ວັນສຸກ, 15 ພະຈິກ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ກອງປະຊຸມໃຫຍ່ຄັ້ງທີ XI ຂອງຜູແທນຊາວໜຸ່ມທົ່ວເມືອງດາກຈຶງ

 

 

  • ພາບ-ຂ່າວ: ນິດໃສ ຈັນທະຄັບ

ກອງປະຊຸມໃຫຍ່ຄັ້ງທີ XI ຂອງຜູ້ແທນຊາວໜຸ່ມທົ່ວເມືອງດາກຈຶງ ແຂວງເຊກອງ ໄດ້ຈັດຂື້ນໃນຄັ້ງວັນທີ 27 ກັນຍາ 2019 ທີ່ສະໂມສອນຫ້ອງວ່າການເມືອງດາກຈຶງ ໂດຍເປັນປະທານ ຂອງສະຫາຍ ແສງໂນວົງ ສີຈະເລີນ ວ່າການເລຂາ ຄະນະບໍລິຫານງານ ຊາວໜຸ່ມ ປະຊາຊົນ ປະຕິວັດລາວ ເມືອງດາກຈຶງ ແລະ ໃຫ້ກຽດຮ່ວມເປັນປະທານ ສະຫາຍ ປອ ຕຸລາວັນ ວົງໄຊ ເລຂາຄະນະບໍລິຫານງານ ຊາວໜຸ່ມ ປະຊາຊົນ ປະຕິວັດລາວ ແຂວງເຊກອງ, , ສະຫາຍ ເພັງນາ ຈັນທະພອນ ຮອງເລຂາພັກເມືອງດາກຈຶງ, ຜູ້ຊີ້ນໍາວຽກງານພັກ-ພະນັກງານ ຂັ້ນເມືອງດາກຈຶງ, ມີຜູ້ແທນສົມບູນເຂົ້າຮ່ວມທັງໝົດ 93 ສະຫາຍ, ຍິງ 10 ສະຫາຍ, ທີ່ເປັນຕົວແທນໃຫ້ແກ່ສະມາຊິກຊາວໜຸ່ມຮາກຖານ ຈໍານວນ 5,295 ສະຫາຍ, ຍິງ 2,498 ສະຫາຍ ຂອງສະມາຊິກຊາວໜຸ່ມທົ່ວເມືອງດາກຈຶງ, ມີບັນດາແຂກຖືກເຊີນ, ຄະນະປະຈໍາພັກເມືອງ ແລະ ຕ່າງໜ້າຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ 03 ເມືອງ ອ້ອມຂ້າງແຂວງ. ເຊິ່ງມີຜູ້ເຂົ້າຮ່ວມໃນຄັ້ງນີ້ ມີທັງໝົດ 122 ສະຫາຍ, ຍິງ 14 ສະຫາຍ.

 

 

