ວັນອັງຄານ, 22 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ຂະແໜງການເງິນ 4 ແຂວງພາກໃຕ້ ແຂ່ງຂັນກິລາສັນຈອນ ຄັ້ງທີ IV

 

    ການແຂ່ງຂັນກິລາສັນຈອນ ຂອງຂະແໜງການເງິນ, 3 ສາຍຕັ້ງ 4 ແຂວງພາກໃຕ້ ທີ່ແຂວງເຊກອງໄດ້ຮັບກຽດເປັນເຈົ້າພາບ ໄດ້ເປີດຂຶ້ນ ແລະ ປິດລົງ ໃນວັນທີ 24 ມີນາ 2017 ນີ້ ທີ່ສະໜາມກິລາແຂວງເຊກອງ ໂດຍເປັນກຽດເຂົ້າຮ່ວມມີທ່ານ ທອນສົມມັກ ຈັນທະສີດາ ຫົວໜ້າພະແນກການເງິນແຂວງເຊກອງ, ມີຄະນະປະຈໍາພັກເມືອງກະລຶມ-ດາກຈຶງ, ຄະນະນໍາຂະແໜງການເງິນ 4 ແຂວງພາກໃຕ້: ສາລະວັນ, ຈໍາປາສັກ, ອັດຕະປື ແລະເຊກອງ, ຫ້ອງການການເງິນ 4 ຕົວເມືອງ, ບັນດາຫົວໜ່ວຍທຸລະກິດ, ນັກກິລາ ແລະພະນັກງານຂະແໜງການເງິນ 4 ແຂວງພາກໃຕ້ເຂົ້າຮ່ວມຢ່າງເປັນຂະບວນຟົດຟື້ນ.

