ວັນອັງຄານ, 11 ທັນວາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ເຊີນທ່ຽວງານບຸນຊ່ວງເຮືອເມືອງລະມາມ ແຂວງເຊກອງ

ເຊີນທ່ຽວງານບຸນຊ່ວງເຮືອເມືອງລະມາມ ແຂວງເຊກອງ

        ງານບຸນຊ່ວງເຮືອເມືອງລະມາມ ແຂວງເຊກອງປະຈໍາປີນີ້ ແມ່ນຈະໄດ້ຈັດຂຶ້ນທີ່ທ່ານໍ້າເຊກອງ ບ້ານເພຍໃໝ່ ຖືເປັນບຸນປະເພນີ ເພື່ອເປັນການອະນຸລັກ, ຮັກສາຮີດຄອງປະເພນີອັນດີງາມຂອງຊາດ, ຂອງເຜົ່າ ແລະ ເປັນການສ້າງກິດຈະກຳໜຶ່ງ ແກ່ຂະບວນການເປີດປີທ່ອງທ່ຽວລາວປີ 2018.    ວັນທີ 15 ພະຈິກ 2017 ຜ່ານມາ ທ່ານ ຄຳໄລ ປັນຍາຄູນ ຮອງເຈົ້າເມືອງໆລະມາມ, ປະທານຈັດງານບຸນຊ່ວງ ເຮືອປະຈໍາປີ 2017 ໃຫ້ຮູ້ວ່າ: ງານບຸນຊ່ວງເຮືອເມືອງລະມາມ ແຂວງເຊກອງປີນີ້ ແມ່ນໄດ້ກຳນົດເອົາວັນທີ 3 ທັນວາ 2017 ຊຶ່ງມາຮອດປັດຈຸບັນ ການຫ້າງຫາກະກຽມຂອງອະນຸກໍາມະການຕ່າງໆ ເປັນຕົ້ນ, ອະນຸກໍາມະການເນື້ອໃນ, ອະນຸກໍາ ມະການສະຖານທີ່, ອະນຸກຳມະການກີລາໜ້ານ້ຳ ແລະ ອະນຸກຳມະການອື່ນໆ ແມ່ນມີຄວາມພ້ອມແລ້ວ 60%.   ໂດຍຈຸດປະສົງ ການຈັດງານດັ່ງກ່າວ ແມ່ນມີຂື້ນທຸກໆປີ...

ເຈົ້າແຂວງແຂວງເຊກອງຕ້ອນຮັບ ທ່ານທູດສິງກະໂປ

ເຈົ້າແຂວງແຂວງເຊກອງຕ້ອນຮັບ ທ່ານທູດສິງກະໂປ

   ຕອນເຊົ້າວັນທີ 23 ມີຖຸນາ 2017 ນີ້ ທ່ານ ຄໍາເຜີຍ ບຸດດາວຽງ ກໍາມະການສູນກາງພັກ ເລຂາພັກແຂວງ ເຈົ້າແຂວງແຂວງເຊກອງ ພ້ອມຄະນະໄດ້ໃຫ້ກຽດຕ້ອນຮັບ ການເຂົ້າຢ້ຽມ ຄຳນັບຂອງ ທ່ານ ດໍເມີນິກໂກ (Dominic Goh) ເອກອັກ ຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສາທາລະນະລັດ ສິງກະໂປ ປະຈຳລາວ ໃນໂອກາດທີ່ທ່ານໄດ້ເດີນທາງເຄື່ອນໄຫວ ຢ້ຽມຢາມ ແລະ ເຮັດວຽກຢູ່ແຂວງເຊກອງ.   ໂອກາດດັ່ງກ່າວນີ້, ທ່ານເຈົ້າແຂວງແຂວງເຊກອງ ກໍໄດ້ສະແດງຄວາມຕ້ອນຮັບ ຕີລາຄາສູງຕໍ່ ທ່ານ ດໍເມີນິກໂກ (Dominic Goh) ເອກອັກຄະລັດຖະທູດວິສາມັນ ຜູ້ມີອໍານາດເຕັມ ແຫ່ງ ສາທາລະນະລັດ ສິງກະໂປ ປະຈໍາ ສປປ ລາວ ພ້ອມດ້ວຍຄະນະ ທີ່ເດີນທາງມາຢ້ຽມຢາມ...

