ວັນຈັນ, 21 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ພະແນກ ວຕ ເຊກອງ ລົງກວດສອບຫົວຈ່າຍນ້ຳມັນເຊື້ອໄຟ ແລະ ອອກໃບອະນຸຍາດຢັ້ງຢືນ

 

    ໃນຕອນເຊົ້າວັນທີ 17 ມັງກອນ 2017 ນີ້ ຄະນະກໍາມະການ ແລະ ກອງເລຂາຄຸ້ມຄອງ ວຽກຊັບສິນທາງປັນຍາ, ມາດຕະຖານ ແລະ ວັດແທກ ເຊິ່ງນຳໂດຍ ທ່ານ ສຸລະພົນ ມື່ນວິເສດ ຮອງປະທານຄະນະກຳມະການ ຄຸ້ມຄອງວຽກຊັບສິນທາງປັນຍາ, ມາດຕະຖານ ແລະ ວັດແທກ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ( ວຕ ) ແຂວງເຊກອງ ພ້ອມດ້ວຍກອງເລຂາ ໄດ້ລົງເຄື່ອນໄຫວກວດສອບ ຫົວຈ່າຍນ້ຳມັນເຊື້ອໄຟ ແລະ ອອກໃບອະນຸຍາດຢັ້ງຢືນ ປະຈຳສົກປີ 2017 ໃຫ້ຜູ້ປະກອບການ ປ້ຳນ້ຳມັນເຊື້ອໄຟ ພາຍໃນເມືອງລະມາມແຂວງເຊກອງ.
    ເຊິ່ງໃນການລົງກວດສອບເທື່ອນີ້ ໄດ້ເລີ່ມກວດສອບປ້ຳນໍ້າມັນ ພາຍໃນເມືອງລະມາມ ແຂວງເຊກອງ ໄດ້ທັງໝົດ 8 ປໍ້າ, ເຊິ່ງໄດ້ກວດສອບ, ສອບທຽບທາງດ້ານບໍລິມາດ, ຕູ້ຈ່າຍນໍ້າມັນ ແລະ ຫົວຈ່າຍນ້ຳມັນ ຜ່ານການກວດກາໃນຄັ້ງ ນີ້ເຫັນວ່າຢູ່ໃນສະພາບປົກກະຕິ, ດ້ານບໍລິມາດ ຫົວຈ່າຍນ້ຳມັນກໍ່ຢູ່ໃນເກນມາດຕະຖານ ທີ່ທາງກະຊວງ ວຕ ກຳນົດໄວ້, ໃນນັ້ນກໍ່ຍັງມີບາງປໍ້າ, ບາງຫົວຈ່າຍທີ່ຫຼຸດເກນມາດຕະຖານ, ຕ້ອງໄດ້ປັບໃຫ້ຢູ່ໃນເກນມາດຕະຖານ ບໍ່ໃຫ້ເກີນ±5 ຫຼັງຈາກສໍາເລັດ ການກວດກາດ້ານເຕັກນິກແລ້ວ ກໍ່ໄດ້ຕິດສະຕິກເກີ ຢັ້ງຢືນດ້ານມາດຕະຖານ, ຜ່ານການກວດສອບ ເພື່ອເປັນການຢັ້ງຢືນຄວາມຖືກຕ້ອງ ດ້ານບໍລິມາດ,ມາດຖານເຕັກນິກ, ເຊິ່ງໃບຢັ້ງຢືນ ສາມາດນຳໃຊ້ໄດ້ 1 ປີ ນັບຈາກມື້ຢັ້ງຢືນການກວດສອບ ເປັນຕົ້ນໄປ, ທັງນິ້ ກໍ່ເພື່ອເປັນການຄຸ້ມຄອງໃຫ້ຖືກຕ້ອງ ຕາມລະບຽບຫລັກການ, ໂດຍຄະນະກຳມະການດັ່ງກ່າວ ຈະໄດ້ລົງກວດສອບໃນທຸກໆ 3 ເດືອນ , ເຊິ່ງການກວດສອບຢູ່ເມືອງລະມາມ ແມ່ນສໍາເລັດ 100% ແລະ ຍັງຈະໄດ້ສືບຕໍ່ ລົງກວດສອບຢູ່ບັນດາເມືອງ ທີ່ມີປ້ຳນ້ຳມັນຕື່ມອີກ, ທັງນີ້ກໍ່ເພື່ອຄຸ້ມຄອງ ຜູ້ປະກອບການປໍ້ານໍ້າມັນເຊື້ອໄຟ ບໍລິການທີ່ມີຄຸນນະພາບ, ແນໃສ່ ເຮັດຜູ້ໃຊ້ບໍລິການ ມີຄວາມເພິ່ງພໍໃຈ, ໝັ້ນໃຈ ແລະ ໄດ້ຮັບການຄຸ້ມຄອງຢ່າງຍຸຕິທໍາ.
    ທ່ານ ສຸລະພົນ ມື່ນວິເສດ ໄດ້ຮຽກຮ້ອງມາຍັງບັນດາຜູ້ປະກອບການ ກໍຄືຜູ້ຊົມໃຊ້ບໍລິການ ຈົ່ງພ້ອມກັນເອົາໃຈໃສ່ ປະຕິບັດຕາມລະບຽບການ ທີ່ທາງກະຊວງ ວຕ ວາງອອກໃຫ້ໄດ້ຢ່າງເຂັ້ມງວດ.
                                                                ຂ່າວ-ພາບ: ພຸດທະສອນ