  ໂອກາດດັ່ງກ່າວນີ້ທ່ານ ຄໍາຮູ້ ອ່ອນມະນີ ຮອງຫົວໜ້າພະແນກການເງິນແຂວງເຊກອງ ໃຫ້ຮູ້ວ່າ: ຈຸດປະສົງຂອງການຈັດງານແຂ່ງຂັນກິລາໃນຄັ້ງນີ້: ແມ່ນງານແຂ່ງຂັນກິລາສັນຈອນ ເພື່ອເປັນການເສີມສ້າງຄວາມສະມັກຄີມິດຕະພາບ ລະຫວ່າງ ຄະນະນໍາພະນັກງານ 3 ຂະແໜງສາຍຕັ້ງ ທັງເປັນການແລກປ່ຽນບົດຮຽນເຊິ່ງກັນ ແລະ ກັນທາງດ້ານວິຊາສະເພາະເ ຕັກນິກ ແລະ ຍຸດທະວິທີຂອງນັກກິລາ ຂະແໜງການເງິນ 4 ແຂວງພາກໃຕ້ ເພື່ອພ້ອມກັນຍົກລະດັບ ໃນແບບແຜນວິທີ່ເຮັດວຽກ.
ທ່ານ ຮອງພະແນກການເງິນແຂວງເຊກອງ ກ່າວຕື່ມອີກວ່າ: ການແຂ່ງຂັນກິລາສັນຈອນໃນເມື່ອກ່ອນ ແມ່ນຂົງເຂດສ່ວຍສາອາກອນ ເປັນຜູ້ລິເລີ່ມ ຜ່ານການໝູນວຽນໃນຫຼາຍຮອບວຽນເຫັນວ່າ ມີການເຕີບໃຫຍ່ຂະຫຍາຍຕົວ ຈິ່ງກາຍມາເປັນງານແຂ່ງຂັນກິລາສັນຈອນ ຂອງຂະແໜງການເງິນ 4 ແຂວງພາກໃຕ້ ເຊິ່ງງານດັ່ງກ່າວນີ້ໄດ້ຈັດຂຶ້ນມາແລ້ວ 3 ຄັ້ງຄື ຄັ້ງທີ I: ຈັດຂຶ້ນທີ່ແຂວງອັດຕະປື; ຄັ້ງທີ II: ຈັດຂຶ້ນທີ່ແຂວງຈໍາປາສັກ ແລະ ຄັ້ງທີ III: ຈັດຂຶ້ນທີ່ແຂວງສາລະວັນ.ມາຮອດມື້ນີ້ ແຂວງເຊກອງ ໄດ້ຮັບກຽດເປັນເຈົ້າພາບຈັດງານກິລາສັນຈອນ ຮອບວຽນຄັ້ງທີ IV ໂດຍໄດ້ນໍາເອົາ 2 ປະເພດກິລາເຂົ້າຮ່ວມການແຂ່ງຂັນ ມີປະເພດກິລາບານເຕະຟຸດຊໍ ແລະ ກິລາເປຕັງ. ສໍາລັບບານເຕະຟຸດຊໍ ແມ່ນປະເພດທີມຊາວໜຸ່ມ ຈາກຂະແໜງການເງິນ 4 ແຂວງເຂົ້າຮ່ວມ ແລະ ປະເພດກິລາເປຕັງ: ລວມ 4 ແຂວງມີ 56 ທີມ ແຂວງລະ 14 ທີມ ໃນນີ້, ຈະມີທີມຄະນະນໍາ ຈາກພະແນກການເງິນ 4 ແຂວງພາກໃຕ້ ແຂວງລະ 1 ທີມ; ທີມເປຕັງ 3 ສາຍຕັ້ງ ແຂວງລະ 3 ທີມ; ທີມກິລາເປຕັງຊາວໜຸ່ມຊາຍ ແຂວງລະ 4 ທີມ; ທີມກິລາເປຕັງຊາວໜຸ່ມຍິງ ແຂວງລະ 4 ທີມ; ທີມກິລາເປຕັງຫ້ອງກາ-ການເງິນເມືອງ ແຂວງລະ 2 ທີມ.
   ຈາກການແຂ່ງຂັນເຫັນວ່າ ປະເພດກິລາບານເຕະຟຸດຊໍຊາວໜຸ່ມ ຊະນະເລີດ ແມ່ນທິມນັກກິລາຂອງ ພະແນກການເງິນແຂວງຈໍາປາສັກ, ທີ 2 ແມ່ນ ທິມນັກກິລາ ພະແນກການເງິນ ແຂວງສາລະວັນ ແລະ ທີ 3 ຕົກມາເປັນ ທີມນັກກິລາຈາກພະແນການເງິນແຂວງອັດຕະປື ສ່ວນກິລາເປຕັງ ການນໍາພະແນກການເງິນ 4 ແຂວງພາກໃຕ້ ຊະນະເລີດ ແມ່ນທິມເປຕັງ ພະແນກການເງິນແຂວງສາລະວັນ ທີ 2 ແມ່ນທິມເປຕັງ ພະແນການເງິນແຂວງອັດຕະປື. ແລະທີ 3 ຕົກມາເປັນ ທີມນັກກິລາຈາກຕັງ ພະແນການເງິນແຂວງເຊກອງ ; ເປຕັງການນໍາ 3 ສາຍຕັ້ງ ຊະນະເລີດ ແມ່ນທິມເປຕັງພາສີແຂວງຈໍາປາສັກ, ທີ 2 ແມ່ນທິມເປຕັງອາກອນແຂວງສາລະວັນ ແລະ ທີ 3 ຕົກມາເປັນ ທີມນັກກິລາຈາກອາກອນແຂວງອັດຕະປື; ກິລາເປຕັງຊາຍ ຊະນະເລີດ ແມ່ນທິມເປຕັງທີມຄັງເງິນແຂວງສາລະວັນ ທີ 2 ແມ່ນທິມເປຕັງອາກອນແຂວງເຊກອງ ແລະ ທີ 3 ຕົກມາເປັນ ທີມນັກກິລາຈາກອາກອນ ແຂວງອັດຕະປື; ກິລາເປຕັງຍິງ ຊະນະເລີດ ແມ່ນທິມເປຕັງ ຄັງເງິນແຂວງສາລະວັນ, ທີ 2 ແມ່ນທິມເປຕັງອາກອນ ແຂວງອັດຕະປື ແລະ ທີ 3 ຕົກມາເປັນ ທີມນັກກິລາຈາກ ຄັງເງິນແຂວງອັດຕະປື; ກິລາເປຕັງຫ້ອງການ-ການເງິນເມືອງ ຊະນະເລີດ ແມ່ນທິມເປຕັງຫ້ອງການ-ການເງິນເມືອງ ຈໍາປາສັກ A ທີ 2 ແມ່ນທິມເປຕັງ ຫ້ອງການ-ການເງິນເມືອງ ສາລະວັນ A ແລະທີ 3 ຕົກມາເປັນ ທີມນັກກິລາຈາກ ຫ້ອງການ-ການເງິນເມືອງ ຈໍາປາສັກ B.
   ຜົນການແຂ່ງຂັນ ປະເພດກິລາບານເຕະຟຸດຊໍຊາວໜຸ່ມ ຊະນະເລີດ ໄດ້ຮັບຂັນລາງວັນຂັນ 1 ໜ່ວຍ ພ້ອມເງິນສົດ 3 ລ້ານກີບ, ທີ 2 ໄດ້ຮັບລາງວັນເປັນເງິນສົດ 2 ລ້ານກີບ ແລະ ທີ 3 ໄດ້ຮັບລາງວັນເປັນເງິນສົດ 1,5 ລ້ານກີບ. ສ່ວນລາງວັນກິລາເປຕັງ ແຕ່ລະປະເພດມີ 3 ລາງວັນ ຄືລາງວັນທີ 1 ໄດ້ຮັບຂັນລາງວັນ 1 ໜ່ວຍ ພ້ອມເງິນສົດ 2 ລ້ານກີບ, ທີ 2 ໄດ້ຮັບລາງວັນເປັນເງິນສົດ 1,5 ລ້ານກີບ ແລະ ທີ 3 ຈະໄດ້ຮັບລາງວັນເປັນເງິນສົດ 1 ລ້ານກີບ.
                                                                                ຂ່າວພາບ: ນາລີວັນ