ການນຳກະຊວງແຮງງານເຄື່ອນໄຫວຊຸກຍູ້ວຽກງານ ຄກລ ຢູ່ແຂວງເຊກອງ

ການນຳກະຊວງແຮງງານເຄື່ອນໄຫວຊຸກຍູ້ວຽກງານ ຄກລ ຢູ່ແຂວງເຊກອງ

   ໃນວັນທີ 21 ກໍລະກົດ 2017 ຜ່ານມາ ທ່ານ ຄຳແກ້ວ ສານບຸນຄຸນໄຊ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ພ້ອມຄະນະ ໄດ້ລົງເຄື່ອນໄຫວ ຊຸກຍູ້ວຽກງານ ໂຄງການເກັບກູ້ລະເບີດ (ຄກລ) ຢູ່ ແຂວງເຊກອງ ຊຶ່ງໃນໂອກາດດັ່ງກ່າວ ທ່ານກໍໄດ້ພົບປະ ແລະ ໂອ້ລົມພະນັກງານ ຄກລ ປະຈຳແຂວງເຊກອງ ໂດຍໃຫ້ການຕ້ອນຮັບຢ່າງອົບອຸ່ນຂອງທ່ານ ສຸວັນຄຳ ຄຳຄູນເມືອງ ຫົວໜ້າພະແນກແຮງງານ ແລະ ສະຫວັດດີການສັງຄົມ ແຂວງເຊກອງ.   ໃນພິທີທ່ານ ບຸນເຄນ ພະລັງສີ ຫົວໜ້າຜູ້ປະສານງານ ໂຄງການເກັບກູ້ລະເບີດ ປະຈຳແຂວງເຊກອງ ກໍໄດ້ລາຍງານສະພາບການຈັດຕັ້ງປະຕິບັດວຽກງານ ໃນໄລຍະຜ່ານມາວ່າ: ເຊກອງ ກໍເປັນອີກແຂວງໜຶ່ງຂອງ ສປປ ລາວ ໄດ້ຮັບຜົນກະທົບຈາກລູກລະເບີດ ທີ່ບໍ່ທັນແຕກ ໂດຍສ່ວນໃຫຍ່ ແມ່ນກວມຢູ່ໃນເຂດພື້ນທີ່ທຳການບຸກເບີກ ເພື່ອທຳການຜະລິດ...

ມອບ-ຮັບ ແລະ ເປີດນຳໃຊ້ໂຄງການກໍ່ສ້າງດ່ານດາກຕະອອກ,ເມືອງດາກຈຶງ,ແຂວງເຊກອງ

ມອບ-ຮັບ ແລະ ເປີດນຳໃຊ້ໂຄງການກໍ່ສ້າງດ່ານດາກຕະອອກ,ເມືອງດາກຈຶງ,ແຂວງເຊກອງ

   ວັນທີ 12 ກໍລະກົດ 2017 ນີ້ ທີ່ດ່ານດາກຕະອອກ, ເມືອງດາກຈຶງ, ແຂວງເຊກອງ ໄດ້ຈັດພິທີມອບ-ຮັບ ແລະ ເປີດນຳໃຊ້ ໂຄງການກໍ່ສ້າງດ່ານດາກຕະອອກ, ເມືອງດາກຈຶງ, ແຂວງເຊກອງ ໂດຍການເຂົ້າຮ່ວມຂອງ ທ່ານ ສີດາ ສຸວັນນະສາຍ ຮອງເລາພັກແຂວງ, ຮອງເຈົ້າແຂວງໆເຊກອງ, ທ່ານ ຮວ່ຽນ ແຄ່ງ ຕວ່ານ ຮອງປະທານຄະນະກຳມະການປະຊາຊົນແຂວງກວາງນາມ, ມີທ່ານ ຄຳແສງ ພົມາແສງ ຫົວໜ້າກົງສຸນໃຫຍ່ແຫ່ງ ສປປ ລາວ ປະຈຳນະຄອນດາໜັງພ້ອມຂະແໜງການກ່ຽວຂ້ອງທັງ 2 ຝ່າຍເຂົ້າຮ່ວມ.    ທ່ານ ຫງວຽນ ຫິວ ຖັງ ຫົວໜ້າກອງບັນຊາການທະຫານຊາຍແດນ ແຂວງກວ່າງນາມ ກ່າວລາຍງານວ່າ: ໂຄງການກໍ່ສ້າງດ່ານດາກຕະອອກ, ເມືອງດາກຈຶງ ແຂວງເຊກອງ ແມ່ນໂຄງການຮ່ວມມື ລະຫວ່າງ ລັດຖະບານ...