ສະຫາຍ ແສງໂນວົງ ສີຈະເລີນ ວ່າການເລຂາ ຄະນະບໍລິຫານງານ ຊາວໜຸ່ມ ປະຊາຊົນ ປະຕິວັດລາວ ເມືອງດາກຈຶງ ໄດ້ຂື້ນຜ່ານຮ່າງລາຍງານການເມືອງ 2 ພາກ ຜົນສໍາເລັດການຊີ້ນໍາ-ນໍາພາ ການຈັດຕັ້ງປະຕິບັດ ແລະ ເຄື່ອນໄຫວວຽກງານຊາວໜຸ່ມທົ່ວເມືອງດາກຈຶງ ໃນໄລຍະຜ່ານມາ ແຕ່ປີ 2014 ຫາ ປີ 2019 ແລະ ທິດທາງແຜນການ ໃນໄລຍະ 05 ປີ ແຕ່ປີ 2020 ຫາ ປີ 2024. ເຊິ່ງໄດ້ສະແດງໃຫ້ເຫັນວ່າ ໃນໄລຍະ 05 ປີຜ່ານມາ ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ເມືອງດກາຈຶງ ໄດ້ເອົາໃຈໃສ່ ສຶກສາອົບຮົມທາງດ້ານ ວຽກງານການເມືອງ-ແນວຄິດ ເປັນສໍາຄັນໃຫ້ແກ່ບັນດາສະຫາຍ ສະມາຊິກຊາວໜຸ່ມ ຮາກຖານທົ່ວເມືອງດາກຈຶງດ້ວຍ ການຈັດຕັ້ງເຜີຍແຜ່ເຊືອມຊຶມ ແນວທາງນະໂຍບາຍຂອງພັກ, ຂອງລັດ, ກົດໝາຍຂອງລັດ ກໍ່ຄືກົດໝາຍ, ກົດລະບຽບຂອງຊາວໜຸ່ມ ປະຊາຊົນ ປະຕິວັດລາວ ໂດຍຕິດພັນກັບ ການຈັດຕັ້ງ ແລະ ເຄື່ອນໄຫວຕາມໜ້າທີ່ການເມືອງຕົວຈິງຕາມພາລະບົດບາດ, ສິດ ແລະ ໜ້າທີ່ຂອງຕົນ ໂດຍສຸ່ມໃສ່ການປະຕິບັດ ເຊືອມຊຶມ ມະຕິກອງປະຊຸມໃຫຍ່ ຄັ້ງທີ X ຂອງສູນກາງພັກ, ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງເຊກອງ, ມະຕິກອງປະຊຸມໃຫຍ່ ຄັ້ງທີ XIV ຂອງອົງຄະນະພັກເມືອງ, ເວົ້າລວມ, ເວົ້າສະເພາະແມ່ນມະຕິກອງປະຊຸມໃຫຍ່ ຄັ້ງທີ VIIຂອງສູນກາງຊາວໜຸ່ມ ປະຊາຊົນ ປະຕິວັດລາວ, ມະຕິກອງປະຊຸມໃຫຍ່ ຄັ້ງທີ V ຂອງຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ແຂວງເຊກອງ ໂດຍຕິດພັນກັບ ການຈັດຕັ້ງເຜີຍແຜ່ເຊືອມຊຶມ ມະຕິກອງປະຊຸມໃຫຍ່ ຄັ້ງທີ X ຂອງຄະນະບໍລິຫານງານ ຊາວໜຸ່ມ ປະຊາຊົນ ປະຕິວັດລາວ ເມືອງດາກຈຶງ ເພື່ອສຶກສາອົບຮົມໃຫ້ບັນດາສະມາຊິກຊາວໜຸ່ມທົ່ວເມືອງດາກຈຶງ ມີທັດສະນະຫຼັກໝັ້ນ ຄຸນທາດການເມືອງຢ່າງໜັກແໜ້ນ, ເຊືອໝັ້ນຕໍ່ການຊີ້ນໍາ-ນໍາພາຂອງພັກ, ຂອງລັດ ເພື່ອເປັນກໍາລັງທີ່ເຂັ້ມແຂງ ປະກອບສ່ວນເຂົ້າ ພາລະກິດປົກປັກຮັກສາ ແລະ ສ້າງສາພັດທະນາ ກໍ່ຄືການພັດທະນາເສດຖະກິດ-ສັງຄົມຂອງບ້ານເມືອງ ໃຫ້ນັບມື້ນັບມີການຂະຫຍາຍຕົວຢ່າງວ່ອງໄວ.

