ວັນສຸກ, 14 ທັນວາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ເສີມຂະຫຍາຍ ການຮ່ວມມື ສອງຫ້ອງວ່າການ ລັດຖະບານ ລາວ-ຫວຽດນາມ

ເສີມຂະຫຍາຍ ການຮ່ວມມື ສອງຫ້ອງວ່າການ ລັດຖະບານ ລາວ-ຫວຽດນາມ

ໂດຍຕອບສະໜອງຕາມຄຳເຊື້ອເຊີນ ຂອງທ່ານ ຫງວຽນ ວັນເນນ ກຳມະການສູນກາງພັກ, ລັດຖະມົນຕີ, ຫົວໜ້າຫ້ອງວ່າການລັດຖະບານຫວຽດນາມ ໃນວັນທີ 8-10 ຕຸລາ 2014 ທ່ານ ສອນໄຊ ສີພັນດອນ ກຳມະການສູນກາງພັກ, ລັດຖະມົນຕີ, ຫົວໜ້າຫ້ອງວ່າການລັດຖະບານລາວ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມ ແລະ ເຮັດວຽກຮ່ວມກັບຄະນະຫ້ອງວ່າການ ລັດຖະບານຫວຽດນາມ. ໃນການພົບປະຄັ້ງນີ້ ທັງສອງຝ່າຍໄດ້ຕີລາຄາສູງ ຕໍ່ສາຍພົວພັນມິດຕະພາບ, ການຮ່ວມມືແບບພິເສດ ຂອງສອງຫ້ອງວ່າການລັດຖະບານ ລາວ-ຫວຽດນາມ ໃນໄລຍະຜ່ານມາ ແລະ ລາຍງານ ສະພາບພົ້ນເດັ່ນ ໃນການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ພາຍໃນປະເທດຂອງຕົນໃຫ້ກັນຊາບ. ພ້ອມນັ້ນ, ທັງສອງຝ່າຍໄດ້ສະແດງຄວາມຊົມເຊີຍ, ຕີລາຄາສູງຕໍ່ຜົນສຳເລັດ ການຮ່ວມມືຂອງສອງຫ້ອງວ່າການລັດຖະບານ ໃນໄລຍະຜ່ານມາ ໂດຍສະເພາະ ແມ່ນການຈັດຕັ້ງປະຕິບັດໂຄງການຮ່ວມມື ໃນໄລຍະປີ 2011 – 2013 ຊຶ່ງເປັນໂຄງການໜຶ່ງທີ່ນອນຢູ່ໃນ 10 ໂຄງການ...

ທ່ານນາຍົກລັດຖະມົນຕີ ລົງເຄື່ອນໄຫວຊີ້ນໍາວຽກງານ ຢູ່ ແຂວງເຊກອງ

ທ່ານນາຍົກລັດຖະມົນຕີ ລົງເຄື່ອນໄຫວຊີ້ນໍາວຽກງານ ຢູ່ ແຂວງເຊກອງ

ທ່ານນາຍົກລັດຖະມົນຕີ ທອງສິງ ທຳມະວົງ ພ້ອມດ້ວຍຄະນະ ໄດ້ເດີນທາງໄປ ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງເຊກອງ ໃນວັນທີ 7 ມັງກອນ 2015 ໂດຍມີ ທ່ານ ຄໍາເຜີຍ ບຸດດາວຽງ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆເຊກອງ ພ້ອມດ້ວຍບັນດາຄະນະນຳຂອງແຂວງ, ຄະນະນໍາຂອງເມືອງ, ບັນດາພະແນກການ ອ້ອມຂ້າງພາຍໃນແຂວງ ໄດ້ໃຫ້ກຽດຕ້ອນຮັບ. ໃນການມາເຄື່ອນໄຫວຢ້ຽມຢາມ ແລະ ເຮັດວຽກ ຂອງຄະນະທ່ານນາຍົກລັດຖະມົນຕີ ຄັ້ງນີ້ ທ່ານ ຄໍາເຜີຍ ບຸດດາວຽງ ໄດ້ລາຍງານໃຫ້ຊາບ ກ່ຽວກັບ ສະພາບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ຢູ່ແຂວງເຊກອງ ໃນສົກປີ 2013 – 2014 ວ່າ:ເຖິງແມ່ນວ່າ ໃນໄລຍະສົກປີຜ່ານມາ ຢູ່ພາຍໃນແຂວງ ຈະປະເຊີນກັບຜົນກະທົບ ໄພພິບັດທາງທໍາມະຊາດ ຝົນຕົກໜັກແກ່ຍາວຫຼາຍເດືອນ ເຊິ່ງເຮັດໃຫ້ພື້ນຖານໂຄງລ່າງ...

