ວັນຈັນ, 11 ພະຈິກ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ລະມາມ ມອບ-ຮັບເງິນນະໂຍບາຍຕໍ່ຜູ້ມີຜົນງານ ແລະ ຄຸນງາມຄວາມດີໃນພາລະກິດຮັບໃຊ້ການປະຕິວັດຊາດ ປະຊາທິປະໄຕ

ຂ່າວ: ທິດາສຸກ pc 528

    ໃນຕອນບ່າຍຂອງວັນທີ 12 ກຸມພາ 2019 ຫ້ອງການແຮງງານ ແລະ ສະຫວັດດີການສັງຄົມເມືອງລະມາມໄດ້ຈັດພິທີມອບ-ຮັບເງິນນະໂຍບາຍຕໍ່ຜູ້ມີຜົນງານ ແລະ ຄຸນງາມຄວາມດີໃນພາລະກິດຮັບໃຊ້ການປະຕິວັດຊາດປະຊາທິປະໄຕ ພິທິດັ່ງກ່າວໄດ້ຈັດຂຶ້ນທີ່ສະໂມສອນຫ້ອງວ່າການປົກຄອງເມືອງດັ່ງກ່າວ,ໂດຍການໃຫ້ກຽດເຂົ້າຮ່ວມຂອງ ທ່ານ ນາງ ຄໍາເສັງ ທຸມມະວົງສາ ຮອງເຈົ້າເມືອງໆລະມາມ, ທ່ານ ອົບມາ ລາຕະກຸນ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງເຊກອງ , ມີບັນດາຫົວໜ້າ, ຮອງ ຫ້ອງການ,ພະນັກງານວິຊາການອ້ອມຂ້າງເມືອງ ພ້ອມດ້ວຍຍາດຕີພີ່ນ້ອງຜູ້ເສຍສະຫຼະຊີວິດເພື່ອການປະຕິວັດຊາດປະຊາທິປະໄຕເຂົ້າຮ່ວມຢ່າງພ້ອມພຽງ.

      ທ່ານ ບຸນເດັກ ແກ້ວອໍາໄຂ ກຳມະການພັກ ຫົວໜ້າຫ້ອງການແຮງງານ ແລະ ສະຫວັດດີການສັງຄົມ ເມືອງລະມາມກ່າວໃນພິທີວ່າ: ການຈັດພິທິມອບ-ຮັບເງິນນະໂຍບາຍຕໍ່ຜູ້ມີຜົນງານ ແລະ ຄຸນງາມຄວາມດີໃນພາລະກິດຮັບໃຊ້ຊາດ ປະຊາທິປະໄຕຄັ້ງນີ້ໂດຍປະຕິບັດຕາມຂໍ້ຕົກລົງຂອງກະຊວງແຮງງານ ແລະ ສະຫວັດດີການສັງຄົມ ສະບັບເລກທີ 4232/ຮສສ ລົງວັນທີ 14 ພະຈິກ 2018 ວ່າດ້ວຍການປະຕິບັດນະໂຍບາຍເງິນອຸດໜູນ ເສຍສະຫຼະຊິວິດ ປະຈໍາປີ 2018 ທີ່ ແຂວງ ເຊກອງ ຈໍານວນທັງໝົດ 20 ທ່ານ ເປັນເງິນທັງໝົດ 497.314.200 ກີບ ( ສີ່ຮ້ອຍເກົ້າສິບເຈັດລ້ານ ສາມແສນສີບສີ່ພັນ ສອງຮ້ອຍກີບ).ໃນນີ້ພາກສ່ວນເມືອງຈ່າຍມີ 15 ທ່ານເປັນເງິນ 374,905,200 ກີບ. ໃຫ້ກ່ຽດກ່າວມອບເງິນ ໂດຍ ທ່ານ ນາງ ຄໍາເສັງ ທຸມມະວົງສາ ຮອງເຈົ້າເມືອງໆລະມາມຜູ້ຊີ້ນໍາວຽກງານວັດທະນາທໍາ-ສັງຄົມຂັ້ນເມືອງໂອກາດນີ້ ທ່ານ ນາງຄໍາເສັງ ທຸມມະວົງສາ ຮອງເຈົ້າເມືອງໆລະມາມກໍ່ໃຫ້ກຽດໂອ້ລົມເຊິ່ງທ່ານໄດ້ຮຽກຮ້ອງໃຫ້ບັນດາຍາດຕິພີ່ນ້ອງຜູ້ທີ່ມາຮັບເງິນຄັ້ງນີ້ ຈົ່ງພ້ອມກັນນຳເອົາຈຳນວນເງິນດັ່ງກ່າວໄປນຳໃຊ້ໃຫ້ ເກີດດອກອອກຜົນສູງສຸດ.