ວັນຈັນ, 19 ພະຈິກ 2018

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ຖວທ ເຊກອງ ເຜີຍແຜ່ວຽກງານວິຈິດສິນ-ມໍລະດົກ

     ໃນຕອນເຊົ້າ ວັນທີ 20 ຕຸລາ ນີ້ ຢູ່ທີ່ຫ້ອງປະຊຸມ ພະແນກ ຖວທ ແຂວງເຊກອງ ໄດ້ຈັດພິທີ ເຜີຍແຜ່ ວຽກງານວິຈິດສິນ-ມໍລະດົກ ໂດຍການເປັນປະທານຂອງທ່ານ ຈັນໄທ ຄຳມະນີວົງ ຮອງຫົວໜ້າພະແນກ ຖວທ ແຂວງ, ມີຫົວໜ້າ, ຮອງຂະແໜງວິຈິດສິນ-ມໍລະດົກ, ມີ ອພສ ເມືອງລະມາມ, ເຈົ້າອະທິການວັດ ອ້ອມຂ້າງ ເທດສະບານແຂວງ ພ້ອມດ້ວຍ ບັນດາຫົວໜ່ວ ຍທຸລະກິດ ເຟີນີເຈີ ແລະ ຜູ້ປະກອບການ ຮ້ານຂາຍເຄື່ອງຜະລິດຕະພັນສິນ ແລະ ພະນັກງານວິຊາການ ຂະແໜງການ ທີ່ກ່ຽວຂ້ອງເຂົ້າຮ່ວມ.
    ທ່ານ ພິດສາຄອນ ໄຫລມຸນຕີ ຫົວໜ້າຂະແໜງວິຈິດສິນ-ມໍລະດົກ ໄດ້ຜ່ານແຈ້ງການ ເລກທີ 458/ຖວທ,ຊກ,ລົງວັນທີ 13 ກັນຍາ 2016 ກ່ຽວກັບການຄຸ້ມຄອງ, ການນຳໃຊ້, ການປົກປັກຮັກສາ, ການອະນຸມັດ, ການບູລະນະສ້ອມແປງ ການປະຕິສັງຂອນ ແລະ ການກໍ່ສ້າງໃໝ່, ມໍລະດົກແຫ່ງຊາດທາງດ້ານວັດທະນະທຳ ແລະ ແຈ້ງການ ເລກທີ 508/ຖວທ,ຊກ ລົງວັນທີ 10 ຕຸລາ 2016 ກ່ຽວກັບການຄຸ້ມຄອງ, ຕິດຕາມ, ກວດກາ ແລະ ອະນຸຍາດການເຄື່ອນໄຫວວຽກງານວິຈິດສິນ ທັງນີ້ກໍ່ເພື່ອເຮັດໃຫ້ມໍລະດົກແຫ່ງຊາດທາງດ້ານວັດທະນະທຳ ໄດ້ມີການຄຸ້ມຄອງ ຢ່າງຖືກຕ້ອງ, ສອດຄ່ອງຕາມກົດໝາຍ ແລະ ເຮັດໃຫ້ການຄຸ້ມຄອງ, ຕິດຕາມ, ກວດກາ ການຈັດຕັ້ງ ແລະ ການເຄື່ອນໄຫວ ວຽການວິຈິດສິນ-ມໍບະດົກ ໄດ້ຮັບການປະກັນສິດ ແລະ ພັນທະຂອງບຸກຄົນ, ນິຕິບຸກຄົນ ແລະ ການຈັດຕັ້ງ ໃນການດຳເນີນວຽກງານ ວິຈິດສິນ ໃຫ້ມີລັກສະນະຊາດ, ແນໃສ່ສົ່ງເສີມ ວຽກງານອະນຸລັກ, ການພັດທະນາ, ການຄົ້ນຄວ້າ, ການປະດິດສ້າງ, ການເຜີຍແຜ່ ຄຸນຄ່າວຽກງານ ວິຈິດສິນ, ປົກປ້ອງສິດ, ຜົນປະໂຫຍດອັນຊອບທຳ ຂອງຜູ້ປະກອບການ, ຜູ້ຊົມໃຊ້, ຊຸກຍູ້ໃຫ້ບຸກຄົນ, ນິຕິບຸກຄົນ, ການຈັດຕັ້ງ ທັງພາກລັດ ແລະ ເອກະຊົນພັດທະນາຜົນງານຜະລິດຕະພັນ ດ້ານວິຈິດສິນ ໃຫ້ມີຄວາມອຸດົມຮັ່ງມີ, ມີຫຼາຍຮູບຫຼາຍສີ ກາຍເປັນສິນຄ້າ ແລະ ສາມາດເຊື່ອມໂຍງ ກັບພາກພື້ນ ແລະ ສາກົນ.
    ນອກຈາກນີ້ ຜູ້ເຂົ້າຮ່ວມຍັງໄດ້ ປະກອບຄຳຄິດ ຄຳເຫັນຢ່າງກົງໄປກົງມາ ເຊິ່ງເປັນການແລກປ່ຽນ ຖອດຖອນບົດຮຽນ ເຊິ່ງກັນ ແລະ ກັນ ເພື່ອພ້ອມກັນແກ້ໄຂ ໃນຈຸດທີ່ບໍ່ທັນສອດຄ່ອງ ຕາມລະບຽບການ ທັງນີ້ກໍ່ເພື່ອເຮັດໃຫ້ ວຽກງານ ວິຈິດສິນ-ມໍລະດົກ ໄດ້ຮັບການຈັດຕັ້ງ ປະຕິບັດຕາມພາລະບົດບາດ ສິດໜ້າທີ່ຂອງຕົນ ຢ່າງເຂັ້ມງວດ.
ຂ່າວ-ພາບ : ພຸດທະສອນ