ໄຂກອງປະຊຸມສະຫລຸບວຽກງານ ປະຈຳປີ 2014 ຂອງຫ້ອງວ່າການລັດຖະບານ

3.2.2015.2

ກອງປະຊຸມສະຫຼຸບວຽກງານ ປະຈຳປີ 2014 ແລະ ແຜນວຽກຈຸດສຸມປີ 2015 ຂອງຫ້ອງວ່າການລັດຖະບານ (ຫລບ) ໄດ້ໄຂຂຶ້ນໃນຕອນເຊົ້າ ຂອງວັນທີ 3 ກຸມພາ 2015 ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ. ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ ລັດຖະມົນຕີ, ຫົວໜ້າຫ້ອງວ່າການລັດຖະບານ. ມີບັນດາທ່ານ ລັດຖະມົນຕີປະຈຳຫລບ, ບັນດາທ່ານ ລັດຖະມົນຕີຊ່ວຍວ່າການ, ພະນັກງານຫຼັກແຫຼ່ງ, ແຂກຖືກເຊີນ ແລະ ພະນັກງານງານ ວິຊາການ ທົ່ວຫ້ອງວ່າການລັດຖະບານ ເຂົ້າຮ່ວມຢ່າງພ້ອມພຽງ. ໃນໂອກາດກ່າວເປີດກອງປະຊຸມ ທ່ານປະທານກອງປະຊຸມ ໄດ້ແຈ້ງໃຫ້ຮູ້ວ່າ: ກອງປະຊຸມຄັ້ງນີ້ ຈະໄດ້ດຳເນີນເປັນເວລາ 2 ວັນ ນັບແຕ່ວັນທີ 3-4 ກຸມພາ 2015 ພາຍໃນກອງປະຊຸມ ຈະໄດ້ຮັບຟັງການເຜີຍແຜ່ ແລະ ເຊື່ອມຊຶມ ບັນດາເອກະສານສຳຄັນຕ່າງໆ ເປັນຕົ້ນ...