ເຊກອງ ລົງນາມສັນຍາພັດທະນາໂຄງການປູກຝັງ, ລ້ຽງສັດ, ສ້າງຕັ້ງໂຮງງານປຸງແຕ່ງນໍ້ານົມ ແລະ ຮາກຖານສົ່ງເສີມປະຊາຊົນ.

ເຊກອງ ລົງນາມສັນຍາພັດທະນາໂຄງການປູກຝັງ, ລ້ຽງສັດ, ສ້າງຕັ້ງໂຮງງານປຸງແຕ່ງນໍ້ານົມ ແລະ ຮາກຖານສົ່ງເສີມປະຊາຊົນ.

   ພິທີເຊັນສັນຍາພັດທະນາໂຄງການປູກຝັງ, ລ້ຽງສັດ, ສ້າງຕັ້ງໂຮງງານປຸງແຕ່ງນໍ້ານົມ ແລະຮາກຖານສົ່ງເສີມປະຊາຊົນ ລະຫວ່າງ ແຂວງເຊກອງ ຕາງໜ້າໂດຍ ພະແນກແຜນການ ແລະການລົງທຶນແຂວງເຊກອງ ກັບ ບໍລິສັດ ລາວ F&F Organic ຮ່ວມທຸລະກິດ ຈໍາກັດ ໄດ້ຈັດຂຶ້ນຢ່າງເປັນທາງການໃນວັນທີ 11 ກໍລະກົດ 2017 ຜ່ານມາ ທີ່ຫ້ອງປະຊຸມພະແນກ ແຜນການ ແລະການລົງທຶນແຂວງເຊກອງ.     ຮ່ວມລົງນາມສັນຍາພັດທະນາໂຄງການປູກຝັງ, ລ້ຽງສັດ, ສ້າງຕັ້ງໂຮງງານປຸງແຕ່ງນໍ້ານົມ ແລະຮາກຖານສົ່ງເສີມປະຊາຊົນ, ຕາງໜ້າໃຫ້ແຂວງເຊກອງໂດຍແມ່ນ ທ່ານ ທອງຄໍາ ມະນີວົງ ຫົວໜ້າພະແນກແຜນການ ແລະການລົງທຶນແຂວງເຊກອງ ແລະ ຕາງໜ້າໃຫ້ ບໍລິສັດ ລາວ F&F Organic ຮ່ວມທຸລະກິດ ຈໍາກັດ ແມ່ນ ທ່ານ ເຈິ້ນ ສີ ຖິ້ງ...

