ວັນອັງຄານ, 10 ທັນວາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ຄະນະກວດກາພັກ ສໍາເລັດກອງປະຊຸມໃຫຍ່ຄັ້ງທີ VI ຂອງໜ່ວຍກໍາມະບານຮາກຖານ

 

           ກອງປະຊຸໃຫຍ່ຄັ້ງທີ VI ຂອງ ໜ່ວຍກໍາມະບານຮາກຖານ ຄະນະກວດກາພັກ ແຂວງເຊກອງ ໄດ້ໄຂຂຶ້ນ ແລະ ສໍາເລັດລົງຢ່າງຈົບງາມ ໃນວັນທີ 17 ພຶດສະພາ 2019 ຜ່ານມານີ້ ໂດຍການເປັນປະທານ ຂອງ ສະຫາຍ ນ ຈັນຫອມ ມະຫາໄຊ ຄະນະປະຈໍາພັກແຂວງ, ປະທານ ຄະນະກວດກາພັກແຂວງ, ເລຂາໜ່ວຍພັກຮາກຖານ,  ມີ ສະຫາຍ ນ ແກ້ວສົມຫວັງ ຈັນດາວົງ ຮອງປະທານສະຫະພັນກໍາມະບານແຂວງ, ພ້ອມດ້ວຍຄະນະພັກ, ຄະນະປະທານໜ່ວຍກໍາມະບານຮາກຖານ, ສະມາຊິກກໍາມະບານພາຍໃນໜ່ວຍ ແລະ ແຂກຖືກເຊີນເຂົ້າຮ່ວມ.
 ສະຫາຍ ສົມສະຫວັນ ຊຸມພົນພັກດີ ປະທານໜ່ວຍກໍາມະບານຮາກຖານ ຄະນະກວດກາພັກແຂວງ ໄດ້ສະຫຼຸບ ຕີລາຄາ ການຄືນຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ V ຂອງໜ່ວຍຕົນ ແຕ່ປີ 2016-2018 ຊຶ່ງໄດ້ຮູ້ວ່າ ພາຍໃນໜ່ວຍມີ ສະມາຊິກ ກໍາມະບານທັງໝົດ 28 ສະຫາຍ, ຍິງ 11 ສະຫາຍ; ໃນໄລຍະ 3 ປີຜ່ານມາ ຄະນະໜ່ວຍ ກໍຄືສະມາຊິກກຳມະບານ ໄດ້ຕັ້ງໜ້າຄົ້ນຄວ້າ ຮໍ່າຮຽນແນວທາງ ນະໂຍບາຍຂອງພັກ, ລະບຽບ ກົດໝາຍຂອງລັດ, ມູນເຊື້ອຂອງຊາດ ຂອງການປະຕິວັດ ຢ່າງເປັນປົກກະຕິ, ເຂົ້າຮ່ວມຮັບຟັງ ການການປາຖະກະຖາ ເລົ່າມູນເຊື້ອ ວັນສ້າງຕັ້ງກໍາມະບານລາວ, ແລະ ສໍາຄັນອື່ນໆຫຼາຍກວ່າ 25 ຄັ້ງ, ມີຜູ້ເຂົ້າຮ່ວມຮັບຟັງຫຼາຍກວ່າ 295 ເທື່ອຄົນ, ຍິງ 118 ເທື່ອຄົນ, ຜ່ານການສຶກສາອົບຮົມ ການເມືອງ-ແນວຄິດ ເຫັນໄດ້ສະມາຊິກກໍາມະບານ ມີຄວາມຕື່ນຕົວ ທາງດ້ານການເມືອງ, ເຊື່ອໝັ້ນ ຕໍ່ແນວທາງ ປ່ຽນແປງໃໝ່, ນະໂຍບາຍຂອງພັກ ຢ່າງໜັກແໜ້ນ, ມີຄວາມອຸ່ນອ່ຍງທຸ່ນທ່ຽງ, ເຊື່ອໝັ້ນ ຕໍ່ການຊີ້ນໍາ-ນໍາພາ ຂອງພັກ-ລັດ, ມີຫຼັກໝັ້ນ ຮູ້ຈຳແນກ ມິດ-ສັດຕູ ຢ່າງຈະແຈ້ງ; ສະມາຊິກກໍາມະບານ ທຸກສະຫາຍ ໄດ້ເພີ່ມທະວີ ຄວາມຮັບຜິດຊອບ ຂອງຕົນໃນການຄົ້້ນຄວ້າ ກໍານົດ ແລະ ຈັດຕັ້ງປະຕິບັດ ນິຕິກຳ ກ່ຽວກັບການປົກປ້ອວ ສິດ ແລະ ຜົນປະໂຫຍດ ອັນຊອບທໍາ ຂອງພະນັກງານ ລັດຖະກອນ ບົນພື້ນຖານ ສອຄ່ອງ ກັບລະບຽບກົດໝາຍ ຂອງລັດ; ເອົາໃຈໃສ່ ເຄື່ອນໄຫວ ຈັດຕັ້ງປະຕິບັດ ຂໍ້ແຂ່ງຂັນ 5 ເປັນເຈົ້າ, ເປັນເຈົ້າການ ປະຕິບັດ ວຽກງານ ວິຊາສະເພາະ ຂອງຕົນ ຕິດພັນກັບ ການສ້າງຂບວນການ ແຂ່ງຂັນຮັກຊາດ ແລະ ພັດທະນາ ດ້ວຍການຜັນຂະຫາຍ ບັນດາມະຕິກໍາ ຕ່າງໆຂອງພັກ, ແຜນພັດທະນາ ເສດຖະກິດສັງຄົມຂອງລັດ, ແຜນການເຄື່ອນໄຫວ ວຽກງານກວດກາ ປະຈໍາແຕ່ລະປີ ເຂົ້າໃນຂະແໜງການຕົນ ເຮັດໃຫ້ວຽກງານກວດກາ ມີບົດບາດແຂງແຮງຂຶ້ນກວ່ເກົ່າ.