 

 

ໃນໄລຍະ 05 ປີ ຜ່ານມາ ການປັບປຸງດ້ານການຈັດຕັ້ງ ແລະ ກໍາລັງຂອງຊາວໜຸ່ມທົ່ວເມືອງ ໄດ້ມີການຂະຫຍາຍຕົວຢ່າງຕັ້ງໜ້າ ມີໜ່ວຍຮາກຖານຊາວໜຸ່ມທົ່ວເມືອງ 86 ໜ່ວຍ, ສໍານັກງານ-ອົງການທຽບເທົ່າ ມີ 26 ໜ່ວຍ, ຂັ້ນບ້ານມີ 60 ໜ່ວຍ ຖ້າທຽບໃສ່ ປີ 2014 ແມ່ນເພີມຂື້ນ 59,25%, ມີສະມາຊິກຊາວໜຸ່ມທົ່ວເມືອງ 5,295 ສະຫາຍ, ຍິງ 2,498 ສະຫາຍ, ຖ້າທຽບໃສ່ປີ 2014 ເພີມຂື້ນ 59,25% ສ້າງຕັ້ງກອງເຍົາວະຊົນທັນວາ ໄດ້ 7 ກອງ, ມີໂຮງຮຽນແດງ 16 ແຫ່ງ, ດ້ານການສ້າງວິຊາຊີບໃຫ້ສະມາຊິກຊາວໜຸ່ມ-ໄວໜຸ່ມ ມີວຽກເຮັດງານທໍາ ໄດ້ 4 ສະຫາຍ, ປະຕິບັດນະໂຍບາຍການພົວພັນ ແລະ ຮ່ວມມືກັບຕ່າງປະເທດ ເປັນຕົ້ນແມ່ນການພົບປະ ແລກປ່ຽນບົດຮຽນ ກັບຄະນະຊາວໜຸ່ມ ເມືອງນາມຢາງ ແຂວງກວາງນາມ, ຊ່ວຍເຫຼືອປິ່ວປົວສຸຂະພາບ ໂດຍບໍ່ເສຍຄ່າ, ມອບເຄື່ອງຊ່ວຍເຫຼືອ ໄດ້ທັງໝົດ 8 ຄັ້ງ ມີມູນຄ່າທັງໝົດ 255 ລ້ານດົງ.

 

          ດ້ານການປະເມີນວຽກງານໂຄງການ: ໃນໄລຍະຜ່າມາ ໄດ້ປະຕິບັດ 7 ແຜນງານ ແລະ 24 ໂຄງການ ເຊິ່ງໃນນີ້ແມ່ນບັນລຸໄດ້ 13 ໂຄງການ ເທົ່າກັບ 54,16%. ອັນທີ່ພົ້ນເດັ່ນໃນໄລຍະຜ່ານມາ ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ເມືອງດາກຈຶງ ສາມາດປະກາດຮັບຮອງ ເມືອງດາກຈຶງ ເປັນເມືອງ 4 ບຸກ ຂອງສູນກາງຊາວໜຸ່ມ ປະຊາຊົນ ປະຕິວັດລາວ ໄດ້ 02 ຄັ້ງ ຕໍ່ເນື່ອງໃນ ສົກປີ 2016 ຫາ ສົກປີ 2018.