ສຄອ ສ້າງຄວາມເຂັ້ມແຂງໃຫ້ພາກທຸລະກິດຂັ້ນແຂວງ

ສຄອ ສ້າງຄວາມເຂັ້ມແຂງໃຫ້ພາກທຸລະກິດຂັ້ນແຂວງ

  ສະພາການຄ້າ ແລະອຸດສະຫະກໍາ (ສຄອ) ແຫ່ງຊາດ ຮ່ວມກັບ ໂຄງການສະຫນັບສະຫນູນພາກທຸລະກິດລຸ່ມແມ່ນໍ້າຂອງ ( Mekong Business Initiative ) ຈັດກອງປະຊຸມປືກສາຫາລື ເພື່ອສ້າງຄວາມເຂັ້ມແຂງໃຫ້ພາກທຸລະກິດຂອງແຂວງເຊກອງ ຂຶ້ນໃນຕອນເຊົ້າວັນທີ 17 ພຶດສະພາ 2017 ນີ້ ທີ່ ສະໂມສອນໃຫຍ່ຫ້ອງວ່າການງແຂວງ ໂດຍການເປັນປະທານຮ່ວມ ຂອງທ່ານ ວັນທອງ ສິດທິກູນ ຮອງປະທານ (ສຄອ) ແຫ່ງຊາດ, ທ່ານ ພັນສອນ ແສນສົ່ງເສີມ ຫົວຫນ້າພະແນກອຸດສະຫະກໍາ-ການຄ້າແຂວງ ແລະ ທ່ານ ວິໄຊ ໄຍຍາສານ ປະທານ ສຄອ ແຂວງ, ມີບັນດາຫົວຫນ່ວຍທຸລະກິດ, ພາກເອກະຊົນພາຍໃນແຂວງ ເຂົ້າຮ່ວມ.   ທ່ານ ວັນທອງ ສິດທິກູນ ຮອງປະທານ ສຄອ ແຫ່ງຊາດ ກ່າວວ່າ:...

ທ່ານເຈົ້າແຂວງເຊກອງ ເນັ້ນ 7 ບັນຫາຫຼັກໃຫ້ສືບຕໍ່ເອົາໃຈໃສ່ໃນຕໍ່ໜ້າ

ທ່ານເຈົ້າແຂວງເຊກອງ ເນັ້ນ 7 ບັນຫາຫຼັກໃຫ້ສືບຕໍ່ເອົາໃຈໃສ່ໃນຕໍ່ໜ້າ

     ໃນໂອກາດເຂົ້້າຮ່ວມເປັນປະທານ ກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 5 ສະໄໝທີ IX ໃນອາທິດຜ່ານມານີ້ ທ່ານ ຄໍາເຜີຍ ບຸດດາວຽງ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆເຊກອງ ໄດ້ກ່າວເນັ້ນ 7 ບັນຫາ ໃຫ້ບັນດາຂະແໜງການ ເອົາໃຈໃສ່ຈັດຕັ້ງປະຕິບັດວຽກງານຂອງຕົນ ຢ່າງຕັ້ງໜ້າ ເພື່ອສືບຕໍ່ຈັດຕັ້ງປະຕິບັດ ທິດທາງແຜນການທີ່ວາງໄວ້ ໃນຕໍ່ໜ້າ ໃຫ້ປະກົດຜົນເປັນຈິງ. ເຊິ່ງທ່ານໄດ້ເນັ໊ນໜັກ 7 ບັນຫາຫຼັກ ໃຫ້ສືບຕໍ່ເອົາໃຈໃສ່ໃນຕໍ່ໜ້າດັ່ງນີ້:     ໜຶ່ງ: ວຽກງານປ້ອງກັນຊາດ-ປ້ອງກັນຄວາມສະຫງົບ ຕ້ອງໄດ້ເອົາໃຈໃສ່ ຍົກລະດັບຄວາມຮູ້-ຄວາມເຂົ້າໃຈຕໍ່ພາລະບົດບາດ ແລະ ໜ້າທີ່ການເມືອງຂອງຕົນ ຢ່າງເລິກເຊິ່ງ, ເພີມທະວີການສຶກສາອົບຮົມໃຫ້ສອງກຳລັງ ມີຄວາມໜັກແໜ້ນທາງການເມືອງ-ແນວຄິດ, ມີຄວາມເຂັ້ມແຂງທາງດ້ານການຈັດຕັ້ງ, ເພື່ອຕ້ານ ແລະ ສະກັດກັ້ນ ປະກົດການທີ່ກົດໜ່ວງກີດຂວາງການພັດທະນາ ສືບຕໍ່ແກ້ໄຂບັນຫາການຄ້າ-ຂາຍ ຢາເສບຕິດ, ການຄ້າຂາຍເຖື່ອນ, ການລັກລອບຂຸດຄົ້ນແຮ່ທາດ ແລະ ໄມ້...

