ວັນອັງຄານ, 11 ທັນວາ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ມອບ-ຮັບ ເຄື່ອງຊ່ວຍເຫຼືອປະຊາຊົນຜູ້ປະສົບໄພນ້ຳຖ້ວມ

ມອບ-ຮັບ ເຄື່ອງຊ່ວຍເຫຼືອປະຊາຊົນຜູ້ປະສົບໄພນ້ຳຖ້ວມ
#ຂ່າວ-ພາບ: ນາລີວັນ pc. 28
ທ່ານ ດຣ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ ພ້ອມຄະນະ ໄດ້ນຳເອົາເຄື່ອງຊ່ວຍເຫຼືອ ແລະເງິນສົດ ລວມມູນຄ່າຫຼາຍກວ່າ 15 ລ້ານກີບ ໄປມອບໃຫ້ການນຳແຂວງເຊກອງ ເພື່ອນຳໄປຊ່ວຍເຫຼືອປະຊາຊົນຢູ່ເມືອງກະລຶມ ແຂວງເຊກອງ.
ພິທີມອບ-ຮັບໄດ້ມີຂຶ້ນໃນຕອນແລງ ວັນທີ 16 ສິງຫາ 2018 ນີ້, ທີ່ສະໂມສອນແຂວງເຊກອງ ໃຫ້ກຽດມອບໂດຍທ່ານ ດຣ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ແລະ ກ່າວຮັບໂດຍທ່ານ ຖາວອນ ພົມມະໄລລຸນ ຮອງເຈົ້າແຂວງໆເຊກອງ, ມີທ່ານ ຮອງຫົວໜ້າຫ້ອງວ່າການປົກຄອງແຂວງ, ຮອງປະທານສະຫະພັນແມ່ຍິງແຂວງ ແລະພາກສ່ວນທີ່ກ່ຽວຂ້ອງເຂົ້າຮ່ວມ. ເຄື່ອງທີ່ນຳ ມາມອບໃນຄັ້ງນີ້ແມ່ນເປັນເຄື່ອງອຸປະໂພກ-ບໍລິໂພກລວມມູນຄ່າ 10 ລ້ານກີບ ແລະເງິນສົດຈຳນວນ 5 ລ້ານກີບ. ທັງນີ້, ເພື່ອເປັນການປະກອບສ່ວນບັນເທົາທຸກແກ່ປະຊາຊົນຜູ້ໄດ້ຮັບເຄາະຮ້າຍຈາກໄພນ້ຳຖ້ວມ ຢູ່ ເມືອງກະລຶມໃນທ້າຍເດືອນກໍລະກົດຜ່ານມາ, ເຖິງແມ່ນວ່າການຊ່ວຍເຫຼືອໃນຄັ້ງນີ້ ອາດຈະເປັນຈຳນວນບໍ່ຫຼາຍ, ແຕ່ກໍເປັນນ້ຳໃຈທີ່ແທ້ຈິງຂອງປະຊາຊົນລາວໃນຂອບເຂດທົ່ວປະເທດ ກໍຄື ຄວາມເປັນຫ່ວງເປັນໄຍ ຂອງການນຳພັກ-ລັດ ກໍຄືທາງຄະນະບໍລິຫານງານສະຫະພັນແມ່ຍິງລາວທີ່ມີຕໍ່ປະຊາຊົນຊາວເມືອງກະລຶມ.