ ເສນາທິການ-ບໍລິຫານ; ໜ່ວຍພັກ ຖະແຫຼງຂ່າວ-ສື່ມວນຊົນ ແລະ ໜ່ວຍພັກ ວັດທະນະທໍາ ແລະ ທ່ອງທ່ຽວ, ໂດຍໃນວັນທີ 18 ພຶດສະພາ 2017 ນີ້ ໄດ້ຈັດພິທີຮັບໃບຢັ້ງຢືນ ໜ່ວຍພັກເຂັ້ມແຂງ-ຮູ້ນຳພາຮອບດ້ານ ສະໄຫມທີ IV, ຂະນະທີ່ໜ່ວຍພັກ ວັດທະນະທໍາ ແລະ ທ່ອງທ່ອງ ທີ່ຂື້ນ ກັບ ຄະນະພັກຮາກຖານ ພະແນກ ຖວທ ແຂວງ ຮັບໃບຢັ້ງຢືນ ໜ່ວຍພັກເຂັ້ມແຂງ-ຮູ້ນໍາພາຮອບດ້ານ ເປັນສະໄໝທໍາອິດ, ພິທີໄດ້ຈັດຂື້ນ ຢູ່ທີ່ຫ້ອງປະຊຸມພະແນກດັ່ງກ່າວ ໂດຍການເປັນ ປະທານຂອງສະຫາຍ ຖາວອນ ພົມມະໄລລຸນ ກໍາມະການປະຈຳພັກແຂວງ, ຮອງເຈົ້າແຂວງ, ມີຄະນະພັກຮາກຖານ, ຄະນະໜ່ວຍພັກ, ສະມາຊິກພັກສົມບູນ, ສຳຮອງ ແລະ ແຂກຖືກເຊີນຈາກໜ່ວຍພັກ ຂົງເຂດວັດທະນະທຳ-ສັງຄົມ ຈຳນວນໜຶ່ງເຂົ້າຮ່ວມ.
   ສະຫາຍ ບຸນທົງ ຖິ່ນດອນໂຂງ ຮອງເລຂາຄະນະພັກ ຮາກຖານພະແນກ ຖວທ ແຂວງເຊກອງໄດ້ສະຫຼຸບ ຕີລາຄາຄືນຜົນງານການຈັດຕັ້ງປະຕິບັດການ ກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານປີ 2016 ໃຫ້ຮູ້ວ່າ: ໜ່ວຍພັກພະແນກ ຖວທ ແຂວງກອງ, ມີສະມາຊິກພັກທັງໝົດ 45 ສະຫາຍ, ຍິງ 15 ສະຫາຍ, ໃນນີ້ສະມາຊິກພັກສຳຮອງ 10 ສະຫາຍ ,ຍິງ 5 ສະຫາຍ ໃນໄລຍະ ຜ່ານມາຄະນະໜ່ວຍພັກ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກງານ ດ້ວຍການເຂົ້າຮ່ວມເຊື່ອມຊຶມແນວທາງ ນະໂຍບາຍຂອງພັກ, ກົດໝາຍຂອງລັດ ຢ່າງເປັນປົກກະຕິ ແລະ ໄດ້ຫັນເອົາແຜນນະໂຍບາຍ ແລະ ແນວທາງດັ່ງກ່າວ ເຂົ້າສູ່ວຽກງານ ຕົວຈິງ ກໍ່ຄືວຽກງານວິຊາສະເພາະ ມີຜົນສຳເລັດໃນຫລາຍດ້ານ; ຊຶ່ງສາມາດຕີລາຄາການເຄື່ອນໄຫວ ນຳພາກໍ່ສ້າງໜ່ວຍພັກ ເຂັ້ມແຂງທັງ 4 ດ້ານເຊັ່ນ: ດ້ານການເມືອງ, ດ້ານແນວຄິດ, ດ້ານການຈັດຕັ້ງ, ດ້ານແບບແຜນການນຳພາ ແມ່ນສາມາດປະຕິບັດ ໄດ້ຕາມລະດັບຄາດໝາຍທີ່ວາງໄວ້, ຈາກນັ້ນ ຄະນະໜ່ວຍພັກ ວັດທະນະທໍາ ແລະ ທ່ອງທ່ຽວ ກໍ່ໄດ້ສະຫຼຸບຕີລາຄາ ແຜນການກໍ່ສ້າງ ໜ່ວຍພັກເຂັ້ມແຂງ-ຮູ້ນໍາພາຮອບດ້ານ ປະຈໍາປີ 2016 ແລະ ຜ່ານທິດທິດທາງແຜນການກໍ່ສ້າງ ໜ່ວຍພັກເຂັ້ມແຂງ-ຮູ້ນໍາພາຮອບດ້ານ ປະຈໍາປີ 2017, ພ້ອມດຽວກັນນັ້ນ ໜ່ວຍພັກຖະແຫຼງຂ່າວ-ສື່ມວນຊົນ ແລະ ໜ່ວຍພັກເສນາທິການ-ບໍລິຫານທີ່ຂື້ນ ກັບ ຄະນະພັກຮາກຖານ ພະແນກ ຖວທ ແຂວງ ກໍ່ໄດ້ຜ່ານທິດທາງແຜນການ ກໍ່ສ້າງໜ່ວຍພັກເຂັ້ມແຂງ-ຮູ້ນໍາພາຮອບດ້ານ ປະຈໍາປີ 2017 ເຊັນດຽວກັນ.