ແຂວງເຊກອງໄຂກອງປະຊຸມເປີດກ້ວາງຄົບຄະນະບໍລິຫານງານພັກແຂວງຄັ້ງທີ 5 ສະໄຫມທີ IX

ແຂວງເຊກອງໄຂກອງປະຊຸມເປີດກ້ວາງຄົບຄະນະບໍລິຫານງານພັກແຂວງຄັ້ງທີ 5 ສະໄຫມທີ IX

   ໃນຕອນເຊົ້າວັນທີ 16 ມິຖຸນາ 2017ນີ້ ຢູ່ທີ່ຫ້ອງປະຊຸມຊັ້ນ 3 ຫ້ອງວ່າການປົກຄອງແຂວງເຊກອງ ໄດ້ໄຂກອງປະຊຸມຄົບຄະນະບໍລິການງານພັກແຂວງ ຄັ້ງທີ 5 ສະໄຫມທີ IX ຂຶ້ນ ໂດຍການເປັນປະທານຂອງສະຫາຍ ຄຳເຜີຍ ບຸດດາວຽງ ກຳມະການສູນກາງພັກ, ເລຂາພັກແຂວງ, ເຈົ້າແຂວງ-ແຂວງເຊກອງ, ມີບັນດາຄະນະປະຈໍາພັກແຂວງ, ກຳມະການພັກແຂວງ, ຫົວຫນ້າພະແນກ, ຫົວຫນ້າອົງການທຽບເທົ່າ, ຫົວຫນ້າກອງບັນຊາການ ສອງກໍາລັງປ້ອງກັນອາວຸດ, ອຳນວຍການລັດວິສາຫະກິດ ພ້ອມດ້ວຍອະດີດພະນັກງານການນຳຂອງແຂວງເຂົ້າຮ່ວມ.    ສະຫາຍ ເຫລັກໄຫລ ສີວິໄລ ກໍາມະການປະຈໍາພັກແຂວງ, ຮອງເຈົ້າແຂວງ ຜູ້ຊີ້ນຳວຽກງານເສດຖະກິດຂັ້ນແຂວງ ໄດ້ລາຍງານ ການຈັດຕັ້ງປະຕິບັດແຜນພຫດທະນາເສດຖະກິດ-ສັງຄົມ 5 ເດືອນຕົ້ນປີ ແລະ ທິດທາງແຜນການ 7 ເດືອນ ທ້າຍປີ 2017 ໃຫ້ຮູ້ວ່າ: ຄະນະບໍລິຫານງານພັກແຂວງ ໄດ້ເປັນເຈົ້າການໃນການເພີ່ມທະວີການສຶກສາອົບຮົມ ປະຊາຊົນບັນດາເຜົ່າເຊື່ອມຊຶມ ເປັນເຈົ້າການເຂົ້າຮ່ວມປະຕິບັດ...