  ທິດທາງແຜນການຕໍ່ໜ້າ ແຕ່ສັກປີ 2020 ຫາສົກປີ 2024 ເພີມທະວີການສຶກສາອົບຮົມານເມືອງ-ແນວຄິດ ໃຫ້ແກ່ສະມາຊິກຊາວໜຸ່ມ-ໄວໜຸ່ມ ດ້ວຍການນໍາເອົາແນວທາງນະໂຍບາຍຂອງພັກ, ຂອງລັດ ກໍ່ຄືມະຕິກອງປະຊຸມໃຫຍ່ ຂອງແຕ່ລະຂັ້ນຂອງຂັ້ນເທິງ, ສືບຕໍ່ປັບປຸງ ແລະ ຂະຫຍາຍກົງຈັກການຈັດຕັ້ງຮາກຖານຊາວໜຸ່ມໃຫ້ໄດ້ 10 ໜ່ວຍ, ສ້າງຕັ້ງກອງເຍົາວະຊົນທັນວາຢູ່ບັນດາໂຮງຮຽນ ໃຫ້ໄດ້ 25 ແຫ່ງ, ຂະຫຍາຍສະມາຊິກຊາວໜຸ່ມໃຫ້ໄດ້ 4,756 ສະຫາຍ, ຂະຫຍາຍອະນຸຊົນ - ເຍົາວະຊົນທັນວາ ໃຫ້ໄດ້ 3,350 ນ້ອງຊຸກຍູ້ຂໍ້ແຂ່ງຂັນ 4 ບຸກຢູ່ບັນດາຮາຖານບ້ານ ໃຫ້ໄດ້ 95% ຮອງຮອງໜ່ວຍຊາວໜຸ່ມ 4 ບຸກ ໃຫ້ໄດ້ 85% ແລະ ສືບຕໍ່ຜະຕິບັດພົວພັນຮ່ວມມື, ແລກປ່ຽນບົດຮຽນ ກັບຄະນະຊາວໜຸ່ມເມືອງນາມຢາງ ສສຫວຽດນາມ ໂດຍອີງຕາມບົດບັນທຶກຊ່ວຍຈໍາໃນແຕ່ລະໄລຍະໃຫ້ປະກົດຜົນເປັນຈິງ.

     ກອງປະຊຸມໃນຄັ້ງນີ້ ມີຄະນະຜູ້ແທນຊາວໜຸ່ມສົມບູນ ທົ່ວເມືອງດາກຈຶງ ເຂົ້າຮ່ວມໃຊ້ສິດປ່ອນບັດເລືອກເອົາຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ເມືອງດາກຈຶງ ຊຸດໃໝ່ ມີຜູ້ແທນສົມບູນໃຊ້ສິດທັງໝົດ 93 ສະຫາຍ, ຍິງ 10 ສະຫາຍ ເຊິ່ງຜົນການປ່ອນບັດເລືອກເອົາຄະນະຊຸດໃໝ່ ສາມາດເລືອກໄດ້ທັງໝົດ 21 ສະຫາຍ, ຍິງ 02 ສະຫາຍ. ກອງປະຊຸມປະຖົມມະລຶກໄດ້ເອົາຄະນະປະຈໍາ ຈໍານວນ 07 ສະຫາຍ, ຍິງ 0 ສະຫາຍ, ເລືອກເອົາ ສະຫາຍ ແສງໂນວົງ ສີຈະເລີນ ເປັນເລຂາຄະນະບໍລິຫານງານ ຊປປລ ເມືອງດາກຈຶງ, ສະຫາຍ ສີນີບ ສີມຸ້ງຄຸນ ເປັນຮອງເລຂາ ຄະນະບໍລິຫານງານ ຊປປລ ເມືອງດາກຈຶງ, ສະຫາຍ ວົງສີລິຈັນ ແງ່ມ່ວນໄຊ ເປັນຮອງເລຂາຄະນະບໍລິຫານງານ ຊປປລ ເມືອງດາກຈຶງ, ເລືອກເອົາສະຫາຍ ວົງນີຈັນ ແງ່ນມວນໄຊ ເປັນປະທານກວດກາ, ສະຫາຍ ນາງ ສຸກສະໝອນ ຄຸນນະທາມ ເປັນຮອງປະທານກວດກາ, ສະຫາຍ ອົມແກ້ວ ໄຊຍະມົນ ເປັນຄະນະ, ໃນກອງປະຊຸມເຫັນດີເລືອກເອົາຜູ້ແທນສົມບູນ ມີ ສະຫາຍ ແສງໂນວົງ ສີຈະເລີນ, ສະຫາຍ ວົງນີຈັນ ແງ່ມວນໄຊ, ສະຫາຍ ອ້ວນໄຊ ສະແຫວງໄຊ, ສະຫາຍ ທໍາມະຊາດ ວົງຄໍາຮໍ່ ແລະ ຜູແທນສໍາຮອງທີ ສະຫາຍ ສອນນີຄໍາ ໄຊຍະເບ້ຍ, ສະຫາຍ ເຮືອງເພັດ ໄຊພອນເຮືອງ.