    ທ່ານ ຄໍາພາ ໄຊຍະແສງ ຮອງຫົວໜ້າຄະນະຈັດຕັ້ງແຂວງ ໄດ້ຜ່ານມະຕິຕົກລົງ ຂອງຄະນະພັກຂັ້ນເທິງ ວ່າດ້ວຍການຮັບຮອງເອົາໜ່ວຍພັກ ຮາກຖານພະແນກ ຖວທ ແຂວງເປັນໜ່ວຍພັກ ເຂັ້ມແຂງ-ຮູ້ນໍາພາຮອບດ້ານ ສະໄໝທີ IV, ມະຕິຕົກລົງ ຮັບຮອງໜ່ວຍພັກ ວັດທະນະທໍາ ແລະ ທ່ອງທ່ຽວ ທີ່ຂື້ນກັບຄະນະພັກ ຮາກຖານພະແນກ ຖວທ ເປັນໜ່ວຍພັກ ເຂັ້ມແຂງ-ຮູ້ນໍາພາຮອບດ້ານ ເປັນສະໄໝທໍາອິດ, ພ້ອມນັ້ນ ກໍ່ໄດ້ຜ່ານມະຕິຕົກລົງວ່າດ້ວຍ ການຮັບຮອງເອົາແຜນກໍ່ສ້າງ ໜ່ວຍພັກເຂັ້ມແຂງ-ຮູ້ນໍາພາຮອບດ້ານ ປະຈໍາປີ 2017 ຂອງທັງ 3 ໜ່ວຍພັກທີ່ຂື້ນກັບ ຄະນະພັກຮາກຖານພະແນກ ຖວທ ແຂວງ ຕື່ມອີກ.
   ໂອກາດດັ່ງກ່າວນີ້ ສະຫາຍ ຖາວອນ ພົມມະໄລລຸນ ກໍາມະການປະຈຳພັກແຂວງ, ຮອງເຈົ້າແຂວງ ໂອ້ລົມ ພ້ອມທັງໄດ້ຮຽກຮ້ອງມາຍັງ ບັນດາຄະນະພັກຮາກຖານ, ຄະນະໜ່ວຍພັກ ຈົ່ງໄດ້ເອົາໃຈໃສ່ ສືບຕໍ່ສຶກສາອົບຮົມ ດ້ານການເມືອງແນວຄິດ ໃຫ້ແກ່ສະມາຊິກພັກ, ພະນັກງານ ລັດຖະກອນເປັນກົກ, ເອົາໃຈໃສ່ສ້າງ ຖັນແຖວພະນັກງານ ໃຫ້ມີຄຸນທາດການເມືອງໜັກແໜ້ນ, ປະຕິບັດຫຼັກການຄຸ້ມຄອງ-ນໍາພາຕາມຫຼັກການລວມສູນ ປະຊາທິປະໄຕໃຫ້ເຂັ້ມງວດ, ຮັກສາຄວາມສາມັກຄີພາຍໃນ ໃຫ້ໜັກແໜ້ນ, ເສີມຂະຫຍາຍດ້ານດີທີ່ເປັນພື້ນຖານ ໂດຍສະເພາະໃຫ້ ຕັ້ງໜ້າຮັກສາມູນເຊື້ອ ໜ່ວຍພັກເຂັ້ມແຂງ-ຮູ້ນຳພາຮອບດ້ານ ໄວ້ໃຫ້ໝັ້ນຄົງຕະຫລອດໄປ.

 


                                                                                                                                                                       ພາບ-ຂ່າວ: ພຸດທະສອນ