ເຊກອງລາຍງານກ່ຽວກັບຜົນກະທົບ ແລະຜົນເສຍຫາຍຈາກລົມພາຍຸດີເປຼເຊິນສົກປີ 2016

ເຊກອງລາຍງານກ່ຽວກັບຜົນກະທົບ ແລະຜົນເສຍຫາຍຈາກລົມພາຍຸດີເປຼເຊິນສົກປີ 2016

     ທ້າຍເດືອນແລ້ວນີ້ ທີ່ຫ້ອງປະຊຸມຊັ້ນ III ຫ້ອງວ່າການແຂວງເຊກອງ ໄດ້ມີການສະຫຼຸບລາຍງານ ກ່ຽວກັບຜົນກະທົບ ແລະ ຜົນເສຍຫາຍຈາກເຫດການ ໄພພິບັດຈາກລົມພາຍຸດີເປຼເຊິນ ເຂົ້າພັດຜ່ານ ສົກ 2016 ຜ່ານມາ ໂດຍພາຍໄຕ້ການເປັນປະທານຂອງທ່ານ ເຫຼັກໄຫຼ ສີວິໄລ ຮອງເຈົ້າແຂວງເຊກອງ ທັງເປັນປະທານຄະນະກໍາມະການປ້ອງກັນ ແລະ ຄວບຄຸມໄພພິບັດ (ຄປພບ) ຂັ້ນແຂວງ, ມີບັນດາທ່ານ (ຄປພບ) ຂັ້ນແຂວງ, ຂັ້ນເມືອງ ແລະກອງເລຂາເຂົ້າຮ່ວມ.    ທ່ານ ຈັນເຮົ້າ ໄຊຍະທອງ ໄດ້ລາຍງານກ່ຽວກັບຜົນກະທົບ ແລະ ຜົນເສຍຫາຍເຫດການ ໄພພິບັດຈາກລົມພາຍຸດີເປຼເຊິນ ທີ່ເຂົ້າມາພັດຜ່ານແຂວງເຊກອງ ໃນລະຫວ່າງວັນທີ 12-13 ກັນຍາ 2016 ຜ່ານມາ ເຊິ່ງທ່ານໄດ້ໃຫ້ຮູ້ວ່າ: ແຂວງເຊກອງແມ່ນແຂວງໜຶ່ງໃນ 4 ແຂວງພາກໃຕ້ ທີ່ໄດ້ຮັບຜົນກະທົບໂດຍກົງ ຈາກລົມພາຍຸດີເປຼເຊິນ ເຂົ້າພັດຜ່ານ...

ເຊກອງ ສຳມະນາການຈົດທະບຽນຕະຫຼາດຫຼັກຊັບ

ເຊກອງ ສຳມະນາການຈົດທະບຽນຕະຫຼາດຫຼັກຊັບ

   ຊຸດສຳມະນາ ການຈົດທະບຽນຕະຫຼາດຫຼັກຊັບ ພາຍໃຕ້ຫົວຂໍ້ " ການກະກຽມຄວາມພອ້ມ ເພື່ອລະດົມທືນຜ່ານຕະຫຼາດທຶນ ແລະຈົດທະບຽນໃນຕະຫຼາດຫຼັກຊັບ " ຢູ່ແຂວງເຊກອງ ພິທີດັ່ງກ່າວໄດ້ຈັດຂື້ນໃນວັນທີ່ 13 ມີຖຸນາ 2017 ນີ້ ຢູ່ທີ່ສະໂມສອນໃຫ່ຍຂອງແຂວງ ໂດຍການເປັນກຽດເຂົ້າຮວ່ມຂອງ ທ່ານ ເຫຼັກໄຫຼ ສີວິໄລ ຮອງເຈົ້າແຂວງເຊກອງ ຜູ້ຊີ້ນຳຂົງເຂດວຽກງານເສດຖະກິດຂັ້ນແຂວງ, ມີທ່ານ ວັນຄຳ ວໍລະວົງ ຜູ້ອຳນວຍການໃຫ່ຍຕະຫຼາດຫຼັກຊັບລາວ, ຄະນະກຳມະການຄຸ້ມຄອງຕະຫຼາດຫຼັກຊັບ, ຜູ້ອຳນວຍການໃຫ່ຍບໍລິສັດ APM ລາວ ຈຳກັດ, ມີພະແນກຝຶກອົບຮົມ ແລະໂຄສະນາເຜີຍແຜ່ ສຳນັກງານ ຄະນະກຳມະການຄຸ້ມຄອງຫຼັກຊັບ, ພ້ອມດ້ວຍພະແນກການອອ້ມຂ້າງແຂວງ, ຫົວໜວ່ຍຖຸລະກິດ, ຜູ້ປະກອບການ ອອ້ມຂ້າງແຂວງເຊກອງເຂົ້າຮວ່ມ.    ທ່ານ ເຫຼັກໄຫຼ ສີວິໄລ ຮອງເຈົ້າແຂວງເຊກອງ ຜູ້ຊີ້ນຳວຽກງານເສດຖະກິດແຂວງເຊກອງ ກ່າວວ່າ: ໃນໄລຍະຜ່ານມາ ພັກແລະລັດຖະບານໄດ້ເອົາໃຈໃສ່ ຊີ້ນຳພາກສວ່ນກ່ຽວຂອ້ງ...