ວັນພຸດ, 23 ຕຸລາ 2019

ເອກະລັກເຜົ່າ ເສົາຫລັກເມືອງ ດິນແດນເຮືອງກາເຟ ໝາກແໜ່ງ ແຫຼ່ງພະລັງນໍ້າຕົກ ດິນດໍາດົກແຮ່ທາດ ມີຄ້ອງປະຮາດຕີວົງ ສົ່ງສຽງແຄນ ແດນວິລະຊົນ

ແຂວງເຊກອງ: ຫວນຄືນວັນຊາດທີ 2 ທັນວາ

    ທ້າຍອາທິດແລ້ວນີ້ ອົງການຊາວໜຸ່ມ ປະຊາຊົນປະຕິວັດລາວ ແຂວງເຊກອງ ຈັດພິທີປະຖະກະຖາ ຫວນຄືນມູນເຊື້ອວັນທີ 2 ທັນວາ ຄົບຮອບ 41 ປີ ແລະ ວັນຄ້າຍວັນເກີດ ປະທານໄກສອນ ພົມວີຫານຄົບຮອບ 96 ປີ ຢູ່ທີ່ສະໂມສອນໃຫ່ຍຂອງແຂວງ, ໂດຍການເຂົ້າຮ່ວມຂອງທ່ານ ພອນເພັດ ຄິວລາວົງ ຮອງເລຂາພັກແຂວງ, ສະມາຊິກສະພາແຫ່ງຊາດ, ປະທານສະພາປະຊາຊົນເຂດທີ 16 ແຂວງເຊກອງ ມີຄະນະບໍລິຫານງານຊາວໜຸ່ມແຂວງ ພ້ອມອ້າຍນອ້ງສະມາຊິກ ຊາວໜຸ່ມ-ໄວໜຸ່ມ ເຂົ້າຮ່ວມ 400 ກວ່າຄົນ.
    ທ່ານ ພອນເພັດ ຄິວລາວົງ ຮອງເລຂາພັກແຂວງ, ສະມາຊິກສະພາແຫ່ງຊາດ, ປະທານສະພາປະຊາຊົນເຂດທີ 16 ແຂວງເຊກອງ ໃຫ້ກຽດເລົ່າຄືນມູນເຊື້ອ 2 ວັນປະວັດສາດ ຄັ້ງນີ້ວ່າ: ຕະຫຼອດໄລຍະ 41 ປີແຫ່ງການນຳພາ ພາລະກິດປະຕິວັດຂອງພັກ, ປະເທດຊາດທີ່ແສນຮັກຂອງພວກເຮົາໄດ້ຮັບເອກກະລາດ, ອະທິປະໄຕຢ່າງສົມບູນ ແລະ ປະກາດເປັນປະເທດ ສາທາລະນະລັດປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975, ປະຊາຊົນໄດ້ຫຼຸດພົ້ນອອກຈາກສະພາບການເປັນ ຂ້ອຍຂ້າມ້າໃຊ້ ຂອງພວກຈັກກະພັດ ຕ່າງດ້າວ, ເປັນການໄຂສັ່ງກາດໃໝ່ ໃຫ້ປວງຊົນລາວທັງຊາດ ກໍ່ຄືຊາວໜຸ່ມ-ເຍົາວະຊົນ ກ້າວເດີນໄປ ຕາມເສັ້ນທາງອັນສະຫງ່າລາສີ ທີ່ມວນມະນຸດ ໄດ້ມຸ້ງມາດປາດຖະໜາ, ຜົນສຳເລັດດັ່ງກ່າວ ໄດ້ເປັນການຢັ້ງຢືນຢ່າງໜັ້ກແໜ້ນ ເຖີ່ງມູນເຊື້ອອັນດີງາມ, ຄວາມປີຊາສາມາດ ສະຫຼາດສອ່ງໃສ ຂອງພັກເຮົາ ທີ່ຍາມໃດກໍ່ຊື່ສັດ ແລະ ຢຶດໝັ້ນ ໃນອຸດົມການ ກໍ່ຄືທາດແທ້ ຂອງລັດທິມາກ-ເລນິນ ຢ່າງໜັກແໜ້ນ.
    ພັກເຮົາ ຍາມໃດ ກໍ່ມີຄວາມເປັນຫ່ວງເປັນໃຍ ແລະ ເອົາໃຈໃສ່ຢ່າງຈົດຈໍ່ ຕໍ່ການບຳລຸງສ້າງ ແລະ ສຶກສາອົບຮົມ ຄົນຮຸ້ນໃໝ່ ໃຫ້ມີຄຸນທາດການເມືອງ ໜັກແໜ້ນ, ຮູ້ປົກປັກຮັກສາ ແລະ ເສີ່ມຂະຫຍາຍມູນເຊື້ອ ວັດທະນະທຳອັນດີງາມ ຂອງຊາດ, ຂອງເຜົ່າ, ມີນຳໃຈສາມັກຄີ, ປະຕິບັດສິດ ແລະ ພັນທະຂອງຕົນ, ສາມາດເສີມຂະຫຍາຍບົດບາດປະຈັນບານ ເຂົ້າໃນທຸກໜ້າທີ່ຂອງພັກ-ລັດ ແລະ ປະຊາຊົນມອບໝາຍໃຫ້.
                                                                                         ຂ່າວພາບ: ນາລີວັນ