 


          ຜ່ານການຈັດຕັ້ງ ເຄື່ອນໄຫວ ສ້າງຂະບວນການ ສາມາດຍາດໄດ້ຜົນງານຄື: ກົມກອງ ໄດ້ຮັບໃບຢັ້ງຢືນ ກໍາມະບານ 5 ເປັນເຈົ້າ, ໄດ້ຮັບໃບຍ້ອງຍໍ ກົມກອງລວມໝູ່ ທີ່ມີຜົນງານ ດີເດັ່ນ ໃນການຈັດຕັ້ງປະຕິບັດ ຂໍ້ແຂ່ງຂັນ 5 ເປັນເຈົ້າ 3 ປີຊ້ອນ (2016-2018), ສະມາຊິກໄດ້ຮັບໃບຍ້ອງ ຂັ້ນແຂວງ 23 ສະຫາຍ, ຍິງ 9 ສະຫາຍ, ໄດ້ຮັບໃບຊົມເຊີຍ 4 ສະຫາຍ, ຍິງ 2 ສະຫາຍ.
          ໃນວາລະກອງປະຊຸມ ຍັງໄດ້ມີການປ່ອນບັດ ຄັດເລືອກ ເອົາຄະນະກໍາມະບານຮາກຖານ ຊຸດໃໝ່ ຊຶ່ງມີຜູ້ລົງສະໝັກ 5 ສະຫາຍ, ຍິງ 1 ສະຫາຍ, ຊຶ່ງເລືອກໄດ້ ສະຫາຍ ສົມສະຫວັນ ຊຸມພົນພັກດີ ເປັນປະທານໜ່ວຍ, ສະຫາຍ ສົມບູນ ບຸນປອນ ເປັນຮອງປະທານ, ສະຫາຍ ນ ພົດຈະນາ ອັກຄະວົງ ເປັນກໍາມະການກວດກາ.
       ໂອກາດນີ້ ສະຫາຍ ນ ແກ້ວສົມຫວັງ ຈັນດາວົງ ໄດ້ເນັ້ນ ໃຫ້ກໍາມະບານຮາກຖານ ຄະນະກວດກາພັກແຂວງ ຕ້ອງເພີ່ມທະວີ ສ້າງທຸກເງື່ອນໄຂ ເພື່ອໃຫ້ສະມາຊິກກໍາມະບານ ມີຄວາມເຂັ້ມແຂງ ກາຍເປັນກໍາລັງແຮງ ຂອງພັກ, ຂະຫຍາຍ ການຈັດຕັ້ງ ໃຫ້ກວ້າງຂວາງ ດ້ວຍບາດກ້າວ ອັນໜັກແໜ້ນ ແລະ ມີປະສິດທິຜົນ, ສືບຕໍ່ຈັດຕັ້ງປະຕິບັດ ຂໍ້ແຂ່ງຂັນ 5 ເປັນເຈົ້່າຢ່າງເປັນປົກກະຕິ ຕໍ່ເນື່ອງ, ເອົາໃຈໃສ່ປົກປ້ອງສິດ ແລະຜົນປະໂຫຍດອັນຊອບທໍາຕາມກົດໝາຍໃຫ້ແກ່ສະມາຊິກກໍາມະບານ, ເອົາໃຈໃສ່ປັບປຸງອົງການຈັດຕັ້ງ, ປັບປຸງ ແບບແຜນວິທີເຮັດວຽກ ໃຫ້ໜັກແໜ້ນ ເຂັ້ມແຂງຂຶ້ນໄປເລື້ອຍໆ.
ລະຫັດຮູບ: 053,058,084