ຈະຍົກຍ້າຍປະຊາຊົນໄປຢູ່ເມືອງກະລຶມໃໝ່ໃນເດືອນ ກຸມພາ ນີ້

ຈະຍົກຍ້າຍປະຊາຊົນໄປຢູ່ເມືອງກະລຶມໃໝ່ໃນເດືອນ ກຸມພາ ນີ້

      ໃນວັນທີ 25-26 ມັງກອນ 2015,ຄະນະກຳມະການຄຸ້ມຄອງໂຄງການກໍ່ສ້າງ,ຍົກຍ້າຍ ແລະ ຈັດສັນເມືອງກະລືມໃໝ່ ແຂວງເຊກອງ ໄດ້ລົງກວດກາປະເມີນຜົນ 100% ມີ 3 ໜ້າວຽກໃນ 11 ໜ້າວຽກທັງໝົດຂອງໂຄງການ, ມີໜ້າວຽກກວດໄດ້ 100% ແລ້ວ 5 ໜ້າວຽກ ຊຶ່ງຜົນຄວາມຄືບໜ້າຂອງໂຄງການໂດຍລວມປະຕິບັດໄດ້ ທັງໝົດ 82%,ທາງຄະນະກຳມະການຄຸ້ມຄອງໂຄງການໄດ້ຕີລາຄາວ່າ: ມີເງື່ອນໄຂເກືອບຄົບຖ້ວນແລ້ວ ທີ່ຈະຍົກຍ້າຍປະຊາຊົນໄປຢູ່ເມືອງກະລືມໃໝ່ ໂດຍຄາດວ່າຈະຍົກຍ້າຍໃນເດືອນ ກຸມພາ 2015 ນີ້.    ທ່ານ ສາຍຄຳ ສຸກວັນເຮືອງ ຫົວໜ້າທິມງານ ບໍລິສັດທີ່ປຶກສາ ໃຫ້ສຳພາດວ່າ: ປັດຈຸບັນແມ່ນເລັ່ງໃນການຈັດຕັ້ງປະຕິບັດບັນດາໜ້າວຽກທີ່ຍັງຄົງຄ້າງບາງວຽກໃຫ້ສຳເລັດ ໂດຍສະເພາະສິ່ງອຳນວຍຄວາມສະດວກໃນການຂົນສົ່ງ ແລະເຄື່ອນຍ້າຍປະຊາຊົນເປັນຕົ້ນ: ວຽກກໍ່ສ້າງເສັ້ນທາງແຕ່ເມືອງເກົ່າຫາເມືອງໃໝ່ ສຳເລັດ 100%, ວຽກກໍ່ສ້າງທີ່ຢູ່ອາໄສຂອງປະຊາຊົນ ຈຳນວນ 439 ຫຼັງ, ກໍ່ສ້າງອາຄານຂອງລັດ 38 ຫຼັງ,...

ສຳເລັດກອງປະຊຸມໃຫຍ່ຄັ້ງທີ V ຂອງຜູ້ແທນແມ່ຍິງແຂວງເຊກອງ

ສຳເລັດກອງປະຊຸມໃຫຍ່ຄັ້ງທີ V ຂອງຜູ້ແທນແມ່ຍິງແຂວງເຊກອງ

ຂ່າວ: ພຸດທະສອນ   ກອງປະຊຸມໃຫຍ່ຜູ້ແທນແມ່ຍິງແຂວງເຊກອງຄັ້ງທີ V ໄດ້ສໍາເລັດລົງຢ່າງຈົບງາມ ໃນວັນທີ 9 ມັງກອນ 2015 ນີ້ ຊຶ່ງໄດ້ດໍາເນີນມາເປັນເວລາ 2 ວັນເຕັມ,ມີແຂກ ແລະຜູ້ແທນສົມບູນເຂົ້າຮ່ວມທັງໝົດ 179 ຄົນ,ຊາຍ 30 ຄົນ,ໃນນັ້ນຜູ້ແທນສົມບູນ 123 ສະຫາຍ ທີ່ເປັນຕົວແທນໃຫ້ແກ່ສະມາຊິກສະຫະພັນແມ່ຍິງຈໍານວນ 13.661 ສະຫາຍ ແລະ ແຂກຖືກເຊີນ 58 ສະຫາຍ.   ກອງປະຊຸມດັ່ງກ່າວໄດ້ເປັນເອກກະສັນກັນຮັບຮອງເອົາບົດລາຍງານການເມືອງທັງສງພາກຂອງຄະນະບໍລິຫານງານສະຫະພັນແມ່ຍິງແຂວງຊຸດທີ IV ,ໄດ້ຕີລາຄາຢ່າງພາວະວິໃສຕໍ່ຜົນສໍາເລັດໃນການຈັດຕັ້ງປະຕິບັດມະຕິກອງປະຊຸມໃຫຍ່ 5 ປີ ຜ່ານມາ ( 2009-2014) ແລະ ທິດທາງແຜນການເຄື່ອນໄຫວ 5 ປີຕໍ່ໜ້າ (2015-2020),ໃນນີ້ຜູ້ແທນທີ່ເຂົ້າຮ່ວມຍັງຜັດປ່ຽນກັນປະກອບຄຳຄິດຄຳເຫັນຢ່າງກົງໄປກົງມາ ທັງນີ້ເພື່ອເປັນການສົ່ງເສີມສິ່ງທີ່ດີ ແລະ ແກ້ໄຂຂໍ້ບົກຜ່ອງໃນໄລຍະຜ່ານມາໃຫ້ດີຂຶ້ນກວ່າເກົ່າ.   ນອກນີ້ຜູ້ແທນສົມບູນຍັງໄດ້ໃຊ້ສິດຂອງຕົນ ປ່ອນບັດເລືອກຕັ້ງເອົາຄະນະບໍລິຫານງານຊຸດທີ V ຊຶ່ງມີຜູ້ສະໝັກເຂົ້າໂຄງປະກອບທັງໝົດ 23 ສະຫາຍ,ເລືອກເອົາ...