 

 

ທ້າຍສຸດນີ້້, ທ່ານ ປອ ຕຸລາວັນ ວົງໄຊ ເລຂາຄະນະບໍລິຫານງານ ຊາວໜຸ່ມ ປະຊາຊົນ ປະຕິວັດລາວ ແຂວງເຊກອງ ເຊິ່ງ ທ່ານ ໄດ້ສະແດງຄວາມຍ້ອງຍໍ ແລະ ຊົມເຊີຍ ຕໍ່ການຊີ້ນໍາ-ນໍາພາຂອງຄະນະບໍລິຫານງານຊາວໜຸ່ມ ເມືອງດາກຈຶງ ເຊິ່ງ ໃນໄລຍະ 05 ປີ ຜ່ານມາ ສາມາດຍາດໄດ້ຜົນສໍາເລັດຫຼາຍດ້ານ, ພ້ອມກັນນັ້ນ ກໍ່ໄດ້ສະແດງຄວາມເປັນຫວ່ງເປັນໄຍ ແລະ ໃຫ້ທິດຊີ້ນໍາ ບາງບັນຫາຕົ້ນຕໍ ກ່ຽວກັບ ການຈັດຕັ້ງ ແລະ ເຄື່ອນໄຫວວຽກງານຊາວໜຸ່ມ-ເຍົາວະຊົນ ໃນຕໍ່ໜ້າ ສຸດທີມີຄວາມໝາຍຄວາມສໍາຄັນ ຢ່າງເລິກເຊິ່ງ ຄົບຖ້ວນ ແລະ ທ່ານ ກໍ່ເນັ້ນໜັກຕື່ມອີກວ່າ: ໃຫ້ຊາວໜຸ່ມຍຸກໃໝ່ ເອົາໃຈໃສ່ສຶກສາຄົ້ນຄ້ວາຮໍ່າ ຍົກລະດັບທາງດ້ານຄວາມຮູ້, ຄວາມສາມາດ ໂດຍສະເພາະແມ່ນຍົກລະດັບທາງເຕັກໂນໂລຊີ ທີ່ທັນສະໄໝ ເພື່ອນໍາໃຊ້ເຂົ້າໃນການຈັດຕັ້ງປະຕິບັດວຽກງານຕົວຈິງ ແລະ ຈໍາແນກມີສະຕິໃນການນໍາໃຊ້ລະບົບອອນລາຍໃຫ້ຖືກຕ້ອງ ສອດຄ່ອງຕາມກົດໝາຍ, ກົດລະບຽບທີ່ໄດ້ກໍານົດໄວ້, ຫັນເອົາມະຕິກອງປະຊຸມໃຫຍ່ ມາສ້າງເປັນ ແບບແຜນ ການດໍາເນີນ ຈັດຕັ້ງປະຕິບັດວຽກງານ ໂດຍມີການແບ່ງວຽກ, ແບ່ງງານຄວາມຮັບຜິດຊອບ ໃຫ້ລະອຽດ, ເອົາໃຈໃສ່ປັບປຸງ ກ່ຽວກັບ ລະບົບການພົວພັນປະສານງານ ໂດຍສະເພາະແມ່ນສ້າງກົນໄກການປະສານງານ ລະຫວ່າງ ຂັ້ນເມືອງ ກັບ ຂັ້ນຮາກຖານ ໃຫ້ເປັນລະບົບທີ່ລະບຽບຊັດເຈນ, ພົວພັນຍາດແຍ່ງທືນຮອນຈາກນັກລົງທືນທັງພາຍໃນ ແລະ ພາຍນອກ ເພື່ອເປັນພື້ນຖານໃນການພັດທະນາຊາວໜຸ່ມ-ໄວໜຸ່ມຢູ່ເຂດຫ່າງຫຊອກຫຼີກ.