ວັນອັງຄານ, 17 ກັນຍາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ອຍກ ເຊກອງປາຖະກະຖາວັນສໍາຄັນຂອງພັກຂອງຊາດ

ຂ່າວ: ພຸດທະສອນ

      ໃນຕອນເຊົ້າວັນທີ 22 ມີນາ ນີ້ ອົງການໄອຍະການປະຊາຊົນ ແຂວງເຊກອງ ໄດ້ຈັດພິທີປາຖະກະຖາ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 64ປີ (22/3/1955-22/3/2019) ແລະ ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 73 ປີ (21/3/1946-21/3/2019) ຂຶ້ນ ໂດຍການເປັນທານຂອງທ່ານ ປອ ສົມນິດ ສີລິບຸນລ້ຽງ ກຳມະການພັກແຂວງ, ເລຂາໜ່ວຍພັກ, ຫົວໜ້າອົງການໄອຍະການປະຊາຊົນແຂວງ, ມີບັນດາຄະນະພັກ, ສະມາຊິກພັກ ຕະຫຼອດຮອດພະນັກງານລັດຖະກອນ ແລະ ນັກສຶກສາຝຶກງານ ເຂົ້າຮ່ວມຢ່າງພ້ອມພຽງ.

      ໃນພິທີ ຄະນະພັກ ໄດ້ຜັດປ່ຽນກັນເລົ່າຫວນຄືນ ມູນເຊື້ອຂອງສອງວັນດັ່ງກ່າວ ເຊິ່ງທ່ານໄດ້ຍົກໃຫ້ເຫັນການກຳເນີດພັກ ແລະຜົນສໍາເລັດແຫ່ງການຊີ້ນໍາ-ນໍາພາຂອງພັກແຕ່ລະໄລຍະ; ເຊິ່ງຈຸດປະສົງ ກໍເພື່ອໂຄສະນາ-ສຶກສາອົບຮົບຮົມການເມືອງ-ແນວຄິດໃຫ້ສະມາຊິກພັກ-ພະນັກງານລັດຖະກອນ ໄດ້ຮັບຮູ້ເຂົ້າໃຈຢ່າງເລິກເຊິ່ງ-ກວ້າງຂວາງ ຕໍ່ມູນເຊື້ອອັນສະຫງ່າອົງອາດຂອງພັກ, ຂອງຊາດ, ມູນເຊື້ອແຫ່ງການນໍາພາອັນປີຊາສາມາດ, ສະຫຼາດສ່ອງໃສ ແລະ ຜົນງານອັນໃຫຍ່ຫຼວງຂອງພັກເຮົາ ຕະຫຼອດໄລຍະ 64 ປີ ແລະລະນຶກເຖິງວັນນັກຮົບເສຍອົງຄະ, ເສຍສະຫຼະຊີວິດເພື່ອປະເທດຊາດ ຄົບຮອບ 73 ປີ ທີ່ເປັນວິລະກຳການຕໍ່ສູ້ຢ່າງອົງອາດກ້າຫານຂອງປະຊາຊົນເມືອງທ່າແຂກ ແລະ ນໍ້າໃຈເສຍສະຫຼະອັນສູງສົ່ງຂອງປະທານ ສຸພານຸວົງ, ທັງໝົດນີ້ ກໍເພື່ອໂຄສະນາປຸກລະດົມສຶກສາອົບຮົມໃຫ້ສະໃມາຊິກພັກ-ພະນັກງານ ໃຫ້ເປັນເຈົ້າການເສີມຂະຫຍາຍມູນເຊື້ອອັນສະຫງ່າງາມຂອງພັກ ເຂົ້າໃສ່ການປະຕິບັດມະຕິ X ຂອງພັກໃຫ້ປະກົດຜົນເປັນຈິງ, ເພີ່ມທະວີຄວາມສາມັກຄີເປັນປຶກແຜ່ນ, ຍົກສູງສະຕິເປັນເຈົ້າປະເທດຊາດ, ຕ້ານທຸກກົນອຸບາຍທີ່ຫວັງມ້າງເພ ຂອງອິດທິກຳລັງປໍລະປັກ, ຕັ້ງໜ້າເຂົ້າຮ່ວມພາລະກິດ ແລະ ສ້າງສາພັດທະນາປະເທດຊາດໃຫ້ກ້າວສູ່ຈຸດໝາຍທີ່ກຳນົດໄວ້ຢ່າງມີໄຊ;

      ນອກນີ້ຍັງໄດ້ເຜີຍແຜ່ເຊື່ອມຊຶມເນື້ອໃນການສ້າງປະຊາຄົມຮ່ວມຊາຕາກຳລາວ-ຈີນຕື່ມອີກ, ທັງນີ້ກໍເພື່ອທົບທວນຄືນສາຍພົວພັນມິດຕະພາບອັນສະໜິດແໜ້ນ ແລະ ເປັນຄູ່ຮ່ວມມືດ້ານຍຸດທະສາດຮອບດ້ານ-ຍາວນານລະຫວ່າງສອງພັກ-ສອງລັດກໍຄືສອງຊາດລາວ-ຈີນ.