ຫາລືກ່ຽວກັບ ການຊົດເຊີຍ ຜົນກະທົບດ້ານສັງຄົມ ແລະ ສິ່ງແວດລ້ອມ ໂຄງການກໍ່ສ້າງ,ຍົກຍ້າຍ ແລະ ຈັດສັນເມືອງກະລຶມໃໝ່

ຫາລືກ່ຽວກັບ ການຊົດເຊີຍ ຜົນກະທົບດ້ານສັງຄົມ ແລະ ສິ່ງແວດລ້ອມ ໂຄງການກໍ່ສ້າງ,ຍົກຍ້າຍ ແລະ ຈັດສັນເມືອງກະລຶມໃໝ່

ຂ່າວ ແລະ ພາບໂດຍ: ທ່ານ ແພງຕາ ວັນທີ 27 ມັງກອນ 2015 ທີ່ພະແນກໂຍທາທິການ ແລະ ຂົນສົ່ງ ແຂວງເຊກອງ, ມີທ່ານ ລ້ຽງ ຄຳພູນ ຮອງເຈົ້າແຂວງ, ຫົວໜ້າຄະນະກຳມະການ ຄຸ້ມຄອງໂຄງການກໍ່ສ້າງ, ຍົກຍ້າຍ ແລະ ຈັດສັນເມືອງກະລຶມໃໝ່ ພ້ອມດ້ວຍບໍລິສັດພອນສັກ ຜູ້ຮັບເໝົາກໍ່ສ້າງ ຮ່ວມກັນຫາລືກ່ຽວກັບ ແຜນການຈັດຕັ້ງປະຕິບັດວຽກ ຊົດເຊີຍຜົນກະທົບດ້ານສັງຄົນ ແລະ ສິ່ງແວດລ້ອມໃຫ້ແກ່ປະຊາຊົນ 2 ບ້ານທີ່ໄດ້ຮັບ ຜົນກະທົບຈາກໂຄງການ. ຈາກຜົນສຳຫຼວດ ແລະເກັບກຳຂໍ້ມູນຂອງຄະນະກຳມະການຊົດເຊີຍຜົນກະທົບດ້ານສັງຄົມ ແລະສິ່ງແວດລ້ອມ ຂັ້ນເມືອງ ລາຍງານກ່ຽວກັບຜົນລະປູກຂອງປະຊາຊົນໃນ 2 ບ້ານຄື: ບ້ານແກ້ງກຸຍ ແລະ ແກ້ງກຽນທີ່ໄດ້ຮັບຜົນກະທົບ ຈາກໂຄງການ ເປັນຕົ້ນ: ຕົ້ນໄມ້ອຸດສະຫາກຳ ຈຳນວນ 1.181 ຕົ້ນ,ກາເຟ 189 ຕົ້ນ,ຕົ້ນໄມ້ໃຫ້ໝາກຈຳນວນ...